ಮಳೆಯಲ್ಲಿ ನೆನೆಯುವುದು ಯಾರಿಗೆ ತಾನೇ ಇಷ್ಟವಿಲ್ಲ? ಆದರೆ ಈ ಮಳೆ ನಮ್ಮ ಕೂದಲನ್ನು ಡಲ್, ನಿರ್ಜೀವ ಹಾಗೂ ಡ್ರೈ ಮಾಡಿಬಿಡುತ್ತದೆ. ಹೀಗಾದಾಗ ನಾವು ವಿಶೇಷವಾಗಿ ಕೂದಲಿನ ಆರೈಕೆಯತ್ತ ಗಮನ ಕೊಡಬೇಕು.

ಈ ಕೊರೋನಾ ಮಧ್ಯೆ ಸೆಲೂನಿಗೆ ಹೋಗುವುದು ಸರಿಯಲ್ಲ ಎಂಬುದು ನಿಜ. ಹೀಗಿರುವಾಗ ಮನೆಯಲ್ಲೇ ನಿಮ್ಮ ಕೂದಲಿನ ಆರೈಕೆ ಮಾಡುವುದು ಹೇಗೆ ಅಂತೀರಾ? ಸೆಲೂನಿನಂಥ ಆರೈಕೆ ಮನೆಯಲ್ಲೇ ಪಡೆಯಬಹುದು, ಅದಕ್ಕಾಗಿ ಈ ಸಲಹೆಗಳನ್ನು ಅಗತ್ಯ ಪಾಲಿಸಿ. ಇದರಿಂದ ನಿಮ್ಮ ಕೂದಲು ಸುಂದರ ಆಗುವುದಲ್ಲದೆ, ನೀವು ಸೇಫ್‌ ಆಗಿರ್ತೀರಿ, ಹಣದ ಉಳಿತಾಯ ಕೂಡ! ಇದರ ಕ್ರಮ ಹೇಗೆ ಎಂದು ತಿಳಿಯೋಣವೇ? :

ಫ್ರಿಝಿನೆಸ್‌ ಸಮಸ್ಯೆ ಕಾಡಿದಾಗ

ಮಳೆ ಬರುವ ದಿನಗಳಲ್ಲಿ ಗಾಳಿಯಲ್ಲಿ ಆರ್ದ್ರತೆ ಹೆಚ್ಚಾಗಿರುವುದರಿಂದ ತಲೆಗೂದಲನ್ನು ಫ್ರಿಝಿನೆಸ್‌ ಸಮಸ್ಯೆ ಹೆಚ್ಚಾಗಿ ಕಾಡುತ್ತದೆ, ಇದರಿಂದ ಕೂದಲು ತುಂಡರಿಸುವುದು ಹೆಚ್ಚು. ಆಗ ಪಾರ್ಲರಿಗೆ ಹೋಗಿ ಇದಕ್ಕಾಗಿ ಸಾವಿರಾರು ರೂ. ಖರ್ಚು ಮಾಡಬೇಕಲ್ಲ ಎನಿಸುತ್ತದೆ. ಅಸಲಿಗೆ ಅದರ ಅಗತ್ಯವಿಲ್ಲ. ಋತುಮಾನಕ್ಕೆ ತಕ್ಕಂತೆ ನೀವು ಕೂದಲಿನ ಆರೈಕೆಗೆ ತೊಡಗಬೇಕಷ್ಟೆ. ಇದಕ್ಕಾಗಿ ಮೊದಲು ನೀವು ನಿಮ್ಮ ಕೂದಲನ್ನು ಆಲಿಲ್ ‌ಆಯಿಲ್ ‌(ಹಿಪ್ಪೆ ಎಣ್ಣೆ) ನಿಂದ ಮಸಾಜ್‌ ಮಾಡಿ. ಏಕೆಂದರೆ ಇದರಲ್ಲಿ ಆ್ಯಂಟಿ ಆಕ್ಸಿಡೆಂಟ್ಸ್ ಮತ್ತು ಆ್ಯಂಟಿ ಇನ್‌ ಫ್ಲಮೇಟರಿ ಗುಣಗಳು ಧಾರಾಳ ಅಡಗಿದ್ದು, ಅದು ಕೂದಲಿನ ಫ್ರಿಝಿನೆಸ್‌ ಓಡಿಸುವಲ್ಲಿ ಪೂರಕ. ಇದು ಕೂದಲಲ್ಲಿ ನೈಸರ್ಗಿಕ ಮಾಯಿಶ್ಚರ್‌ ಉಳಿಸಿಕೊಳ್ಳುವ ಕೆಲಸವನ್ನು ಮಾಡುತ್ತದೆ. ಇದಕ್ಕಾಗಿ ವಾರದಲ್ಲಿ 3-4 ಸಲ ನೀವು ಹಿಪ್ಪೆ ಎಣ್ಣೆ ಬಿಸಿ ಮಾಡಿ ನೆತ್ತಿಗೆ ತಿಕ್ಕಿ, ಕೂದಲಿಗೆ ಹಚ್ಚಿ ಮಸಾಜ್‌ ಮಾಡಿ. 2-3 ವಾರಗಳಲ್ಲಿ ನಿಮ್ಮ ಸಮಸ್ಯೆ ದೂರವಾಗುತ್ತದೆ.

