ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡುವ ಮೊದಲು, ಹೂಡಿಕೆದಾರರು ಈ ವಿಷಯದಲ್ಲಿ ಹೆಚ್ಚು ಲಾಭ ಇರುವ ಹಾಗೇ ಒಂದೇ ಸಲ ಹೆಚ್ಚು ನಷ್ಟ ಆಗುವ ಸಂಭವ ಹೆಚ್ಚು. ಹೀಗಿರುವಾಗ ಹೂಡಿಕೆದಾರರು ಈ ಫಂಡ್ಸ್ ಖರೀದಿಸುವ ಮೊದಲು ಅದರಲ್ಲಿನ ಲಾಭ ಮತ್ತು ಹಾನಿ ಎರಡರ ಮಾಹಿತಿ ಪಡೆದುಕೊಂಡರೆ, ಮುಂದೆ ನಷ್ಟ ಆಗುವ ಸಂಭವ ಕಡಿಮೆ. ಮ್ಯೂಚುವಲ್ ಫಂಡ್‌ನಲ್ಲಿ ಕಡಿಮೆ ಅವಧಿಗಾಗಿ ಮಾಡಲಾದ ಹೂಡಿಕೆಯಲ್ಲಿ ಲಾಭಾಂಶ ಕಡಿಮೆ. ಅದರ ಬದಲು ದೀರ್ಘಾವಧಿಗಾಗಿ ಮಾಡಲಾದ ಹೂಡಿಕೆಯಲ್ಲಿ ಹೆಚ್ಚಿನ ಲಾಭ ಬರುವ ಸಾಧ್ಯತೆಗಳಿವೆ.
ಮ್ಯೂಚುವಲ್ ಫಂಡ್ ಎಂದರೇನು?
ಮ್ಯೂಚುವಲ್ ಫಂಡ್ ಎಂದರೆ ಬಹುಜನರ ಹಣವನ್ನು ಒಂದೆಡೆ ಹೂಡಿ, ಅದರಿಂದ ಲಾಭಕರ ಉದ್ಯಮ ನಡೆಸುವುದು ಎಂದರ್ಥ. ಇದರಲ್ಲಿ ವಿಭಿನ್ನ ಹೂಡಿಕೆದಾರರಿಂದ ಒಟ್ಟಾಗಿ ದೊಡ್ಡ ಮೊತ್ತದ ಹಣ ಸಂಗ್ರಹಿಸಲಾಗುತ್ತದೆ. ಆ ಹಣವನ್ನು ಶೇರ್‌ ಮಾರ್ಕೆಟ್‌ ಮತ್ತು ಬಾಂಡ್‌ಗಳಲ್ಲಿ ತೊಡಗಿಸಲಾಗುತ್ತದೆ. ಇದಕ್ಕಾಗಿ ಹೂಡಿಕೆದಾರರಿಗೆ ಅವರ ಹಣಕ್ಕಾಗಿ ಕೆಲವು ಯೂನಿಟ್ಸ್ನ್ನು ಹಂಚಲಾಗುತ್ತದೆ. ಅದೇ ಯೂನಿಟ್‌ಗಳ ಅನುಪಾತದಲ್ಲಿ ಶೇರ್‌ ಅಥವಾ ಬಾಂಡ್‌ನ್ನು ಕೊಂಡು ಮಾರುವುದರಿಂದ ಸಿಗುವ ಲಾಭವನ್ನು ಮ್ಯೂಚುವಲ್ ಫಂಡ್ ಹೌಸಸ್‌ ಹೂಡಿಕೆದಾರರಿಗೆ ವಿಂಗಡಿಸುತ್ತದೆ.
ಸಾಮಾನ್ಯವಾಗಿ ಮ್ಯೂಚುವಲ್ ಫಂಡ್‌ನ್ನು ಮಾರುಕಟ್ಟೆಯಲ್ಲಿ ಒಂದು ಸ್ಕೀಂ ತರಹ ಸಮಯಕ್ಕೆ ಸರಿಯಾಗಿ ಲಾಂಚ್‌ ಮಾಡಲಾಗುತ್ತದೆ. ಹಾಗೆ ನೋಡಿದರೆ ನೀವು ನೇರವಾಗಿ ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಬಹುದು, ಆದರೆ ನೀವು ಮೊದಲ ಸಲ ಇದರಲ್ಲಿ ಹೂಡುತ್ತಿರುವಿರಾದರೆ ಅಗತ್ಯವಾಗಿ ಬ್ರೋಕರ್‌ನ ಸಹಾಯ ಪಡೆಯಿರಿ.
ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಲು ಎಲ್ಲಕ್ಕೂ ಮೊದಲು ನಿಮ್ಮ ಖಾತೆಯಲ್ಲಿ ಡೀಮ್ಯಾಟ್‌ ಅಕೌಂಟ್‌ ಓಪನ್‌ ಮಾಡಿ. ಅದೇ ಅಕೌಂಟ್‌ ನೆರವಿನಿಂದ ನೀವು ನಿಮ್ಮ ಫಂಡ್ಸ್ ನ್ನು ಮಾರಬಹುದು, ಹೆಚ್ಚಿನದನ್ನು ಕೊಳ್ಳಲೂಬಹುದು.ಮ್ಯೂಚುವಲ್ ಫಂಡ್‌ನಲ್ಲಿ ನಿಮ್ಮೆದುರು ಸ್ಕೀಂ ಕುರಿತಾಗಿ 2 ಬಗೆಯ ಅವಕಾಶಗಳಿವೆ. ಮೊದಲನೆಯದು, ಓಪನ್‌ ಎಂಡೆಡ್‌ ಫಂಡ್, ಎರಡನೆಯದು ಕ್ಲೋಸ್‌ ಎಂಡೆಂಡ್‌ ಫಂಡ್. ಬನ್ನಿ, ಇವೆರಡರ ಕುರಿತು ತಿಳಿಯೋಣ.
ಓಪನ್‌ ಎಂಡೆಡ್‌ ಫಂಡ್
ಇದರರ್ಥ ನಿಮಗೆ ಯಾವಾಗ ಬೇಕೋ ಆಗ ನಿಮ್ಮ ಯೂನಿಟ್ಸ್ನ್ನು ಮಾರಬಹುದು, ಬೇಕೆಂದರೆ ಹೆಚ್ಚಿನದನ್ನು ಕೊಳ್ಳಬಹುದು. ಈ ಫಂಡ್‌ಹೂಡಿಕೆದಾರರಿಗೆ ನಾನ್‌ ಫ್ಲೆಕ್ಸಿಬಲ್ ರಿಟರ್ನ್ಸ್ ನೀಡುತ್ತದೆ. ಯಾರು ಸ್ವಲ್ಪ ರಿಸ್ಕ್ ತೆಗೆದುಕೊಳ್ಳಲು ಬಯಸುವುದಿಲ್ಲವೋ ಅಂಥವರಿಗೆ ಈ ಸ್ಕೀಂ ಸರಿ. ಏಕೆಂದರೆ ಈ ಫಂಡ್ ಕೊಳ್ಳುವ ಸಮಯದಲ್ಲೇ ಅವರಿಗೇ ಇಂತಿಷ್ಟೇ ಲಾಭ ಎಂದು ಮೊದಲೇ ಹೇಳಿರಲಾಗುತ್ತದೆ.
