ಇತ್ತೀಚೆಗಂತೂ ಎಲ್ಲ ವಯಸ್ಸಿನ ಹೆಂಗಸರೂ ತಮ್ಮ ಹೇರ್ ಸ್ಟೈಲ್ ಕುರಿತು ಬಹಳ ಎಚ್ಚರಿಕೆ ವಹಿಸುತ್ತಾರೆ. ಅವರು ತಮ್ಮ ಉಡುಗೆಯ ಫ್ಯಾಷನ್‌ ಬದಲಿಸುವಂತೆಯೇ, ತಮ್ಮ ಮೂಡ್‌ ಹಾಗೂ ಸಮಯ ಸಂದರ್ಭ ನೋಡಿಕೊಂಡು ತಮ್ಮ ಹೇರ್ ಸ್ಟೈಲ್ ಕೂಡ ಬದಲಿಸುತ್ತಿರುತ್ತಾರೆ. ನೀವು ಹೊರಡಲಿರುವ ಪಾರ್ಟಿಯ ಅಗತ್ಯಕ್ಕೆ ತಕ್ಕಂತೆ ಡ್ರೆಸ್‌ ಆರಿಸಿ. ಅದಕ್ಕೆ ಹೊಂದುವಂತಹ ಹೇರ್‌ಸ್ಟೈಲ್‌ನ್ನೇ ಮಾಡಿಕೊಳ್ಳಿ. ಆಗ ನೀವು ಪಾರ್ಟಿಯಲ್ಲಿ ಬೇರೆಯವರಿಗಿಂತ ವಿಭಿನ್ನವಾಗಿ ಎದ್ದು ಕಾಣುತ್ತೀರಿ. ಜೊತೆಗೆ ನಿಮ್ಮ ಪರ್ಸನಾಲ್ಟಿಗೂ ಉತ್ತಮ ಲುಕ್ಸ್ ದೊರಕುತ್ತದೆ. ಪಾರ್ಟಿಯಲ್ಲಿ ಆಗ ನೀವು ಎಲ್ಲರ ಪ್ರಶಂಸೆಗೆ ಪಾತ್ರರಾಗುತ್ತೀರಿ.
ಹೇರ್ ಸ್ಟೈಲ್ ಎಕ್ಸ್ ಪರ್ಟ್‌ಗಳು ಸಲಹೆ ನೀಡಿರುವಂತೆ ವಿವಿಧ ಹೇರ್ ಸ್ಟೈಲ್‌ಗಳನ್ನು ಗಮನಿಸೋಣವೇ?
ಕರ್ಲಿ ಎಕ್ಸ್ ಟೆನ್ಶನ್
ಮುಂಭಾಗದ ಕೂದಲನ್ನು ಬಿಟ್ಟು ಹಿಂಭಾಗದಲ್ಲಿ ಪೋನಿ ಕಟ್ಟಬೇಕು ಹಾಗೂ ಫುಲ್ ಹೆಡ್‌ ಎಕ್ಸ್ ಟೆನ್ಶನ್ ಹೇರ್‌ನ್ನು ಬಳಸಬೇಕು. ಪೋನಿಯನ್ನು ಒಳಭಾಗದ ಕಡೆ ಫಿಕ್ಸ್ ಮಾಡಿ, ಚೆನ್ನಾಗಿ ಅಟ್ಯಾಚ್‌ ಮಾಡಿಬಿಡಿ. ಮುಂಭಾಗದ ಕೂದಲನ್ನು ಮೇಲಕ್ಕೆ ಎತ್ತಿ ಹಿಂಭಾಗದಲ್ಲಿ ಪಿನ್‌ ಅಪ್ ಮಾಡಿ. ಆಗ ಕ್ರೌನ್‌ ಏರಿಯಾ ಎದ್ದು ಕಾಣುತ್ತದೆ. ನಂತರ ಚಿತ್ರದಲ್ಲಿರುವಂತೆ ಒಂದು ಬದಿಗೆ ತಾಜಾ ಅಥವಾ ಕೃತಕ ಹೂ ಸಿಗಿಸಿಡಿ. ಇನ್ನೊಂದು ಬದಿಯಲ್ಲೂ ಹೀಗೆ ಮಾಡಬೇಕು.
