ಬಿಕಿನಿಯಲ್ಲಿ ಪೂಜಾ ಹೆಗಡೆ
ಪೂಜಾ ಹೆಗಡೆಯ ಹಾಟ್‌ ಫೋಟೋಗಳನ್ನು ನೋಡಿ ನೀವು ದಂಗಾದಿರಾ? ಅಸಲಿಗೆ ಆಕೆ ಇತ್ತೀಚೆಗೆ ಬ್ಯಾಂಕಾಕ್‌ ನಲ್ಲಿ ಬ್ಯೂಟಿಫುಲ್ ಲೋಕೇಶನ್‌ ಗೆ ಹೋಗಿ ಹಾಲಿಡೇ ಎಂಜಾಯ್‌ ಮಾಡುತ್ತಿದ್ದಾಳೆ. ಈ ಫೋಟೋದಲ್ಲಿ ಆಕೆಯ ವೈಟ್‌ ಬಿಕಿನಿ ಮೇಲೆ ಟ್ರಾನ್ಸ್ ಪರೆಂಟ್‌ ಶ್ರಗ್‌ ಮತ್ತು ಓಪನ್‌ ಹೇರ್ಸ್ ನೋಡಲು ಲಾಯಕ್ಕಾಗಿದೆ. ಆಕೆ ಈ ಫೋಟೋ ಅಪ್‌ ಲೋಡ್‌ ಮಾಡಿದ ತಕ್ಷಣ ಲಕ್ಷಾಂತರ ಲೈಕ್ಸ್ ದಕ್ಕಿದವು.
ರಾಖಿ ಸಾವಂತ್‌ ಈಗ ಪ್ರೆಗ್ನೆಂಟ್
ಈ ಶೀರ್ಷಿಕೆ ಓದಿ ಶಾಕ್‌ ಆಯ್ತಾ? ಅಸಲಿಗೆ ಈಕೆ ಸುದ್ದಿಗಾರರೊಂದಿಗೆ ಹೀಗೊಂದು ನಾಟಕ ಆಡಿದಳು, ಅಲ್ಲಿ ಬೇಕೆಂದೇ ಅವಳು ಬೆಲೂನ್‌ ನ್ನು ತನ್ನ ಹೊಟ್ಟೆಗೆ ಸುತ್ತಿಕೊಂಡು ತಾನು ಪ್ರೆಗ್ನೆಂಟ್ ಎಂದು ಹೇಳಿಕೊಂಡಳು, ತನಗೆ ಬಾಹುಬಲಿಯೇ ಹುಟ್ಟುತ್ತಾನೆ ಎನ್ನುತ್ತಾಳೆ. ಅವಳ ಈ ಹುಚ್ಚುಖೋಡಿತನ ಕಂಡು ಸುದ್ದಿಗಾರರು ನಕ್ಕಿದ್ದೇ ನಕ್ಕಿದ್ದು. ಅವಳ ಈ ವಿಡಿಯೋ ಎಷ್ಟು ವೈರಲ್ ಆಯಿತೆಂದರೆ ಒಬ್ಬರಿಂದ ಒಬ್ಬರಿಗೆ ಸುದ್ದಿ ಹರಡಿ ಎಲ್ಲರೂ ಇದನ್ನು ನೋಡಿದ್ದೇ ನೋಡಿದ್ದು. ರಾಖಿಯ ಇಂತಹ ಹುಚ್ಚುಖೋಡಿತನ ಬಾಲಿವುಡ್‌ ಗೆ ಇದೇನು ಹೊಸತಲ್ಲ.
