ಗ್ರೀನ್ ಟೀ ಅಂದರೆ ವೇಟ್‌ ಲಾಸ್‌. ಹೆಚ್ಚಿನ ಮಹಿಳೆಯರು ಯೋಚಿಸುವುದೇನೆಂದರೆ, ಗ್ರೀನ್ ಟೀ ಸೇವನೆ ಕೇವಲ ತೂಕ ಕಡಿಮೆ ಮಾಡಿಕೊಳ್ಳಲು ಉಪಯೋಗಿಸಲಾಗುತ್ತದೆ ಎಂದು. ಆದರೆ ವಾಸ್ತವ ಸಂಗತಿ ಹಾಗಿಲ್ಲ. ಗ್ರೀನ್ ಟೀ ಕೇವಲ ಸ್ಲಿಮ್ ಆಗಲು ಅಷ್ಟೇ ನೆರವಾಗುವುದಿಲ್ಲ, ಅದು ವೈರಸ್‌ ಮತ್ತು ಬ್ಯಾಕ್ಟೀರಿಯಾಗಳೊಂದಿಗೆ ಹೋರಾಡಲು ಶಕ್ತಿ ನೀಡುತ್ತದೆ.
ಬ್ಯೂಟಿ ಕ್ಲಿನಿಕ್‌ನ ಗುಂಜನ್‌ ಗೌಡ ಅವರ ಪ್ರಕಾರ, ಗ್ರೀನ್ ಟೀ ಬ್ಯೂಟಿ ಮತ್ತು ಹೆಲ್ತ್ ಗೆ ಒಂದು ರೀತಿಯಲ್ಲಿ ವರದಾನದಂತಿದೆ. ಅದು ಹೇಗೆ ಎಂಬುದನ್ನು ನೋಡಿ.
ಗ್ರೀನ್ ಟೀಯ ಬ್ಯೂಟಿ ಸೀಕ್ರೆಟ್ಸ್ ಆ್ಯಕ್ನೆ ಟ್ರೀಟ್‌ : ಗ್ರೀನ್ ಟೀಯಲ್ಲಿ ಆ್ಯಂಟಿ ಬ್ಯಾಕ್ಟೀರಿಯಲ್, ಆ್ಯಂಟಿ ಫಂಗಲ್ ಮತ್ತು ಆ್ಯಂಟಿ ಆಕ್ಸಿಡೆಂಟ್‌ ಗುಣಗಳಿರುತ್ತವೆ. ಅವುಗಳಿಂದಾಗಿ ಆ್ಯಕ್ನೆಯ ಸೂಕ್ತ ಚಿಕಿತ್ಸೆ ಸಾಧ್ಯವಾಗುತ್ತದೆ. ಗ್ರೀನ್ ಟೀ ಆ್ಯಕ್ನೆ ಹುಟ್ಟುಹಾಕುವ ಬ್ಯಾಕ್ಟೀರಿಯಾಗಳನ್ನು ನಿವಾರಣೆ ಮಾಡುತ್ತದೆ ಮತ್ತು ಆ್ಯಕ್ನೆಯ ಕೆಂಪು ಕಲೆಗಳನ್ನು ಕಡಿಮೆಗೊಳಿಸುತ್ತದೆ. ಆ್ಯಕ್ನೆಯಿಂದ ಮುಕ್ತಿ ಕಂಡುಕೊಳ್ಳಲು ಒಂದು ಗ್ರೀನ್ ಟೀ ಬ್ಯಾಗ್‌ನ್ನು ಬಿಸಿ ನೀರಿನಲ್ಲಿ ಸ್ವಲ್ಪ ಹೊತ್ತು ಹಾಕಿ. ಆ ನೀರು ತಂಪಾದ ಬಳಿಕ ಟೀ ಬ್ಯಾಗ್‌ನ್ನು ಹೊರತೆಗೆದು ಮುಖಕ್ಕೆ ಲೇಪಿಸಿಕೊಳ್ಳಿ. 15 ನಿಮಿಷ ಬಿಟ್ಟು ಮುಖ ತೊಳೆದುಕೊಳ್ಳಿ. ಹೀಗೆ ನಿಯಮಿತ ಮಾಡುವುದರಿಂದ ಕೆಲವೇ ದಿನಗಳಲ್ಲಿ ಉತ್ತಮ ಪರಿಣಾಮ ಗೋಚರಿಸುತ್ತದೆ.
