ಪ್ರಸಿದ್ಧ ಪ್ರಜನನ ಎಂಡೋಕ್ರೈನಾಲಜಿಸ್ಟ್
ಟೈಮ್ಸ್ ಐಕಾನ್‌ ಅವಾರ್ಡ್‌
“ಭಾರತದ ಮೊದಲನೇ ಟೆಸ್ಟ್ ಟ್ಯೂಬ್‌ ಬೇಬಿಯಿಂದ ಭಾರತದ ಪ್ರಜನನ ಚಿಕಿತ್ಸೆ ಹಾಗೂ ಸ್ತ್ರೀರೋಗ ಪ್ರಜನನ ಆರೈಕೆಯಲ್ಲಿ ಬದಲಾವಣೆಯ ಕ್ರಾಂತಿ….”
ಪ್ರಜನನ ಚಿಕಿತ್ಸೆಯಲ್ಲಿ ಅಂತಾರಾಷ್ಟ್ರೀಯ ಮಾನ್ಯತೆ ಪಡೆದ ಅಗ್ರಗಣ್ಯ ಸ್ತ್ರೀರೋಗ ತಜ್ಞೆ ಡಾ. ಇಂದಿರಾ ಹಿಂದೂಜಾ. ಪ್ರಸೂತಿ ಸ್ತ್ರೀರೋಗ ತಜ್ಞೆಯಾಗಿ ಈಕೆ 1986ರಲ್ಲಿ ಭಾರತದ ಮೊದಲ ಟೆಸ್ಟ್ ಟ್ಯೂಬ್‌ ಬೇಬಿಗೆ ಜನ್ಮ ನೀಡುವ ವೈದ್ಯಕೀಯ ತಂಡಕ್ಕೆ ಯಶಸ್ವೀ ಮಾರ್ಗದರ್ಶಿ ಆಗಿದ್ದರು. ಬಂಜೆತನ ಶಾಪವಲ್ಲ ಎಂದು ನಿರೂಪಿಸಿದರು.
ಭಾರತೀಯ ಪ್ರಜನನ ಚಿಕಿತ್ಸಾ ಕ್ಷೇತ್ರದಲ್ಲಿ ಕ್ರಾಂತಿ : ಐತಿಹಾಸಿಕ ಯಶಸ್ಸಿನ ಜೊತೆಗೆ ಡಾ. ಇಂದಿರಾ ಪ್ರಕ್ರಿಯೆಗಳನ್ನು ಮುಂದೆ ತಂದರು. ಈ ನಿಟ್ಟಿನಲ್ಲಿ ಇವರು ದೊಡ್ಡ ಕ್ರಾಂತಿಯನ್ನೇ ಸಾಧಿಸಿದ್ದಾರೆ. ಕ್ಲಿನಿಕ್‌ ಉತ್ಕೃಷ್ಟತೆ ಸಾಧಿಸಲು ಆಧುನಿಕ ಯುವ ಪೀಳಿಗೆಗೆ ಸಲಹೆ, ಪ್ರಸೂತಿ ಸ್ತ್ರೀರೋಗ ವಿಜ್ಞಾನದ ಪಠ್ಯಕ್ರಮಕ್ಕೆ ರೂಪುರೇಷೆ ನೀಡುವಲ್ಲಿ ಇವರು ಸರಿಸಾಟಿಯಿಲ್ಲದೆ ಪ್ರತಿಭೆ ಮೆರೆದಿದ್ದಾರೆ. ಇವರು ಬಂಜೆ ಹೆಣ್ಣಿಗೆ ಆಶಾಕಿರಣವಾಗಿ, ಸಾಮಾಜಿಕ ವೈದ್ಯಕೀಯ ಕ್ರಾಂತಿಗೆ ಮುನ್ನಡೆ ಹಾಡಿದ್ದಾರೆ. ಆ ದಿಟ್ಟ ಹೆಜ್ಜೆ ದೇಶವಿಡೀ ಪ್ರಭಾವಶಾಲಿಯಾಗಿ ಹರಡಿ, ಹೆಸರು ತಂದಿದೆ.
