ನಾವೆಲ್ಲರೂ ಸದಾ ಹೊಸ ವರ್ಷಕ್ಕೆ ಸ್ವಾಗತ ಕೋರಲು ಬಲು ಉತ್ಸುಕರಾಗಿ ತುದಿಗಾಲಲ್ಲಿ ನಿಂತಿರುತ್ತೇವೆ! ಏಕೆಂದರೆ ಹೊಸ ವರ್ಷ ನಮಗೆಲ್ಲ ಹೊಸತೊಂದು ಅಕಾಶವನ್ನು ತಂದುಕೊಡುತ್ತದೆ. ನಮ್ಮಲ್ಲಿ ಅದು ಹೆಚ್ಚಿನ ಆತ್ಮವಿಶ್ವಾಸ ಹಾಗೂ ಏನಾದರೂ ಕ್ರಿಯೇಟಿವ್ ಆಗಿ ಮಾಡಿ ತೋರಿಸು ಹುಮ್ಮಸ್ಸನ್ನು ಹುಟ್ಟುಹಾಕುತ್ತದೆ. ಈ ಹೊಸ ವರ್ಷಾಚರಣೆಗಾಗಿ ನಾವು ಏನೇನೋ ಪ್ಲಾನ್ ಮಾಡುತ್ತೇವೆ. ಹೊಸ ವರ್ಷ ಬರುತ್ತಿದ್ದಂತೆ ಅನೇಕ ಪಾರ್ಟಿಗಳನ್ನು ಅಟೆಂಡ್‌ ಮಾಡುತ್ತೇವೆ. ನೀವು ಸಹ ಹೀಗೆಯೇ ನ್ಯೂ ಇಯರ್ ಪಾರ್ಟಿಗಾಗಿ ಆತ್ಮೀಯರನ್ನು ಸೇರಿಸಿಕೊಂಡು ಎಲ್ಲಾದರೂ ಟೂರ್‌ ಹೊರಡುವ ಐಡಿಯಾ ಹಾಕಿಕೊಂಡಿದ್ದರೆ, ಈಗಿನಿಂದಲೇ ತಯಾರಿ ಆರಂಭಿಸಿ.
ಈ ತರಹ ನ್ಯೂ ಇಯರ್ ಪಾರ್ಟಿಗಾಗಿ ನೀವು ಸಿದ್ಧರಾಗುತ್ತಿದ್ದರೆ, ನಿಮ್ಮ ಸ್ಕಿನ್‌ ಕೇರ್‌ ರೊಟೀನ್‌ಕಡೆಯೂ ಹೆಚ್ಚಿನ ಗಮನ ಕೊಡಿ. ಇದರಿಂದ ನಿಮ್ಮ ಮುಖದಲ್ಲಿ ಒಂದು ವಿಭಿನ್ನವಾದ ಕಾಂತಿ, ಕಳೆ ಕೂಡಿಕೊಳ್ಳುತ್ತದೆ. ಹೀಗಾಗಿ ಹೊಸ ವರ್ಷದಲ್ಲಿ ನೀವು ಎಲ್ಲರೆದುರು ಹೊಸ ಕಾಂತಿಯುತ ಚರ್ಮದೊಂದಿಗೆ ಮಿರಿಮಿರಿ ಮಿಂಚಬಹುದು.
