ಉರ್ಫಿಯ ಫ್ಯಾಷನ್‌
ನಟಿ ಉರ್ಫಿ ಜಾವೇದ್‌ ಳ ಫ್ಯಾಷನ್‌ ಬಗ್ಗೆ ಎಷ್ಟು ಹೊಗಳಿದರೂ ಸಾಲದು. ಇತ್ತೀಚೆಗೆ ಒಂದು ಶೋಗಾಗಿ ಇವಳು ಸೇಫ್ಟಿ ಪಿನ್ನುಗಳಿಂದ ತಯಾರಾದ ಉಡುಗೆ ಧರಿಸಿ ವೇದಿಕೆಗೆ ಬಂದಾಗ, ವೀಕ್ಷಕರು ಕಣ್ಣು ಬಾಯಿ ಬಿಟ್ಟುಕೊಂಡು ನೋಡಿದ್ದೇ ಬಂತು! ಈ ಡ್ರೆಸ್‌ ನಲ್ಲಿ ಈಕೆ ಸಾಕಷ್ಟು ಕಾನ್ಛಿಡೆಂಟ್‌ ಆಗಿಯೂ ಇದ್ದಳು. ಅಸಲಿಗೆ, ಅವಳು ಒಂದು ವಿಡಿಯೋ ಪೋಸ್ಟ್ ಮಾಡಿದ್ದಳು, ಇದರಲ್ಲಿ ಅವಳು ಬಿಕಿನಿ ಮೇಲೆ ಕೇವಲ ಸೇಫ್ಟಿ ಪಿನ್ನುಗಳ ಡ್ರೆಸ್‌ ಧರಿಸಿ ಫ್ಯಾಷನ್‌, ಸ್ಟೈಲ್ ವಿಷಯದಲ್ಲಿ ತಾನೆಷ್ಟು ಹೈ ಲೆವೆಲ್ ಎಂದು ತೋರಿಸಿಕೊಂಡಳು. ಆಹಾ ಉರ್ಫಿ, ನಿನಗೆ ನೀನೇ ಸಾಟಿ!
ರೂಪಾಲಿಯ ಬದಲಾದ ದಿನಗಳು
`ಅನುಪಮಾ’ ಧಾರಾವಾಹಿ ಮೂಲಕ ನಟಿ ರೂಪಾಲಿ ಗಂಗೂಲಿ ಇಷ್ಟು ಪ್ರಬುದ್ಧಳಾಗಿ ಹಣ, ಕೀರ್ತಿ ಗಳಿಸುತ್ತಾಳೆಂದು ಯಾರಿಗೆ ಗೊತ್ತಿತ್ತು? `ಅನುಪಮಾ’ ಧಾರಾವಾಹಿ ಕಳೆದ ಎಷ್ಟೋ ದಿನಗಳಿಂದ TRP ಲಿಸ್ಟ್ ನಲ್ಲಿ ಸದಾ ನಂ.1 ಎನಿಸಿದೆ! ಇದರಲ್ಲಿ ಆದರ್ಶ ಸೊಸೆಯಾಗಿ ಮಿಂಚುತ್ತಿರುವ ರೂಪಾಲಿ ಎಲ್ಲರಿಗೂ ದಂಗು ಬಡಿಸಿದ್ದಾಳೆ. ಈ ಧಾರಾವಾಹಿಯ ಪ್ರತಿ ಕಂತಿಗಾಗಿ ಜನ ಕಾತುರದಿಂದ ಕಾಯುತ್ತಾರೆ. ಇವಳ ಸೆನ್ಸ್ ಆಫ್‌ ಹ್ಯೂಮರ್‌, ಎಲ್ಲರೊಂದಿಗೆ ಬೇಗ ಫ್ರೆಂಡ್‌ ಆಗಿ ಬೆರೆಯುವ ಗುಣ, ಇವಳಿಗೆ ಮುಂಬರುವ ದಿನಗಳಲ್ಲಿ ಮತ್ತಷ್ಟು ಉತ್ತಮ ಪ್ರಾಜೆಕ್ಟ್ಸ್ ಗಳಿಸಿ ಕೊಡುವುದರಲ್ಲಿ ಎರಡು ಮಾತಿಲ್ಲ. ಮೇಡಂ ಅನುಪಮಾ, ದಿನೇ ದಿನೇ ನಿನ್ನ ಏಳಿಗೆ ಹೀಗೆ ಮುಂದುವರಿಯಲಿ, ನಿನ್ನ ನಟನೆ ಮತ್ತಷ್ಟು ಎತ್ತರಕ್ಕೇರಲಿ!
