ಪಬ್ಲಿಕ್ ಟಾಯ್ಲೆಟ್ ಅಥವಾ ಬಯಲು ಪ್ರದೇಶದಲ್ಲಿ ಹೆಂಗಸರು ದೇಹಬಾಧೆ ತೀರಿಸಿಕೊಳ್ಳುವ ಬದಲು ಈ ಆಧುನಿಕ ತಂತ್ರ ಉಪಯೋಗಿಸಬಾರದೇಕೆ? ಹೇಗೆ ಅಂತೀರಾ…..?
ಸಾಮಾನ್ಯವಾಗಿ ಹೆಂಗಸರು ಹೆಲ್ಚ್ ಹೈಜೀನ್‌ ವಿಷಯದಲ್ಲಿ ನಿರ್ಲಕ್ಷ್ಯ ವಹಿಸುತ್ತಾರೆ. ಮೇಲ್ನೋಟಕ್ಕೆ ಸ್ವಚ್ಛತೆ ಶುಭ್ರತೆ ಇರುವಂತೆ ಕಂಡುಬಂದರೂ, ಪಬ್ಲಿಕ್ ಟಾಯ್ಲೆಟ್ ಭಯ ತಪ್ಪಿದ್ದ್ದಲ್ಲ. ನೀವು ಎಲ್ಲೇ ಗಮನಿಸಿ, ಪಬ್ಲಿಕ್ ಟಾಯ್ಲೆಟ್ ಗಳು ಅನ್‌ ಹೈಜಿನಿಕ್‌ ಆಗಿರುವುದೇ ಹೆಚ್ಚು.ಹೊರಗೆ ಬಂದ ಮೇಲೆ ಯಾರೇ ಆಗಲಿ, ಸುರಕ್ಷಿತ ಜಾಗದಲ್ಲಿ ದೇಹಬಾಧೆಯ ನಿವಾರಣೆ ಅನಿವಾರ್ಯ. ಗಂಡಸರಿಗೇನೋ ಬಯಲು ಪ್ರದೇಶ ಹೇಳಿ ಮಾಡಿಸಿದ್ದು. ಆದರೆ ಈ ನಿಟ್ಟಿನಲ್ಲಿ ಹೆಂಗಸರು ಏನು ಮಾಡಬೇಕು? ಹಾಗಾಗಿಯೇ ಬಲವಂತವಾಗಿ ಮೂತ್ರ ವಿಸರ್ಜನೆಗೆ ಹೋಗದೆ, ಹೊರಗೆ ಬಂದು ಕೆಲಸ ಕಾರ್ಯ ಮುಗಿಸಿ, 4-5 ಗಂಟೆಗಳ ನಂತರ ಮನೆಗೆ ಹಿಂದಿರುಗಿದಾಗಲೇ ಹೆಂಗಸರು ಬಾತ್‌ ರೂಮಿಗೇ ಓಡುತ್ತಾರೆ. ಇದು ಟಾಕ್ಸಿಕ್‌ ಆಗಿ ಅವರಿಗೆ ಹಲವಾರು ಹಿಂಸೆ ನೀಡುತ್ತದೆ, ಕಿಡ್ನಿ ಸ್ಟೋನ್ಸ್ ಗೆ ಮೂಲವಾಗುತ್ತದೆ. ಅದರ ನಿವಾರಣೆಗಾಗಿ ಪಬ್ಲಿಕ್ ಟಾಯ್ಲೆಟ್ ಬಳಸಿದರೆ ಸೋಂಕು, ವಾಟರ್‌ ಇನ್‌ ಫೆಕ್ಷನ್‌ ಕಟ್ಟಿಟ್ಟ ಬುತ್ತಿ. ವಜೈನ್‌ ಇನ್‌ ಫೆಕ್ಷನ್‌ ಗೆ ಪಬ್ಲಿಕ್ ಟಾಯ್ಲೆಟ್ ಬಳಕೆಯೇ ಮೂಲ ಎಂದರೆ ತಪ್ಪಾಗಲಾರದು. ಹಾಗಾದರೆ ಆರೋಗ್ಯಕ್ಕೆ ಕೇಡಾಗದೆ ಇರಲು ಹೆಂಗಸರು ಏನು ಮಾಡಬೇಕು? ಈ ಜಂಜಾಟಗಳೇ ಬೇಡ, ಪಬ್ಲಿಕ್ ಟಾಯ್ಲೆಟ್ ಗೆ ಹೋದರೆ ತಾನೇ ಕಷ್ಟ ಎಂದು ಹೆಂಗಸರು 3-4 ಗಂಟೆ ಕಾಲ ಬೇಕೆಂದೇ ನೀರು ಕುಡಿಯದೇ ಕಷ್ಟ ಪಡುವುದೂ ಮಾಮೂಲೇ! ಖಂಡಿತಾ ಇದರಿಂದ ಅನಾರೋಗ್ಯ ತಪ್ಪಿದ್ದಲ್ಲ. ಮೂತ್ರ ವಿಸರ್ಜನೆಯನ್ನು ಬಲವಂತವಾಗಿ ತಡೆ ಹಿಡಿಯುವುದು, ಬೇಕೆಂದೇ ನಿರ್ಜಲ ಉಪವಾಸ ಅಥವಾ ಗಂಟೆಗಟ್ಟಲೇ ನೀರು ಕುಡಿಯದೇ ಇದ್ದುಬಿಟ್ಟರೆ, ಅದಕ್ಕಿಂತ ಕೆಟ್ಟದ್ದು ಬೇರೇನಿಲ್ಲ. ಇದರಿಂದ ಕಿಡ್ನಿ ಬೇಗ ಹಾಳಾಗುತ್ತದೆ.
