ಮದುವೆಯ ದಿನ ವಧು ಎಲ್ಲರ ಆಕರ್ಷಣೆಯ ಕೇಂದ್ರಬಿಂದುವಾಗಿರುತ್ತಾಳೆ. ಅಂದು ಸುಂದರವಾಗಿ ಹಾಗೂ ಫಿಟ್‌ ಆಗಿ ಕಾಣುವುದು ಅವಳ ಹಕ್ಕು. ಸರಿಯಾದ ಡಯೆಟ್‌ ಹಾಗೂ ಎಕ್ಸ್ ಪರ್ಟ್‌ ಗಳ ಸಹಾಯದಿಂದ ಆ ದಿನವನ್ನು ಇನ್ನಷ್ಟು ಸುಂದರವಾಗಿ ಮಾಡಬಹುದು.
ಅದರ ಬಗ್ಗೆ ಖ್ಯಾತ ಡಯೆಟೀಶಿಯನ್ ಡಾ. ಕಿರಣ್‌ ಹೀಗೆ ಹೇಳುತ್ತಾರೆ, “ಜನರ ಲೈಫ್‌ ಸ್ಟೈಲ್ ಹಾಗೂ ಫುಡ್‌ ಹ್ಯಾಬಿಟ್‌ ಗಳು ಬೇರೆ ಬೇರೆಯಾದ್ದರಿಂದ ಅವರು ಶಾರೀರಿಕ ಅಗತ್ಯಗಳೂ ಭಿನ್ನವಾಗಿರುತ್ತವೆ. ಹೀಗಾಗಿ ನಿಮ್ಮ ಫಿಟ್ನೆಸ್ ಖಾಯಮ್ಮಾಗಿಟ್ಟುಕೊಳ್ಳಲು ವಿಶೇಷಜ್ಞರ ಸಲಹೆ ಪಡೆಯಿರಿ ಮತ್ತು ನಿಮ್ಮ ಹೊಸ ಬದುಕಿನ ಆರಂಭವನ್ನು ಫಿಟ್ನೆಸ್ ನೊಂದಿಗೆ ಮಾಡಿ.”
ಆಹಾರ ತಿಂಡಿಯಲ್ಲಿ ಬ್ರೆಡ್‌, 1 ಮೊಟ್ಟೆ ಮತ್ತು ಫ್ರೆಶ್‌ ಜ್ಯೂಸ್‌ ಇರಲಿ. ಅಖರೋಟ್‌ ಮತ್ತು ಬಾದಾಮಿಯನ್ನು ಸೇರಿಸಿಕೊಳ್ಳಿ. ಅವುಗಳಲ್ಲಿರುವ ಪ್ರೋಟೀನ್‌, ಫೈಬರ್‌, ಫೈಟೋಕೆಮಿಕಲ್ಸ್ ನಿಮ್ಮ ಹೃದಯವನ್ನು ಆರೋಗ್ಯವಾಗಿಡುವ ಜೊತೆಗೆ ನಿಮ್ಮ ಬಾಡಿಯ ವೇಸ್ಟಟೈನ್‌ ಹೆಚ್ಚಾಗದಂತೆ ತಡೆಯುತ್ತವೆ.
ದಿನಕ್ಕೊಮ್ಮೆ ಅಗತ್ಯವಾಗಿ ಮೊಸರು ಸೇವಿಸಿ. ಮೊಸರಿನಲ್ಲಿ ಝಿಂಕ್‌, ಕ್ಯಾಲ್ಶಿಯಂ ಮತ್ತು ವಿಟಮಿನ್‌ ಗಳಿದ್ದು, ಅದರಿಂದ ನಿಮ್ಮ ತ್ವಚೆ ಕೋಮಲವಾಗಿರುತ್ತದೆ.
