ಸುಂದರಿ ನಿವೇದಿತಾ ಗೌಡ ಫುಲ್ ಜಾಲಿ ಜಾಲಿ : ಕಿರುತೆರೆಯ ಹೊಸ ಶೋಗೆ ಮತ್ತೆ ಎಂಟ್ರಿ

ಗಾಯಕ ಹಾಗೂ ಸಂಗೀತ ನಿರ್ದೇಶಕ  ಚಂದನ್ ಶೆಟ್ಟಿ ಜೊತೆಗಿನ ಸಂಸಾರದಿಂದ ಹೊರಬಂದ ಬಳಿಕ ನಟಿ ಹಾಗೂ ಮಾಡೆಲ್ ನಿವೇದಿತಾ ಗೌಡ ಫುಲ್ ಹ್ಯಾಪಿ ಆಗಿದ್ದಾರೆ. ಡಿವೋರ್ಸ್ ಬಳಿಕ ಸೋಷಿಯಲ್ ಮೀಡಿಯಾದಲ್ಲಂತೂ ಸಖತ್ ಕ್ರೇಜ್ ಕ್ರಿಯೇಟ್ ಮಾಡ್ತಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಹಾಟ್ ಆಗಿರೋ ವಿಡಿಯೋಗಳನ್ನ ಹಾಕಿ ಪಡ್ಡೆ ಹುಡುಗರು ರೊಚ್ಚಿಗೇಳುವಂತೆ ಮಾಡುತ್ತಿದ್ದಾರೆ. ಒಂದು ದಿನ ಬೀಚ್ ಬಳಿ ಅರೆಬರೆ ಡ್ರೆಸ್ ಹಾಕೊಂಡಿದ್ರೆ, ಇನ್ನೊಂದು ದಿನ ರೆಸಾರ್ಟ್ನಲ್ಲಿ ಶಾರ್ಟ್ಸ್ ಹಾಕ್ಕೊಂಡ್ ಚೆಲುವೆಲ್ಲಾ ನಂದೆ ಅಂತಾ ಪೋಸ್ ಕೊಡ್ತಿದ್ದಾರೆ.

ನಿವೇದಿತಾ ಗೌಡರ ಹೊಸ ಸುದ್ದಿ ಏನಪ್ಪಾ ಅಂದ್ರೆ, ಮತ್ತೆ ಅವರು ಕಿರುತೆರೆಗೆ ಎಂಟ್ರಿ ಕೊಡ್ತಿದ್ದಾರೆ. ಬಿಗ್ಬಾಸ್ ಮತ್ತು ಸೋಷಿಯಲ್ ಮಿಡಿಯಾದಿಂದಲೇ ಖ್ಯಾತಿ ಗಳಿಸಿರೋ ನಿವೇದಿತಾ ಕಿರುತೆರೆ ರಿಯಾಲಿಟಿ ಶೋಗಳಿಂದ ಜನಪ್ರಿಯತೆಯನ್ನ ಪಡೆದುಕೊಂಡಿದ್ದಾರೆ. ಬಿಗ್ಬಾಸ್ ಸೀಸನ್ 5ರಲ್ಲಿ ಪಾಲ್ಗೊಂಡ ಬಳಿಕ ಮತ್ತೆ ಕಿರುತೆರೆಯಲ್ಲಿ ಸೆಟಲ್ ಆಗಿದ್ದರು.

ರಾಜಾರಾಣಿ, ಗಿಚ್ಚಿ ಗಿಲಿಗಿಲಿ ಮುಂತಾದ ಶೋಗಳಲ್ಲಿ ಕಾಣಿಸಿಕೊಂಡಿದ್ದರು. ಬಳಿಕ ಸಿಕ್ಕಾಪಟ್ಟೆ ಪ್ರವಾಸ ಮಾಡ್ತಿರೋ ಅವರು ಇತ್ತೀಚೆಗಷ್ಟೇ ಶ್ರೀಲಂಕಾಗೂ ಹೋಗಿಬಂದಿದ್ದರು. ಕೆಲ ದಿನಗಳಿಂದ ಕಿರುತೆರೆಯಿಂದ ದೂರವಿದ್ರೂ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ಮಾತ್ರ ತಾನಿನ್ನೂ ಫೀಲ್ಡ್ನಲ್ಲಿದ್ದೀನಿ ಅನ್ನೋದನ್ನ ತಮ್ಮ ಗ್ಲಾಮರಸ್ ಫೋಟೋಗಳಿಂದಲೇ ಹೇಳುತ್ತಿದ್ದರು.

ಸದಾ ಫುಲ್ ಜಾಲಿ ಮೂಡ್ನಲ್ಲಿರೋ ರೀಲ್ಸ್ ಸುಂದರಿ ತಮ್ಮ ಇನ್ಸ್ಟಾದಲ್ಲಿ ಮತ್ತಷ್ಟು ಕಲರ್ಫುಲ್ ಫೋಟೋಗಳನ್ನ ಅಪ್ಲೋಡ್ ಮಾಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಇವರು ಎಷ್ಟೇ ಟ್ರೋಲ್ ಆದ್ರೂ ಕೂಡ ಹುಡುಗರು ಅಷ್ಟೇ ಇಷ್ಟಪಡುತ್ತಾರೆ. ಇದೀಗ ‘ಬಾಯ್ಸ್ ವರ್ಸಸ್ ಗರ್ಲ್ಸ್’ ಅನ್ನೋ ಹೊಸ ರಿಯಾಲಿಟಿ ಶೋನಲ್ಲಿ ಪಾಲ್ಗೊಳ್ಳುತ್ತಿದ್ದು, ಕಿರುತೆರೆಯಲ್ಲಿ ಮತ್ತೆ ನಿವೇದಿತಾ ಗೌಡರ ದರ್ಬಾರ್ ಜೋರಾಗಲಿದೆ.