ಪರ್ಫೆಕ್ಟ್ ಬನ್‌
ಮುಂಭಾಗದ ಕೂದಲನ್ನು ಬಿಟ್ಟು ಹಿಂಭಾಗದ ಕೂದಲನ್ನು ಪೋನಿ ಮಾಡಿ. ಈಗ ಮುಂಭಾಗದ ಕೂದಲಿನ ಬ್ಯಾಕ್‌ ಕೋಂಬಿಂಗ್‌ಮಾಡಿ, ಹಿಂಭಾಗಕ್ಕೆ ತುಸು ಎತ್ತರಕ್ಕಿರಲಿ. ಈಗ ಅದರ ಮೇಲೆ ಹೇರ್ ಸ್ಪ್ರೇ ಸಿಂಪಡಿಸಿ. ಸ್ಟಫಿಂಗ್‌ ಮಾಡದೆಯೇ ಎತ್ತರದ ಹೈಟ್ ಇರುವಂಥ ಲುಕ್ಸ್ ಕೊಡಿ. ಈಗ ಮುಂಭಾಗದಲ್ಲಿ ಉಳಿದ ಕೂದಲಿನ ಪಾರ್ಟಿಂಗ್‌ ಮಾಡಿ, ಅದನ್ನು ಹಿಡಿದು ಟ್ವಿಸ್ಟ್ ಮಾಡುತ್ತಾ ಕಿವಿಯ ಹಿಂಭಾಗಕ್ಕೆ ತಿರುಗಿಸಿ ಅಲ್ಲೇ ಪಿನ್‌ ಅಪ್ ಮಾಡಿ. ಈಗ ಇನ್ನೊಂದು ಬದಿಯ ಕೂದಲಿಗೂ ಹೀಗೆ ಮಾಡಿ. ಪೋನಿಯಲ್ಲಿ ಫೇಕ್‌ ಜಡೆಗೆ ರಬ್ಬರ್‌ ಬ್ಯಾಂಡ್‌ ತರಹ ಅಳವಡಿಸಿ, ಪಿನ್ನಿಂಗ್‌ ಮಾಡಿ.
ನಂತರ ಪೋನಿಯ ಕೂದಲನ್ನು ಅಲ್ಲೇ ಹೂಗಳ ತರಹ ಬೆರಳುಗಳಿಂದ ರೋಲ್ ಮಾಡಿ, ಕ್ರಾಸ್‌ಗೆ ಹಾಕಿಡಿ. ಅಂದರೆ, ಬಲಗಡೆಯ ಕೂದಲನ್ನು ಎಡಗಡೆಗೆ ಹಾಗೂ ಎಡಗಡೆಯ ಕೂದಲನ್ನು ಬಲಗಡೆಗೆ ತಿರುಗಿಸಿ ಪಿನ್‌ ಅಪ್ ಮಾಡಿ. ಹಾಗೂ ಒಂದು ಪಕ್ಷ ಕೂದಲು ಉಳಿದಿದ್ದರೆ ಅದನ್ನೂ ಇದೇ ತರಹ ಫಿಕ್ಸ್ ಮಾಡಿ ಬನ್‌ (ಕೊಂಡೆ) ಶೇಪ್‌ ಪಡೆದುಕೊಳ್ಳುವಂತೆ ಮಾಡಿ.
