ಇದು ಹೃದಯದ ವಿಚಾರ :
ಕ್ಯಾಲಿಫೋರ್ನಿಯಾದ ಮೆಮೋರಿಯಲ್ ಕೇರ್‌ ಹಾಸ್ಪಿಟ್‌ ನ ಸಿಬ್ಬಂದಿ, ರೆಡ್‌ ಡ್ರೆಸ್‌ ನಲ್ಲಿ ಹಾರ್ಟ್ ಶೇಪ್‌ ನಲ್ಲಿ ಫೋಟೋ ಕ್ಲಿಕ್ಕಿಸಿಕೊಂಡು ಸಾಮಾನ್ಯ ಜನರಿಗೆ, ಹೃದಯದ ವಿಷಯವನ್ನು ನಿರ್ಲಕ್ಷಿಸದಿರಿ ಎಂದು ಎಚ್ಚರಿಸಿದ್ದಾರೆ. ಹೃದಯಕ್ಕೂ ಪ್ರೀತಿ ಪ್ರೇಮಕ್ಕೂ ಯಾವ ಸಂಬಂಧವೂ ಇಲ್ಲ, ಅದೆಲ್ಲ ಮಾನವರ ಭಾವಾತಿರೇಕದ ಮಾತುಗಳು.... ವ್ಯಾಲೆಂಟೈನ್ಸ್ ಡೇನಂದು ಕೆಂಪು ಹೂ ಕೊಟ್ಟುಬಿಟ್ಟ ಮಾತ್ರಕ್ಕೆ ಹೃದಯ ಸುರಕ್ಷಿತವಾಗದು, ಅದರ ಆರೋಗ್ಯದ ಕಡೆ ಕಾಳಜಿ ವಹಿಸಿ ಎಂದು ಎಚ್ಚರಿಸಿದ್ದಾರೆ.
ಪರಿಶ್ರಮದ ಕೆಲಸ :
ಹೇರ್‌ ಡ್ರೆಸರ್ಸ್‌ ಸಹ ಭಾರೀ ಪೈಪೋಟಿಗೆ ಇಳಿದಿದ್ದಾರೆ. `ಬೆಸ್ಟ್ ಹೇರ್‌ ಡ್ರೆಸರ್‌ ಆಫ್‌ ದಿ ಇಯರ್‌' ಪ್ರಶಸ್ತಿಗಾಗಿ ಹೋರಾಡುತ್ತಿದ್ದಾರೆ. ಆಸ್ಟ್ರೇಲಿಯಾದ 2021ರ ಬೆಸ್ಟ್ ಹೇರ್‌ ಡ್ರೆಸರ್‌ ದೊರಕಿದ್ದು ಮೋನಿಕಾಳಿಗೆ! ಇದಕ್ಕೆ ಅವಳ ಪ್ರತಿಕ್ರಿಯೆ ಗೊತ್ತಾಗಲಿಲ್ಲ. ಆದರೆ ಇಂದಿನ ಆಧುನಿಕ ಯುಗದಲ್ಲಿ ಹೇರ್‌ ಡ್ರೆಸರ್‌ ಕೆಲಸ ಮಾತ್ರ ಬಲು ನಾಜೂಕು, ಕಷ್ಟಕರ ಎಂಬುದರಲ್ಲಿ 2 ಮಾತಿಲ್ಲ.