ಮದುವೆಯ ಬಂಧನದಲ್ಲಿ ಒಂದಾದ ಆಲಿಯಾ
ರಣಬೀರ್‌ ಅಂತೂ ಕಳೆದ ತಿಂಗಳ 14ರಂದು ಬಹುದಿನಗಳ ಗುಸುಗುಸು ಸುದ್ದಿ ಆಗಿದ್ದ ಬಾಲಿವುಡ್ ನ ಖ್ಯಾತ ತಾರೆಯರಾದ ಆಲಿಯಾ ಭಟ್‌ ರಣಬೀರ್‌ ಕಪೂರ್‌ ರ ಮದುವೆ ನಡೆಯಿತು. ಇಡೀ ಬಾಲಿವುಡ್ ಈ ದಿನಕ್ಕಾಗಿ ತುದಿಗಾಲಲ್ಲಿ ಕಾದಿತ್ತು. ಆದರೆ ಇವರ ಮದುವೆಗೆ ಔಪಚಾರಿಕ ಆಮಂತ್ರಣ ಇದ್ದದ್ದು ಮಾತ್ರ ಕೇವಲ 28 ಮಂದಿಗೆ ಅಂದ್ರೆ ನೀವು ನಂಬಲೇಬೇಕು! ಅದೂ ಕೇವಲ ನೆಂಟರಿಷ್ಟರು ಮಾತ್ರ…. ಆಲಿಯಾಳ ಅಣ್ಣ ರಾಹುಲ್ ಭಟ್‌ ಇದನ್ನು ಮೀಡಿಯಾಗೆ ಖಚಿತಪಡಿಸಿದ. ಹಾಗಾದರೆ ಇವರಿಬ್ಬರ ಫ್ರೆಂಡ್ಸ್ ಕೇವಲ ಮೊಬೈಲ್ ನಲ್ಲಿ ವರ್ಚುಯೆಲ್ ಆಗಿ ಇವರ ಮದುವೆ ನೋಡುವಂತಾಯಿತೇ….? ಹೀಗಾಗಬಾರದಿತ್ತು!
ಏಕಮಾತ್ರ ಭಾರತೀಯ ನಿರ್ದೇಶಕ
ಭಾರತೀಯ ನಿರ್ದೇಶಕ RRR ರಾಜಮೌಳಿಯರ ಮ್ಯಾಗ್ನ ಓಪನ್‌ `’ ಪವರ್‌ ಬ್ಲಾಕ್‌ ಬಸ್ಟರ್‌`ರೌದ್ರಂ….. ರುಧಿರಂ…. ರಣರಂಗಂ’ ಚಿತ್ರ ಮೂಲ ತೆಲುಗು ಮಾತ್ರವಲ್ಲದೆ ದಕ್ಷಿಣದ ಭಾಷೆಗಳು ಹಾಗೂ ಹಿಂದಿಯಲ್ಲಿ ಅದ್ಧೂರಿಯಾಗಿ ಬಿಡುಗಡೆಗೊಂಡು, ಮೊದಲ ವಾರದಲ್ಲೇ ರೂ.1000 ಕೋಟಿಗೂ ಹೆಚ್ಚು ಗಳಿಸಿ ಅತ್ಯಮೋಘ ಹಣ ಬಾಚಿದ 3ನೇ ಭಾರತೀಯ ಚಿತ್ರ ಎನಿಸಿದೆ. ಇದರಲ್ಲಿ ಅತಿ ಸ್ವಾರಸ್ಯಕರ ವಿಚಾರವೆಂದರೆ, ರಾಜಮೌಳಿಯರ ಬಳಿ ವಿಶ್ವದೆಲ್ಲೆಡೆಯ ಭಾರತೀಯ ಚಿತ್ರಗಳ ಟಾಪ್‌ ಟೆನ್‌ ಲಿಸ್ಟ್ ನಲ್ಲಿ 3 ಶೀರ್ಷಿಕೆಗಳಿವೆ, ಇದರ ಆಧಾರದಿಂದಲೇ ಇವರು ದೇಶದಲ್ಲಿ ಬಾಕ್ಸ್ ಆಫೀಸ್‌ ನ್ನು ಲೂಟಿ ಹೊಡೆದು ಇತಿಹಾಸ ರಚಿಸುವ ಏಕಮಾತ್ರ ಭಾರತೀಯ ನಿರ್ದೇಶಕ ಎನಿಸಿದ್ದಾರೆ.