ಮುಖದಲ್ಲಿ ಇಂಥ ಕಾಂತಿ ತರುವುದಕ್ಕಾಗಿ, ಈ ಕೆಳಗಿನ ಕ್ರಮಗಳನ್ನು ನಿಮ್ಮ ದೈನಂದಿನ ಚಟುವಟಿಕೆಗಳಲ್ಲಿ ಸೇರಿಸಿಕೊಳ್ಳಿ. ಇದಕ್ಕಾಗಿ ಬಹಳ ಸಮಯವೇನೂ ಹಿಡಿಯದು. ನೀವು ಈ ನ್ಯೂ ಇಯರ್ ಈವ್ ನಲ್ಲಿ ಹೆಚ್ಚಿನ ಗ್ಲೋ ಪಡೆಯಲು ಈ ಸಲಹೆಗಳನ್ನು ಅಗತ್ಯ ಅನುಸರಿಸಿ :
ಎಕ್ಸ್ ಫಾಲಿಯೇಟ್‌ಮಾಡಿ : ನಿಮ್ಮ ಚರ್ಮದಲ್ಲಿ ಬ್ಲ್ಯಾಕ್‌ ಯಾ ವೈಟ್‌ ಹೆಡ್ಸ್ ಹೆಚ್ಚಾಗಿ ಕಾಣಿಸಿಕೊಂಡಿದ್ದರೆ, ಡೆಡ್‌ ಸ್ಕಿನ್‌ ಕಾರಣ ಮುಖ ಬಹಳ ಡಲ್ ಎನಿಸಿದರೆ, ಈ ಸಮಸ್ಯೆಯಿಂದ ಪಾರಾಗಲು ನೀವು ನಿಯಮಿತವಾಗಿ ನಿಮ್ಮ ಚರ್ಮವನ್ನು ಎಕ್ಸ್ ಫಾಲಿಯೇಟ್ ಮಾಡಿಸುತ್ತಿರಬೇಕು. ಹೊಸ ವರ್ಷದಲ್ಲಿ ಹೊಳೆ ಹೊಳೆಯುವ ಮುಖ ಹೊಂದಲು, ಈ ಕ್ರಮ ಅತಿ ಅಗತ್ಯ. ಇದಕ್ಕಾಗಿ ನೀವು ರೆಡಿಮೇಡ್‌ ಎಕ್ಸ್ ಫಾಲಿಯೇಟಿಂಗ್‌ ಸ್ಕ್ರಬ್‌ ಬಳಸಿರಿ ಅಥವಾ ಮನೆಯಲ್ಲೇ ಎಕ್ಸ್ ಫಾಲಿಯೇಟರ್‌ ತಯಾರಿಸಿಕೊಳ್ಳಿ.
ಇದಕ್ಕಾಗಿ ನೀವು ಹೈಡ್ರೇಟಿಂಗ್‌ಮಾಯಿಶ್ಚರೈಸಿಂಗ್‌ ಅಂಶಗಳನ್ನುಳ್ಳ ಘಟಕಗಳ ಮಿಶ್ರಣ ಕಲಸಬೇಕು. ವಾರಕ್ಕೆ 2 ಸಲ ಹೀಗೆ ಸ್ಕ್ರಬ್‌ ಮಾಡಿಕೊಳ್ಳಿ, ಇದಕ್ಕಿಂತ ಹೆಚ್ಚು ಬೇಡ, ಚರ್ಮ ಡ್ರೈ ಆದೀತು.
ಚರ್ಮವನ್ನು ಕಲೆ ಸುಕ್ಕುಗಳಿಂದ ಮುಕ್ತಗೊಳಿಸಿ : ನಿಮ್ಮ ಚರ್ಮದಲ್ಲಿ ಹೆಚ್ಚಿನಂಶ ಡಾರ್ಕ್‌ ಸ್ಪಾಟ್ಸ್ ಇದ್ದು, ಅದು ನಿಮ್ಮ ಕೀಳರಿಮೆಗೆ ಕಾರಣವಾಗಿದ್ದರೆ, ಚಿಂತೆ ಬೇಡ. ತಕ್ಷಣ ನಿಮ್ಮ ಸ್ಕಿನ್‌ ಕೇರ್‌ ರೊಟೀನ್‌ ನಲ್ಲಿ ಹ್ಯಾಲುರೋನಿಕ್‌ ಆ್ಯಸಿಡ್‌ ಯಾ ರೆಟಿನಾಲ್ ನಂಥ ಘಟಕಗಳನ್ನು ಬಳಸಿ, ಇಂಥವನ್ನು ಸುಲಭವಾಗಿ ನಿವಾರಿಸಿಕೊಳ್ಳಬಹುದು.
ನೀವು ಬಯಸಿದರೆ, ನಿಮ್ಮ ಚರ್ಮಕ್ಕೆ ಹೊಂದುವಂಥ ಎಸೆನ್ಶಿಯ್‌ ಆಯಿಲ್ ಸಹ ಬಳಸಬಹುದು. ಸೂಕ್ತ ಆ್ಯಂಟಿ ಸ್ಪಾಟ್ ಮಾಯಿಶ್ಟರೈಸರ್‌ ಆರಿಸಿಕೊಂಡು, ನಿಮಗೆ ಬೇಕಾದ ವೈಟ್‌ ನಿಂಗ್‌ ಟ್ರೀಟ್‌ ಮೆಂಟ್‌ ಪಡೆಯಿರಿ. ದಿನಕ್ಕೆ 2 ಸಲ ಇಂಥ ಸೀರಂ ಬಳಸುವುದರಿಂದ, ಬಲು ಬೇಗ ನಿಮ್ಮ ಚರ್ಮದಲ್ಲಿ ಸುಧಾರಣೆಯಾಗಿ ಕಾಂತಿ ಕೂಡುತ್ತದೆ.