ಕ್ಲೋಸ್‌ ಎಂಡೆಡ್‌ ಫಂಡ್
ಇದರ ಯೂನಿಟ್ಸ್ ನ್ನು ಒಂದು ನಿಶ್ಚಿತ ಅವಧಿಗಾಗಿ ಜಾರಿಗೊಳಿಸಲಾಗುತ್ತದೆ. ನೀವು ಇದರಲ್ಲಿ ಒಂದು ನಿಶ್ಚಿತ ಸಮಯಕ್ಕಾಗಿ ಹಣ ಹೂಡಬಹುದು. ಒಂದು ಪಕ್ಷ ನೀವು ಮಧ್ಯದಲ್ಲೇ ಹಣ ವಾಪಸ್‌ ಬಯಸಿದರೆ, ರಿಟರ್ನ್ಸ್ ನಲ್ಲಿ ನಿಮಗೆ ಯಾವ ಲಾಭ ಸಿಗದು. ಜೊತೆಗೆ ತುಸು ಪೆನಾಲ್ಟಿ ಸಹ ಆಗುತ್ತದೆ. ಬ್ರೋಕರ್‌ನ ನೆರವಿನಿಂದ ನೀವು ಇಂಥ ಯೂನಿಟ್ಸ್ ನ್ನು ಕೊಂಡು, ಮಾರಬಹುದಾಗಿದೆ. ಹಾಗೆ ನೋಡಿದರೆ ಓಪನ್‌ಗಿಂತ ಕ್ಲೋಸ್‌ನಲ್ಲಿ ಹೆಚ್ಚಿನ ಲಾಭವಿದೆ, ಏಕೆಂದರೆ ಇದರಲ್ಲಿ ಫ್ಲೆಕ್ಸಿಬಲ್ ರಿಟರ್ನ್ಸ್ ಹೆಚ್ಚು ಸಿಗುತ್ತವೆ, ಅದರಿಂದ ನಿಮಗೆ ಹೆಚ್ಚಿನ ಲಾಭವಿದೆ.
ಸರಿಯಾದ ಫಂಡ್‌ನ ಆಯ್ಕೆ
ಸರಿಯಾದ ಫಂಡ್ ಆರಿಸಿಕೊಳ್ಳುವ ಮೊದಲು, ನಿಮ್ಮ ಅಗತ್ಯಗಳಿಗೆ ತಕ್ಕಂಥ ಫಂಡ್ ಮಾರ್ಕೆಟ್‌ನಲ್ಲಿ ಯಾವುದು ಲಭ್ಯವಿದೆ ಎಂದು ನೋಡಿಕೊಳ್ಳಿ. ಅಷ್ಟು ಮಾತ್ರವಲ್ಲದೆ, ಈ ವಿಷಯಗಳನ್ನೂ ಗಮನಿಸಿ :
ಎಲ್ಲಕ್ಕೂ ಮೊದಲು ಹೂಡಿಕೆದಾರರು ತಾವೆಷ್ಟು ಪರಿಮಾಣದ ರಿಸ್ಕ್ ತೆಗೆದುಕೊಳ್ಳಲು ಸಿದ್ಧರಿದ್ದಾರೆಂದು ತಿಳಿದುಕೊಳ್ಳಬೇಕು. ಇದನ್ನು ತಿಳಿಯಲು ಅವರ ವಯಸ್ಸು, ಆದಾಯ, ಗುರಿ ಎಲ್ಲ ಮುಖ್ಯ.
ಯಾವ ಮ್ಯೂಚುವಲ್ ಫಂಡ್ ಹೌಸಸ್‌ಗೆ ಮಾರ್ಕೆಟ್‌ನಲ್ಲಿ ಅತ್ಯಧಿಕ ಅನುಭವಿದೆಯೋ, ಪ್ರೊಫೆಶ್‌ನಲಿ ಸಮರ್ಥವಾಗಿ ಮ್ಯಾನೇಜ್ ಮಾಡುತ್ತಾರೋ ಅಂಥವರ ಬಳಿಯೇ ಹೂಡಿಕೆದಾರರು ಹೆಚ್ಚಿನ ಪ್ರಮಾಣದ ಫಂಡ್ಸ್ ನಲ್ಲಿ ತೊಡಗಿಸಿಕೊಳ್ಳಬೇಕು.
ಇದಕ್ಕಾಗಿ ಎಷ್ಟೋ ಶುಲ್ಕ ಕಟ್ಟುದಿರುತ್ತದೆ. ಆದ್ದರಿಂದ ಅವುಗಳನ್ನೂ ಗಮನವಿಟ್ಟು ನೋಡಬೇಕು.
ಮ್ಯೂಚುವಲ್ ಫಂಡ್‌ನ ಲಾಭಗಳು
ಯಾವ ಹೂಡಿಕೆದಾರರು ಶೇರ್‌ ಮಾರ್ಕೆಟ್‌ನ ಮಾಹಿತಿ ಇಲ್ಲದ ಕಾರಣ ಅದರಲ್ಲಿ ಹಣ ತೊಡಗಿಸಿರುವುದಿಲ್ಲವೋ ಅಂಥವರು ಮ್ಯೂಚುವಲ್ ಫಂಡ್ ಮೂಲಕ ಕಡಿಮೆ ರಿಸ್ಕ್ ಹಾಗೂ ಹೆಚ್ಚಿನ ಲಾಭ ಪಡೆಯಬಹುದಾಗಿದೆ.