ಆಗ ನಿಮಗೆ ನಿಮ್ಮ ಕೂದಲಲ್ಲಿ ಸ್ಮಾರ್ಟ್‌ ನೆಸ್‌ ಮತ್ತು ಹೊಳಪು ಕಾಣಿಸುತ್ತದೆ.

ಪ್ರತಿ ವಾಶಿಗೂ ಕಂಡೀಶನರ್

Healthy-Diet

ಯಾವಾಗ ನಮ್ಮ ತಲೆಯ ನೆತ್ತಿ (ಸ್ಕಾಲ್ಪ್) ಯಿಂದ ಸಹಜ ಜಿಡ್ಡು ಮಾಯವಾಗುತ್ತದೋ ಕೂದಲು ಒರಟು, ಡ್ರೈ, ಗುಂಗುರಾಗ ತೊಡಗುತ್ತದೆ. ಹೀಗಾಗಿ ಮಳೆಯ ದಿನಗಳಲ್ಲಿ ಇಂಥ ತಲೆಗೂದಲನ್ನು ವಾಶ್‌ ಮಾಡಿದ ಪ್ರತಿ ಸಲ ಕಂಡೀಶನರ್‌ ಅಗತ್ಯ ಬಳಸಬೇಕು. ಏಕೆಂದರೆ ಆಗ ಇದು ಕೂದಲಿನ ಮಾಯಿಶ್ಚರನ್ನು ಸದಾ ಉಳಿಸಿಕೊಂಡು, ಅದನ್ನು ಹೆಲ್ದಿ ಆಗಿರಿಸುತ್ತದೆ. ಕೂದಲನ್ನು ಹೈಡ್ರೇಟ್‌ ಮಾಡುವಂಥ ಕಂಡೀಶನರನ್ನೇ ಬಳಸಬೇಕು ಎಂಬುದನ್ನು ಮರೆಯದಿರಿ.

ಕೂದಲುದುರುವಿಕೆ ತಡಯಬೇಕೇ?

ಮಳೆಗಾಲದಲ್ಲಿ ಕೂದಲು ಉದುರುವಿಕೆ ದೊಡ್ಡ ಸಮಸ್ಯೆಯೇ ಸರಿ. ಇದನ್ನು ಸರಿಪಡಿಸಲು ನೀವು ಮಾರ್ಕೆಟಿನಿಂದ ದುಬಾರಿ ಮಾಸ್ಕ್ ಕೊಂಡು ತಂದು ತಲೆಗೆ ಹಚ್ಚು ಅಗತ್ಯವಿಲ್ಲ. ಬದಲಿಗೆ ಮನೆಯಲ್ಲೇ ತಯಾರಿಸಿ ಬಳಸುವಂಥ ಮಾಸ್ಕ್ ಬಗ್ಗೆ ತಿಳಿದುಕೊಳ್ಳಿ. ಇದರಿಂದ ಹೆಚ್ಚಿನ ಲಾಭಗಳಿವೆ. ಮನೆಯಲ್ಲೇ ಲಭ್ಯವಿರುವ ಸಾಮಗ್ರಿಗಳನ್ನೇ ಬಳಸಿ ಇವನ್ನು ತಯಾರಿಸಬಹುದು.