ಸ್ಕಿನ್‌ ಸೈಕ್ಲಿಂಗ್‌ : ಇಡೀ ವಾರ ಹೊರಗಿನ ಧೂಳು, ಬಿಸಿಲಲ್ಲಿ ಓಡಾಡಿದ್ದರಿಂದ ಚರ್ಮ ಬೇಗ ಪ್ರಭಾವಿತಗೊಳ್ಳುತ್ತದೆ. ಹೀಗಾಗಿ ಇದನ್ನು ರಿಜುವಿನೇಟ್‌ ಮಾಡಲು, ಸ್ಕಿನ್‌ ಸೈಕ್ಲಿಂಗ್‌ ಫಾಲೋ ಮಾಡಿ. ವಾರದಲ್ಲಿ 4 ದಿನ ಇದನ್ನು ನಿಯಮಿತವಾಗಿ ಫಾಲೋ ಮಾಡಬೇಕು. ಇದರಲ್ಲಿ ಮೊದಲ ರಾತ್ರಿ ಚರ್ಮವನ್ನು ಎಕ್ಸ್ ಫಾಲಿಯೇಟ್ ಮಾಡಬೇಕು. ಇದಕ್ಕಾಗಿ ಬೇಕಾದ ಸೂಕ್ತ ಕೆಮಿಕಲ್ಸ್ ಬಳಸಿಕೊಳ್ಳಿ.
ಮಾರನೇ ದಿನ ನೀವು ರೆಟಿನಾಲ್ ಯುಕ್ತ ಪ್ರಾಡಕ್ಟ್ ನ್ನು ನಿಮ್ಮ ಮುಖಕ್ಕೆ ಹಚ್ಚಿಕೊಳ್ಳಿ. 3ನೇ, 4ನೇ ರಾತ್ರಿ ಒಂದಿಷ್ಟು ಗುಲಾಬಿ ಜಲದಿಂದ ಮುಖ ಒರೆಸಿಕೊಂಡು, ತಂತಾನೇ ಹೀಲ್ ಆಗಲು ಬಿಡಬೇಕು. ಅಗತ್ಯವೆನಿಸಿದರೆ ಮಾಯಿಶ್ಚರೈಸರ್‌ ಸಹ ಬಳಸಿಕೊಳ್ಳಿ. ಇದು ಹೆಚ್ಚು ಪ್ರಭಾವಶಾಲಿಯಾದ, ಆದರೆ ಅತಿ ಸರಳ ವಿಧಾನ ಆಗಿದೆ.
ಕೆಲವು ವಿಶೇಷ ಘಟಕಗಳನ್ನು ಬಳಸಲು ಆರಂಭಿಸಿ : ಸ್ಕಿನ್‌ ಕೇರ್‌ ರೊಟೀನ್‌ ಗಾಗಿ ವಿಶೇಷ ಘಟಕಗಳು ಅಂದ್ರೆ ಪೆಪ್ಟೈಡ್ಸ್, ಆ್ಯಲ್ಗಿ, ಗ್ಲೂಟಮೈನ್‌, ಕೋಝಿಕ್‌ ಆ್ಯಸಿಡ್‌, ರೆಟಿನಾಲ್ ನಂಥ ಉತ್ಪನ್ನ ಬಳಸಿಕೊಳ್ಳಿ. ಈ ಪಟ್ಟಿಗೆ ಅಶ್ವಗಂಧ ಸಹ ಸೇರುತ್ತದೆ. ಈ ಎಲ್ಲದರಲ್ಲೂ ಸಾಕಷ್ಟು ವಿಟಮಿನ್ಸ್ ಮಿನರಲ್ಸ್ ಅಡಗಿವೆ, ಇದು ನಿಮ್ಮ ಚರ್ಮಕ್ಕೆ ಬಹಳ ಲಾಭಕರ! ಇವು ಚರ್ಮಕ್ಕೆ ಬೇಕಾದ ಆ್ಯಂಟಿ ಆಕ್ಸಿಡೆಂಟ್ಸ್ ಮಾಯಿಶ್ಚರೈಸರ್‌ ಒದಗಿಸುವುದಲ್ಲದೆ, ಆಟೊಮೆಟಿಕಲಿ ಚರ್ಮಕ್ಕೆ ಹೆಚ್ಚಿನ ಕಾಂತಿಯನ್ನೂ ತಂದುಕೊಡುತ್ತವೆ.