ವ್ಯಾಪಕ ಪ್ರಭಾವ
1970-1990ರ ದಶಕದಲ್ಲಿ ಮೊದಲು ಪ್ರಸೂತಿ ವೈದ್ಯಕೀಯದಲ್ಲಿ ಕ್ರಾಂತಿ.
1970ರಿಂದ ಪ್ರಸ್ತುತ ಕಾಲದವರೆಗೂ ಇವರು ನಿರ್ವಹಿಸಿದ ಪ್ರಜನನ ಕೇಸುಗಳಿಂದ ಸಾವಿರಾರು ಕುಟುಂಬಗಳು ನೆಮ್ಮದಿ ಕಂಡಿವೆ.
1980ರ ನಂತರ ಈಗಿನವರೆಗೂ, ಪ್ರಜನನ ಕ್ಷೇತ್ರದಲ್ಲಿ ಮುಂದಿನ ಪೀಳಿಗೆಗೆ ಕ್ಲಿನಿಕ್‌ ತರಬೇತಿಯ ರೂವಾರಿ ಆಗಿದ್ದಾರೆ.
ವೈಜ್ಞಾನಿಕ ಸಾಮಾಜಿಕ ಕ್ರಾಂತಿ : ಇವರ ಕಾರ್ಯದಕ್ಷತೆ ಕೇವಲ ವೈದ್ಯಕೀಯ ಕ್ಷೇತ್ರಕ್ಕೆ ಸೀಮಿತವಾಗದೆ, ಬಂಜೆಯ ನೋವು ನಿವಾರಿಸುವ, ಆರೈಕೆ ಒದಗಿಸುವ ಸಾಂಸ್ಕೃತಿಕ ಬದಲಾವಣೆಯ ಪ್ರತಿನಿಧಿ ಆಗಿದ್ದಾರೆ. ಹೀಗಾಗಿ ಇವರ ಇಬ್ಬಗೆಯ ಪ್ರಾಬಲ್ಯ, ವೈಜ್ಞಾನಿಕ ಹಾಗೂ ಸಾಮಾಜಿಕ ಪಾತ್ರ ನಿರ್ವಹಣೆ ಐತಿಹಾಸಿಕ ಆಳಕ್ಕಿಳಿದು, ಸಾರ್ವಜನಿಕ ಸ್ವಾಸ್ಥಕ್ಕೆ ಇಂಬು ನೀಡಿದೆ.
ಪ್ರಭಾವಶಾಲಿ ನೇತೃತ್ವ : ಇಂದು ಇವರ ನೇತೃತ್ವದಲ್ಲಿ ಪ್ರಸಿದ್ಧ ಎಂಡೋಕ್ರೈನಾಲಜಿಸ್ಟ್ ರ ತಂಡ, ಭಾರತದ ಪ್ರಮುಖ ನಗರಗಳಲ್ಲಿ ಯಶಸ್ವಿ ಎನಿಸಿದ್ದಾರೆ. ಈಕೆ ಅದೆಷ್ಟೋ ಸಾವಿರಾರು ಯುವ ಪ್ರಸೂತಿ ತಜ್ಞರಿಗೆ ಹಿರಿಯ ಶಿಕ್ಷಕಿ, ಸಲಹೆಗಾರರು. ಪ್ರಜನನ ಚಿಕಿತ್ಸಾ ಘಟಕಗಳಿಗೆ, ಬಂಜೆತನ ನಿವಾರಣೆಗೆ ಹೆಸರಾದ ಪ್ರಮುಖ ವ್ಯಕ್ತಿತ್ವ ಇವರದು.
ಅವಾರ್ಡ್ಸ್ : 1988ರಲ್ಲಿ ಇವರಿಗೆ ಭಾರತದ ಅತ್ಯುನ್ನತ `ಪದ್ಮಶ್ರೀ’ ಪ್ರಶಸ್ತಿ ದೊರಕಿದೆ. ಈ ಕ್ಷೇತ್ರದಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ಅನೇಕ ಪ್ರಶಸ್ತಿ, ಪುರಸ್ಕಾರಗಳು ಇವರನ್ನು ಅರಸಿ ಬಂದಿವೆ.