ಸಂಜೆ ಹೊತ್ತು ಪನೀರ್‌ ನಿಂದ ತಯಾರಿಸಿದ ಖಾದ್ಯಗಳನ್ನೇ ತಿನ್ನಿ. ಪನೀರ್‌ ನಲ್ಲಿ ಪ್ರೋಟೀನ್‌ ಮತ್ತು ಕ್ಯಾಲ್ಶಿಯಂ ಇದ್ದು, ಅದರಿಂದ ನಿಮ್ಮ ಹೊಟ್ಟೆಯ ಕಾಯಿಲೆಗಳೆಲ್ಲಾ ದೂರವಾಗುತ್ತವೆ. ನಿಮ್ಮ ದೇಹದ ಮೂಳೆಗಳೂ ಸದೃಢವಾಗುತ್ತವೆ.
ನೀವು ಮಾಂಸಾಹಾರಿಯಾಗಿದ್ದರೆ, ಮೀನನ್ನು ಅಗತ್ಯವಾಗಿ ಸೇವಿಸಿ. ಅದರಲ್ಲಿನ ಪ್ರೋಟೀನ್‌ ಕೂದಲಿಗೆ ಲಾಭಕಾರಿಯಾಗಿದ್ದು, ಅವಕ್ಕೆ ಹೊಳಪು ಬರುತ್ತದೆ.
ಶಾಕಾಹಾರಿಯಾಗಿದ್ದರೆ ಹಸಿರು ತರಕಾರಿಗಳನ್ನು ಬೇಯಿಸಿ ತಿನ್ನಿ. ಅದರಿಂದ ನಿಮ್ಮ ಆರೋಗ್ಯ ಚೆನ್ನಾಗಿರುತ್ತದೆ ಮತ್ತು ಮೊಡವೆಗಳ ತೊಂದರೆಯೂ ಇರುವುದಿಲ್ಲ.
ಬ್ಯೂಟಿ ಮುಖಕ್ಕೆ ಪ್ರತಿದಿನ ಅಗತ್ಯವಾಗಿ ಸಿಟಿಎಂ ಅಂದರೆ ಕ್ಲೆನ್ಸಿಂಗ್‌, ಟೋನಿಂಗ್‌ ಮತ್ತು ಮಾಯಿಶ್ಚರೈಸಿಂಗ್‌ ಮಾಡಿ. ಅದರಿಂದ ಮೃತ ತ್ವಚೆ ದೂರಾಗುತ್ತದೆ ಮತ್ತು ಮುಖ ಅರಳುತ್ತದೆ.
ಒಂದು ವೇಳೆ ನಿಮ್ಮ ಕೂದಲು ರಫ್‌ಆಗಿದ್ದರೆ, ಮದುವೆಗೆ 4 ತಿಂಗಳ ಮೊದಲಿನಿಂದಲೇ ಮಸಾಜ್‌ ಆರಂಭಿಸಿ ಮತ್ತು ಹೇರ್ ಮಾಸ್ಕ್ ಹಚ್ಚಿ. ಅದರಿಂದ ಕೂದಲಿಗೆ ಹೊಳಪು ಬರುವುದರ ಜೊತೆಗೆ ಅವುಗಳ ಗ್ರೋಥ್‌ ಕೂಡ ಸರಿಯಾಗಿರುತ್ತದೆ. ಆಗ ಮದುವೆಯ ದಿನ ನಿಮಗಿಷ್ಟವಾದ ಹೇರ್ ಸ್ಟೈಲ್ ಮಾಡಿಸಿಕೊಳ್ಳಬಹುದು.
2 ತಿಂಗಳು ಮೊದಲಿನಿಂದಲೇ ಪೆಡಿಕ್ಯೂರ್‌ ಮತ್ತು ಮೆನಿಕ್ಯೂರ್ ಮಾಡಿಸಿಕೊಳ್ಳಲು ಶುರುಮಾಡಿ. ಆಗ ಕೈಕಾಲುಗಳ ಮೃತ ತ್ವಚೆ ದೂರವಾಗುತ್ತದೆ ಮತ್ತು ಡ್ಯಾಮೇಜ್‌ ಆಗಿರುವ ನೇಲ್ಸ್ ಕೂಡ ಸರಿಯಾದ ಶೇಪ್‌ ಪಡೆಯುತ್ತವೆ. ಮೆಹಂದಿ ಜೊತೆ ಮೆನಿಕ್ಯೂರ್ ನಿಂದ ನಿಮ್ಮ ಕೈಗಳ ಸೌಂದರ್ಯಕ್ಕೆ ಇನ್ನಷ್ಟು ಗರಿ ಮೂಡಿಸಿ.
