ಪ್ರತಿಭೆಯ ವಾತಾರಣದ ನಡುವೆ ಹುಟ್ಟಿ ಬೆಳೆದ ಕನ್ನಡದ ಅಪ್ಪಟ ಹೊಸ ಪ್ರತಿಭೆ ನಟಿ ರಾಗಿಣಿ ಪ್ರಜ್ವಲ್ ಬಾಲ್ಯದಿಂದಲೇ ತುಸು ವಿಭಿನ್ನವಾದ, ಛಾಲೆಂಜಿಂಗ್‌ ಕೆಲಸ ಮಾಡಿ ತೋರಿಸಬೇಕೆನ್ನುವ ಹುಮ್ಮಸ್ಸು ಬಹಳ ಇತ್ತು. ಇದಕ್ಕೆ ಅವಳ ತಾಯಿತಂದೆ ಮೊದಲಿನಿಂದ ಪ್ರೋತ್ಸಾಹದ ಶ್ರೀರಕ್ಷೆ ಇತ್ತರು.
ಮದುವೆಯಾದ ಬಳಿಕ ಪತಿ ಪ್ರಜ್ವಲ್ ದೇವರಾಜ್‌ ಸಹ ಅಷ್ಟೇ ಸಹಕಾರ ನೀಡುತ್ತಿದ್ದಾರೆ. ಪ್ರಜ್ವಲ್ ತಂದೆ ದಶಕಗಳಾಚೆಯ ಪಳಗಿದ ಅನುಭವೀ ರಂಗನಟ, ಕನ್ನಡ ಚಿತ್ರರಂಗದ ಅಪೂರ್ವ ವಿಲನ್‌, ನಂತರ ಹೀರೋ ಆದರು. ತಾಯಿ ಚಂದ್ರಲೇಖಾ, ಪ್ರಜ್ವಲ್ ತಮ್ಮ ಪ್ರಣವ್‌ ಸಹ ಸಿನಿಮಾ ನಟರು.
ವಿನಮ್ರ ಸ್ವಭಾವದ ರಾಗಿಣಿ, ಮೃದುಭಾಷಿ ಹಾಗೂ ಸ್ಪಷ್ಟ ಕನ್ನಡ ಉಚ್ಚಾರಣೆಗೆ ಹೆಸರಾದವಳು. ರಾಗಿಣಿ ಶಾಸ್ತ್ರೀಯ ಕಥಕ್‌ ಡ್ಯಾನ್ಸರ್‌ ಮಾಡೆಲ್. ಕಳೆದ ಜುಲೈ ಕೊನೆಯಲ್ಲಿ ಈಕೆಯ ಮೊದಲ `ಲಾ’ ಕನ್ನಡ ಚಿತ್ರ, ಓಟಿಟಿ ಮುಖಾಂತರ ಅಮೆಝಾನ್‌ ಪ್ರೈಮ್ನಲ್ಲಿ ಬಿಡುಗಡೆಗೊಂಡು ಅಪಾರ ಮೆಚ್ಚುಗೆ ಗಳಿಸಿದೆ. ನೇರ ಬೆಳ್ಳಿತೆರೆಯಲ್ಲಿ ಮೊದಲ ಚಿತ್ರ ರಿಲೀಸ್‌ ಆಗಲಿಲ್ಲವಲ್ಲ ಎಂಬ ಸಣ್ಣ ಕೊರಗು ಅವಳಿಗೆ ಇದ್ದೇ ಇದೆ. ಆದರೆ ಈ ಪ್ಲಾಟ್‌ಫಾರ್ಮ್ ಮೂಲಕ ಆಕೆ ಅತಿ ಹೆಚ್ಚು ಪ್ರೇಕ್ಷಕರನ್ನು ತಲುಪಲು ಸಾಧ್ಯ ಎಂಬುದಂತೂ ನಿಜ, ಈ ಖುಷಿ ಅವಳಿಗಿದ್ದೇ ಇದೆ. ಆಕೆ ಜೊತೆ ನಡೆಸಲಾದ ಸಂದರ್ಶನದ ಆಯ್ದ ಭಾಗ :
ಈ ಚಿತ್ರ ಒಪ್ಪಿಕೊಳ್ಳಲು ಮುಖ್ಯ ಕಾರಣವೇನು? ಇಷ್ಟು ಉತ್ಸಾಹದಿಂದ ಏನೇನು ತಯಾರಿ ನಡೆಸಿದಿ?