ಇದು ನನ್ನಿಷ್ಟ :
ಇಂಥ ಮಹಾನ್‌ ಫ್ಯಾಷನೆಬಲ್ ಡ್ರೆಸ್‌ ಧರಿಸಿ ಯಾರು ಎಲ್ಲಿಗೆ ತಾನೇ ಹೋಗಲು ಸಾಧ್ಯ? ಆದರೆ ಇಂಥ ಕಿವಿಮಾತು ಕೇಳುವರಾರು? ಇಂದಿನ ಪಂಡಿತರು, ಮುಲ್ಲಾಗಳು ಎಲ್ಲಾ ಕಡೆ ತಾವೇ ಡ್ರೆಸ್‌ ಕೋಡ್‌ ನಿರ್ಧರಿಸುತ್ತಿದ್ದಾರೆ. ಅಂಥ ಅಮೆರಿಕಾದಲ್ಲೇ ಇಂಥ ಡಿಸೈನ್‌ ಗಳನ್ನು ಬಾಲ್ ಮ್ಯಾನ್‌ ದಂಥ ಬ್ರಾಂಡ್‌ ತಯಾರಿಸುತ್ತಿದ್ದರು, ನಮ್ಮಲ್ಲಿ ಇಲ್ಲಿ ಹಿಜಾಬ್‌, ತಲೆ ಮೇಲಿನ ಸೆರಗಿನ ಬಗ್ಗೆ ಹಣೆ ಚಚ್ಚಿಕೊಳ್ಳಬೇಕಿದೆ. ಹಿಜಾಬ್‌ ಕುರಿತಾಗಿ ವಿಶ್ವದೆಲ್ಲೆಡೆ ದೊಡ್ಡ ಆಪತ್ತು ಎದುರಾಗಿದೆ. ಹೆಂಗಸರನ್ನು ಮುಂದೊಡ್ಡಿ ಮತಾಂಧರು ತಮ್ಮ ಕಂದಾಚಾರ ಮೆರೆಯುತ್ತಿದ್ದರೆ, ಹಿಂದೂಗಳೂ ಕಾವಿ ದುಪಟ್ಟಾ ಇರಲಿ ಎಂದು ಹಠ ಹೂಡಿದ್ದಾರೆ. ಇಬ್ಬರೂ ತಮ್ಮ ಬೇಳೆಕಾಳು ಬೇಯಿಸಿಕೊಳ್ಳಲು ಮುಂದಾಗಿದ್ದಾರೆ.
ಇವರುಗಳ ಮುಗ್ಧತೆಗೆ ಮಾರುಹೋಗದಿರಿ :
ಇಂಗ್ಲೆಂಡಿನಲ್ಲಿ ಸೈಬರ್‌ ಸೆಕ್ಯೂರಿಟಿಯಲ್ಲಿ ಹುಡುಗಿಯರ ಆಸಕ್ತಿ ಹೆಚ್ಚಿಸಲು, ಸೈಬರ್‌ ಗರ್ಲ್ಸ್ ಹೆಸರಿನಲ್ಲಿ ಒಂದು ಸ್ಪರ್ಧೆ ಏರ್ಪಡಿಸಿ 13-14 ವರ್ಷದ ಇಂಥ ಹುಡುಗಿಯರಿಗೆ ಬಹುಮಾನ ಹಂಚಿದರು. ಮುಂದೆ ಹುಡುಗಿಯರ ಬಾಯ್‌ ಫ್ರೆಂಡ್ಸ್ ಗೆ ಕಷ್ಟ ತಪ್ಪಿದ್ದಲ್ಲ. ಏಕೆಂದರೆ ಇವರುಗಳನ್ನು ಮುಗ್ಧರೆಂದು ಭಾವಿಸಿ, ಅವರೇನೇ ಕಿಡಿಗೇಡಿ ಕೆಲಸ ನಡೆಸಿದರೂ, ಸೈಬರ್‌ ನಲ್ಲಿ ಶಾರ್ಪ್‌ ಆದ ಈ ಹುಡುಗಿಯರು ಅವರಿಗೆ 7 ಕೆರೆ ನೀರು ಕುಡಿಸಬಲ್ಲರು!