ಗಿಡ್ಡ ಕೂದಲಿನಿಂದ ಉದ್ದ ಕೂದಲಿನ ಮಜಾ
ಇತ್ತೀಚೆಗೆ ಮಹಿಳೆಯರು ಗಿಡ್ಡ ಕೂದಲಿನಿಂದಲೇ ಉದ್ದ ಕೂದಲಿನಂಥ ಹೇರ್ ಸ್ಟೈಲ್ ಇಷ್ಟಪಡುತ್ತಾರೆ. ಅವರು ಪಾರ್ಲರ್‌ಗಳಲ್ಲಿ ಇಂಥದೇ ಹೇರ್ ಸ್ಟೈಲ್ ಬೇಕೆಂದು ಬಯಸುತ್ತಾರೆ. ಇದಕ್ಕಾಗಿ ಎಲ್ಲಕ್ಕೂ ಮೊದಲು ಮುಂಭಾಗದ ಕೂದಲನ್ನು ಬಿಟ್ಟು, ತಲೆಯ ಹಿಂಭಾಗ ಹಾಗೂ ಪೋನಿಯ ಮೇಲಿನ ಕೂದಲಿನಲ್ಲಿ ಬ್ಯಾಕ್‌ ಕೋಂಬಿಂಗ್‌ ಮಾಡಿ, ನಂತರ ಪೋನಿ ಫಿನಿಶ್‌ ಮಾಡಿ. ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ವಿಭಿನ್ನ ಬಗೆಯ ಸ್ಟೈಲಿಶ್‌ ಎಕ್ಸ್ ಟೆನ್ಶನ್ ಕೂದಲು ಲಭ್ಯ. ಇಂಥದೇ ಉದ್ದ ಕೂದಲಿನ ಎಕ್ಸ್ ಟೆನ್ಶನ್ ತೆಗೆದುಕೊಂಡು ಪೋನಿಗೆ ಅಟ್ಯಾಚ್‌ ಮಾಡಿ. ಈಗ ಮುಂಭಾಗದ ಕೂದಲನ್ನು ಒಂದೇ ಸಲಕ್ಕೆ ಸೀದಾ (900) ಮೇಲೆ ತೆಗೆದುಕೊಂಡು ಬ್ಯಾಕ್‌ ಕೋಂಬಿಂಗ್‌ ಮಾಡಿ. ಉಳಿದ ಕೂದಲನ್ನು ಹಿಂಭಾಗಕ್ಕೆ ಹಾಕಿ ಚೆನ್ನಾಗಿ ಪಿನ್‌ ಅಪ್ ಮಾಡಿ. ಒಂದು ಬದಿಗೆ ನಿಮ್ಮ ಉಡುಗೆಗೆ ಹೊಂದುವ ಹೂ ಮುಡಿದು, ಕೂದಲನ್ನು ಹಿಂದೆ ಹಾಗೇ ಬಿಡಿ.
ಬ್ಯೂಟಿಫುಲ್ ಬನ್‌
ಎಲ್ಲಾ ಕೂದಲನ್ನೂ ಚೆನ್ನಾಗಿ ಬಾಚಿ, ಹಿಂಭಾಗದ ನಡುವಿನಲ್ಲಿ ಪೋನಿ ಮಾಡಿ. ಈಗ ಪೋನಿಯಲ್ಲಿ ರಬ್ಬರ್‌ ಬ್ಯಾಂಡ್‌ ತರಹ ಸ್ಟಫಿಂಗ್‌ (ನಕಲಿ) ಜಡೆ ಫಿಟ್‌ ಮಾಡಿ. ಈಗ ಪೋನಿಯ 1-1 ಲಡಿಯನ್ನೂ ಟ್ವಿಸ್ಟ್ ಮಾಡುತ್ತಾ ಸ್ಟಫಿಂಗ್‌ನಲ್ಲಿ ಪಿನ್‌ ಅಪ್ ಮಾಡಿಕೊಳ್ಳುತ್ತಾ ಹೋಗಿ. ಬಾಕಿ ಉಳಿದ ಲಡಿಗಳೊಂದಿಗೂ ಹೀಗೆ ಮಾಡಿ. ಎಲ್ಲಾ ಲಡಿಗಳನ್ನೂ ಸ್ಟಫಿಂಗ್‌ನಲ್ಲಿ ನೀಟಾಗಿ ರಾಪ್‌ಮಾಡಬೇಕು. ನಂತರ ಕೂದಲಿನಿಂದಲೇ ಮಾಡಿದ ಕೃತಕ ಹೂವನ್ನು ಇದಕ್ಕೆ ಸಿಗಿಸಿಡಿ. ನಂತರ ಸೈಡ್‌ ಆ್ಯಕ್ಸೆಸರೀಸ್‌ ಅಳವಡಿಸಿ, ಬ್ರೈಡಲ್ ಹೇರ್ ಸ್ಟೈಲ್ ಲುಕ್‌ ಕೊಡಿ.