ಮೊದಲಿನಿಂದಲೂ ನಟನೆ ನನ್ನ ಮೊದಲ ಆಯ್ಕೆ ಆಗಿರಲಿಲ್ಲ. ಶಾಸ್ತ್ರೀಯ ನೃತ್ಯಕ್ಕೆ ನನ್ನ ಮೊದಲ ಆದ್ಯತೆ! ಬೆಂಗಳೂರಿನಲ್ಲಿ ನಾನು ಒಂದು ಡ್ಯಾನ್ಸ್ ಫಿಟ್‌ನೆಸ್‌ ಸ್ಟುಡಿಯೋ ನಡೆಸುತ್ತಿದ್ದೇನೆ. ನನಗೆ ಅದೇ ಮೊದಲ ಪ್ರಯಾರಿಟಿ, ಏಕೆಂದರೆ ನಾನೊಬ್ಬ ಕ್ಲಾಸಿಕ್‌ ಡ್ಯಾನ್ಸರ್‌. ಈ ಚಿತ್ರಕ್ಕಾಗಿ ನಿರ್ದೇಶಕ ರಘು ಸಮರ್ಥ್‌ ನಮ್ಮ ಮನೆಗೆ ಬಂದು ನನ್ನ ಪತಿ ಪ್ರಜ್ವಲ್ ಜೊತೆ ಸ್ಕ್ರಿಪ್ಟ್ ಕುರಿತು ಚರ್ಚಿಸಿದರು. ಅವರಿಗೆ ಅದು ಬಹಳ ಇಷ್ಟವಾಗಿ ನಾನು ಅದರಲ್ಲಿ ನಟಿಸಬೇಕೆಂದು ಪ್ರೋತ್ಸಾಹಿಸಿದರು. ನಾನೂ ಆ ಸ್ಕ್ರಿಪ್ಟ್ ಓದಿ ಇಷ್ಟಪಟ್ಟೇ ಈ ಪಾತ್ರ ಒಪ್ಪಿಕೊಂಡೆ. ಇದು ನನ್ನ ಮೊದಲ ಚಿತ್ರ. ಇಲ್ಲಿ ಹಿರಿಯ ಕಲಾವಿದರೊಂದಿಗೆ ನಟಿಸುವ ಅವಕಾಶ ಸಿಕ್ಕಿದ್ದು ನನ್ನ ಭಾಗ್ಯ! ಇದಕ್ಕಾಗಿ ನಾನು ಬಹಳ ಪರಿಶ್ರಮಪಟ್ಟು ತಯಾರಿ ನಡೆಸಿದ್ದೇನೆ. ಹಲವು ವರ್ಕ್‌ಶಾಪ್‌ ಅಟೆಂಡ್‌ ಮಾಡಿ, ಕೋರ್ಟ್‌ಗೆ ಹೋಗಿಬಂದು, ನಂತರ ಆ ದೃಶ್ಯಗಳಲ್ಲಿ ನಟಿಸಿದೆ. ಆನಂತರ ಎಲ್ಲಾ ಬಹಳ ಚೆನ್ನಾಗಿ ಮೂಡಿಬಂತು.
ಇದರಲ್ಲಿ ನಿನ್ನ ಪಾತ್ರವೇನು? ಇದನ್ನು ನಿನಗೆ ಹೇಗೆ ರಿಲೇಟ್‌ ಮಾಡಿಕೊಳ್ಳುವೆ?
