ಬಾಲಿವುಡ್ನ ಡ್ರಾಮಾ ಕ್ವೀನ್.. ಕಾಂಟ್ರವರ್ಸಿ ನಟಿ ರಾಖಿ ಸಾವಂತ್ ಎಲ್ಲಿದ್ದಾರೆ ಅಂತಾ ಎಲ್ರೂ ಕೇಳಿದ್ದೇ ಕೇಳಿದ್ದು. ಕಳೆದ ಕೆಲ ತಿಂಗಳಿಂದ ಸಿನಿಇಂಡಸ್ಟ್ರೀಯಲ್ಲಿ ಎಲ್ಲೂ ಕಾಣಿಸಿಕೊಳ್ಳದೇ.. ರಿಯಾಲಿಟಿ ಶೋಗಳಲ್ಲೂ ಮುಖ ತೋರಿಸಿಕೊಳ್ಳದೇ.. ಯಾವುದೇ ಏರ್ಪೋರ್ಟ್ಗಳಲ್ಲೂ ಕಿರಿಕ್ ಮಾಡಿರೋ ಸುದ್ದಿಯಾಗದೇ ಇರೋ ರಾಖಿ ಸಾವಂತ್ ದಿಢೀರ್ನೇ ಈಗ ಪ್ರತ್ಯಕ್ಷವಾಗಿದ್ದಾರೆ. ಕರ್ನಾಟಕದ ಮೈಸೂರಿನ ಹುಡುಗನ ಲವ್.. ಮದುವೆ ಅಂತೆಲ್ಲಾ ಸುದ್ದಿಯಾಗಿ ಮತ್ತೆ ಅದು ಬ್ರೇಕ್ ಅಪ್ ಆಗಿ.. ಅದಕ್ಕೆ ಒಂದಷ್ಟು ಕಣ್ಣೀರು ಹಾಕಿ.. ನ್ಯಾಷನಲ್ ಲೆವೆಲ್ಗೆ ಕಾಂಟ್ರವರ್ಸಿ ಮಾಡಿದ್ದ ರಾಖಿ ಸಾವಂತ್ ಈಗ ಕ್ಲಬ್ ಒಂದರಲ್ಲಿ ಡ್ಯಾನ್ಸ್ ಮಾಡ್ತಿದ್ದಾರೆ ಅಂದ್ರೆ ನಂಬ್ತೀರಾ.. ನಂಬ್ಲೇಬೇಕು.
ನಟಿ ರಾಖಿ ಸಾವಂತ್ ಕೆಲ ತಿಂಗಳಿಂದ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಯಾವುದೇ ಫೋಟೋಸ್ಗಳನ್ನಾಗಲಿ.. ವಿಡಿಯೋಗಳನ್ನಾಲಿ ಪೋಸ್ಟ್ ಮಾಡುತ್ತಿರಲಿಲ್ಲ. ಆದ್ರೆ, ಕೆಲ ದಿನಗಳಿಂದ ರಾಖಿ ಸಾವಂತ್ ಮಾದಕ ನೃತ್ಯ ಮಾಡ್ತಿರುವ.. ಸಂಗಡಿಗರ ಜೊತೆ ಹೆಜ್ಜೆ ಹಾಕ್ತಿರುವ ಫೋಟೋಗಳನ್ನು ಪೋಸ್ಟ್ ಮಾಡಿಕೊಂಡಿದ್ದಾರೆ. ಅವು ಬೇರೆ ಎಲ್ಲೂ ಅಲ್ಲ.. ಪಟ್ಟಾಯದ ಕ್ಲಬ್ನಲ್ಲಿ.
ಸ್ಟೇಜ್ ಶೋ ಒಂದರ ಒಂದಷ್ಟು ಫೋಟೋಗಳನ್ನು ಹಾಕಿಕೊಂಡಿರುವ ರಾಖಿ ಸಾವಂತ್ ಸಾಲು ಸಾಲು ಫೊಟೋಸ್ ಅಪ್ಲೋಡ್ ಮಾಡ್ತಿದ್ದಾರೆ. ಇದರಿಂದ ಸೋಷಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರೋ ಮಂದಿ ಏನಪ್ಪಾ.. ಇದು.. ರಾಖಿ ಇಷ್ಟು ದಿಢೀರ್ನೇ ಫೋಟೋಸ್ ಹಾಕಿದ್ದಾರೆ ಅಂತಾ ಮಾತನಾಡಿಕೊಳ್ತಿದ್ದಾರೆ.
