ಒಮ್ಮೊಮ್ಮೆ ಈ ಕ್ರೀಮುಗಳಲ್ಲಿನ ಕೆಮಿಕಲ್ಸ್ ಕಾರಣ ಅಲರ್ಜಿ ಸಮಸ್ಯೆ ಉಂಟಾಗಿರಬಹುದು ಅಥವಾ ಮೊದಲಿಗಿಂತಲೂ ನಿಮ್ಮ ಚರ್ಮ ಹೀನಾಯ ಸ್ಥಿತಿ ತಲುಪಿರಬಹುದು. ನನ್ನ ಲೈಫ್‌ ಸ್ಟೈಲ್‌ ಊಟ ತಿಂಡಿ ವಿಷಯದಲ್ಲಿ ಸಾಕಷ್ಟು ಬದಲಾವಣೆ ಮಾಡಿಕೊಂಡಿದ್ದೇನೆ….. ಆದರೂ ಹೀಗೇಕಾಗುತ್ತಿದೆ ಎಂದು ತಲೆ ಮೇಲೆ ಕೈ ಹೊತ್ತು ಕುಳಿತಿರುವಿರಾ?
ಅಸಲಿಗೆ ನೀವು ಜಾಹೀರಾತಿನಲ್ಲಿ ಉತ್ಪಾದಕರು ನೀಡಿರುವ ಅತಿಯಾದ ಭರವಸೆಗೆ ಮರುಳಾಗಿ ಇಂಥ ಭಾರಿ ಕ್ರೀಂ ಕೊಂಡಿರಬಹುದು. ಇವುಗಳಲ್ಲಿ ನೈಸರ್ಗಿಕ ಘಟಕಗಳು ಬಹುತೇಕ ಇರುವುದೇ ಇಲ್ಲ! ಇದರಿಂದಾಗಿ ಈ ಫ್ಯಾಷನೆಬಲ್ ಕ್ರೀಂ ಚರ್ಮದ ಮೇಲೆ ಯಾವುದೇ ಪರಿಣಾಮ ಬೀರುವುದೇ ಇಲ್ಲ. ಹೀಗಾದಾಗ ಒಮ್ಮೆ ರೈಸ್ ಕ್ರೀಂ ಟ್ರೈ ಮಾಡಿ ನೋಡಿ, ಒಮ್ಮೆ ಬಳಸಿದವರು ಇದರ ಚುರುಕುತನಕ್ಕೆ ಬೆರಗಾಗಿ ಸದಾ ಬಳಸುತ್ತಿರುತ್ತೀರಿ.
ರೈಸ್ ಕ್ರೀಂ ರಹಸ್ಯ
ವಿಶ್ವದೆಲ್ಲೆಡೆ ಚರ್ಮಕ್ಕೆ ಸಹಜ ಕಾಂತಿ ಪಡೆಯುವುದಕ್ಕಾಗಿ ಈ ರೈಸ್ ಕ್ರೀಂ ಬಳಸುತ್ತಾರೆ. ಅಕ್ಕಿ ಮತ್ತು ಹಾಲಿನ ಪೋಷಕಾಂಶಗಳು ಹದನಾಗಿ ಬೆರೆತಿರುವ ಈ ಕ್ರೀಂ ಸುಲಭವಾಗಿ ಮನೆಯಲ್ಲೇ ತಯಾರಿಸಬಹುದು. ಇದನ್ನು ಮುಖದಲ್ಲಿ ಎಲ್ಲೆಲ್ಲಿ ಸುಕ್ಕು, ನೆರಿಗೆ, ಕಪ್ಪು ವೃತ್ತಗಳು, ಅನ್‌ ಈವೆನ್‌ ಸ್ಕಿನ್‌ ಟೋನ್‌ ಇತ್ಯಾದಿ ಎಲ್ಲವನ್ನೂ ಕವರ್‌ ಮಾಡುವಂತೆ ನೀಟಾಗಿ ಸವರಿದರೆ ಆಯ್ತು, ಸುಲಭವಾಗಿ ಇವುಗಳೆಲ್ಲದ್ದರಿಂದ ಮುಕ್ತಿ ಪಡೆಯಬಹುದು. ಹ್ಞಾಂ, ಇದರಿಂದ ಯಾವ ಸೈಡ್‌ ಎಫೆಕ್ಟ್ಸ್ ಖಂಡಿತಾ ಇರುವುದಿಲ್ಲ.
ರೈಸ್ ಕ್ರೀಂ ತಯಾರಿಕೆ
ರೈಸ್ ಕ್ರೀಂ ತಯಾರಿಸಲು ನೀವೇನೂ ಹೆಚ್ಚಿನ ಸಾಮಗ್ರಿ ಕೊಳ್ಳಬೇಕಿಲ್ಲ. ನಿಮ್ಮ ಅಡುಗೆಮನೆಯಲ್ಲೇ ಸುಲಭವಾಗಿ ಲಭ್ಯವಿರುವ ಕೆಲವೇ ವಸ್ತು ಬಳಸಿ, ಮೈಕಾಂತಿ ಹೆಚ್ಚುವಂತೆ ಮಾಡಬಹುದು.