ನಾನು ಈ ಚಿತ್ರದಲ್ಲಿ ನಂದಿನಿಯ ಪಾತ್ರ ವಹಿಸಿದ್ದೇನೆ. ಅವಳು ಲಾ ಗ್ರಾಜುಯೇಟ್‌ ಹಾಗೂ ಸಶಕ್ತ ಮನೋಬಲದ ಹುಡುಗಿ. ಅವಳು ಸತ್ಯ ಹೇಳಲು ಹೆದರುವುದಿಲ್ಲ. ಅವಳು ಸಮಾಜ ಯಾವ ಅಕ್ಕಪಕ್ಕದವರೊಂದಿಗೆ ದಿಟ್ಟವಾಗಿ ವ್ಯವಹರಿಸಲು ಎಂದೂ ಹಿಂಜರಿಯುವಳಲ್ಲ. ಅವಳಿಗೆ ದುರಾಸೆ ಇಲ್ಲ. ಈ ಪಾತ್ರಕ್ಕೂ ನನ್ನ ಸ್ವಭಾಕ್ಕೂ ಬಹಳ ನಿಕಟತೆ ಇದೆ. ಏಕೆಂದರೆ ನಿಜ ಜೀವನದಲ್ಲಿ ನಾನು ಡಿಪ್ಲೊಮ್ಯಾಟಿಕ್‌ ಅಲ್ಲ ಖಂಡಿತವಾದಿ! ಹಾಗಾಗಿ ಲೋಕವಿರೋಧಿ ಎಂದೂ ಆಗ್ತೀನಿ, ಏಕೆಂದರೆ ಕಂಡದ್ದನ್ನು ಕಂಡಂತೆ ಹೇಳಿಬಿಡುವುದೇ ನನ್ನ ಗುಣ. ಈ ಚಿತ್ರದಲ್ಲಿ ನಂದಿನಿ ಸಹ ಅದೇ ರೀತಿ ಸತ್ಯದ ಸಂಗತಿ ಹೊರಗೆಳೆದು ಅಪರಾಧಿಗೆ ಶಿಕ್ಷೆ ಕೊಡಿಸುತ್ತಾಳೆ, ಹೀಗಾಗಿ ನನ್ನನ್ನೇ ಹೋಲುವ ಆ ಪಾತ್ರದಲ್ಲಿ ಸಹಜವಾಗಿ ಪರಕಾಯ ಪ್ರವೇಶ ಮಾಡಿದೆ!
ಈ ರೀತಿ ಖಂಡಿತವಾದಿ ಆದುದರಿಂದ ಏನಾದರೂ ಸಮಸ್ಯೆ ಎದುರಿಸಬೇಕಾಯಿತೇ?
ಹಾಗೇನಿಲ್ಲ, ಹೆಂಗಸರ ಮಾತಿನ ಮಧ್ಯೆ ಸ್ವಲ್ಪ ಹೆಚ್ಚು ಕಡಿಮೆ ಇದ್ದಿದ್ದೇ ಬಿಡಿ, ಅದು ತೀರಾ ಗಂಭೀರ ಸ್ವರೂಪ ತಾಳಲಿಲ್ಲ. ನಾನು ಏನು ಹೇಳಿಬಿಡುತ್ತೇನೋ ಆ ಬಗ್ಗೆ ಎಂದೂ ಪಶ್ಚಾತ್ತಾಪ ಪಡುವವಳಲ್ಲ, ಪಬ್ಲಿಸಿಟಿ ಸ್ಟಂಟ್‌ಗಾಗಿ ನಾನು ಹೀಗೆಲ್ಲ ಹೇಳುವವಳಲ್ಲ. ಏನಾದರೂ ತಪ್ಪು ಕಂಡುಬಂದರೆ ಅದನ್ನು ನೇರ ನುಡಿಗಳಲ್ಲಿ ಖಂಡಿಸಲು ಹಿಂಜರಿಯುವವಳಲ್ಲ. ನಾನು ಸೋಶಿಯಲ್ ಮೀಡಿಯಾದಲ್ಲಿ ಫಿಟ್‌ನೆಸ್‌ ಕುರಿತಾಗಿ ಬಹಳ ಆ್ಯಕ್ಟಿವ್‌ ಆಗಿರ್ತೀನಿ. ಆ ಮೂಲಕ ಎಲ್ಲರನ್ನೂ ಜಾಗೃತಳಾಗಿಸುವೆ. ಫಿಟ್‌ನೆಸ್‌ ಎಲ್ಲರಿಗೂ ಅತ್ಯಗತ್ಯ ಬೇಕು. ನಾನು ಏನು ಅಂದುಕೊಳ್ಳುತ್ತೇನೋ ಅದನ್ನು ಜನರಿಗೆ ಸರಿಯಾದ ದಿಕ್ಕಿನಲ್ಲಿ ತಲುಪಿಸಲು ಯತ್ನಿಸುವೆ.