ಖುಷಿಯಾಗಿ ಇರಬೇಕಷ್ಟೆ..... :
ಗರ್ಲ್ಸ್ ಸ್ಕೌಟಿಂಗ್‌ ನಲ್ಲಿ ವಿಶ್ವಾಸ, ಧೈರ್ಯ, ತತ್ಪರತೆ, ಸೇವಾ ಮನೋಭಾವ ಜಾಗೃತಗೊಳಿಸಲು, ಇವರುಗಳ ಟೀಮ್ ವರ್ಕ್‌ ಕೆಲಸಕ್ಕೆ ಬರುತ್ತದೆ. ನಮ್ಮಲ್ಲಂತೂ ಈ ಸಂಸ್ಥೆ ನಶಿಸಿ ಹೋಗುತ್ತಿದೆ ಎಂದೇ ಹೇಳಬೇಕು. ಆದರೆ ವಿದೇಶಗಳಲ್ಲಿ ಬಲು ಚುರುಕಾಗಿವೆ. ಇದೀಗ ಅಮೆರಿಕಾದಿಂದ ಒಂದು ದೊಡ್ಡ ಗ್ರೂಪ್‌ ಯೂರೋಪಿನ ಸ್ಕೌಟುಗಳನ್ನು ಭೇಟಿಯಾಗಲು ಬಂದರು. ಆಗ ಎಲ್ಲರ ಖುಷಿ ಹೆಚ್ಚಿತು!
ಇಲ್ಲಿ ಹೆಚ್ಚಿನ ಸ್ಕೋಪ್‌ ಇದೆ :
ಲೀನಾ ಹಿಡೀ `ಗೇವ್ಸ್‌ ಆಫ್‌ ಥಾರ್ನ್ಸ್' ಮತ್ತೊಂದು ಫಿಲ್ಮ್ ಸೀರೀಸ್‌ ನಲ್ಲಿ ಮುಖ್ಯ ಪಾತ್ರವನ್ನು ಹಾಲಿವುಡ್‌ ನಲ್ಲಿ ನಿಭಾಯಿಸುತ್ತಿದ್ದಾಳೆ. ಸಿನಿಮಾಗಳಲ್ಲಿ ಮಹಿಳಾ ವೀಕ್ಷಕರ ಕ್ರೈಂ ಥ್ರಿಲ್ಲರ್‌ ಅಭಿರುಚಿ ಹೆಚ್ಚುತ್ತಿರುವುದನ್ನು ಗಮನಿಸಿ, ಇದೀಗ ಇಂಥ ರಾಶಿ ರಾಶಿ ಚಿತ್ರ ತಯಾರಾಗುತ್ತಿವೆ. ಇದರಲ್ಲಿ ಲೇಡಿ ಜೇಮ್ಸ್ ಬಾಂಡ್‌ ಕೆಲಸಗಳನ್ನು ನಿಭಾಯಿಸುತ್ತಿದ್ದಾಳೆ. ಇಲ್ಲಿ `ರಾಝಿ' ಚಿತ್ರದಲ್ಲಿ ಆಲಿಯಾ ಭಟ್‌ ಇಂಥ ಗಟ್ಟಿ ಪಾತ್ರ ನಿರ್ವಹಿಸಿದ್ದಳು. ಆದರೆ ನಮ್ಮ ಸಮಾಜದಲ್ಲಿ ಹೆಣ್ಣನ್ನು ಇನ್ನೂ ತಲೆಯ ಮೇಲಿನ ಸೆರಗಿನಲ್ಲೇ ಅಡಗಿಸಲಾಗುತ್ತಿದೆ. ಇದೀಗ ಹಿಂದುಳಿದ ಜನಾಂಗದ ಹುಡುಗಿಯರೂ ವಿದ್ಯೆ ಕಲಿತು ಮುಂದುವರಿದಿದ್ದಾರೆ, ಇಲ್ಲೂ ಅವರಿಗೆ ಹೆಚ್ಚಿನ ಸ್ಕೋಪ್‌ ಇದೆ, ಆದರೆ ಅವರು ಮಡಿವಂತಿಕೆ ತೊರೆಯಬೇಕಷ್ಟೆ.