ಅಸಲಿ ವಿಷಯ ಏನಪ್ಪಾ ಅಂದ್ರೆ, ಹಿಂದಿ ಬಿಗ್ಬಾಸ್ ಡ್ರಾಮಾ ಕ್ವೀನ್ ಆಗಿರೋ.. ಕಿರಿಕ್ ಪಾರ್ಟಿಯಾಗಿರೋ ನಟಿ ರಾಖಿ ಸಾವಂತ್ ಫೇಮಸ್ ಟೂರಿಸಂ ಪ್ಲೇಸ್ ಆಗಿರೋ ಪಟ್ಟಾಯದ ಕ್ಲಬ್ನಲ್ಲಿ ಡ್ಯಾನ್ಸ್ ಮಾಡಿದ್ದಾರೆ. ಅದು ದುಡ್ಡಿಗೋಸ್ಕರ ಅನ್ನೋದು ಕೆಲವರ ವಾದ. ಹೀಗೆ ಮೈಚಳಿ ಬಿಟ್ಟು ಡ್ಯಾನ್ಸ್ ಮಾಡಿರೋದನ್ನ ನೋಡಿರೋ ನೆಟ್ಟಿಗರು ನಟಿ ದುಡ್ಡಿಗಾಗಿ ವಿದೇಶದ ಕ್ಲಬ್ನಲ್ಲಿ ಕುಣಿಯುತ್ತಿದ್ದಾರಾ ಅಂತಾ ಟ್ರೋಲ್ ಮಾಡ್ತಿದ್ದಾರೆ.
ಈ ಹಿಂದೆ ಬಾಲಿವುಡ್ನ ಖ್ಯಾತ ನಟ ಸಲ್ಮಾನ್ ಖಾನ್ ಜೊತೆಗೂ ನಟಿಸಿದ್ದ ರಾಖಿ ಸಾವಂತ್ ಈಗ ಬಾಲಿವುಡ್ನಲ್ಲಿ ಅವಕಾಶಗಳೇ ಇಲ್ಲದಂತಹ ಪರಿಸ್ಥಿತಿಗೆ ತಲುಪಿದ್ದಾರೆ. ಒಂದು ಟೈಮ್ನಲ್ಲಿ ಚೆನ್ನಾಗೇ ಕೆಲಸ ಮಾಡಿದ್ರೂ ಕೂಡ ರಾಖಿ ಕೆರಿಯರ್, ಪರ್ಸನಲ್ ಲೈಫ್ ಈಗ ಅಷ್ಟು ಚೆನ್ನಾಗಿಲ್ಲ. ಇತ್ತೀಚೆಗಷ್ಟೇ ರಾಖಿ ಸಾವಂತ್ ಅವರ ತಾಯಿ ತೀರಿಕೊಂಡಿದ್ದಾರೆ. ಆಗ ತಾಯಿಯ ಚಿಕಿತ್ಸೆಗೂ ಕೂಡ ಹಣ ಇರಲಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಸಲ್ಮಾನ್ ಖಾನ್ ಸಹಾಯ ಮಾಡಿದ್ದರು. ಬಳಿಕ ಸೋಷಿಯಲ್ ಮೀಡಿಯಾದಲ್ಲಿ ರಾಖಿ ಸೈಲೆಂಟ್ ಆಗಿದ್ದರು.
ಇದೀಗ ಕ್ಲಬ್ನಲ್ಲಿ ಡ್ಯಾನ್ಸ್ ಮಾಡಿರೋದನ್ನ ನೋಡಿರೋ ನೆಟ್ಟಿಗರು ಟೀಕೆ ಮಾಡ್ತಿದ್ದಾರೆ. ಆದ್ರೆ, ಕೆಲವರು ಜೀವನಕ್ಕೋಸ್ಕರ ಮಾಡಲಿ ಬಿಡಿ.. ಮತ್ತೆ ಕಂಬ್ಯಾಕ್ ಮಾಡಿದ್ದಾರೆ. ಅದರಲ್ಲೇನು ತಪ್ಪು ಅಂತಾ ಪ್ರಶ್ನೆ ಮಾಡಿದ್ದಾರೆ. ಹಾಟ್ ಹಾಟ್ ಆಗಿ ಮೈ ಚಳಿ ಬಿಟ್ಟು ಕುಣಿಯೋ ಫೊಟೋಸ್ ನೋಡಿ ರಾಖಿ ಹೀಗೆ ಇರಲಿ ಅಂತಾನೂ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಶತ್ರುರಾಷ್ಟ್ರದ ಹುಡುಗನ ಜೊತೆ ಮದುವೆನಾ..? :