ಲಾ ಕುರಿತಾಗಿ ನಮ್ಮ ದೇಶದಲ್ಲಿ ಹೆಣ್ಣುಮಕ್ಕಳಿಗೆ ಹೆಚ್ಚಿನ ಅರಿವು ಇಲ್ಲ. ಮಹಿಳೆಯರಿಗೆ ಈ ಬೇಸಿಕ್‌ ಕಾನೂನಿನ ಮಾಹಿತಿ ಇರಬೇಕಾದುದು ಎಷ್ಟು ಅವಶ್ಯಕ?
ನಮ್ಮ ದೇಶದ ಮಹಿಳೆಯರಿಗೆ ಕಾನೂನಿನ ಅರಿವು ಕಡಿಮೆ ಎಂಬುದು ನಿಜ. ಆದರೆ ತಮ್ಮ ಹಕ್ಕುಗಳ ಕುರಿತಾಗಿ ಅವರು ಅರಿತಿರಬೇಕಾದುದು ಅತ್ಯಗತ್ಯ. ಒಬ್ಬ ಹೆಣ್ಣಾದ ಕಾರಣ ತನಗೆ ಯಾವ ಯಾವ ಹಕ್ಕುಗಳಿವೆ ಎಂದು ಓದಿ, ಕೇಳಿ ಅವಳು ತಿಳಿದುಕೊಳ್ಳಬೇಕು. ಇದಕ್ಕಾಗಿ ಹಿಂಜರಿಯಬೇಕಾದ ಅಗತ್ಯವಿಲ್ಲ. ಪ್ರತಿಯೊಬ್ಬ ಹೆಣ್ಣೂ ಈ ನಿಟ್ಟಿನಲ್ಲಿ ಪ್ರಾಮಾಣಿಕ ಪ್ರಯತ್ನ ನಡೆಸಬೇಕು.
ನೀನು ಕ್ಲಾಸಿಕ್‌ ಡ್ಯಾನ್ಸರ್‌ ಆಗಿರುವುದರ ಜೊತೆ ಇದೀಗ ನಟನೆಯನ್ನೂ ಕೆರಿಯರ್‌ ಆಗಿಸಿಕೊಂಡಿದ್ದಿ. ಇದರಲ್ಲಿ ಯಾವುದು ಹೆಚ್ಚು ತೃಪ್ತಿ ಕೊಡುತ್ತದೆ?
ಡ್ಯಾನ್ಸ್ ಸದಾ ನನ್ನ ಮೊದಲ ಪ್ರಯಾರಿಟಿ. ಈ ನೃತ್ಯದ ಕಾರಣವೇ ನಾನೀಗ ಅಭಿನಯಕ್ಕೆ ಮನಸ್ಸು ಮಾಡಿರುವೆ. ನಾನೊಬ್ಬ ಶಾಸ್ತ್ರೀಯ ಕಥಕ್‌ ನೃತ್ಯಗಾರ್ತಿ. ಕಥಕ್‌ ನೃತ್ಯಗಳು ಸದಾ ಒಂದು ಪೂರ್ತಿ ಕಥೆಯನ್ನು ಪ್ರತಿಪಾದಿಸುತ್ತವೆ, ಅದರಲ್ಲಿ ಎಲ್ಲಾ ಭಾವ ರಸಗಳೂ ಅಡಗಿರುತ್ತವೆ.
ಈ ಫೀಲ್ಡ್ ಗೆ ಬರಲು ನಿನಗೆ ಎಲ್ಲಿಂದ ಪ್ರೇರಣೆ ದೊರಕಿತು?
