ಊರ್ವಶಿಗೆ ಆತ ಇನ್ನೂ ಬಚ್ಚಾ!
ಬಾಲಿವುಡ್‌ನ ಸೆಕ್ಸ್ ಬಾಂಬ್‌ ಊರ್ವಶಿಯ ಹಿಂದಿನ ಚಿತ್ರ `ಗ್ರೇಟ್‌ ಗ್ರಾಂಡ್‌ ಮಸ್ತಿ’ ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ಸುದ್ದಿಯನ್ನೇನೂ ಮಾಡಲಿಲ್ಲ. ಈಗ ಮತ್ತೊಂದು ಹೊಸ ಗುಸುಗುಸು ಹುಟ್ಟಿಕೊಂಡಿದೆ. ಸನಿ ಡಿಯೋಲ್‌ ತನ್ನ ಮಗ ಕರಣ್‌ನ ಚೊಚ್ಚಲ `ಪಲ್ ಪಲ್ ದಿಲ್ ಕೇ ಪಾಸ್‌’ ಚಿತ್ರಕ್ಕಾಗಿ ಊರ್ವಶಿಯನ್ನು ಬುಕ್‌ ಮಾಡಲಿದ್ದಾನೆ ಎಂಬುದು. ಆದರೆ ಊರ್ವಶಿ ಮಾತ್ರ, ತಂದೆಗೆ ನಾಯಕಿಯಾದಳು ಆತನ ಮಗನಿಗೂ ಆಗುವುದೇ? ಎಂದು ಸಾರಾಸಗಟಾಗಿ ಅದನ್ನು ತಳ್ಳಿಹಾಕಿದಳಂತೆ. ಈಕೆ ಸನ್ನಿ ಡಿಯೋಲ್‌ನ `ಸಿಂಗ್‌ ಸಾಹೇಬ್‌ ದಿ ಗ್ರೇಟ್‌’ ಚಿತ್ರದಲ್ಲಿ ಮೊದಲ ಬಾರಿ ಅಭಿನಯಿಸಿದ್ದಳು.
ನವಾಜ್‌ನ ಡ್ಯಾನ್ಸ್ ನಿಂದ ಕಂಗೆಟ್ಟ ಟೈಗರ್‌
ತನ್ನ ಆ್ಯಕ್ಷನ್ಸ್, ಡ್ಯಾನ್ಸ್, ರೊಮಾನ್ಸ್ ನಿಂದ ಜನಪ್ರಿಯತೆ ಗಳಿಸಿರುವ ಟೈಗರ್‌ ಶ್ರಾಫ್‌ಗೆ ಇತ್ತೀಚೆಗೆ ಹೆಚ್ಚು ಯುವ ಮನ್ನಣೆ ಗಳಿಸುತ್ತಿರುವ ನವಾಜುದ್ದೀನ್‌ ಡ್ಯಾನ್ಸ್ ಕಂಡು ಕಂಗೆಟ್ಟಿದ್ದಾನಂತೆ. ಆತನ ಡ್ಯಾನ್ಸಿಂಗ್‌ ಸ್ಟೈಲ್‌ ಎದುರು ಪ್ರೇಕ್ಷಕರು ತನ್ನನ್ನು ಸಪ್ಪೆ ಎಂದು ಭಾವಿಸಬಾರದೆನ್ನುವ ಭಯ ಕಾಡುತ್ತಿದೆ. ಇವರಿಬ್ಬರೂ ಈಗ `ಮುನ್ನಾ ಮೈಕೆಲ್‌’ ಚಿತ್ರಕ್ಕಾಗಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಇಬ್ಬರೂ ಪರಸ್ಪರರಿಂದ ತುಂಬ ಕಲಿತಿರುವುದಾಗಿ ಹೇಳುತ್ತಾರೆ. “ಮೊದಲೆಲ್ಲ ನನಗೆ ಡ್ಯಾನ್ಸ್ ಎಂದರೆ ಅಲರ್ಜಿ ಇತ್ತು. ಆದರೆ ಈಗ ಅದರ ರುಚಿ ಹತ್ತಿದೆ. ಇದನ್ನು ಕಲಿಯಲು ಟೈಗರ್‌ ನನಗೆ ಭಾರೀ ಪ್ರೋತ್ಸಾಹ ನೀಡಿದ,” ಎಂದು ಆತನನ್ನು ಮೆಚ್ಚಿಕೊಳ್ಳುತ್ತಾನೆ. ಅದೇ ತರಹ ಟೈಗರ್‌ ಕೂಡ, “ನವಾಜ್‌ನ ಅದ್ಭುತ ಆ್ಯಕ್ಟಿಂಗ್‌ ಮತ್ತೀಗ ಡ್ಯಾನ್ಸ್ ನನಗೆ ಬೆವರಿಳಿಸಿದೆ. ಅಂತೂ ಒಳ್ಳೆ ಪೈಪೋಟಿಗೆ ಇದು ಕಾರಣವಾಗಿದೆ. ಪ್ರೇಕ್ಷಕರು ಇದರ ಲಾಭ ಪಡೆಯಲಿ,” ಎನ್ನುತ್ತಾನೆ.