ಬೆಸ್ಟ್ ಸ್ಕ್ರಬ್‌ : ಮಣ್ಣು ಧೂಳಿನ ಸಂಪರ್ಕಕ್ಕೆ ಬರುವುದರಿಂದ ತ್ವಚೆಯ ರಂಧ್ರಗಳು ಮುಚ್ಚುತ್ತವೆ. ಮುಚ್ಚಿದ ರಂಧ್ರಗಳನ್ನು ತೆರೆಯಲು ಸ್ಕ್ರಬ್‌ ಮಾಡುವ ಅಗತ್ಯ ಉಂಟಾಗುತ್ತವೆ. ಗ್ರೀನ್ ಟೀ ಒಂದು ಒಳ್ಳೆಯ ಸ್ಕ್ರಬ್‌ ಆಗಿದ್ದು, ಅದನ್ನು ಒದ್ದೆ ಮಾಡಿ ಗೋಲಾಕಾರದಲ್ಲಿ ಮೆಲ್ಲಮೆಲ್ಲನೆ ಸ್ಕ್ರಬ್‌ ಮಾಡುವುದರಿಂದ ಮುಖಕ್ಕೆ ಕಾಂತಿ ಬರುತ್ತದೆ.
ಅಲರ್ಜಿಗೆ ಚಿಕಿತ್ಸೆ : ಗ್ರೀನ್ ಟೀಯಲ್ಲಿ ಇರುವ ಇಜಿಸಿಜಿ ಪ್ರತಿಯೊಂದು ಬಗೆಯ ತ್ವಚೆಯ ಅಲರ್ಜಿಯಿಂದ ಮುಕ್ತಿ ಕಂಡುಕೊಳ್ಳಲು ನೆರವಾಗುತ್ತದೆ. ತ್ವಚೆಯ ಅಲರ್ಜಿ ಇದ್ದಲ್ಲಿ ಗ್ರೀನ್ ಟೀ ಸೇವನೆ ನಿಮಗೆ ಲಾಭಕರವಾಗಿ ಪರಿಣಮಿಸುತ್ತದೆ.
ಕಣ್ಣಿನ ಸಮಸ್ಯೆಗಳ ನಿವಾರಣೆ : ಗ್ರೀನ್ ಟೀಯಲ್ಲಿ ಟ್ಯಾನಿನ್‌ ಇರುತ್ತದೆ. ಅದು ಊತ ಮತ್ತು ದಣಿವಿನಿಂದ ಮುಕ್ತಿ ದೊರಕಿಸಿಕೊಳ್ಳಲು ಪರ್ಫೆಕ್ಟ್ ಆಗಿದೆ. ಅದಕ್ಕಾಗಿ ಗ್ರೀನ್ ಟೀ ಬ್ಯಾಗ್‌ನ್ನು ಒದ್ದೆ ಮಾಡಿ 15 ನಿಮಿಷಗಳ ಕಾಲ ಕಣ್ಣುಗಳ ಮೇಲೆ ಇಟ್ಟುಕೊಳ್ಳಿ. ಅದರಿಂದ ಡಾರ್ಕ್‌ ಸರ್ಕಲ್ಗಳು ಮಂದಾಗುತ್ತವೆ.
ಸನ್‌ಬರ್ನ್‌ನಿಂದ ರಕ್ಷಣೆ : ಸನ್‌ಸ್ಕ್ರೀನ್‌ ಲೇಪಿಸಿಕೊಂಡ ಬಳಿಕ ಸನ್‌ಬರ್ನ್‌ ಸಮಸ್ಯೆ ನಿವಾರಣೆಯಾಗದಿದ್ದರೆ ನೀರಿನಲ್ಲಿ ಚಹಾದ ಕೆಲವು ಎಲೆಗಳನ್ನು ಹಾಕಿ. ಇದರಿಂದ ಸನ್‌ಬರ್ನ್‌ನಿಂದ ಉಂಟಾಗುವ ತುರಿಕೆ ಹಾಗೂ ಉರಿಯಿಂದ ಮುಕ್ತಿ ದೊರಕುತ್ತದೆ.
ಸ್ಕಿನ್‌ ಸಮಸ್ಯೆಯಲ್ಲಿ ಪರಿಣಾಮಕಾರಿ : ವಯಸ್ಸು ಹೆಚ್ಚುತ್ತಾ ಹೋದಂತೆ ತ್ವಚೆ ಸಡಿಲವಾಗಿ ಫೈನ್‌ ಲೈನ್ಲ್ ಹಾಗೂ ಸುಕ್ಕುಗಳು ಉಂಟಾಗುತ್ತವೆ. ಆದರೆ ಗ್ರೀನ್ ಟೀಯ ಆ್ಯಂಟಿ ಏಜಿಂಗ್‌ ಮತ್ತು ಆ್ಯಂಟಿ ಆಕ್ಸಿಡೆಂಟ್‌ ಗುಣಗಳು ಈ ತೆರನಾದ ಸಮಸ್ಯೆಗಳನ್ನು ನಿವಾರಿಸಿ ತ್ವಚೆಗೆ ಮೆರುಗು ನೀಡುತ್ತವೆ.
