ಪ್ರತಿ ಮಹಿಳೆಯ ಹಿರಿದಾಸೆ ಎಂದರೆ ಅವಳು ತನ್ನ ಮನೆ, ಪರಿವಾರವನ್ನು ಆರ್ಥಿಕವಾಗಿಯೂ ಸುಮುಖವಾಗಿ ನಡೆಸಬೇಕೆಂಬುದು. ಆದರೆ ಅವಳು ತನ್ನ ಈ ಆಸೆಯನ್ನು ಈಡೇರಿಸಿಕೊಳ್ಳಬೇಕೆಂದರೆ, ಅವಳು ತನ್ನ ಅಕ್ಯಾಡೆಮಿಕ್ಸ್ ನಲ್ಲಿ ಯಶಸ್ವಿಯಾಗಿದ್ದು, ವೆಲ್ ಸೆಟಲ್ಡ್ ಆಗಿರಬೇಕು. ಈ ಸಲದ ಹೊಸ ವರ್ಷ ಅಧಿಕ ವರ್ಷ ಆಗಿದೆ. ಈ ಲೀಪ್ ಇಯರ್ ಸಂದರ್ಭದಲ್ಲಿ ನಾವೇಕೆ ಮಹಿಳೆಯರಿಗೆ ಪ್ರೊಫೆಶನಲ್ ಲೆವೆಲ್ನಲ್ಲಿ ಲೀಪ್ ಫಾರ್ವರ್ಡ್ ಅಂದರೆ 4 ಹೆಜ್ಜೆ ಇನ್ನೂ ಮುಂದಿರಿ ಎಂದು ಸಲಹೆ ಕೊಡಬಾರದು? ಹೀಗೆ ಮಾಡುವುದರಿಂದ ಮಹಿಳೆಯರಿಗೆ ಫೈನಾನ್ಶಿಯಲಿ ಸೆಟಲ್ ಆಗಲು ಸಹಾಯ ಸಿಗುತ್ತದೆ, ಜೊತೆಗೆ ಅವರಲ್ಲಿ ಆತ್ಮವಿಶ್ವಾಸ ಜಾಗೃತಗೊಳ್ಳುತ್ತದೆ.
ಮೊದಲ ಹೆಜ್ಜೆ ಕುಕಿಂಗ್
ಅಂದರೆ ಕ್ಯುಲಿನರಿ ಆರ್ಟ್ಸ್ : ಹಿಂದಿನ ಕಾಲದಲ್ಲಿ ಅಡುಗೆ ಮಾಡುವುದೆಂದರೆ ಅದು ಅಪ್ಪಟ ಮನೆಗೆಲಸವಷ್ಟೆ ಎಂಬ ಅಭಿಪ್ರಾಯವಿತ್ತು. ಆದರೆ ಇಂದಿನ ಆಧುನಿಕ ದಿನಗಳಲ್ಲಿ ಕುಕಿಂಗ್ ಅಥವಾ ಕ್ಯುಲಿನರಿ ಆರ್ಟ್ಸ್ ಒಂದು ಆಕರ್ಷಕ ಕೆರಿಯರ್ ಆಪ್ಶನ್ರೂಪದಲ್ಲಿ ಹೊರಹೊಮ್ಮುತ್ತಿದೆ. ನೀತಾ ಮೆಹ್ತಾ, ಪಂಕಜ್ ಭದೌರಿಯಾ ಮುಂತಾದ ರಾಷ್ಟ್ರೀಯ ಖ್ಯಾತಿವೆತ್ತರು, ಅಡುಗೆ ಮಾಡುವ ಕಲೆಗೆ ಒಂದು ಸುಸಜ್ಜಿತ ಉದ್ದಿಮೆಯ ರೂಪ ನೀಡಿದ್ದಾರೆ. ಈ ಕ್ಷೇತ್ರವನ್ನು ಪ್ರೊಫೆಶನಲ್ ರೂಪದಲ್ಲಿ ತಮ್ಮದಾಗಿಸಿಕೊಳ್ಳಲು ಯಾವ ಮಹಿಳೆಯೇ ಇರಲಿ, ಕ್ಯುಲಿನರಿ ಆರ್ಟ್ಸ್ ನಲ್ಲಿ ಡಿಪ್ಲೊಮಾ ಹೊಂದಬೇಕು. ಇದರ ಸಲುವಾಗಿ ಕುಕಿಂಗ್, ಬೇಕಿಂಗ್ ಟೆಕ್ನಿಕ್ಸ್, ಗಾರ್ನಿಶಿಂಗ್, ನೈಫ್ ಸ್ಕ್ಸಿಲ್, ಫುಡ್ ಕಾರ್ವಿಂಗ್, ಪ್ಲೇಟ್ ಡೊಕೋ, ಫುಡ್ ಫೋಟೋಗ್ರಫಿ ಜೊತೆ ಜೊತೆಯಲ್ಲೇ ರೆಸ್ಟೋರೆಂಟ್ಮ್ಯಾನೇಜ್ಮೆಂಟ್ನ ತತ್ವಗಳನ್ನೂ ಕಲಿಸಲಾಗುತ್ತದೆ. ಈ ಕೋರ್ಸ್ಗಳನ್ನು ಮುಗಿಸಿದ ನಂತರ ಯಾವ ಮಹಿಳೆಯಾದರೂ ಸರಿ, ಕನ್ಸಲ್ಟಿಂಗ್ ಡಿಸೈನ್ ಪ್ರೊಫೆಶನ್, ಫುಡ್ಬೆರೇಜ್ ಕಂಟ್ರೋಲರ್, ಎಂಟರ್ ಪ್ರನ್ಯೋರ್ ಶಿಪ್, ಸೇಲ್ಸ್ ಪರ್ಸನ್, ಫುಡ್ ಕ್ರಿಟಿಕಲ್ಸ್, ಫುಡ್ ರೈಟರ್ಸ್, ಫುಡ್ ಸ್ಟೈಲಿಸ್ಟ್ ಹಾಗೂ ಫುಡ್ ಫೋಟೋಗ್ರಫಿಯ ಕೆಲಸ ಮಾಡಬಹುದು. ಯಾವ ಮಹಿಳೆಯಾದರೂ ಸರಿ, ತನ್ನ ಕುಕಿಂಗ್ ಕ್ಲಾಸೆಸ್ ಅಥವಾ ಟಿಫಿನ್ ಸಿಸ್ಟಮ್ಸ್ ಉದ್ಯಮವನ್ನೂ ಶುರು ಮಾಡಬಹುದು.