ಫಾರ್‌ ಲಾಂಗ್‌ ಹೇರ್
ಓಪನ್‌ ಹೇರ್ ಸ್ಟೈಲ್ ಮೊದಲು ಕೂದಲನ್ನು ಚೆನ್ನಾಗಿ ಬಾಚಿಕೊಳ್ಳಿ. ಈಗ ಮುಂಭಾಗದ ಸ್ವಲ್ಪ ಕೂದಲನ್ನು ಬಿಟ್ಟು ಅಂದರೆ ಕ್ರೌನ್‌ಏರಿಯಾದ ಕೂದಲನ್ನು ಬಿಟ್ಟು ಹಿಂಬದಿಯ ಕೂದಲನ್ನು ಪಾರ್ಟಿಂಗ್‌ ಮಾಡಿ. ನಂತರ ಅದಕ್ಕೆ ಬ್ಯಾಕ್‌ ಕೋಂಬಿಂಗ್‌ ಮಾಡಿ. ಈಗ ಮುಂಭಾಗದ ಕೂದಲನ್ನು ಎತ್ತಿಕೊಂಡು, ಹೇರ್ ಸ್ಪ್ರೇ ಮಾಡುತ್ತಾ, ಅದನ್ನು ಒಳಭಾಗಕ್ಕೆ ತೆಗೆದುಕೊಂಡು ಪಿನಿಂಗ್‌ ಮಾಡಿ. ಈಗ ಇದು ಒಂದು ಹೈ ಕ್ರೌನ್‌ ಏರಿಯಾ ಆಗುತ್ತದೆ. ಇದನ್ನು ಮತ್ತಷ್ಟು ಸುಂದರಗೊಳಿಸಲು ಇದರ ನಡುಭಾಗದ ಸೈಡ್‌ ಪೋರ್ಷನ್‌ಗಾಗಿ, ಚೇನ್‌ ಶೇಪ್‌ನ ಆ್ಯಕ್ಸೆಸರೀಸ್‌ ಆರಿಸಿ. ಅದನ್ನು ನೀವು ಎರಡೂ ಬದಿ ಅಳವಡಿಸಿ. ಹೀಗೆ ಮಾಡಿದರೆ ಕ್ರೌನ್‌ಗೆ ಬೆಟರ್‌ ಲುಕ್ಸ್ ಸಿಗುತ್ತದೆ. ಇದನ್ನು ಹೊರತುಪಡಿಸಿ ಸೈಡ್‌ನಲ್ಲೂ ನೀವು ಬ್ಯೂಟಿಫುಲ್ ಆ್ಯಕ್ಸೆಸರೀಸ್‌ ಬಳಸಬಹುದು. ಇದರಿಂದ ಹೇರ್ ಸ್ಟೈಲ್‌ನಲ್ಲಿ ಹಿಂಬದಿಯ ಕೂದಲು ಓಪನ್‌ ಆಗಿಯೇ ಇರುತ್ತದೆ. ಅಗತ್ಯವೆನಿಸಿದರೆ ಇದನ್ನು ನೀವು ಸ್ಟ್ರೇಟ್ ಅಥವಾ ವರ್ಕ್‌ ಸಹ ಮಾಡಿಸಬಹುದು.
– ಎಸ್‌. ಪಾರಿಜಾತಾ
ಇಂಟೆನ್ಶನ್‌ ಫ್ಯಾಂಟೆಸಿ ಮೇಕಪ್ (ರಾಂಪ್‌ ಲುಕ್ಸ್) ಸ್ಟೇಜ್‌ ಮೇಲಿನ ಕ್ಯಾಟ್‌ ವಾಕ್‌ಗಾಗಿ ಅಥವಾ ರಾಂಪ್‌ ಶೋ ನಡೆಸಿಕೊಡಬೇಕಾದಾಗ ಆ್ಯಂಕರ್ಸ್‌, ರೂಪದರ್ಶಿಯರು ಮಾಡಿಕೊಳ್ಳಬೇಕಾದ ಮೇಕಪ್‌ಗಾಗಿ ಸಲಹೆಗಳು :
ಮೊದಲು ಮುಖವನ್ನು ವೆಟ್‌ ಟಿಶ್ಯೂನಿಂದ ಶುಚಿಗೊಳಿಸಿ.
ನಂತರ ಸುಪರಾ ಬೇಸ್‌ ಹಚ್ಚಿರಿ. ಇದನ್ನು ಹಣೆ, ಮೂಗು, ಗಲ್ಲ, ಕೆನ್ನೆ, ಮೇಲ್ದುಟಿಗಳಿಗೆ ಅಪ್ಲೈ ಮಾಡಿ. ಮುಖದ ನಂತರ ಇದನ್ನು ಕುತ್ತಿಗೆಗೂ ಹಚ್ಚಿಕೊಳ್ಳಿ. ಈ ಬೇಸ್‌ನ್ನು ಕಂಗಳನ್ನು ಬಿಟ್ಟು ಮುಖದ ಉಳಿದೆಲ್ಲ ಭಾಗಕ್ಕೆ ಹಚ್ಚಬೇಕು.