ಕೂದಲಿನ ಬೆಳವಣಿಗೆಗೆ ಸಹಾಯಕ : ಗ್ರೀನ್ ಟೀಯಲ್ಲಿ ಆ್ಯಂಟಿ ಆಕ್ಸಿಡೆಂಟ್‌ ಹೇರಳ ಪ್ರಮಾಣದಲ್ಲಿರುತ್ತದೆ. ಅದು ಕೂದಲಿನ ಬೆಳವಣಿಗೆಗೆ ಸಹಾಯಕವಾಗಿದೆ. ಇದರಿಂದ ಡ್ರೈಸ್ಕ್ಯ್ಪ್‌ಾ ಮತ್ತು ಡ್ಯಾಂಡ್ರಫ್‌ ಸಮಸ್ಯೆ ಕೂಡ ನಿವಾರಣೆಯಾಗುತ್ತದೆ. ಕೂದಲು ದಟ್ಟ ಹಾಗೂ ಕಾಂತಿಯುತವಾಗುತ್ತದೆ. ಅದಕ್ಕಾಗಿ ಗ್ರೀನ್ ಟೀ ಬ್ಯಾಗ್‌ನ್ನು ನೀರಿನಲ್ಲಿ ಹಾಕಿ ಕುದಿಸಿ ಮತ್ತು ತಂಪುಗೊಳಿಸಿ ಒದ್ದೆ ಕೂದಲಿಗೆ ಲೇಪಿಸಿ.
ಕಾಲಿನ ದುರ್ಗಂಧದಿಂದ ಮುಕ್ತಿ : ಕಾಲುಗಳ ದುರ್ಗಂಧ ಒಂದು ಸಾಮಾನ್ಯ ಸಮಸ್ಯೆಯಾಗಿದೆ. ಆದರೆ ಗ್ರೀನ್ ಟೀಯ ಗಾಢ ವಾಸನೆ ಕಾಲುಗಳ ದುರ್ಗಂಧವನ್ನು ಹೀರಿಕೊಳ್ಳುತ್ತದೆ. ಅದಕ್ಕಾಗಿ ಬಳಸಿದ ಟೀ ಎಲೆಗಳನ್ನು ನೀರಿನಲ್ಲಿ ಹಾಕಿ. ಆ ನೀರಿನಲ್ಲಿ ಕಾಲುಗಳನ್ನು 20 ನಿಮಿಷಗಳ ಕಾಲ ಇಳಿಬಿಡಿ. ಕಾಲುಗಳಿಂದ ಬರುವ ದುರ್ಗಂಧದ ಸಮಸ್ಯೆ ನಿವಾರಣೆಯಾಗುತ್ತದೆ.
ಗ್ರೀನ್ ಟೀಯ ಹೆಲ್ತ್ ಸಿಕ್ರೇಟ್ಸ್ ಅತಿರಕ್ತದೊತ್ತಡ : ಗ್ರೀನ್ ಟೀ ಅತಿ ರಕ್ತದೊತ್ತಡವನ್ನು ನಿಯಮಿತಗೊಳಿಸಲು ಸಹಾಯಕವಾಗಿದೆ. ಬಲಿಷ್ಠ ಮೂಳೆಗಳು : ಗ್ರೀನ್ ಟೀಯಲ್ಲಿ ಕಂಡುಬರುವ ಫ್ಲೋರೈಡ್‌ ಎಂಬ ಅಂಶ ಮೂಳೆಗಳನ್ನು ಗಟ್ಟಿಗೊಳಿಸುವಲ್ಲಿ ನೆರವಾಗುತ್ತದೆ. ಒಂದು ವೇಳೆ ನೀವು ಪ್ರತಿದಿನ ಗ್ರೀನ್ ಟೀ ಸೇವಿಸುವವರಾಗಿದ್ದಲ್ಲಿ, ಇದರಿಂದ ಮೂಳೆಗಳ ಸಾಂಧ್ರತೆ ಕಾಪಾಡಿಕೊಳ್ಳಲು ಅನುಕೂಲವಾಗುತ್ತದೆ.