ಭಾರತಿ ಆದಳು ಮಮ್ಮಿ
ಹಿಂದಿ ಕಿರುತೆರೆಯ ಮಹಾನ್‌ ಕಮೆಡಿಯನ್‌, ಮಕ್ಕಳ ತರಹ ಮುದ್ದು ಮಾತುಗಳಿಂದ ಎಲ್ಲರನ್ನೂ ಮರುಳು ಮಾಡುತ್ತಿದ್ದ ಭಾರತಿ ಸಿಂಗಲ್, ಈಗ ರೀಲ್ ನಲ್ಲಿ ಅಲ್ಲ, ರಿಯಲ್ ಆಗಿ ತಾಯಿಯಾಗಿದ್ದಾಳೆ. ಇವಳಿಗೆ ಒಂದು ಹೆಣ್ಣು ಮಗು ಆಗಿದೆ. ಇದರಿಂದ ಭಾರತಿ ಹರ್ಷ್‌ ಬಹಳ ಖುಷಿಗೊಂಡಿದ್ದಾರೆ. ಮದುವೆಯಾಗಿ 5 ವರ್ಷಗಳ ನಂತರ ಸಿಕ್ಕಿರುವ ಸಂತಾನಭಾಗ್ಯ, ಖುಷಿ ಹೆಚ್ಚಿಸಿದೆ. ಪ್ರೆಗ್ನೆನ್ಸಿಯಲ್ಲೂ ಭಾರತಿ ತನ್ನ ನಿಯಮಿತ ಕೆಲಸ, ಶೂಟಿಂಗ್ ತಪ್ಪಿಸಲಿಲ್ಲ. ಇದೀಗ ಮಗಳ ಬೆಳವಣಿಗೆಗಾಗಿ ಈ ತಾಯಿ ತಂದೆ ತಮ್ಮ ಜೀವನ ಮುಡಿಪಾಗಿರಿಸಲಿದ್ದಾರೆ.
ಕೃತಿಕಾ ಸಿಂಗರ್‌ ಳ ಬೇಬಿ ಬಂಪ್
ಫೋಟೋ ಶೂಟ್‌ ಈ ವರ್ಷ ಹಲವು ಸೆಲೆಬ್ರಿಟೀಸ್‌ ಮನೆಯಲ್ಲಿ ಮುದ್ದು ಕಂದನ ಕೇಕೆ ಕೇಳಲಿದೆ. ಇವರಲ್ಲಿ ಒಬ್ಬಳು ಕೃತಿಕಾ ಸಿಂಗರ್‌. ನಟ ನಿಕಿತಿನ್‌ ಧೀರ್‌ ನ ಪತ್ನಿ ನಟಿ ಕೃತಿಕಾಳಿಗೆ ಇದು ಮೊದಲ ಮಗು, ಇದರ ಕುರಿತಾಗಿ ಇಬ್ಬರೂ ಬಹಳ ಎಗ್ಸೈಟೆಡ್ ಆಗಿದ್ದಾರೆ. ಇತ್ತೀಚೆಗಷ್ಟೆ ಕೃತಿಕಾ ಈ ಸವಿನೆನಪುಗಳನ್ನು ಸ್ಮರಣೀಯಾಗಿಸಲು ಬೇಬಿ ಬಂಪ್ ಫೋಟೋ ಶೂಟ್‌ ಮಾಡಿಸಿದಳು. ಇದರಲ್ಲಿ ಇವರಿಬ್ಬರೂ ಬ್ಲಾಕ್‌ ಡ್ರೆಸ್‌ ಧರಿಸಿದ್ದರು. ಇದರಲ್ಲಿ ನಿಕಿತಿನ್‌ ಪತ್ನಿಯನ್ನು ಕಿಸ್‌ ಮಾಡುವ ದೃಶ್ಯ ಇತ್ತು. ತಾಯಿ ತಂದೆ ಆಗುತ್ತಿರುವ ಈ ಶುಭ ಸಂದರ್ಭ, ಇವರಿಗೆ ತಮ್ಮ ಮದುವೆ ಮುಹೂರ್ತಕ್ಕಿಂತಲೂ ಅಮೂಲ್ಯ ಎನಿಸುತ್ತಿದೆ.