ನಾನು ಬಾಲ್ಯದಿಂದಲೇ ಡ್ಯಾನ್ಸ್ ಕಲಿಯುತ್ತಿದ್ದೆ. ನನ್ನ ಕುಟುಂಬದಲ್ಲಿ ಎಲ್ಲರೂ ಕ್ರಿಯೇಟಿವ್ ಫೀಲ್ಡ್ ನಲ್ಲಿದ್ದಾರೆ. ನನ್ನ ಅತ್ತೆ, ಮಾವ, ಪತಿ, ಮೈದುನ…. ಎಲ್ಲರೂ ಚಿತ್ರರಂಗದ ಚಿರಪರಿಚಿತರು. ನಾನು ಈ ಫೀಲ್ಡ್ನಲ್ಲಿ ಮುಂದುವರಿಯಬೇಕೆಂದು ಅವರೆಲ್ಲ ಬಹಳ ಪ್ರೋತ್ಸಾಹ ನೀಡಿದರು. ನಾನು ಈ ಚಿತ್ರವನ್ನು ಮೊದಲು ಒಬ್ಬ ಪ್ರೇಕ್ಷಕಳಾಗಿ ಗಮನಿಸಿದೆ, ನನ್ನ ಕುಟುಂಬದವರು ಅದರ ಟೆಕ್ನಿಕ್‌ ಆ್ಯಂಗಲ್ಸ್ ಗಮನಿಸಿಕೊಳ್ಳುತ್ತಾರೆ. ಅವರಿಂದ ನಾನು ಸಾಕಷ್ಟು ವಿಷಯ ಕಲಿತಿರುವೆ. 2015ರಲ್ಲಿ ನಾನು ಪ್ರಜ್ವಲ್ ರನ್ನು ಮದುವೆಯಾದೆ. ಆದರೆ ಈಗಲೂ ನನ್ನನ್ನು ಮನೆಗೆ ಬಂದ ಹೊಸ ಸೊಸೆಯಂತೆಯೇ ಆದರಿಸುತ್ತಾರೆ, ಹೀಗಾಗಿ ಅನೇಕ ವಿಷಯಗಳನ್ನು ಕಲಿಯುತ್ತಿರುವೆ.
ನೀನು ಪ್ರಜ್ವಲ್ ರನ್ನು ಸಂಧಿಸಿದ್ದು ಎಲ್ಲಿ? ಇದೆಲ್ಲ ಹೇಗಾಯ್ತು?
ನಮ್ಮದು ಹೈಸ್ಕೂಲ್ನಿಂದಲೇ ಬೆಳೆದು ಬಂದ ಪ್ರೇಮ…… ಆಗಿನ ಗಮ್ಮತ್ತಿನ ದಿನಗಳ ಮಜವೇ ಬೇರೆ! ನಾವಿಬ್ಬರೂ ಶಾಲೆಯ ಅನೇಕ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಒಟ್ಟಾಗಿ ಡ್ಯಾನ್ಸ್ ಮಾಡಿದ್ದೇವೆ. ನಮ್ಮಿಬ್ಬರಲ್ಲಿ ಉತ್ತಮ ಅಂಡರ್‌ ಸ್ಟ್ಯಾಂಡಿಂಗ್‌ ಇದೆ. ಮೊದಲು ಪ್ರೇಮ, ನಂತರ ಮದುವೆ…. ನಮ್ಮಿಬ್ಬರ ಮನೆಯವರಿಗೆ ಈ ಸಂಬಂಧ ಮೊದಲಿನಿಂದಲೇ ಒಪ್ಪಿಗೆ ಇತ್ತು. ಎರಡೂ ಕುಟುಂಬಗಳೂ ಮೊದಲಿನಿಂದ ಫ್ಯಾಮಿಲಿ ಫ್ರೆಂಡ್ಸ್.
ಇಷ್ಟೆಲ್ಲ ಗಡಿಬಿಡಿ ಕೆಲಸಗಳ ಮಧ್ಯೆ ಮನೆ ಹೇಗೆ ನಿಭಾಯಿಸಿದೆ?
ನಾನು ಮೊದಲಿನಿಂದಲೇ ಮಲ್ಟಿ ಟಾಸ್ಕರ್‌! ನಾನು ಒಬ್ಬ ಯಶಸ್ವೀ ಕ್ಲಾಸಿಕ್‌ ಡ್ಯಾನ್ಸರ್‌, ಮಾಡೆಲ್, ಇದೀಗ ನಟಿಯೂ ಆಗಿರುವೆ. ನನ್ನ ಸ್ಟುಡಿಯೋ ಬೊಂಬಾಟ್‌ ಆಗಿ ನಡೆಯುತ್ತಿದೆ, ನನ್ನದೇ ಆನ್‌ಲೈನ್‌ ಆ್ಯಪ್‌ ಸಹ ಇದೆ. ಇದೆಲ್ಲ ಯಶಸ್ವಿಯಾಗಿ ನಡೆಯಲು ನಮ್ಮ ಮನೆಯವರೆಲ್ಲರ ಸಹಕಾರವೇ ಕಾರಣ. ಮದುವೆಗೆ ಮುಂಚೆ ಅಮ್ಮ ಅಪ್ಪ, ಇದೀಗ ಅತ್ತೆ, ಮಾವ ಅದೇ ಸ್ಥಾನದಲ್ಲಿ ನನ್ನನ್ನು ಸಲಹುತ್ತಿದ್ದಾರೆ. ಸದಾ ಏನಾದರೊಂದು ಹೊಸತನ್ನು ಕಲಿಯಲು ಪ್ರೋತ್ಸಾಹಿಸುತ್ತಿರುತ್ತಾರೆ.