ಹಾಗಾದರೆ ಇದಕ್ಕೆ ಪರಿಹಾರವೇನು?
ಪಬ್ಲಿಕ್ ಟಾಯ್ಲೆಟ್ ಬಳಕೆಯನ್ನು ಮಾಡದಿರಲೆಂದೇ ಹೆಂಗಸರಿಗಾಗಿ ಈಗ `ಪೋರ್ಟೆಬಲ್ ಟಾಯ್ಲೆಟ್’ನ ಕಾನ್ಸೆಪ್ಟ್ ಬಂದಿದೆ. ಅವರಿಗಾಗಿ ಎಂದೇ ಎಲ್ಲೆಂದರಲ್ಲಿಗೆ ಕೊಂಡೊಯ್ಯಬಹುದಾದ ಮೂತ್ರ ವಿಲೇವಾರಿಯ ಸಾಧನವೇ ಈ ಪೋರ್ಟೆಬಲ್ ಟಾಯ್ಲೆಟ್. ಹೆಚ್ಚಿನ ಮಾಹಿತಿ
ಈಗ ಎಲ್ಲಿ ನೋಡಿದರೂ ಪಬ್ಲಿಕ್ ಟಾಯ್ಲೆಟ್ ಎಂದಾಕ್ಷಣ ಅದು ವೆಸ್ಟರ್ನ್‌ ಟಾಯ್ಲೆಟ್ಟೇ ಆಗಿರುತ್ತದೆ. ಅದಕ್ಕೆ ಹೋಲಿಸಿದರೆ, ನಮ್ಮ ಈಸ್ಟರ್ನ್‌ ಟಾಯ್ಲೆಟ್ಸ್ ಎಷ್ಟೋ ಹೈಜಿನಿಕ್‌ ಎನ್ನಬಹುದು. ಮಂಡಿ ನೋವು ಉಳ್ಳರಿಗೆ ಮಾತ್ರ ಇದರಿಂದ ತುಸು ಕಷ್ಟ. ಪಬ್ಲಿಕ್ ಟಾಯ್ಲೆಟ್ ಎಂದ ಮೇಲೆ ಒಂದು ದಿನಕ್ಕೆ ಅದನ್ನು ಹಲವಾರು ಮಂದಿ ಬಳಸುವುದು ಸಹಜ. ಹೀಗಾಗಿ ಪಬ್ಲಿಕ್ ಟಾಯ್ಲೆಟ್ ನಲ್ಲಿ ಹೈಜೀನ್‌ ಬಯಸುವುದು ಮೂರ್ಖತನ.
ಈ ಪೋರ್ಟೆಬ್‌ ಟಾಯ್ಲೆಟ್ ನ್ನು ನೀವು ಶಾಲೆ, ಕಾಲೇಜ್‌, ಆಸ್ಪತ್ರೆ, ಏರ್‌ ಪೋರ್ಟ್‌, ರೈಲು…. ಮುಂತಾದ ಸಾರ್ವಜನಿಕ ಸ್ಥಳಗಳಲ್ಲಿ ಸುಲಭವಾಗಿ ಬಳಸಬಹುದು. ಇದನ್ನು ಬಳಸಲು ಟಾಯ್ಲೆಟ್ ಸೀಟ್‌ ಮೇಲೆ ಕೂರಬೇಕೆಂಬ ಜಂಜಾಟವಿಲ್ಲ, ಅಂದ್ರೆ ಇತರರ ರೋಗಾಣು ನಿಮ್ಮನ್ನು ತಗುಲುವುದೇ ಇಲ್ಲ! ಹೆಂಗಸರು ನಿಂತುಕೊಂಡೇ ಇದರ ಬಳಕೆ ಮಾಡಬಹುದು. ಗರ್ಭವತಿಯರಿಗೆ ಇದಂತೂ ವರದಾನವೇ ಸರಿ. ಗರ್ಭಿಣಿಯರು ಹೆಚ್ಚು ಬಗ್ಗಬಾರದು, ಹೀಗಾಗಿ ಸೀದಾ ನಿಂತು ಬಳಸುವ ಕ್ರಮ ಇಲ್ಲಿ ಅನುಕೂಲಕರ.