ಎಲ್ಲರಿಗಿಂತ ಅಧಿಕ ಸಂಭಾವನೆ ಪಡೆಯುವ ನಟಿ
ಇಲ್ಲಿ ನಾವು ಬಾಲಿವುಡ್, ಹಾಲಿವುಡ್‌ ನಟಿಯರ ಬಗ್ಗೆ ಹೇಳುತ್ತಿಲ್ಲ, ಬದಲಿಗೆ ಭೋಜ್‌ ಪುರಿ ನಟಿ ಬಗ್ಗೆ ಹೇಳುತ್ತಿದ್ದೇವೆ. ಇವಳು ತನ್ನ ನಟನೆ, ಗ್ಲಾಮರ್‌, ಡ್ಯಾನ್ಸ್ ಗಳಿಂದ ಘಟಾನುಘಟಿ ನಟಿಯರಿಗೆ ಮಣ್ಣು ಮುಕ್ಕಿಸಿದ್ದಾಳೆ. ಇಷ್ಟು ಮಾತ್ರವಲ್ಲ, ಇವಳ ಬೆಡಗು ಬಿನ್ನಾಣಗಳಿಗೆ ಮಾರುಹೋಗಿ ಅಭಿಮಾನಿಗಳ ಫ್ಯಾನ್ ಫಾಲೋಯಿಂಗ್‌ ದಿನೇದಿನೇ ಹೆಚ್ಚುತ್ತಿದೆ. ಮೀಡಿಯಾದಲ್ಲಿ ಇವಳ ಪಾಪ್ಯುಲಾರಿಟಿಯೂ ಹೆಚ್ಚುತ್ತಿದೆ. ಟಿವಿ ಶೋನಿಂದ ನಟನೆಗೆ ಜಿಗಿದ ಈ ಬೆಡಗಿ, ಒಂದು ಚಿತ್ರಕ್ಕೆ ಇದೀಗ ಕನಿಷ್ಠ 30-40 ಲಕ್ಷ ಸಂಭಾವನೆ ಪಡೆಯುತ್ತಾಳೆ! ಭೋಜ್‌ ಪುರಿ ಸಿನಿಮಾ ರಂಗಕ್ಕೆ ಇದಂತೂ ಅತಿ ದುಬಾರಿ. ರೀ ಸ್ವಾಮಿ, ಅವಕಾಶ ಇದ್ದಾಗ ಬಾಚಿಕೊಳ್ಳಬೇಕು, ನಾಳೆ ಬೇಡಿಕೆ ಕುಸಿದಾಗ ಯಾರು ಮೂಸುತ್ತಾರೆ? ಹೀರೋ ದಿನೇಶ್‌ ಯಾದವ್ ಜೊತೆ ಒಂದಾದ ಮೇಲೊಂದರಂತೆ ಸತತ ಹಿಟ್ಸ್ ನೀಡುತ್ತಿದ್ದಾಳೆ.