ನಿಮ್ಮ ದೇಹಕ್ಕೆ ಅಗತ್ಯವಾಗಿ ಸ್ಪಾ ಟಚ್‌ ಕೊಡಿ. ಸ್ಪಾನಿಂದ ನಿಮ್ಮ ದೇಹದಲ್ಲಿ ಆಯಾಸ ದೂರವಾಗುತ್ತದೆ ಮತ್ತು ನಿಮಗೆ ತಾಜಾತನದ ಅನುಭವವಾಗುತ್ತದೆ. ಬಾಡಿ ಮಸಾಜ್‌, ಹೆಡ್‌ ಮಸಾಜ್‌, ಫುಟ್‌ ಮಸಾಜ್‌, ಹಾಟ್‌ ಮಸಾಜ್‌ ಇತ್ಯಾದಿ ಅನೇಕ ರೀತಿಯ ಸ್ಪಾ ಇರುತ್ತವೆ. ಆದರೆ ವಧುವಿಗೆ ಬ್ರೈಡಲ್ ಮೇಕಪ್‌ ಸರಿಯಾಗಿರುತ್ತದೆ. ಮದುವೆಗೆ 3 ತಿಂಗಳ ಮೊದಲಿನಿಂದಲೇ ಸ್ಪಾ ಮಾಡಿಸಲು ಶುರು ಮಾಡಿ.
ಮದುವೆಯ ದಿನ ನಿಮ್ಮ ತ್ವಚೆಗೆ ಹೊಂದುವ ವಾಟರ್‌ ಪ್ರೂಫ್‌ಮೇಕಪ್‌ ಮಾಡಿಕೊಳ್ಳಿ. ಅದರಿಂದ ನೀವು ಬಹಳ ಹೊತ್ತು ಫ್ರೆಶ್‌ ಆಗಿ ಮತ್ತು ಸುಂದರವಾಗಿ ಕಾಣುವಿರಿ.
ಸ್ಟ್ರೆಸ್‌ ನಿಯಂತ್ರಣ
ಮದುವೆಯ ಕೆಲಸಗಳಲ್ಲಿ ಮನೆಯವರ ಸಹಾಯ ಪಡೆಯಿರಿ. ನಿಮ್ಮ ಮದುವೆಯ ಸೀರೆಯನ್ನು ನೀವೇ ಡಿಸೈನ್‌ ಮಾಡಿ.
ಮದುವೆಯಲ್ಲಿ ಮನೆಯ ಡೆಕೋರೇಶನ್‌ ಹೇಗಿರಬೇಕೆಂದು ನೀವೇ ಪ್ಲ್ಯಾನಿಂಗ್‌ ಮಾಡಿ.
ಮನೆಯವರು ಮತ್ತು ಗೆಳೆಯರೊಂದಿಗೆ ಮಾತುಕಥೆ ನಡೆಸಿ.
ಡಾರ್ಕ್‌ ಚಾಕಲೇಟ್‌ ತಿನ್ನಿ. ಇದರಿಂದಲೂ ಸ್ಟ್ರೆಸ್‌ ಸಾಕಷ್ಟು ನಿಯಂತ್ರಣದಲ್ಲಿರುತ್ತದೆ.
ಸ್ಲಿಮ್ ಟ್ರಿವ್‌ ಆಗಿ ಕಾಣಿಸಲು ಸೀರೆಯನ್ನು ಹೊಕ್ಕಳಿನಿಂದ ಕೆಳಗೇ ಧರಿಸಿ. ಅದರಿಂದ ನೀವು ಉದ್ದವಾಗಿ ಕಾಣುವಿರಿ ಮತ್ತು ನಿಮ್ಮ ಫಿಗರ್‌ ಪರ್ಫೆಕ್ಟ್ ಆಗಿ ಕಾಣುತ್ತದೆ.
