ತಮಿಳುನಾಡು ಮುಖ್ಯಮಂತ್ರಿ ದಳಪತಿ ವಿಜಯ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಜನ ನಾಯಗನ್ ಗುರುವಾರ ಬೆಳಗ್ಗೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದ್ದು, ತಮಿಳಗ ವೆಟ್ರಿ ಕಳಗಂ ಕಾರ್ಯಕರ್ತರು ಹಾಗೂ ವಿಜಯ್ ಅಭಿಮಾನಿಗಳು ಥಿಯೇಟರ್ಗಳಲ್ಲಿ ಕುಣಿದು ಸಂಭ್ರಮಿಸಿದ್ದಾರೆ.
ಮುಖ್ಯಮಂತ್ರಿ ಸಿ ವಿಜಯ್ ಜೋಸೆಫ್ ಅಭಿನಯದ ಜನ ನಾಯಗನ್ ಚಿತ್ರದ ‘ಮೊದಲ ದಿನದ ಮೊದಲ ಪ್ರದರ್ಶನ’ವನ್ನು ವೀಕ್ಷಿಸಿದ ಸಾವಿರಾರು ಅಭಿಮಾನಿಗಳು, ಪೊಂಗಲ್ ವಿತರಿಸಿ, ಪಟಾಕಿ ಸಿಡಿಸಿ, ಸಂಗೀತ ಮತ್ತು ಬೃಹತ್ ಕೇಕ್ಗಳನ್ನು ಕತ್ತರಿಸುವ ಮೂಲಕ ಸಂಭ್ರಮ ಹಂಚಿಕೊಂಡಿದ್ದಾರೆ.
ಚಿತ್ರ ಮಂದಿರಗಳ ಹೊರಗೆ ವಿಜಯ್ ಅವರ ಬೃಹತ್ ಹೋರ್ಡಿಂಗ್ಗಳಿಗೆ ಅಭಿಮಾನಿಗಳು ಹಾಲಿನ ಅಭಿಷೇಕ ಮಾಡಿದ್ದಾರೆ. ರೋಹಿಣಿ, ವುಡ್ಲ್ಯಾಂಡ್ಸ್ ಮತ್ತು ಕ್ಯಾಸಿನೊ ಚಿತ್ರಮಂದಿರಗಳಲ್ಲಿ ಜನ ನಾಯಗನ್ ಚಿತ್ರದ ಭವ್ಯ ಹೋರ್ಡಿಂಗ್ಗಳು ಕಂಡುಬಂದವು ಮತ್ತು ಚೆನ್ನೈನಲ್ಲಿ ಒಂದು ಹೋರ್ಡಿಂಗ್ ವಿಜಯ್ ಅವರನ್ನು ‘ತಮಿಳುನಾಡಿನ ಏಕೈಕ ಶಕ್ತಿ ಕೇಂದ್ರ’ ಎಂದು ಹೊಗಳಿದೆ.
ಪೊಂಗಲ್ ಹಬ್ಬದ ವೇಳೆಗೆ ತೆರೆಗೆ ಬರಬೇಕಿದ್ದ ಜನ ನಾಯಗನ್ ಚಿತ್ರವು ನಾನಾ ಅಡೆತಡೆಗಳಿಂದಾಗಿ ಮುಂದೂಡಲ್ಪಟ್ಟಿತ್ತು. ಇದೀಗ ಜುಲೈ 23 ರಂದು ಭಾರತವೂ ಸೇರಿದಂತೆ ವಿಶ್ವಾದ್ಯಂತ ಅತ್ಯಂತ ಅದ್ದೂರಿಯಾಗಿ ತೆರೆ ಕಂಡಿದೆ.