ಗರ್ಲ್ಸ್ ಗ್ಯಾಂಗ್ ಜೊತೆ ಪ್ರಿಯಾಂಕಾಳ ದಾಂಧಲೆ
ಪ್ರಿಯಾಂಕಾ ಚೋಪ್ರಾ ಇದೀಗ ತನ್ನ ಪತಿ ನಿಕಲ್ ಹಾಗೂ ಗರ್ಲ್ಸ್ ಗ್ಯಾಂಗ್ ಜೊತೆ ದಾಂಧಲೆ ಎಬ್ಬಿಸಿದ್ದಾಳೆ. ಇವಳು ಈ ಗ್ಯಾಂಗ್ ಜೊತೆ ಬೆರೆತು ಲಂಚ್‌, ಪಾರ್ಟಿ, ಮಸ್ತಿ ಮಾಡುತ್ತಾ ಆ ಫೋಟೋಗಳನ್ನು ಇನ್‌ ಸ್ಟಾಗ್ರಾಮ್ ಗೆ ಪೋಸ್ಟ್ ಮಾಡಿದ್ದಾಳೆ. ಈ ರೀತಿ ಅವಳು ಟ್ರೆಂಡಿ ಅಥ್ಲಿಟಿಕ್‌ ಲುಕ್ಸ್ ನಲ್ಲೂ ಕಾಣಿಕೊಂಡಿದ್ದಾಳೆ. ಅವಳು ಎಲ್ಲರಿಗೂ ಸಲಹೆ ನೀಡುತ್ತಾ, ಬಿಝಿ ರೊಟೀನ್‌ ಮಧ್ಯೆ ಹೇಗಾದರೂ ಸಮಯ ಮಾಡಿಕೊಂಡು, ಫ್ರೆಂಡ್ಸ್ ಜೊತೆ ಹೇಗೆ ಕೂಲ್ ಟೈಂ ಕಳೆಯಬೇಕೆಂದು ಇಲ್ಲಿ ಸಲಹೆ ನೀಡಿದ್ದಾಳೆ. ಗರ್ಲ್ಸ್ ಗ್ಯಾಂಗ್ ನ ಈ ಫೋಟೋಗಳು ಅಭಿಮಾನಿಗಳಿಗೆ ಬಲು ಇಷ್ಟವಾಗಿದೆ. ಒಂದು ಕಡೆ ಕೆಲಸ ಎಷ್ಟು ಮುಖ್ಯವೋ, ಇಂಥ ಎಂಜಾಯ್ ಮೆಂಟ್‌ ಸಹ ಅಷ್ಟೇ ಮುಖ್ಯ.
ಸಲ್ಮಾನ್ ಆದ ಫ್ಯಾನ್
ಬ್ಯಾಡ್‌ ಬಾಯ್‌ ಸಲ್ಮಾನ್ ನನ್ನು ಇಷ್ಟಪಡದವರಾರು? ವಿಶ್ವವಿಡೀ ಇವನಿಗೆ ಕೋಟ್ಯಂತರ ಫ್ಯಾನ್ ಫಾಲೋಯಿಂಗ್‌ ಇದೆ. ಹೀಗಾಗಿ ಇವನೊಂದಿಗೆ ಜರುಗುವ ಎಲ್ಲಾ ಘಟನೆಗಳ ಬಗ್ಗೆ ಫ್ಯಾನ್ಸ್ ಅರಿಯಲು ಕುತೂಹಲಿಗಳಾಗಿರುತ್ತಾರೆ. ಇದು ಅಭಿಮಾನಿಗಳ ಒಂದು ಹುಚ್ಚು ಎನ್ನಬಹುದು. ಅಸಲಿಗೆ ಇವನ ಮೋಡಿ, ನಟನೆ, ಡೈಲಾಗ್‌ ಡೆಲಿವರಿ…. ಜನ ಇವನಿಂದ ದೃಷ್ಟಿ ಸರಿಸದ ಹಾಗೆ ಮಾಡುತ್ತದೆ. ಇಡೀ ಜಗತ್ತೇ ಇವನ ಫ್ಯಾನ್ ಆದರೆ ಇವನು ಯಾರಿಗೆ ಫ್ಯಾನ್ ಆದ? ಅಂಥ ಒಂದು ಪೋಸ್ಟ್ ಇತ್ತೀಚೆಗೆ ವೈರಲ್ ಆಯಿತು. ಅದರಲ್ಲಿ ಈತನ ಗಮನ ಥಿಯೇಟರ್‌ ನಿಂದ ಹೊರಬರುತ್ತಿರುವ ಒಬ್ಬ ತರುಣಿಯ ಮೇಲೆ ಬಂದು ನಿಲ್ಲುತ್ತದೆ. ನೀವು ಕನ್ ಫ್ಯೂಸ್‌ ಆದಿರಿ ತಾನೇ? ಇದು ಇವನ ಥ್ರೋಬ್ಯಾಕ್‌ ಫೋಟೋ. ಹೀಗಾಗಿ ಬಹಳ ಖುಷಿಗೊಳ್ಳದಿರಿ. ಈಗಲೂ ಇವನು ಸಿಂಗಲ್ಲೇ!