ರೈಸ್ ಕ್ರೀಂಗಾಗಿ ವಿಧಾನ : ಅರ್ಧ ಕಪ್‌ ಉತ್ತಮ ಗುಣಮಟ್ಟದ ಅಕ್ಕಿಯನ್ನು (ಬಾಸುಮತಿ ಅಕ್ಕಿಯೇ ಆಗಬೇಕೆಂದೇನಿಲ್ಲ) ಹಿಂದಿನ ರಾತ್ರಿ ಕಾದಾರಿದ ನೀರು ಹಾಲಲ್ಲಿ ನೆನೆಸಿಡಿ.
ಮಾರನೇ ಬೆಳಗ್ಗೆ ಒಂದು ಬಟ್ಟಲಲ್ಲಿ ಇದು ಗಟ್ಟಿ ಗಂಜಿ ಆಗುವಂತೆ ಬೇಯಿಸಿ ಸಿದ್ಧಪಡಿಸಿ. ತೇಲಾಂಶ ಹಿಂಗುವವರೆಗೂ ಕೈಯಾಡಿಸಿ ಕೆಳಗಿಳಿಸಿ. ಚೆನ್ನಾಗಿ ಆರಲು ಬಿಡಿ. ಆದಷ್ಟೂ ತಂಪಾಗಿಸಿ.
ತಣ್ಣಗಾದ ಮೇಲೆ ಇದನ್ನು ಮಿಕ್ಸಿಗೆ ಹಾಕಿ. ಜೊತೆ 2-2 ಚಮಚ ಕಾದಾರಿದ ಕೆನೆಹಾಲು, ಜೇನುತುಪ್ಪ, ಗುಲಾಬಿ ಜಲ, ತುಸು ಚಂದನದ ಪುಡಿ ಹಾಕಿ ಸ್ಮೂತ್‌ ಪೇಸ್ಟ್ ಮಾಡಿ.
ಅರ್ಧ ತಿರುವಿಕೊಂಡಾಗ ಕೆಲವು ಹನಿ ಆ್ಯಲೋವೇರಾ ಜೆಲ್ ಸಹ ಬೆರೆಸಿ. ನಂತರ ತಿರುವಿದರೆ ಉತ್ತಮ ಕ್ರೀಂ ಟೆಕ್ಸ್ ಚರ್‌ಬರುತ್ತದೆ.
ಪೇಸ್ಟ್ ಚೆನ್ನಾಗಿ ಬ್ಲೆಂಡ್‌ ಆಗಿದೆಯಾ ಎಂದು ಖಾತ್ರಿ ಪಡಿಸಿಕೊಂಡು, ಒಂದು ಚಿಕ್ಕ ಏರ್‌ಟೈಟ್‌ ಕಂಟೇನರ್‌ಗೆ ಹಾಕಿ, 10-15 ದಿನ ಫ್ರಿಜ್‌ನಲ್ಲಿ ಇರಿಸಿಬಿಡಿ. ಕ್ರೀಂ ರೆಡಿ!
ಎಲ್ಲಾ ಚರ್ಮಕ್ಕೂ ಬೆಸ್ಟ್
ಇದನ್ನು ಆಯ್ಲಿ, ಡ್ರೈ, ನಾರ್ಮಲ್ ಎಲ್ಲಾ ಬಗೆಯ ಚರ್ಮದವರೂ ಬಳಸಬಹದು, ಕೆಲವರಿಗೆ ಕಾಂಬಿನೇಶನ್‌ ಸ್ಕಿನ್‌ ಇರುತ್ತದೆ. ಅವರಿಗೂ ಅಡ್ಡಿ ಇಲ್ಲ. ಇದನ್ನು ಹಗಲಿನಲ್ಲಿ ಹಚ್ಚಿಕೊಂಡು ನಿಮ್ಮ ಇತರ ಕೆಲಸಗಳಲ್ಲಿ ತೊಡಗಬಹುದು ಅಥವಾ ರಾತ್ರಿ ಹತ್ತಿಕೊಂಡು ಮಲಗಿ ನಿದ್ರಿಸಬಹುದು. ಮಾರನೇ ಬೆಳಗ್ಗೆ ತಣ್ಣೀರಿನಿಂದ ಮುಖ, ಕುತ್ತಿಗೆ ಕೈ ಕಾಲು ತೊಳೆಯಿರಿ. ಹೀಗಿ ಸತತ 1-2 ತಿಂಗಳು ಮಾಡುವುದರಿಂದ, ಕ್ರಮೇಣ ನಿಮ್ಮ ಮೈ ಕಾಂತಿ ಹೆಚ್ಚುತ್ತಿರುವುದನ್ನು ಕಂಡು ಸಂಭ್ರಮಿಸುವಿರಿ.