ನಿಮ್ಮ ಸ್ಕಿನ್‌ ಗೆ ಹೊಂದುವ ಕಲರ್‌ ಆರಿಸಿಕೊಂಡೂ ನೀವು ಸ್ಲಿಮ್ ಆಗಿ ಕಾಣಬಹುದು. ಸ್ಲಿಮ್ಮಾಗಿ ಕಾಣಲು ಅಗತ್ಯವಾಗಿ ಎಕ್ಸ್ ಪರ್ಟ್‌ ಸಲಹೆ ಪಡೆಯಿರಿ.
ನಿಮ್ಮ ದೇಹದ ಮೇಲ್ಭಾಗ ಅಗಲವಾಗಿದ್ದರೆ ಫುಲ್ ಸ್ಲೀವ್‌ ಡ್ರೆಸ್‌ ನ್ನೇ ಧರಿಸಿ.
ಹೆವಿ ಮೇಕಪ್‌ ಮಾಡಿಕೊಳ್ಳುವ ಬದಲು ಮುಖದ ಯಾವುದಾದರೂ ಒಂದು ಭಾಗವನ್ನು ಫೋಕಸ್‌ ಮಾಡಿ.
ಇದನ್ನೂ ಗಮನಿಸಿ
ಒಂದು ವೇಳೆ ನೀವು ಕನ್ನಡಕ ಧರಿಸುತ್ತಿದ್ದು ಲೇಸರ್‌ ಸರ್ಜರಿ ಮಾಡಿಸಲು ಬಯಸುತ್ತಿದ್ದರೆ, ಹಿಂದೇಟು ಹಾಕದೆ ವೈದ್ಯರೊಂದಿಗೆ ಮಾತನಾಡಿ ಸರ್ಜರಿ ಮಾಡಿಸಿ. ಮದುವೆಯ ದಿನ ಲೆನ್ಸ್ ಹಾಕಲು ಬಯಸಿದರೆ 2 ತಿಂಗಳು ಮೊದಲಿನಿಂದಲೇ ಲೆನ್ಸ್ ಹಾಕಲು ಶುರು ಮಾಡಿ. ಆಗ ಮದುವೆ ದಿನದಂದು ನೀವು ಸಹಜವಾಗಿ ಇರುತ್ತೀರಿ.
ಕಾಲುಗಳ ಬಗ್ಗೆ ವಿಶೇಷ ಗಮನ ನೀಡಿ. ಹೀಲ್ಸ್ ಇರುವ ಚಪ್ಪಲಿಗಳನ್ನು ಹೆಚ್ಚಾಗಿ ಧರಿಸುವುದರಿಂದ ಕಾಲುಗಳಲ್ಲಿ ಊತ ಬರುತ್ತದೆ. ಆದ್ದರಿಂದ ಆರಾಮದಾಯಕ ಚಪ್ಪಲಿಗಳನ್ನೇ ಉಪಯೋಗಿಸಿ.
ಇಂದಿನ ಆಧುನಿಕ ಯುವತಿಯರು ಹೆಚ್ಚಾಗಿ ಮದುವೆಗೆ 1 ವಾರ ಮೊದಲೇ ಮೂಗು ಚುಚ್ಚಿಸಿಕೊಳ್ಳುತ್ತಾರೆ. ಆದರೆ ನೀವು ಹಾಗೆ ಮಾಡದೆ ಮದುವೆಗೆ 1 ತಿಂಗಳು ಮೊದಲೇ ಮೂಗು ಚುಚ್ಚಿಸಿಕೊಳ್ಳಿ. ಅದರಿಂದ ಮದುವೆ ಹತ್ತಿರ ಬಂದಾಗ ಯಾವುದೇ ರೀತಿ ತೊಂದರೆಯಾಗುವುದಿಲ್ಲ.
ದಂತ ಕ್ಷಯದ ಸಮಸ್ಯೆ ಇದ್ದರೆ ಬೇಗನೆ ಚಿಕಿತ್ಸೆ ಮಾಡಿಸಿ ಮತ್ತು ಮದುವೆಯ ದಿನದಂದು ಮುಕ್ತವಾಗಿ ನಗುತ್ತಿರಿ.
– ಎನ್‌. ಆಶಾಲತಾ