ಕಡಿಮೆ ಸಮಯ ಹಾಗೂ ಹಣ ತೊಡಗಿಸಿ ಹೆಚ್ಚಿನ ಲಾಭ ಪಡೆಯಲು ಬಯಸುವವರಿಗೆ ಇದೊಂದು ಸುವರ್ಣಾವಕಾಶ!
ನಿಮ್ಮ ಬಳಿ ಹೂಡಲು ಹೆಚ್ಚಿನ ಮೊತ್ತದ ಹಣವಿಲ್ಲದಿದ್ದರೂ ಸಹ ನೀವು ಮ್ಯೂಚುವಲ್ ಫಂಡ್‌ನಲ್ಲಿ ತೊಡಗಿಸಿಕೊಳ್ಳಬಹುದು.
ನೀವು ನಿಮ್ಮ ಬಳಿ ಇರುವ ಹಣವನ್ನು ಹೆಚ್ಚಿನ ಕಡೆಗಳಲ್ಲಿ ಹೂಡಬೇಕೆಂದಿದ್ದು, ಒಮ್ಮೆಲೇ ಅಷ್ಟೊಂದು ಇರದಿದ್ದರೆ, ಆಗ ನಿಮ್ಮಾಸೆ ಪೂರೈಸಲು, ಮ್ಯೂಚುವಲ್ ಫಂಡ್‌ನಲ್ಲಿ ಡೈವರ್ಸಿಫೈಡ್‌ ಇನ್‌ವೆಸ್ಟ್ ಪೋರ್ಟ್‌ ಫೋಲಿಯೋ ವತಿಯಿಂದ ಈ ಕೆಲಸ ಮಾಡಿಕೊಳ್ಳಬಹುದು. ಹೇಗೆಂದರೆ, ನೀವು ಯಾವ ಕಂಪನಿಯ ಮ್ಯೂಚುವಲ್ ಫಂಡ್ ಖರೀದಿಸಿರುತ್ತೀರೋ, ಅವರು ನಿಮ್ಮ ಹಣವನ್ನು ಇನ್ನೂ ಉತ್ತಮ ಹೂಡಿಕೆಗಳಲ್ಲಿ ತೊಡಗಿಸಿ ಅದರಿಂದ ಬರುವ ಲಾಭವನ್ನು ನಿಮಗೆ ಕೊಡುತ್ತಾರೆ.
– ಜಿ. ಅನುರಾಧಾ
ದುರುಪಯೋಗ ಮಾಡಬೇಡಿ
ಮ್ಯೂಚುವಲ್ ಫಂಡ್‌ನ ಹಣವನ್ನು ಎಂದೂ ದುರುಪಯೋಗ ಮಾಡದಿರಿ. ಈ ಬಂಡವಾಳವನ್ನು ಮನೆ ಅಥವಾ ಆಸ್ತಿ ಕೊಳ್ಳಲು ಬಳಸಿರಿ. ಏಕೆಂದರೆ ಇದರ ಬೆಲೆ ಆಗಾಗ ಹೆಚ್ಚುತ್ತಲೇ ಇರುತ್ತದೆ, ಅದು ನಮ್ಮ ಬಳಿ ಇದೆ ಎಂಬುದೂ ಎಷ್ಟೋ ನೆಮ್ಮದಿ ಕೊಡುತ್ತದೆ. ಈ ಹಣವನ್ನು ನಿಮ್ಮ ಬಿಸ್‌ನೆಸ್‌ನಲ್ಲೂ ತೊಡಗಿಸಬಹುದು. ಆದರೆ ಮೊಜುಮಸ್ತಿಗಾಗಿ ಉಡಾಯಿಸಬೇಡಿ. ಮಕ್ಕಳ ಶಿಕ್ಷಣ, ಮದುವೆ ಖರ್ಚು ಇತ್ಯಾದಿಗಳಿಗೂ ಈ ಹಣ ಬಳಸಬಾರದು.