ಮೊಸರಿಗೆ ನಿಂಬೆ ರಸ ಹಿಂಡಿ ಬಳಸುವ ಹೇರ್‌ ಮಾಸ್ಕ್ ಕೂದಲಿಗೆ ಹೆಚ್ಚಿನ ಮಾಯಿಶ್ಚರ್‌ ಒದಗಿಸಿ ಅದನ್ನು ದೀರ್ಘಕಾಲ ಉಳಿಸಿಕೊಳ್ಳುತ್ತದೆ. ಇದಕ್ಕಾಗಿ ನೀವು ಒಂದು ಬಟ್ಟಲಿಗೆ 2-3 ಸೌಟು ಮೊಸರು, ಒಂದು ಹೋಳು ನಿಂಬೆಹಣ್ಣು ಹಿಂಡಿಕೊಳ್ಳಿ, ಚೆನ್ನಾಗಿ ಕದಡಿಕೊಂಡು ಇದನ್ನು ಕೂದಲಿಗೆ ಹಚ್ಚಿ ಮಸಾಜ್‌ ಮಾಡಿ. 1 ತಾಸಿನ ನಂತರ ಬೆಚ್ಚಗಿನ ನೀರಲ್ಲಿ ತಲೆಗೂದಲು ತೊಳೆಯಿರಿ. ಇದರಿಂದ ಕೂದಲು ಹೆಚ್ಚು ಸಶಕ್ತವಾಗುತ್ತದೆ.

ಆಲಿವ್ ‌ಎಣ್ಣೆ ತಲೆಗೂದಲಿಗೆ ಬಹಳ ಒಳ್ಳೆಯದು. ಮುಖ್ಯವಾಗಿ ಇದು ಕೂದಲಿನ ಡಲ್ ನೆಸ್‌ಹೋಗಲಾಡಿಸುತ್ತದೆ. ನೀವು ಸಹ ಸಾಫ್ಟ್ ಹೇರ್‌ ಬಯಸಿದರೆ ನಿಮ್ಮ ಕೂದಲನ್ನು ಹಿಪ್ಪೆ ಎಣ್ಣೆಯಿಂದ ಚೆನ್ನಾಗಿ ಮಸಾಜ್‌ ಮಾಡಿ. ಅರ್ಧ ಗಂಟೆ ಬಿಟ್ಟು ಹರ್ಬಲ್ ಶ್ಯಾಂಪೂ ಬಳಸಿ ತಲೆಗೂದಲು ತೊಳೆಯಿರಿ. ಇದರಿಂದ ನಿಧಾನವಾಗಿ ನಿಮ್ಮ ಕೂದಲಿನಲ್ಲಾದ ಪರಿಣಾಮ ನಿಮ್ಮ ಅರಿವಿಗೆ ಬರುತ್ತದೆ.

ಕೂದಲು ಬಹಳ ಶುಷ್ಕಗೊಂಡರೆ, ಆ್ಯಲೋವೇರಾ ಜೆಲ್ಲಿ‌ಗೆ ಮೊಸರು ಬೆರೆಸಿ, ಆ ಮಿಶ್ರಣವನ್ನು ವಾರದಲ್ಲಿ 3 ಸಲ ತಲೆಗೂದಲಿಗೆ ಹಚ್ಚಿ ಮಸಾಜ್‌ ಮಾಡಿ. ಆ ನಂತರ ತೊಳೆದು ಒಣಗಿಸಿ. ನಿಮ್ಮ ಕೂದಲಿನ ಕಳೆದುಹೋದ ಹೊಳಪು ವಾಪಸ್ಸು ಬರುತ್ತದೆ.