ರಣವೀರ್‌ ದೀಪಿಕಾರ ಲಗ್ಶುರಿ ಅಪಾರ್ಟ್‌ಮೆಂಟ್
ಬಾಲಿವುಡ್‌ ನ ಪವರ್‌ ಫುಲ್ ಕಪಲ್ ರಣವೀರ್‌ ದೀಪಿಕಾ ತಮ್ಮ ಅಭಿಮಾನಿಗಳ ಹೃದಯಗಳಲ್ಲಿ ತುಂಬಿ ಹೋಗಿದ್ದಾರೆ. ಇವರ ಜೊತೆ ಒಂದು ಸೆಲ್ಛಿಗಾಗಿ ಜನ ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ಇತ್ತೀಚೆಗೆ ಇವರು ಚರ್ಚೆಯಲ್ಲಿರುವುದು ತಮ್ಮ ಅದ್ಭುತ ದುಬಾರಿ ಅಪಾರ್ಟ್‌ ಮೆಂಟ್‌ ನಿಂದಾಗಿ. ಅದೂ ಶಾರೂಖ್‌ ಖಾನ್‌, ಸಲ್ಮಾನ್ ಖಾನ್‌ ಮನೆ ಬಳಿಯಲ್ಲೇ. ಈ ಅಪಾರ್ಟ್‌ ಮೆಂಟ್‌ ನ್ನು ಇವರು ಖರೀದಿಸಿರುವುದು ಮುಂಬೈ ಬಾಂದ್ರಾದ ಒಂದು ಸಸ್ಯಶ್ಯಾಮಲ ರೆಸಿಡೆನ್ಶಿಯಲ್ ಏರಿಯಾದಲ್ಲಿ. ಇದರ ಬೆಲೆ ಕೇವಲ 119 ಕೋಟಿ.
ಮೀಕಾಗೆ ಸಿಕ್ಕಿದಳು ಅವನ ನವವಧು
ತನ್ನ ಸಂಗಾತಿಯನ್ನು ಹುಡುಕುವುದಕ್ಕಾಗಿ ಬಾಲಿವುಡ್‌ ನ ಖ್ಯಾತ ಗಾಯಕ ಮೀಕಾ ಸಿಂಗ್‌ ಕಿರುತೆರೆ ಮೂಲಕ ಸ್ವಯಂವರ ಹೂಡಿದ್ದ. ಇದಕ್ಕಾಗಿ ದೇಶಾದ್ಯಂತ ಹುಡುಗಿಯರು ಬಂದು ಭಾಗಹಿಸಿದ್ದರು, ತಮ್ಮದೇ ವಿಧಾನದಲ್ಲಿ ಮೀಕಾನನ್ನು ಇಂಪ್ರೆಸ್‌ಮಾಡಿದರು. ಆದರೆ ಸ್ವಯಂವರ ಮುಗಿಯುವ ಮೊದಲೇ ಯಾರೋ ಮೀಕಾನ ಹೃದಯ ಗೆದ್ದಿದ್ದರು. ಈಕೆ ಯಾರೆಂದು ನಿಮಗೆ ಗೊತ್ತೆ? ಅವಳು ಬೇರಾರೂ ಅಲ್ಲ, ಚಂಡೀಗಢ ರಾಜ್ಯದ ನೀತ್‌ ಮಹಲ್. ನೀತ್‌ ತನ್ನ ಅಡುಗೆ ಕಿಯಿಂದ ಮೀಕಾನ ಮನಗೆದ್ದಿದ್ದಳು. ಆಕೆ ವೃತ್ತಿಯಿಂದ ಮಾಡೆಲ್, ಗಾಯಕಿ ಸಹ. ಒಳ್ಳೆಯದೇ ಆಯಿತು ಮೀಕಾನ ಮನಗೆದ್ದ ನಧು ಸಿಕ್ಕಿಯೇಬಿಟ್ಟಳು!
ಹೃತಿಕ್‌ ಗೆ ಆರೋಪಿಸಲಾದ ಕೋಟ್ಯಂತರ ದಾವೆ
ಹೃತಿಕ್‌ ರೋಷನ್‌ ತನ್ನ ಚಿತ್ರಗಳು ಮತ್ತು ವೈಯಕ್ತಿಕ ಜೀವನದಿಂದ ಸದಾ ಚರ್ಚೆಯಲ್ಲಿರುತ್ತಾನೆ. `ಕಹೋನಾ ಪ್ಯಾರ್‌ ಹೈ’ ಚಿತ್ರದಿಂದ ತನ್ನ ಕೆರಿಯರ್‌ ಆರಂಭಿಸಿದ ಹೃತಿಕ್‌ ಹಿಟ್ ಮೇಲೆ ಹಿಟ್ ಕೊಡುತ್ತಾ ಹೋದ. ಇತ್ತೀಚೆಗೆ ಈತ 4 ಚಿತ್ರಗಳಲ್ಲಿ ಒಟ್ಟೊಟ್ಟಿಗೆ ನಟಿಸುತ್ತಿದ್ದಾನೆ. ಅದರ ಒಟ್ಟಾರೆ ಬಜೆಟ್‌ 850 ಕೋಟಿ! ಅವು ಕ್ರಮವಾಗಿ, `ವಿಕ್ರಂ ಬೇತಾಳ್‌, ಫೈಟರ್‌, ವಾರ್‌, ಕೃಷ್.’ ಇವನ ಅಭಿಮಾನಿಗಳು ಈ ಚಿತ್ರಕ್ಕಾಗಿ ಕಾತುರತೆಯಿಂದ ಕಾಯುತ್ತಿದ್ದಾರೆ.