ಪತಿ ಪತ್ನಿಯರ ಸಂಬಂಧ ಸದಾ ಮಧುರವಾಗಿರಲು ಯಾವ ಕ್ರಮ ಕೈಗೊಳ್ಳಬೇಕು?
ಈ ಸಂಬಂಧ ಬಲು ಸೂಕ್ಷ್ಮವಾದುದು. ಇಲ್ಲಿ ಗೆಳೆತನ, ನಂಬಿಕೆ ಬಲು ಪ್ರಧಾನ ಪಾತ್ರ ವಹಿಸುತ್ತದೆ. ನಾವಿಬ್ಬರೂ ಪರಸ್ಪರರ ಕೆರಿಯರ್‌ಗೆ ಪೂರಕರಾಗಿದ್ದೇವೆ, ಎಂದೂ ಆ ಕುರಿತು ಮುನಿಸಿಕೊಂಡವರಲ್ಲ. ಜೊತೆಗೆ ನಾವು ಪರಸ್ಪರ ಕ್ರಿಟಿಕಲ್ಸ್ ಸಹ. ಪರಸ್ಪರರ ಮಾತುಗಳನ್ನು ಓಪನ್‌ ಮೈಂಡೆಡ್‌ ಆಗಿ ಒಪ್ಪಿಕೊಳ್ಳುತ್ತೇವೆ. ನಮ್ಮಲ್ಲಿ ಹಣ, ಐಶ್ವರ್ಯ, ಸ್ಟೇಟಸ್‌ ಎಂದೂ ಅಡ್ಡಿ ಬಂದಿಲ್ಲ. ನಂಬಿಕೆಯೇ ಭದ್ರ ಬುನಾದಿ! ಕಳೆದ 15 ವರ್ಷಗಳಿಂದ ಪ್ರೇಮಿಗಳಾದ ನಾವು ಇದೀಗ ಸುಖೀ ದಂಪತಿಗಳು! ಕೊರೋನಾ ಕಾರಣದಿಂದ ಈ ಮನರಂಜನೆಯ ಇಂಡಸ್ಟ್ರಿಯಲ್ಲಿ ಹಲವು ಸಮಸ್ಯೆ ಕಾಡುತ್ತಿದೆ.
ಇದು ಮತ್ತೆ ಸರಿಹೋಗಲು ಏನಾದರೂ ಸಲಹೆ ಸೂಚನೆ…..?
ನನ್ನ ಇಡೀ ಕುಟುಂಬ ಮನರಂಜನೆ ಅಥವಾ ಫಿಟ್‌ನೆಸ್‌ ಇಂಡಸ್ಟ್ರಿಗೆ ಸಂಬಂಧಿಸಿದ್ದು, ಅದೀಗ ಎರಡೂ ಆಲ್ ಮೋಸ್ಟ್ ಕ್ಲೋಸ್‌. ಸದ್ಯಕ್ಕೆ ನಾನಿನ್ನೂ ಸ್ಟುಡಿಯೋ ತೆರೆಯುತ್ತಿಲ್ಲ. ಇಂಥ ಸಮಯದಲ್ಲಿ ಪಾಸಿಟಿವ್‌ ಆಲೋಚನೆಗಳೊಂದೇ ದಾರಿ. ಆಗ ಮಾತ್ರ ಈ ಸಂಕಟದ ಪರಿಸ್ಥಿತಿಯಲ್ಲಿ ಎಲ್ಲರೂ ನೆಮ್ಮದಿ ಕಾಣಲು ಸಾಧ್ಯ. ಈ ಇಂಡಸ್ಟ್ರಿಯಲ್ಲಿ ಯಾವ ಕೆಲಸ ಮನೆಯಲ್ಲಿ ಕುಳಿತೇ ಆಗದು. ಈ ಸಂದರ್ಭವನ್ನು ಪ್ರೊಡಕ್ಟಿವ್ ವಿಧಾನದಲ್ಲಿ ಎದುರಿಸಬೇಕಷ್ಟೆ. ಸೋಶಿಯಲ್ ಮೀಡಿಯಾದಲ್ಲಿ ಸೆಲೆಬ್ರಿಟಿಗಳೆಲ್ಲರೂ ಬಹಳ ಸಂತೋಷವಾಗಿರುವಂತೆ ತೋರಿಸಿಕೊಳ್ಳುತ್ತಾರಷ್ಟೆ, ವಾಸ್ತವದಲ್ಲಿ ಹಾಗೇನಿಲ್ಲ. ನನ್ನ ದೃಷ್ಟಿಯಲ್ಲಿ ನಿಮಗೆ ಏನೇ ಸಮಸ್ಯೆ ಇದ್ದರೂ, ಮುಂದೆ ಬಂದು ಎಲ್ಲರ ಜೊತೆ ಶೇರ್‌ ಮಾಡಿ. ಎಮೋಶನ್‌ ಬಿಸ್ನೆಸ್ ಮೇಂಟೇನ್‌ ಮಾಡುವುದು ಅತಿ ಅಗತ್ಯ.