ಹೇರ್‌ ಸೀರಮ್ ನ ಆರೈಕೆ

Freejiness

ಯಾವ ರೀತಿ ಫೇಸ್‌ ಸೀರಮ್ ಚರ್ಮವನ್ನು ಹೈಡ್ರೇಟಿವ್ ಆಗಿರಿಸುವುದರ ಜೊತೆಯಲ್ಲೇ ಅದನ್ನು ಗ್ಲೋ ಮಾಡುತ್ತದೋ, ಅದೇ ರೀತಿ ಹೇರ್‌ ಸೀರಮ್ ಕೂದಲನ್ನು ನರಿಶ್‌ ಮಾಡಿ, ಆರೋಗ್ಯ ಕಾಪಾಡುತ್ತದೆ. ಮಳೆಗಾಲದ ದಿನಗಳಿಗೆ ಇದು ಅತಿ ಅಗತ್ಯ. ಒಂದು ಪಕ್ಷ ನಿಮ್ಮ ಸ್ಕಾಲ್ಪ್ ಸಕಾಲಕ್ಕೆ ಆಗಾಗ ಹೈಡ್ರೇಟ್‌ ಆಗದಿದ್ದರೆ, ಕೂದಲು ಸಂಪೂರ್ಣ ಡಲ್ ಆಗುವುದರ ಜೊತೆ ಉದುರ ತೊಡಗುತ್ತದೆ. ಹೀಗಾಗಿ ಎಲ್ಲಾ ಋತುಗಳಲ್ಲೂ ಕೂದಲು ಸುಂದರವಾಗಿರಬೇಕಾದರೆ, ಆಗ ಹೇರ್‌ ಸೀರಮ್ ಅಗತ್ಯ ಬಳಸಿರಿ. ಗಮನಿಸಬೇಕಾದ ವಿಚಾರವೆಂದರೆ, ಕೂದಲಿಗೆ ಸೀರಮ್ ಬಳಸಿದಾಗೆಲ್ಲ, ನಿಮ್ಮ ಕೂದಲು ಮೊದಲೇ ತೊಳೆದಿರಬೇಕು ಎಂಬುದು. ಆಗ ಮಾತ್ರ ಇದರ ಬೆಸ್ಟ್ ರಿಸಲ್ಟ್ ನಿಮಗೆ ಸಿಗುತ್ತದೆ. ಹ್ಞಾಂ, ತಲೆಗೂದಲಿನ ಒಂದೇ ಕಡೆ ಸೀರಮ್ ಹಚ್ಚಬಾರದು, ಸಮನಾಗಿ ಎಲ್ಲಾ ಕಡೆ ಹಚ್ಚಿರಿ.

ಬೀರಿನಿಂದ ಕೂದಲ ಆರೈಕೆ

ನಿಮ್ಮ ಕೂದಲಿನ ಎಲ್ಲಾ ಸಮಸ್ಯೆಗಳನ್ನೂ ದೂರಗೊಳಿಸುವಲ್ಲಿ ಬೀರ್‌ ಪ್ರಧಾನ ಪಾತ್ರ ವಹಿಸುತ್ತದೆ ಎಂದರೆ ನಂಬುತ್ತೀರಾ? ಅದರಲ್ಲೂ ಮುಖ್ಯವಾಗಿ ನಿಮ್ಮ ಡ್ರೈ ಕೂದಲಿನಿಂದ ಮುಕ್ತಿ ಪಡೆಯಲು. ಅಂಥ ಸಂದರ್ಭದಲ್ಲಿ ನೀವು ಮಾರ್ಕೆಟಿನಲ್ಲಿ ಲಭ್ಯವಿರುವ ಬೀರ್‌ ಶ್ಯಾಂಪೂ ಬಳಸಿಕೊಳ್ಳಿ ಅಥವಾ ಸಮಪ್ರಮಾಣದಲ್ಲಿ ಬೀರ್‌ ನೀರು ಬೆರೆಸಿ, ಆ ಮಿಶ್ರಣದಿಂದ ತಲೆಗೂದಲನ್ನು ಚೆನ್ನಾಗಿ ಮಸಾಜ್‌ ಮಾಡಿ ತೊಳೆಯಬೇಕು. ಇದರಿಂದ ನಿಮ್ಮ ಕೂದಲಿನ ಡ್ರೈನೆಸ್‌ ಹೋಗಿ ಸಾಫ್ಟ್ ಆಗುವುದು ಮಾತ್ರವಲ್ಲ, ಉತ್ತಮ ಶೈನ್‌ ಕೂಡ ಬರುತ್ತದೆ, ಜೊತೆಗೆ ಕೂದಲಿನ ಬುಡ ಹೆಚ್ಚು ಸಶಕ್ತಗೊಳ್ಳುತ್ತದೆ. ಪಾರ್ಲರ್‌ ಗಳಲ್ಲೂ ಎಷ್ಟೋ ಸಲ ಇಂಥ ಬೀರ್ ಆರೈಕೆಗೆ ಒತ್ತು ನೀಡುತ್ತಾರೆ.