ಎಲ್ಲರಿಗೂ ಇದು ಸಹಜ
50+, 60+ ಪ್ರೌಢ ಹೆಂಗಸರಿಗೂ ಇದು ಅನುಕೂಲಕರ. ಸಹಜವಾಗಿಯೇ ಇಂಥ ವೃದ್ಧೆಯರಿಗೆ ಮಂಡಿ ನೋವಿನ ಕಾಟ ಇದ್ದೇ ಇರುತ್ತದೆ. ಹೀಗಾಗಿ ಇವರುಗಳೂ ಇದನ್ನು ಈಝಿಯಾಗಿ ಬಳಸಬಹುದು. ಪಬ್ಲಿಕ್ ಟಾಯ್ಲೆಟ್ ಒಳಗೆ ಹೋಗಿ, ಬಾಗಿಲು ಹಾಕಿಕೊಂಡು, ಆರಾಮನೈಗಿ ಇದನ್ನು ಬಳಸಿ, ಅಲ್ಲಿಯೇ ಚೆಲ್ಲಿ, ಶುಚಿಗೊಳಿಸಿ, ಸ್ಯಾನಿಟೈಸರ್‌ ನಿಂದ ನೀನಿ ಶುಚಿಯಾಗಿ ಹೊರಬರಬಹುದು. ಯಾವುದೇ ಕೀಟಾಣು ತಗುಲು ರಿಸ್ಕ್ ಇರೋಲ್ಲ.
ಇಂದಿನ ಮಾರುಕಟ್ಟೆಯಲ್ಲಿ ಹಲವು ಬಗೆಯಲ್ಲಿ ಇವು ಲಭ್ಯ. ಇದರ ತುದಿಗೆ ಒಂದು ಫನ್‌(ಚಿತ್ರ ಗಮನಿಸಿ) ಅಳವಡಿಸಲಾಗಿರುತ್ತದೆ. ನಿಂತು ಮೂತ್ರ ವಿಸರ್ಜಿಸಲು ಇದು ಅನುಕೂಲಕರ. ಹಾಗೆಯೇ ಒಂದು ಕೊಳವೆಯ ಅನುಕೂಲವಿದೆ. ಇದರ ನೆರವಿನಿಂದಾಗಿ ಪಬ್ಲಿಕ್ ಟಾಯ್ಲೆಟ್ ಒಳಗೆ ಹೋಗಿ, ಆ ಸೀಟ್‌ ಮೇಲೆ ಕೂರದೆ, ಇದನ್ನು ಬಳಸಬೇಕು. ಇದು ಒಂದು ಉತ್ತಮ ಫೀಮೇಲ್ ಯೂರಿನೇಶನ್‌ ಕಿಟ್‌ ರೂಪದಲ್ಲಿ ಲಭ್ಯವಿದೆ. ಈ ಕಿಟ್‌ ನ ವೈಶಿಷ್ಟ್ಯ ಎಂದರೆ, ಇದರಲ್ಲಿ ಇಂಟಿಮೇಟ್‌ ವೈಪ್ಸ್, ಕೈಗವಸು ಸಹ ಲಭ್ಯ. ಇವೆಲ್ಲ ನಾನ್‌ ಆಲ್ಕೋಹಾಲಿಕ್‌ ಎಂಬುದು ಪ್ಲಸ್‌ ಪಾಯಿಂಟ್‌.
– ಪ್ರತಿನಿಧಿ
ಬಳಸುವ ವಿಧಾನ
ಇದೊಂದು ಕೀಪ್‌ ತರಹದ ಡಿಸ್ಪೋಸೆಬಲ್ ಕಿಟ್‌ ಆಗಿರುತ್ತದೆ, ಅದು ವಾಟರ್‌ ಪ್ರೂಫ್‌ ಕೋಟಿಂಗ್‌ ನ ಪೇಪರ್‌ ಯಾ ಪ್ಲಾಸ್ಟಿಕ್ ನಿಂದ ರೂಪುಗೊಂಡಿದೆ. ಹೆಂಗಸರ ಮೂತ್ರ ವಿಸರ್ಜನೆಗೆ ಒಂದಿಷ್ಟೂ ಕಷ್ಟ ಆಗದಿರುವಂತೆ ಇದರ ಡಿಸೈನಿಂಗ್‌ ಮಾಡಲಾಗಿದೆ. ಇದರೊಂದಿಗಿನ ಇಂಟಿಮೇಟ್‌ ವೈಪ್ಸ್ ನ ಬಳಕೆಯಿಂದ ಹೆಂಗಸರು ತಮ್ಮ ಗುಪ್ತಾಂಗಗಳ ಸ್ವಚ್ಛತೆ ಶುಭ್ರತೆಗೆ ಮಹತ್ವ ನೀಡಬಹುದು. ಇದು 1 ಟೈಂ ಯೂಸ್‌ಥ್ರೋ ಆಗಿದೆ. ಕೆಲವೊಂದು ದುಬಾರಿ ಡಿಸೈನ್‌ ಗಳಲ್ಲಿ ಇದನ್ನು ತೊಳೆದು ಮರುಬಳಕೆ ಮಾಡಬಹುದು.