ನೀನು ಫುಡಿ, ಫ್ಯಾಷನೆಬಲ್ ಅಂತೀಯಾ?
ನಾನಂತೂ ಹೆಲ್ದಿ ಫುಡೀ. ಮದುವೆಗೆ ಮೊದಲು ನಾನಂತೂ ಕಿಚನ್‌ ಕಂಡಳವಳೇ ಅಲ್ಲ! ಮದುವೆ ನಂತರ ಹಲವು ಪ್ರೋಗ್ರಾಮ್ಗಳಿಂದ ಮನೆಯವರಿಗೆ ಊಟ ಮಾಡಿಸಿದ್ದೇನೆ. ಆದರೆ ನಾನು ಸದಾ ಹೆಲ್ದಿ ಫುಡ್‌ ಮಾತ್ರ ಇಷ್ಟಪಡ್ತೀನಿ, ಬಿರಿಯಾನಿ ನನ್ನ ಫೇವರಿಟ್‌! ನನಗೆ ಆರಾಮದಾಯಕ ಭಾರತೀಯ ಉಡುಗೆ ಅಂದ್ರೆ ಬಲು ಇಷ್ಟ. ನಾನು ಯಾವುದೇ ಡಿಸೈನರ್‌ಗೆ ಹ್ಯಾಂಗ್‌ ಓವರ್‌ ಆಗುವವವಳಲ್ಲ. ಯಾವುದೇ ಉತ್ತಮ ಡ್ರೆಸ್‌ ಧರಿಸಲು ಬಯಸುತ್ತೇನೆ.
ಬಿಡುವಿನ ವೇಳೆಯಲ್ಲಿ ನಿನ್ನ ಹವ್ಯಾಸ…..?
ನನ್ನ ಬಿಡುವಿನ ವೇಳೆಯಲ್ಲಿ ಅಥವಾ ಅತ್ಯಧಿಕ ಸ್ಟ್ರೆಸ್‌ ಉಂಟಾದಾಗ ಡ್ಯಾನ್ಸ್ಗೆ ಶರಣಾಗುತ್ತೇನೆ. ಇದರಿಂದ ಹ್ಯಾಪಿ ಹಾರ್ಮೋನ್ಸ್ ಹೊರ ಬರುತ್ತದೆ.
ಗೃಹಶೋಭಾ ಮೂಲಕ ಏನು ಮೆಸೇಜ್‌ ನೀಡುತ್ತೀಯಾ?
ನಾನು ಮೊದಲಿನಿಂದಲೂ ಗೃಹಶೋಭಾ ಅಭಿಮಾನಿ! ಮಹಿಳೆಯರು ಮೊದಲಿನಿಂದಲೂ ತುಂಬಾ ಸ್ಟ್ರಾಂಗ್‌, ಅದರ ವ್ಯಾಲ್ಯೂ ಅವರು ತಾನೇ ಕಂಡುಕೊಂಡು ಸಮಾಜಕ್ಕೆ ನೀಡಬೇಕಷ್ಟೆ. ಇದನ್ನೇ ಈ ಚಿತ್ರದ ಮೂಲಕ ಹೇಳಲು ಬಯಸಿದ್ದೇನೆ.
– ಪ್ರತಿನಿಧಿ.