ಮಸಾಜ್‌ : ನಿಮ್ಮ ಚರ್ಮಕ್ಕೆ ಆಗಾಗ ಉತ್ತಮ ರಿಲ್ಯಾಕ್ಸಿಂಗ್‌ ಮಸಾಜ್‌ ನ ಅಗತ್ಯವಿದೆ. ನೀವು ಮೇಕಪ್‌ ಮಾಡಲು ಆರಂಭಿಸಿದಾಗ, ಶುರುವಿನಲ್ಲೇ ಚರ್ಮವನ್ನು ಪ್ರೆಪ್‌ ಮಾಡಲು ಮಸಾಜ್‌ ಅತ್ಯಗತ್ಯ. ಇದಕ್ಕಾಗಿ ಯಾವುದೇ ಉತ್ತಮ ಆಯಿಲ್ ಯಾ ಮಾಯಿಶ್ಚರೈಸರ್‌ ಬಳಸಿಕೊಳ್ಳಿ. ಇದರಿಂದ ನಿಮ್ಮ ಚರ್ಮದ ರಕ್ತ ಸಂಚಾರ ಚುರುಕಾಗುತ್ತದೆ, ಜೊತೆಗೆ ನಿಮ್ಮ ಮಸಲ್ಸ್ ಗೂ ಲಾಭವಿದೆ. ಇದರಿಂದ ಸುಕ್ಕುಕಲೆ ರಹಿತ, ಕಾಂತಿಯುತ ಚರ್ಮ ನಿಮ್ಮದಾಗಲಿದೆ!
ಕಂಗಳನ್ನು ಮರೆಯಬೇಡಿ : ಈ ಆಧುನಿಕ ಓಡುಯುಗದಲ್ಲಿ ನಮ್ಮ ದೈನಂದಿನ ಶೆಡ್ಯೂಲ್ ಎಷ್ಟು ಬಿಝಿ ಅಂದ್ರೆ, 35ರ ಹೊತ್ತಿಗೇನೇ ರಿಂಕಲ್ಸ್, ಫೈನ್‌ ಲೈನ್ಸ್, ಡಾರ್ಕ್‌ ಸರ್ಕಲ್ಸ್ ಇತ್ಯಾದಿ ಕಾಣತೊಡಗುತ್ತವೆ. ಹೀಗಾಗಿ ನಿಮ್ಮ ಸ್ಕಿನ್‌ ಕೇರ್‌ ರೊಟೀನ್‌ ನಲ್ಲಿ ಕಂಗಳ ಕಡೆಯೂ ಎಚ್ಚರಿಕೆ ವಹಿಸಿ. ನಿಮ್ಮ ಕಂಗಳು ಸದಾ ಊದಿಕೊಂಡಿರುವಂತೆ ತೋರಿದರೆ, ಬಳಸಿದ ಟೀ ಬ್ಯಾಗಿನಿಂದ ಕಂಗಳ ಕೆಳಭಾಗದಲ್ಲಿ ಮಸಾಜ್‌ ಮಾಡಿ. ಡಿಸೆಂಬರ್‌ ನ ಕೊನೆಯ 2 ವಾರದಿಂದಲೇ ಇದನ್ನು ಆರಂಭಿಸಿದರೆ, ನ್ಯೂ ಇಯರ್ ಸಂಭ್ರಮಾಚಾರಣೆಗೆ ಇದು ಎಷ್ಟೋ ಫ್ರೆಶ್‌ ಲುಕ್‌ ಕೊಡುತ್ತದೆ. ಇದರಿಂದ ನೀವು ಹೆಚ್ಚು ಕನ್ಸೀಲರ್‌, ಫೌಂಡೇಶನ್‌ ಬಳಸುವ ಅಗತ್ಯ ಇರುವುದಿಲ್ಲ. ಇದರ ಜೊತೆಗೇನೇ ಅಂಡರ್‌ ಐ ಕ್ರೀಂ ಸಹ ಬಳಸಿಕೊಳ್ಳಿ.