ಸಾಯಿ ಪಲ್ಲವಿ ಲವ್ ಅಫೇರ್
ಬಾಲಿವುಡ್‌ ನಲ್ಲಿ ಲವ್ ಗಿವ್ ನಾರ್ಮಲ್ ಸಂಗತಿ. ಯಾರಿಗೋ 1-2 ಕ್ಷಣಗಳಲ್ಲಿ ಪ್ರೀತಿ ಹುಟ್ಟಿದರೆ, ಮತ್ತೆ ಕೆಲವರಿಗೆ 1-2 ಕ್ಷಣಗಳಲ್ಲಿ ಬ್ರೇಕಪ್‌ ಸಹ ಆಗಿಹೋಗುತ್ತದೆ. ಆದರೆ ಇಂತಹ ಪ್ರೀತಿ ಪ್ರೇಮದ ವ್ಯವಹಾರಗಳಲ್ಲಿ ನಟಿಯ ಮನೆಯವರು ಅದನ್ನು ವಿರೋಧಿಸಿದ ಸಂಗತಿ ಬಹಳ ಕಡಿಮೆ. ಈ ವಿಷಯವನ್ನು ದಕ್ಷಿಣದ ನಟಿ ಸಾಯಿ ಪಲ್ಲವಿ ತನ್ನ `ವಿರಾಟ ಪರ್ವಂ’ ತೆಲುಗು ಚಿತ್ರದ ಮೂಲಕ ಸಾಬೀತುಪಡಿಸಿದ್ದಾಳೆ. ಈ ಹಗರಣದಲ್ಲಿ ಬಾಹುಬಲಿಯ ವಿಲನ್‌ ರಾಣಾ ದಗ್ಗುಬಟ್ಟಿ ಸಹ ಇದ್ದ. ಅವಳು ಹೇಳಿದಂತೆ ಶಾಲಾ ದಿನಗಳಿಂದಲೇ ಒಬ್ಬ ಹುಡುಗ ಈಕೆಗೆ ಲವ್ ಲೆಟರ್‌ ಕೊಟ್ಟಿದ್ದ. ಮನೆಯವರಿಗೆ ಗೊತ್ತಾಗಿ ಆ ಹುಡುಗನನ್ನು ಚೆನ್ನಾಗಿ ಚಚ್ಚಿದ್ದರಂತೆ.
ಮೌನಿ ರಾಯ್‌ ಳ ಮೋಡಿ
ತನ್ನ ಸೌಂದರ್ಯ ಹಾಗೂ ನಟನೆಯ ಪ್ರತಿಭೆಯಿಂದ ಮೌನಿ ರಾಯ್‌ ಎಲ್ಲರ ಮನಗೆದ್ದಿದ್ದಾಳೆ, ಬಾಲಿವುಡ್‌ ನಲ್ಲಿ ಖ್ಯಾತಳಾಗಿದ್ದಾಳೆ. ಆಕೆ ಸೋಶಿಯಲ್ ಮೀಡಿಯಾದಲ್ಲಿ ಸದಾ ಆ್ಯಕ್ಟಿವ್‌. ಇತ್ತೀಚೆಗೆ ಆಕೆ ತನ್ನ ಕೆಂಪು ಸೀರೆಯ ಫೋಟೋದಿಂದ ಎಲ್ಲಾ ಪ್ರೇಕ್ಷಕರಿಗೂ ಸೂಪರ್‌ ಡೂಪರ್‌ ಮೋಡಿ ಬೀರಿದ್ದಾಳೆ, ಇದರಿಂದ ಅವಳ ಅಭಿಮಾನಿಗಳು ಹುಚ್ಚೆದ್ದು ಹೋಗಿದ್ದಾರೆ. ಇಷ್ಟರಲ್ಲೇ ಈಕೆಯ `ಬ್ರಹ್ಮಾಸ್ತ್ರ’ ಚಿತ್ರ ಬಿಡುಗಡೆಯಾಗಲಿದೆ. ಅಭಿಮಾನಿಗಳು ಕಾಯುತ್ತಲೇ ಇದ್ದಾರೆ.