ಈ ಕೋರ್ಸ್ಗಳ ಮೂಲಕ ಅವರು ಮಲ್ಟಿಟಾಸ್ಕಿಂಗ್, ಟೀಂ ಲೀಡರ್ ಶಿಪ್, ಪೋಷಕಾಂಶಗಳ ನಿಯಂತ್ರಣ, ಮೆನು ವಿಕಾಸಗೊಳಿಸುವಿಕೆ ಇತ್ಯಾದಿ ಕಲಿಯುತ್ತಾರೆ. ಇದು ಅವರನ್ನು ಇತರರಿಗಿಂತ 4 ಹೆಜ್ಜೆ ಮುಂದಿರುವಂತೆ ಮಾಡುತ್ತದೆ. ಬೆಂಗಳೂರಿನಲ್ಲಿ ಇಂದಿರಾನಗರದ ಸ್ಲರ್ಪ್ ಸ್ಟುಡಿಯೋ ಕ್ಯುಲಿನರಿ ಸ್ಕೂಲ್, ದೊಮ್ಮಲೂರಿನ ಕೇಕ್ ಬೇಕಿಂಗ್ ಕ್ಲಾಸೆಸ್, ವೈಟ್ಫೀಲ್ಡ್ ನ ಶೆಫ್ ಹ್ಯಾಪಿ, ಕೋರಮಂಗಲದ ಕುಕಿಂಗ್ ಕ್ಯುಲಿನರಿ ಆರ್ಟ್ಸ್ ಸದಾ 4 ಹೆಜ್ಜೆ ಮುಂದಿರಿ ಪ್ರೈ.ಲಿ., ಹೊಸೂರು ರಸ್ತೆಯ ಎಎಸ್ಕೆ ಇನ್ಸ್ಟಿಟ್ಯೂಟ್ ಮುಂತಾದ ಕಡೆ ಇದಕ್ಕೆ ಸಂಬಂಧಿಸಿದ ವಿವಿಧ ಕೋರ್ಸ್ಗಳಿಗೆ ಸೇರಬಹುದು.
ಎರಡನೇ ಹೆಜ್ಜೆ ಫ್ಯಾಷನ್ ಡಿಸೈನಿಂಗ್ : ಯಾವ ಮಹಿಳೆಗಾದರೂ ಫ್ಯಾಷನ್ನಿನ ಪರಿಜ್ಞಾನವಿದ್ದು, ಆಕೆ ಅದರಲ್ಲಿ ಕ್ರಿಯೇಟಿವ್ ಸ್ಕಿಲ್ಸ್ತೋರಿಸಬಯಸಿದರೆ ಆಕೆ ಫ್ಯಾಷನ್ ಮಾರ್ಕೆಂಡೈಝಿಂಗ್, ಫ್ಯಾಷನ್ ಸ್ಟೈಲಿಂಗ್, ಫ್ಯಾಷನ್ ಕೋ ಆರ್ಡಿನೇಟರ್, ಫ್ಯಾಬ್ರಿಕ್ಬೈಯರ್ ಮುಂತಾದ ಕ್ಷೇತ್ರಗಳಲ್ಲಿ ಪಾರ್ಟ್ ಟೈಂ ಕೋರ್ಸ್ ಮಾಡಿ ಆ ಕ್ರಿಯೇಟಿವ್ ಕ್ಷೇತ್ರದಲ್ಲಿ ಕೆರಿಯರ್ ಮಾಡಿಕೊಳ್ಳಬಹುದು. ಈ ಎಲ್ಲಾ ಕ್ಷೇತ್ರಗಳಲ್ಲೂ ಯಾವ ಮಹಿಳೆಯಾದರೂ 2-3 ಶಾರ್ಟ್ ಟರ್ಮ್ ಡಿಪ್ಲೋಮಾ ಕೋರ್ಸ್ ಮಾಡಿಕೊಳ್ಳಬಹುದು.