ಹಾಟ್‌ ಹೇರ್‌ ಟೂಲ್ಸ್ ಬೇಡ

ಸಾಮಾನ್ಯವಾಗಿ ಮಳೆಗಾಲದಲ್ಲಿ ಕೂದಲಿನ ಸ್ಥಿತಿ ಹಾಳಾಗುತ್ತದೆ. ಇದರ ಮೇಲೆ ನೀವು ಹಾಟ್‌ ಹೇರ್‌ ಟೂಲ್ಸ್ ‌ಬಳಸಿದರೆ, ಈ ಸಮಸ್ಯೆಗಳು 3-4 ಪಟ್ಟು ಹೆಚ್ಚುತ್ತದೆ. ಹೀಗಾಗಿ ಈ ಸೀಸನ್‌ ನಲ್ಲಿ  ಹಾಟ್‌ ಟೂಲ್ಸ್ ‌ಬಳಕೆ ಬೇಡವೇ ಬೇಡ, ಅಥವಾ ಅತಿ ಕನಿಷ್ಠ ಆಗಿರಲಿ.

ಹೆಲ್ದಿ ಡಯೆಟ್‌ ಅತಿ ಅಗತ್ಯ

Aloe-Vera-Aur-Dahi

ನಿಮ್ಮ ಕೂದಲನ್ನು ಸಂಭಾಳಿಸಲು ನೀವು ಎಷ್ಟೇ ಬ್ಯೂಟಿ ಪ್ರಾಡಕ್ಟ್ಸ್ ಬಳಸಿದರೂ, ನಿಮ್ಮ ಆಂತರಿಕ ಆರೋಗ್ಯ ಸುಧಾರಿಸದಿದ್ದರೆ, ಈ ಎಲ್ಲಾ ಪ್ರಯತ್ನಗಳೂ ವ್ಯರ್ಥವಾದೀತು. ಹೀಗಾಗಿ ನಿಮ್ಮ ಡಯೆಟ್‌ ನಲ್ಲಿ ವಿಟಮಿನ್ಸ್, ಮಿನರಲ್ಸ್, ಪ್ರೋಟೀನ್‌, ಫ್ಯಾಟ್‌, ಕಾರ್ಬೊಹೈಡ್ರೇಟ್ಸ್ ಅಗತ್ಯ ಬೆರೆಸಿಕೊಳ್ಳಿ. ಇದು ನಿಮ್ಮ ಕೂದಲಿನ ಪೋಷಣೆಗೆ ಹೆಚ್ಚು ಅವಶ್ಯಕ.

ಬಿಸಿ ನೀರು ಬೇಡ

ಮಳೆಗಾಲದಲ್ಲಿ ಹೊರಗೆ ನೆಂದು ಬಂದ ನಂತರ, ಚಳಿ ಅನಿಸುತ್ತದೆ. ಆಗ ಜನ ತಕ್ಷಣ ಬಿಸಿ ನೀರಿನ ಸ್ನಾನಕ್ಕೆ ಧಾವಿಸುತ್ತಾರೆ. ಆದರೆ ಹೀಗೆ ಮಾಡಬೇಡಿ, ಇದು ತುಂಬಾ ತಪ್ಪು. ಏಕೆಂದರೆ ಬಿಸಿ ಬಿಸಿಯಾದ ನೀರಿನಿಂದ ಕೂದಲಿನ ಆರ್ದ್ರತೆ ಸಂಪೂರ್ಣ ನಾಶವಾಗುತ್ತದೆ, ಅದು ಹಾಳಾಗಲು ಆರಂಭಿಸುತ್ತದೆ. ಹೀಗಾಗಿ ಆರೋಗ್ಯಕರ ಕೂದಲು ಹೊಂದಲು, ನಾರ್ಮಲ್ ಕೊಳಾಯಿ ನೀರಿನಿಂದ ಸ್ನಾನ ಮಾಡಿದರೆ ಸಾಕು. ಈ ರೀತಿ ನೀವು ಮನೆಯಲ್ಲಿ ಇದ್ದುಕೊಂಡೇ, ನಿಮ್ಮ ಕೂದಲಿಗೆ ಸೆಲೂನಿನಂಥ ಆರೈಕೆ ನೀಡಲು ಸಾಧ್ಯವಿದೆ.

– ಪಾರ್ವತಿ ಭಟ್‌

 

ಬೇರೆ ಕಥೆಗಳನ್ನು ಓದಲು ಕ್ಲಿಕ್ ಮಾಡಿ....
ಗೃಹಶೋಭಾ ವತಿಯಿಂದ