ದಕ್ಷಿಣ ಭಾರತದ ಜನಪ್ರಿಯ ನಟಿ ಅನುಪಮಾ ಪರಮೇಶ್ವರನ್ ಸೈಬರ್ ಕೃತ್ಯಕ್ಕೆ ಬಲಿಯಾಗಿದ್ದು, ಅವರಿಗೆ ಆನ್‌ಲೈನ್‌ನಲ್ಲಿ ಕಿರುಕುಳ ನೀಡಲಾಗಿರುವ ಸೈಬರ್ ಕ್ರೈನಲ್ಲಿ ದೂರು ದಾಖಲಿಸಿದ್ದಾರೆ.
ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿರುವ ನಟಿ, 20 ವರ್ಷದ ಮಹಿಳೆಯೊಬ್ಬರು ನಕಲಿ ಖಾತೆ ಬಳಸಿಕೊಂಡು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮನ್ನು ಬೆದರಿಸುತ್ತಿದ್ದರು. ಸೈಬರ್ ಕ್ರೈಮ್ ಬ್ರಾಂಚ್‌ಗೆ ದೂರು ನೀಡಿದ್ದು, ಶೀಘ್ರದಲ್ಲೇ ಈ ವಿಷಯದಲ್ಲಿ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಿದ್ದಾರೆ. ಕೇರಳ ಸೈಬರ್ ಪೊಲೀಸರು ಆ ಯುವತಿಯನ್ನು ಗುರುತಿಸಿದ್ದಾರೆ ಎಂದು ಅನುಪಮಾ ಹೇಳಿದ್ದಾರೆ.
“ಇನ್‌ಸ್ಟಾಗ್ರಾಮ್ ಖಾತೆಯೊಂದು ನನ್ನನ್ನು, ನನ್ನ ಕುಟುಂಬವನ್ನು ಮತ್ತು ನನ್ನ ಸ್ನೇಹಿತರು ಮತ್ತು ಸಹನಟರನ್ನು ಟ್ಯಾಗ್ ಮಾಡುವ ಮೂಲಕ ನನ್ನ ಬಗ್ಗೆ ಸುಳ್ಳು ಮಾಹಿತಿ ಹರಡುತ್ತಿದೆ. ಪೋಸ್ಟ್‌ಗಳಲ್ಲಿ ಮಾರ್ಫ್ ಮಾಡಿದ ಫೋಟೋಗಳು ಮತ್ತು ಆಧಾರರಹಿತ ಆರೋಪಗಳು ಸೇರಿವೆ. ಆನ್‌ಲೈನ್‌ನಲ್ಲಿ ಈ ರೀತಿಯ ಉದ್ದೇಶಿತ ಕಿರುಕುಳ ನಡೆಯುವುದನ್ನು ನೋಡುವುದು ತುಂಬಾ ತೊಂದರೆದಾಯಕವಾಗಿದೆ ಎಂದು ಬರೆದಿದ್ದಾರೆ.
ತನಿಖೆಯಲ್ಲಿ ಅದೇ ಮಹಿಳೆ “ದ್ವೇಷವನ್ನು ಹರಡುವ” ಮತ್ತು ತನ್ನ ಬಗ್ಗೆ ಸುಳ್ಳು ಪೋಸ್ಟ್‌ಗಳನ್ನು ಹಂಚಿಕೊಳ್ಳುವ ಉದ್ದೇಶದಿಂದ ಹಲವಾರು ನಕಲಿ ಖಾತೆಗಳನ್ನು ರಚಿಸಿದ್ದಾಳೆ ಎಂದು ತಿಳಿದುಬಂದಿದೆ. ತನ್ನ ತವರು ಕೇರಳದ ಸೈಬರ್ ಕ್ರೈಮ್ ಪೊಲೀಸರಿಗೆ ದೂರು ನೀಡಿದ ನಂತರ, ಆರೋಪಿ ತಮಿಳುನಾಡಿನ 20 ವರ್ಷದ ಯುವತಿ ಎಂದು ತಿಳಿದುಬಂದಿದೆ ಎಂದಿರುವ ಅನುಪಮಾ, ಆಕೆಯ ವಯಸ್ಸಿನ ಕಾರಣದಿಂದಾಗಿ ಗುರುತನ್ನು ಬಹಿರಂಗಪಡಿಸದಿರಲು ನಿರ್ಧರಿಸಿದ್ದಾರೆ.
ಒಂದು ವಿಷಯವನ್ನು ಸ್ಪಷ್ಟಪಡಿಸಲು ನಾನು ಈ ಘಟನೆಯನ್ನು ಹಂಚಿಕೊಳ್ಳುತ್ತಿದ್ದೇನೆ. ಸ್ಮಾರ್ಟ್‌ಫೋನ್ ಹೊಂದಿರುವುದು ಅಥವಾ ಸಾಮಾಜಿಕ ಮಾಧ್ಯಮ ವೇದಿಕೆಯನ್ನು ಪ್ರವೇಶಿಸುವುದು ಯಾರಿಗೂ ಇತರರ ವಿರುದ್ಧ ಕಿರುಕುಳ ನೀಡುವ, ಮಾನಹಾನಿ ಮಾಡುವ ಅಥವಾ ದ್ವೇಷವನ್ನು ಹರಡುವ ಹಕ್ಕನ್ನು ನೀಡುವುದಿಲ್ಲ. ಪ್ರತಿಯೊಂದು ಆನ್‌ಲೈನ್ ಕ್ರಿಯೆಗೂ ಒಂದು ಗುರಿ ಇರುತ್ತದೆ ಮತ್ತು ಅದಕ್ಕೆ ಹೊಣೆಗಾರಿಕೆ ಇರುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಅನುಪಮಾ ಪರಮೇಶ್ವರನ್ ದಕ್ಷಿಣ ಭಾರತದ ಚಲನಚಿತ್ರಗಳಲ್ಲಿ ಖ್ಯಾತರಾಗಿರುವ ಅನುಪಮಾ ಪರಮೇಶ್ವರನ್, ಮಲಯಾಳಂ, ಕನ್ನಡ ಮತ್ತು ತಮಿಳು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.