ಹಲವು ಸಮಸ್ಯೆಗಳಿಗೆ ಪರಿಹಾರ
ನೀವು ಏಜಿಂಗ್‌, ಆ್ಯಕ್ನೆ, ಮೊಡವೆ, ಡಾರ್ಕ್‌ ಸರ್ಕಲ್ಸ್, ಡಲ್ ಸ್ಕಿನ್‌, ಸ್ಕಿನ್‌ ಪಿಗ್ಮೆಂಟೇಶನ್‌ ಇತ್ಯಾದಿ ಸಮಸ್ಯೆಗಳಿಂದ ಬೇಸತ್ತಿದ್ದರೆ, ನಿಮಗೆ ಈ ರೈಸ್ ಕ್ರೀಂ ಚಮತ್ಕಾರಿ ಪರಿಣಾಮ ತೋರಿಸುತ್ತದೆ.
ರೈಸ್ ಕ್ರೀಂ ಕಾರ್ಯವೈಖರಿ
ಹಾಲಿನಲ್ಲಿ ಲ್ಯಾಕ್ಟಿಕ್‌ ಆ್ಯಸಿಡ್‌ ಇದ್ದು, ಚರ್ಮದಲ್ಲಿ ಕೊ್ಯಾಜೆನ್‌ ಹೆಚ್ಚಿಸುವ ಕೆಲಸ ಮಾಡುತ್ತದೆ. ಇದರಿಂದ ಚರ್ಮ ಸಾಪ್ಟ್ ಸ್ಮೂತ್‌ ಆಗುತ್ತದೆ.
ಅಕ್ಕಿಯಲ್ಲೂ ಸಹ ಚರ್ಮದ ಕೊಲ್ಯಾಜೆನ್‌ ಹೆಚ್ಚಿಸುವ ಗುಣವಿದೆ, ಇದರಿಂದ ಸುಕ್ಕು ನೆರಿಗೆ ಕ್ರಮೇಣ ತಗ್ಗುತ್ತವೆ. ಜೊತೆಗೆ ಚರ್ಮವನ್ನು ಸೂರ್ಯನ ತೀಕ್ಷ್ಣ UV ಕಿರಣಗಳಿಂದಲೂ ರಕ್ಷಿಸುತ್ತದೆ.
ಜೇನಿನಲ್ಲಿ ಆ್ಯಂಟಿ ಬ್ಯಾಕ್ಟೀರಿಯಲ್ ಮತ್ತು ಆ್ಯಂಟಿ ಸೆಪ್ಟಿಕ್‌ ಗುಣಗಳು ಅಡಗಿರುವುದರಿಂದ, ಇದು ಚರ್ಮದಲ್ಲಿನ ಕಲ್ಮಶಗಳನ್ನು ತೊಲಗಿಸಿ, ಆ್ಯಕ್ನೆ ಕಾಡದಂತೆ ರಕ್ಷಿಸುತ್ತದೆ. ಹೀಗಾಗಿ ಸಹಜವಾಗಿ ಚರ್ಮ ಹೆಚ್ಚಿನ ಕಾಂತಿ ಪಡೆಯುತ್ತದೆ.
ಗುಲಾಬಿ ಜಲದಿಂದ ಚರ್ಮದ Ph ಲೆವೆಲ್ ಎಷ್ಟೋ ಬ್ಯಾಲೆನ್ಸ್ ಆಗುತ್ತದೆ. ಜೊತೆಗೆ ಹೈಡ್ರೇಟೆಡ್‌ ಆಗಿರುತ್ತದೆ.
ಆ್ಯಲೋವೇರಾದಲ್ಲಿ ಕೂಲಿಂಗ್‌ ಪ್ರಾಪರ್ಟೀಸ್‌ ತುಂಬಿರುವುದರಿಂದ, ಇದು ಚರ್ಮವನ್ನು ತಂಪಾಗಿಡುತ್ತದೆ. ಜೊತೆಗೆ ಚರ್ಮವನ್ನು ಸನ್‌ ಬರ್ನ್‌, ಸ್ಕಿನ್‌ ಏಜಿಂಗ್‌, ಆ್ಯಕ್ನೆ, ಮೊಡವೆಗಳಿಂದ ಕಾಪಾಡುತ್ತಾ ಚರ್ಮಕ್ಕೆ ಮಾಯಿಶ್ಚರ್‌ ಸಹ ಒದಗಿಸುತ್ತದೆ. ಚಂದನದ ಪುಡಿ ಚರ್ಮದ ಕಾಂತಿ ಹೆಚ್ಚಿಸುತ್ತದೆ. ಈ ಎಲ್ಲಾ ನೈಸರ್ಗಿಕ ಘಟಕಗಳೂ ರೈಸ್ ಕ್ರೀಂನಲ್ಲಿ ಅಡಗಿರುವುದರಿಂದ, ಅದು ಚರ್ಮಕ್ಕೆ ಹೆಚ್ಚು ಲಾಭಕರ ಆಗಿದೆ. ಹೀಗಾಗಿ ಆಗಾಗ ನಿಮ್ಮ ಚರ್ಮಕ್ಕೆ ರೈಸ್ ಕ್ರೀಂ ಹಚ್ಚುತ್ತಾ ಕ್ಲಿಯರ್‌ ಗ್ಲೋಯಿಂಗ್‌ ಸ್ಕಿನ್‌ ಪಡೆಯಿರಿ.
– ರಶ್ಮಿ ಭಟ್‌