ಇದರ ಮಧ್ಯೆ ಮೈಸೂರಿನ ಆದಿಲ್ ಜೊತೆಗಿನ ಬ್ರೇಕಪ್ ಆದಂದಿನಿಂದಲೂ ಸಿಂಗಲ್ ಆಗಿದ್ದ ರಾಖಿ ಸಾವಂತ್ ಇದೀಗ ಪಾಕಿಸ್ತಾನದ ಹುಡುಗನ ಜೊತೆ ಮದುವೆ ಮಾಡಿಕೊಳ್ಳೋಕೆ ಫಿಕ್ಸ್ ಆಗಿದ್ದಾರೆ ಅನ್ನೋ ಸುದ್ದಿ ವೈರಲ್ ಆಗ್ತಿದೆ. ಮೂರನೇ ಬಾರಿಗೆ ಮದುವೆಗೆ ಸಜ್ಜಾಗಿರೋ ರಾಖಿ ಸಾವಂತ್, ಸಂದರ್ಶನವೊಂದರಲ್ಲಿ ಪಾಕಿಸ್ತಾನದಲ್ಲಿ ಒಬ್ಬ ಹುಡುಗನಿದ್ದಾನೆ. ಆತ ಪೊಲೀಸ್ ಅಧಿಕಾರಿ ಕೂಡ ಆಗಿದ್ದಾನೆ. ಆತ ನಟ ಮತ್ತು ಪೊಲೀಸ್ ಅಧಿಕಾರಿ. ಮದುವೆ ಪಾಕಿಸ್ತಾನದಲ್ಲಿ ನಡೆಯಲಿದೆ. ಆರತಕ್ಷತೆ ಭಾರತದಲ್ಲಿ ಇರುತ್ತದೆ ಮತ್ತು ನಮ್ಮ ಹನಿಮೂನ್‌ಗಾಗಿ ನಾವು ಸ್ವಿಟ್ಜರ್ಲೆಂಡ್ ಅಥವಾ ನೆದರ್‌ಲ್ಯಾಂಡ್‌ಗೆ ಹೋಗುತ್ತೇವೆ.
ನಾವು ದುಬೈನಲ್ಲಿ ನೆಲೆಸುತ್ತೇವೆ.” ಎಂದು ನಟಿ ಹೇಳಿದ್ದಾರೆ. ಇದರ ಬೆನ್ನಲ್ಲೇ ಹುಡುಗ ಯಾರು ಎಂಬ ಚರ್ಚೆ ಜೋರಾಗಿದೆ. ಹೌದು ವರದಿಯ ಪ್ರಕಾರ ರಾಖಿ ಸಾವಂತ್ ದೋಡಿ ಖಾನ್ ಅವರನ್ನು ವಿವಾಹವಾಗಲಿದ್ದಾರೆ ಎನ್ನಲಾಗಿದೆ. ಇವರು, ಪಾಕಿಸ್ತಾನದ ಜನಪ್ರಿಯ ನಟ, ಮಾಡೆಲ್‌ ಆಗಿದ್ದಾರೆ.
ಅವರು ದುರ್ಜ್, ಘಬ್ರಾನಾ ನಹೀ ಹೈ, ಅಖಾರಾ, ಚೌಧರಿ ಮತ್ತು ಇತರ ಜನಪ್ರಿಯ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಖಿ ಸಾವಂತ್ ಈ ಹಿಂದೆ ಎರಡು ಮದುವೆಗಳನ್ನು ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿತ್ತು. ರಾಖಿಯ ಮೊದಲ ಮದುವೆ ರಿತೇಶ್ ಸಿಂಗ್ ಜೊತೆ. ಆದರೆ ಈ ಮದುವೆ ಹೆಚ್ಚು ಕಾಲ ಉಳಿಯಲಿಲ್ಲ.. ಇದಾದ ನಂತರ, ರಾಖಿ ಸಾವಂತ್ ಆದಿಲ್ ಖಾನ್ ದುರಾನಿ ಅವರನ್ನು ಎರಡನೇ ಬಾರಿಗೆ ವಿವಾಹವಾಗಿದ್ದರು. ಬಳಿಕ ಅದು ಹೆಚ್ಚು ದಿನ ಮುಂದುವರೆಯಲಿಲ್ಲ.
ಅದೇನೇ ಇರಲಿ.. ಬಾಲಿವುಡ್ನಲ್ಲಿ ಒಂದಷ್ಟು ಮಸಾಲೆ ಮಾತು.. ವಿವಾದಿತ ಹೇಳಿಕೆಗಳನ್ನ ನೀಡೋ ನಟಿ ರಾಖಿ ಸಾವಂತ್ ಮತ್ತೆ ಸುದ್ದಿಯಲ್ಲಿದ್ದು, ಸೋಷಿಯಲ್ ಮೀಡಿಯಾ ಮಂದಿಗೆ ಮತ್ತೆ ಮನರಂಜನೆ ಸಿಕ್ತಿರೋದಂತೂ ಸತ್ಯ.