ಶಾಹಿದ್‌ ಗೆ ಸಮನಾರು?
ಶಾಹಿದ್‌ ಕಪೂರ್‌ ನ ಚಂಚಲ ಸ್ವಭಾವ ಎಲ್ಲರಿಗೂ ಗೊತ್ತಿದ್ದೇ. ಈತ ಎಷ್ಟೋ ನಟಿಯರೊಂದಿಗೆ ಅಫೇರ್ ಹೊಂದಿದ್ದ, ಕೊನೆಗೆ 2015ರಲ್ಲಿ ಮೀರಾಳೊಂದಿಗೆ ಮದುವೆಯಾದ. ಇವರಿಗೀಗ ಇಬ್ಬರು ಮಕ್ಕಳು, ಖುಷಿಯಾದ ಸಂಸಾರ. ಇಬ್ಬರ ಮಧ್ಯೆ ಉತ್ತಮ ಅಂಡರ್‌ ಸ್ಟಾಂಡಿಗ್‌ ಇದೆ. ಆದರೆ ಇತ್ತೀಚೆಗೆ ಶಾಹಿದ್‌ ತನ್ನ ಪತ್ನಿ ಮೀರಾಳ ನಟನೆಯ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್‌ ಮಾಡಿಕೊಂಡಾಗ, ಆತನ ಫ್ಯಾನ್ಸ್ ಇವನ ಕಥೆ ಇನ್ನು ಮುಗಿಯಿತು ಎಂದರು. ಅಸಲಿಗೆ ಈ ವಿಡಿಯೋದಲ್ಲಿ ಒಂದು ಕಾರಿನಲ್ಲಿ ಮೀರಾ ಫೋನ್‌ ನಲ್ಲಿ ಬ್ಯುಸಿ ಇರ್ತಾಳೆ, ಅದನ್ನು ಶಾಹಿದ್‌ ಫೋಟೋ ಹಿಡಿದು, ಮೇಡಂರ ಈ ಅಭ್ಯಾಸಕ್ಕೆ ಏನು ಮಾಡಲಿ? ಅಂತಾನೆ. ಇದನ್ನು ಕೇಳಿ ಅಭಿಮಾನಿಗಳೆಲ್ಲ ನಕ್ಕಿದ್ದೇ ನಕ್ಕಿದ್ದು.
`ಡಂಕಿ‘ ಚಿತ್ರದ ಕುರಿತಾಗಿ ಚರ್ಚೆ
ರಾಜ್‌ ಕುಮಾರ್‌ ಹಿರಾನಿಯ ಚಿತ್ರ `ಡಂಕಿ’ ಇತ್ತೀಚೆಗೆ ಬಹಳ ಚರ್ಚೆಯಲ್ಲಿದೆ. ವೀಕ್ಷಕರು ಈ ಚಿತ್ರದ ಕುರಿತಾಗಿ ಬಹಳ ಎಗ್ಸೈಟೆಡ್‌ ಆಗಿದ್ದಾರೆ, ಏಕೆಂದರೆ ಈ ಚಿತ್ರದಲ್ಲಿ ನಿಮಗೆ ಶಾರೂಖ್‌, ರಾಜ್‌ ಕುಮಾರ್‌ ಹಿರಾನಿ ಒಟ್ಟೊಟ್ಟಿಗೆ ನಟಿಸಿದ್ದಾರೆ. ಜೊತೆಗೆ ತಾಪಸಿ ಪನ್ನು ಸಹ ಇದ್ದಾಳೆ.