ಈಗ ಬೇಸ್‌ ಸೆಟ್‌ಗೊಳಿಸಲು ಟ್ರಾನ್ಸ್ ಲೂಶನ್‌ ಪೌಡರ್‌ ಸಿಂಪಡಿಸಿ.
ಐ ಬ್ರೋಸ್‌ ಮೇಲೆ ಕ್ರೈ ಲಾನಿನ ಬ್ಲ್ಯಾಕ್‌ ಕಲರ್‌ನ್ನು ಕನ್ಸೀಲ್ ಮಾಡಲು ಬಳಸಿರಿ.
ಕಂಗಳ ಮೇಲೆ ಸ್ಕೈ ಆ್ಯಕ್ವಾ ಕಲರ್‌ನ್ನು ಒಳಗಿನಿಂದ ಹೊರಭಾಗಕ್ಕೆ ಹಚ್ಚಬೇಕು. ನಂತರ ಗೋಲ್ಡ್ ಕಲರ್‌ ಶ್ಯಾಡೋ ಆ್ಯಕ್ವಾ ಬಳಸಬೇಕು. ಈ ಹೊಳೆಯುವ ಬಣ್ಣಗಳಿಂದ ಕಣ್ಣೆವೆಗಳನ್ನೂ ತುಂಬಿಸಿ.
ಹಣೆಯ ಮೇಲೆ ಕಪ್ಪು ಬಣ್ಣದಿಂದ ಸೈಡ್‌ನಲ್ಲಿ 2 ಗೆರೆಗಳನ್ನು ತುಸು ದಪ್ಪಗೆ ಎಳೆಯಿರಿ. ಈಗ ಇಂಥದೇ ಬ್ಲ್ಯಾಕ್‌ ಕಲರ್‌ನಿಂದ ಕಂಗಳ ಕೆಳಗೆ ಔಟ್‌ ಲೈನಿಂಗ್‌ ಮಾಡಿ. ಹೀಗೆ ಇದೇ ತರಹ 3 ಗೆರೆಗಳನ್ನು ಮಾಡಿ, ಮಾಡೆಲ್ ಕಂಗಳಿಂದ ಹನಿ ತೊಟ್ಟಿಕ್ಕುತ್ತಿರುವಂತೆ ತೋರಿಸಿ. ನಂತರ ಮಸ್ಕರಾ ಹಚ್ಚಿರಿ.
ಕೆನ್ನೆಗಳ ಮೇಲೆ ಪಿಂಕ್‌ ಶೇಡ್‌ನಿಂದ ಡಂಪಿಂಗ್‌ ಮಾಡಿ.
ಮೂಗಿಗೆ ಗೋಲ್ಡ್ ಕಲರ್‌ನ ಬೇಸ್‌ ಹಚ್ಚಿರಿ. ಇದರಿಂದ ಮೂಗು ಮೊಂಡಾಗಿರದೆ, ಚೂಪಾಗಿರುವಂತೆ ಎದ್ದು ತೋರುತ್ತದೆ.
ಈಗ ತುಟಿಗಳ ಮೇಲೆ ಬ್ಲ್ಯಾಕ್‌ ಆ್ಯಕ್ವಾದಿಂದ ಔಟ್‌ ಲೈನಿಂಗ್‌ ಮಾಡಿ. ನಂತರ ಲಿಪ್‌ ಬೇಸ್‌ ಆ್ಯಕ್ವಾ ಗೋಲ್ಡನ್‌ ಕಲರ್‌ನಿಂದ ಟಚ್ ಕೊಡಿ.
ಕೊನೆಯಲ್ಲಿ ಮೂಗು, ಕಣ್ಣು ಹಾಗೂ ಹಣೆ ಮೇಲೆ ಹೈಲೈಟರ್‌ ಬ್ರಶ್‌ನಿಂದ ಶಿಮರ್‌ ಹಚ್ಚಿರಿ. ಇದರಿಂದ ಮುಖಕ್ಕೆ ರಾಂಪ್‌ ಶೋಗೆ ಬೇಕಾದ ಗ್ಲೋ ಸಿಗುತ್ತದೆ.