ಗುಲಾಬಿ ಜಲ ಬಳಸಿಕೊಳ್ಳಿ : ಮುಖದಲ್ಲಿ ಉತ್ತಮ ಹೊಳಪು, ತಾಜಾತನ ಕೂಡಿಕೊಳ್ಳಲು ಪ್ರತಿದಿನ ಗುಲಾಬಿಜಲ ಬಳಸಿ ಮುಖ ಸ್ವಚ್ಛ ಮಾಡಿ. ಒಂದು ವಿಧದಲ್ಲಿ ಇದು ಟೋನರ್‌ ಕೆಲಸವನ್ನೂ ಮಾಡುತ್ತದೆ. ಇದರಿಂದ ಚರ್ಮ ಏಕ್‌ ದಂ ಫ್ರೆಶ್‌ ಆಗುತ್ತದೆ. ಇದರ ಬಳಕೆಯಿಂದ ಸ್ಕಿನ್‌ ಸೆಲ್ಸ್ ಸಶಕ್ತಗೊಳ್ಳುತ್ತವೆ. ದಿನಕ್ಕೆ 2 ಸಲ ಮುಖಕ್ಕೆ ಗುಲಾಬಿ ಜಲ ಹಚ್ಚಿಕೊಳ್ಳಿ.
ವಿಭಿನ್ನ ಬಗೆಯ ಆ್ಯಸಿಡ್ಸ್ ಬಳಸಿರಿ : ಸ್ಕಿನ್‌ ಕೇರ್‌ ರೊಟೀನ್‌ ಎಂದಾಕ್ಷಣ, ಸಾಮಾನ್ಯವಾಗಿ ಹೆಂಗಸರು ಕೇವಲ 1-2 ಬಗೆಯ ಸಾಧಾರಣ ಆ್ಯಸಿಡ್ಸ್ ಮಾತ್ರ ಬಳಸುತ್ತಾರೆ. ಇದರಲ್ಲಿ ಗ್ಲೂಕಾಲಿಕ್‌, ಸ್ಯಾಲಿಸಿಲಿಕ್‌, ಹ್ಯಾಲುರೋನಿಕ್‌, ಲ್ಯಾಕ್ಟಿಕ್‌, ಮೆಂಡಲಿಕ್ ಆ್ಯಸಿಡ್ಸ್ ಪ್ರಮುಖ. ಆದರೆ ಇಂದಿನ ಆಧುನಿಕ ಟೆಕ್ನಾಲಜಿಗೆ ತಕ್ಕಂತೆ ಬಹಳಷ್ಟು ಪ್ರಾಡಕ್ಟ್ಸ್, ಲಾಭದಾಯಕ ಆ್ಯಸಿಡ್ಸ್ ನೊಂದಿಗೆ ಬಂದಿವೆ. ಹೀಗಾಗಿ ನಿಮ್ಮ ಚರ್ಮದ ಮೇಲೆ ಹಳೆಯ ಆ್ಯಸಿಡ್ಸ್ ಪರಿಣಾಮ ಬೀರುತ್ತಿಲ್ಲವಾದರೆ, ನೀವು ಹೊಸ ಹೊಸ ಪ್ರಾಡಕ್ಟ್ಸ್ ಬಳಸುವುದೇ ಸರಿ. ಆದರೆ ಇದಕ್ಕೆ ಮೊದಲು ನೀವು ನಿಮ್ಮ ಸ್ಕಿನ್‌ ಸ್ಪೆಷಲಿಸ್ಟ್ ರ ಸಲಹೆ ಪಡೆದುಕೊಳ್ಳಿ. ಒಂದು ಕಡೆ ಪ್ಯಾಚ್‌ ಟೆಸ್ಟ್ ಮಾಡಿ, ಹಾನಿಯಿಲ್ಲ ಎಂದು ಖಾತ್ರಿಪಡಿಸಿಕೊಂಡೇ ಹೊಸ ಆ್ಯಸಿಡ್ಸ್ ಬಳಸಲಾರಂಭಿಸಿ.
ಈ ಸಂದರ್ಭದಲ್ಲಿ ಹ್ಯಾಲುರೋನಿಕ್‌ ಆ್ಯಸಿಡ್‌ ಗೆ ಬದಲಾಗಿ ಪಾಲಿ ಗ್ಲೂಟಾಮಿಕ್‌ ಆ್ಯಸಿಡ್‌ ಬಳಸಬೇಕು. ಇದು ಚರ್ಮಕ್ಕೆ ಹೆಚ್ಚು ಲಾಭದಾಯಕ. ಇದು ಚರ್ಮದಲ್ಲಿ 4 ಪಟ್ಟು ಹೆಚ್ಚು ತೇವಾಂಶವನ್ನು ಹಿಡಿದಿಡಬಲ್ಲದು. ಇದು ಚರ್ಮವನ್ನು ಚೆನ್ನಾಗಿ ಮಾಯಿಶ್ಚರೈಸ್ ಮಾಡಬಲ್ಲದು, ಹೀಗಾಗಿ ಇದನ್ನು ಹೆಚ್ಚು ಬಳಸಿರಿ.
– ಗಿರಿಜಾ