ವಿವೇಕ್‌ ರ ಮುಂದಿನ 2 ಚಿತ್ರಗಳು
`ದಿ ಕಾಶ್ಮೀರ್‌ ಫೈಲ್ಸ್’ ಚಿತ್ರದ ಕಥೆ ಜನರನ್ನು ಶಾಕ್‌ ಗೊಳಿಸಿದೆ. ಈ ಚಿತ್ರ ಈಗಾಗಲೇ 250 ಕೋಟಿ ಬಾಚಿಕೊಂಡಿದೆ, ಇದು ದೊಡ್ಡ ಯಶಸ್ಸಿನ ಸೂಚನೆಯಾಗಿದೆ. ಮುಂದೆಯೂ ಜನರಿಗೆ ಇಂಥ ಸತ್ಯ ಸಂಗತಿಗಳನ್ನು ತಿಳಿಸಿ ಎಚ್ಚರಗೊಳಿಸುವಂಥ ವಿಷಯದ ಕುರಿತಾಗಿ ನಿರ್ದೇಶಕ ವಿವೇಕ್‌ ಅಗ್ನಿಹೋತ್ರಿ ಪ್ರೊಡ್ಯೂಸರ್‌ ಅಭಿಷೇಕ್‌ ಅಗ್ರವಾಲ್ ರ ಬರ್ತ್‌ ಡೇ ದಿನ, ತಮ್ಮ 2 ಚಿತ್ರಗಳ ಬಗ್ಗೆ ಘೋಷಿಸಿ, ಎಲ್ಲರನ್ನೂ ಚಕಿತಗೊಳಿಸಿದ್ದಾರೆ. ಏಕೆಂದರೆ ಈ ಎರಡೂ ಚಿತ್ರಗಳೂ ಮಾಮೂಲಿ ಆಗಿರಲ್ಲ, ಬದಲಿಗೆ ಜನರಿಗೆ ಗೊತ್ತೇ ಇರದ ನಿಗೂಢ ಸತ್ಯ ಸಂಗತಿಗಳೇ ಆಗಿರುತ್ತವೆ.
ಇವರು ಈಗ ನೆನಪು ಮಾತ್ರ
ನಟ, ಪ್ರಸಿದ್ಧ ಚಿತ್ರಕಥಾ ಲೇಖಕ ಶಿವಕುಮಾರ್‌ ಸುಬ್ರಹ್ಮಣ್ಯಂ ಇತ್ತೀಚೆಗಷ್ಟೇ ತೀರಿಕೊಂಡರು. ಇಡೀ ಬಾಲಿವುಡ್ ನಲ್ಲಿ ಶೋಕ ಹರಡಿತು. ಇಡೀ ಇಂಡಸ್ಟ್ರಿ ಇವರಿಗೆ ಶ್ರದ್ಧಾಂಜಲಿ ಅರ್ಪಿಸಿತು. ಈ ನಟರ ಕೊರತೆಯನ್ನು ಯಾರೂ ತುಂಬಿಸಲಾರರು. ಇವರ ಟಿವಿ ಧಾರಾವಾಹಿಗಳಾದ `ಮುಕ್ತಿ ಬಂಧನ್‌,’ `ಮೀನಾಕ್ಷಿ ಸುಂದರೇಶ್ವರ್‌’ ಮನೆಮಾತಾಗಿ, ಇವರ ನಟನೆ ಅಚ್ಚಳಿಯದೆ ಎಲ್ಲರ ಮನದಲ್ಲಿ ಉಳಿಯಿತು. ಇವರ ನಿಧನದ ನಂತರ, ಇವರ ಕುಟುಂಬದವರು ಶೋಕಸಾಗರದಲ್ಲಿ ಮುಳುಗಿ ಹೋಗಿದ್ದರು. ಏಕೆಂದರೆ 2 ತಿಂಗಳ ಹಿಂದೆ ಇವರ 16 ವರ್ಷದ ಹಿರಿಯಮಗ ಬ್ರೇನ್‌ ಟ್ಯೂಮರ್‌ ಕಾರಣ ತೀರಿಕೊಂಡಿದ್ದ. ಅದರಿಂದ ಹೊರಬರಲಾಗದೆ ಕುಟುಂಬದವರು ತತ್ತರಿಸುತ್ತಿದಾಗ ಇವರೂ ತೀರಿಕೊಂಡರು. ಗೃಹಶೋಭಾ ಪರವಾಗಿ ಇವರಿಗೆ ಶ್ರದ್ಧಾಂಜಲಿ!