ಲಿವರ್‌ ಸಮಸ್ಯೆಗಳು : ಗ್ರೀನ್ ಟೀ ಲಿವರ್‌ನಲ್ಲಿರುವ ಹಾನಿಕಾರಕ ಫ್ರೀ ರಾಡಿಕಲ್ಸ್ ನ್ನು ನಿವಾರಣೆ ಮಾಡಲು ನೆರವಾಗುತ್ತದೆ. ಇದರಿಂದ ಲಿವರ್‌ ಫೇಲ್ ಆಗುವ ಸಾಧ್ಯತೆ ಕಡಿಮೆಯಾಗುತ್ತದೆ.
ಕೊಲೆಸ್ಟ್ರಾಲ್ ನಿಯಂತ್ರಣ : ಗ್ರೀನ್ ಟೀನಲ್ಲಿ ಪಾಲಿಫೆನ್‌ ಕಂಟೆಂಟ್‌ ಕಂಡುಬರುತ್ತದೆ. ಅದು ಕೊಲೆಸ್ಟ್ರಾಲ್ ಮಟ್ಟ ನಿಯಂತ್ರಿಸಲು ನೆರವಾಗುತ್ತದೆ.
ಈಚೆಗೆ ಮಾರುಕಟ್ಟೆಯಲ್ಲಿ ಗ್ರೀನ್ ಟೀ ಹಲವು ಫ್ಲೇವರ್‌ಗಳಲ್ಲಿ ಲಭಿಸುತ್ತದೆ. ನಿಂಬೆ, ಶುಂಠಿ, ಆ್ಯಲೋವೆರಾ, ಜಾಸ್ಮಿನ್‌, ದಾಳಿಂಬೆ ಮುಂತಾದವು
ಆರ್ಗ್ಯಾನಿಕ್‌ ಉತ್ಪಾದನೆಗೆ ಹೆಚ್ಚಿದ ಬೇಡಿಕೆ
ಅಮೆರಿಕ ಹಾಗೂ ಯೂರೋಪಿಯನ್‌ ದೇಶಗಳಲ್ಲಿ ಆರ್ಗ್ಯಾನಿಕ್‌ ಉತ್ಪಾದನೆಗಳ ಉಪಯೋಗ ಹೆಚ್ಚಿದೆ. ಭಾರತದಲ್ಲೂ ಕೂಡ ಸಾವಯವ ಉತ್ಪನ್ನಗಳ ಬಗ್ಗೆ ಹೆಚ್ಚಿನ ಜಾಗರೂಕತೆ ಉಂಟಾಗಿದೆ.
ಭಾರತದಲ್ಲಿ ಸಾವಯವ ಉತ್ಪಾದನೆಗಳ ಪ್ರಮಾಣ ಪ್ರತಿವರ್ಷ ಶೇ.10 ರಿಂದ ಶೇ.15ರಷ್ಟು ಹೆಚ್ಚುತ್ತಿದೆ. ವಿಟ್ರೊ ನ್ಯಾಚುರಲ್ ಕಂಪನಿಯ ಸಂಸ್ಥಾಪಕ ಜೆ.ಕೆ. ಬೈದ್‌ ಅವರು ಹೀಗೆ ಹೇಳುತ್ತಾರೆ, “ಧಾನ್ಯಗಳು, ಜೂಸ್‌, ಕಾಫಿ ಸಾಕಷ್ಟು ಪ್ರಮಾಣದಲ್ಲಿ ರಫ್ತಾಗುತ್ತಿವೆ. ಇದರ ಹೊರತಾಗಿ ಸುಮಾರು 16 ಬಗೆಯ ಜೂಸ್‌ಗಳು ಆ್ಯಲೋವೆರಾ, ನೆಲ್ಲಿಕಾಯಿ, ಹಾಗಲಕಾಯಿ, ತ್ರಿಫಲ, ನೇರಳೆ ಮುಂತಾದ ಅಮೆರಿಕಾ, ಬ್ರಿಟನ್‌, ಕೆನಡಾ, ಆಸ್ಟ್ರೇಲಿಯಾ ದೇಶಗಳಿಗೆ ರಫ್ತಾಗುತ್ತಿವೆ.
ಕಾಸ್ಮೆಟಿಕ್ಸ್ ನಲ್ಲೂ ಆರ್ಗ್ಯಾನಿಕ್‌ ಉತ್ಪಾದನೆಗಳನ್ನು ತಯಾರಿಸಲಾಗುತ್ತಿದೆ. ಸಾವಯವ ಉತ್ಪನ್ನಗಳಲ್ಲಿ ಯಾವುದೇ ಬಗೆಯ ಕೆಮಿಕಲ್ ಮತ್ತು ಪ್ಯಾರಾಬೀಮ್ ಗಳಿರುವುದಿಲ್ಲ. ಅವು ತ್ವಚೆಗೆ ಸಂಪೂರ್ಣ ಸುರಕ್ಷಿತಾಗಿವೆ.