ಸನೀ ವಿರುದ್ಧ ವಂಚನೆಯ ಕೇಸ್‌
ಬಾಲಿವುಡ್‌ನ ಲವ್ಲಿ ಡಾಲ್‌ ಎನಿಸಿರುವ ಸನೀ ಲಿಯೋನ್‌ ಹಾಗೂ ಆಕೆಯ ಪತಿ ಡೇನಿಯಲ್ ರ ವಿರುದ್ಧ ನಿರ್ಮಾಪಕ ದಿನೇಶ್‌ ತ್ರಿವೇದಿ ದ್ರೋಹ ವಂಚನೆಯ ಕೇಸ್‌ ದಾಖಲಿಸಿದ್ದಾರೆ. ದಿನೇಶ್‌ರ ಆರೋಪ ಎಂದರೆ, “ಇವರಿಬ್ಬರೂ ನನ್ನ `ಡೇಂಜರಸ್‌ ಹುಸ್ನ್’ ಚಿತ್ರದಿಂದ ಅರ್ಧದಲ್ಲೇ ಪರಾರಿಯಾಗಿದ್ದಾರೆ. ಇದರಿಂದ ನನಗೆ ಅಪಾರ ನಷ್ಟವಾಗಿದೆ, ಚಿತ್ರರಂಗದಲ್ಲಿ ಪ್ರತಿಷ್ಠೆಗೆ ಚ್ಯುತಿ ಬಂದಿದೆ. ಇದಕ್ಕೆ ಇವರು ನಷ್ಟ ಪರಿಹಾರ ಕೊಡಲೇಬೇಕು….” ಆದರೆ ಡೇನಿಯಲ್ ಹೇಳುವುದೇ ಬೇರೆ, “ಸನೀ ಯಾವತ್ತೂ ಈ ಚಿತ್ರ ಒಪ್ಪಿಕೊಂಡೇ ಇರಲಿಲ್ಲ. ಶೂಟಿಂಗ್‌ ಶುರು ಮಾಡಲೇ ಇಲ್ಲ….. ಇನ್ನೂ ಮಧ್ಯದಲ್ಲೇನು ಬಿಡುವುದು?” ಸನೀ ಈಗ ಅಂತಾರಾಷ್ಟ್ರಿಯ ಖ್ಯಾತಿವೆತ್ತ ಸಂಸ್ಥೆಯ ಹೆಮ್ಮೆಯ ಸದಸ್ಯೆ. ಈಕೆ ಇತ್ತೀಚೆಗೆ ಶೂಟ್‌ ಮಾಡಿದ ಜಾಹೀರಾತಿನ ಅವತಾರ ನೋಡಿ!
ನನ್ನನ್ನು ಇತರರಿಗೆ ಹೋಲಿಸಲೇಬೇಡಿ!
ತನ್ನ ಮೊದಲ `ಖಾಮೋಶಿಯಾ’ ಚಿತ್ರದಿಂದೀ ಸೆಕ್ಸ್ ಬಾಂಬ್‌ ಎನಿಸಿ, ಎಲ್ಲರನ್ನೂ ಖಾಮೋಶ್‌ಗೊಳಿಸಿದ ಸಪ್ನಾ ಪಬ್ಬಿ ಸ್ವತಂತ್ರ ಮನೋಭಾವದ ಬಿಂದಾಸ್‌ ಹುಡುಗಿ. ಬಾಲಿವುಡ್‌ಗೆ ಬರಬೇಕೆಂದೇ ತನ್ನ ಲಂಡನ್‌ ಪರಿವಾರವನ್ನು ತೊರೆದು ಬಂದಿರುವ ಈಕೆ, ಬೋಲ್ಡ್ ನೆಸ್‌ ತೋರಲು ಸಂಕೋಚವೇಕೆ ಎನ್ನುತ್ತಾಳೆ. `ಘರ್‌ ಆಜಾ ಪರ್‌ದೇಶೀ’ ಧಾರಾವಾಹಿಯಿಂದ ನಟನೆ ಶುರು ಮಾಡಿದ ಈಕೆ `24′ ಟಿ.ವಿ. ಶೋನಿಂದ ಸ್ಟಾರ್‌ ಆದಳು. ಅದರಲ್ಲಿ ಈಕೆ ಅನಿಲ್‌ ಕಪೂರ್‌ರ ಮಗಳಾಗಿದ್ದಳು. ಈಕೆಯ ಬೋಲ್ಡ್ ನೆಸ್‌ ಕಂಡು ಬಾಲಿವುಡ್‌ ಇವಳಿಗೆ ಜೂ. ಮಲ್ಲಿಕಾ ಶೆರಾವತ್‌ ಎಂದೇ ಹೆಸರಿಟ್ಟಿತು. ಆದರೆ ಸ್ವಪ್ನಾ ಹೇಳುವುದೆಂದರೆ, ನನ್ನನ್ನು ಇತರರಿಗೆ ಹೋಲಿಸಲೇಬೇಡಿ, ನನ್ನನ್ನು ಸ್ವಪ್ನಾ ಆಗಿಯೇ ಗುರುತಿಸಿ!
ಹಾಲಿವುಡ್‌ನ್ನು ಇನ್ನೂ ಬಿಡದ ವರ್ಣಭೇದ ನೀತಿ
ಹಾಲಿವುಡ್‌ನ `ಕ್ವಾಂಟಿಕೋ, ಬೇವಾಚ್‌’ ಚಿತ್ರಗಳಿಂದ ಅಂತಾರಾಷ್ಟ್ರೀಯ ಮನ್ನಣೆ ಗಳಿಸಿದ ಬಾಲಿವುಡ್‌ನ ಪ್ರಿಯಾಂಕಾ ಚೋಪ್ರಾ, ಬೆಚ್ಚಿಬೀಳುವಂಥ ಒಂದು ಸುದ್ದಿ ತಿಳಿಸಿದ್ದಾಳೆ. ಅದೆಂದರೆ `ಬಿಗ್‌ ಬ್ರದರ್‌’ (ನಮ್ಮಲ್ಲಿ `ಬಿಗ್‌ ಬಾಸ್‌’) ಶೋನಲ್ಲಿ ಹಿಂದೆ ನಮ್ಮ ಶಿಲ್ಪಾ ಶೆಟ್ಟಿ ಮೇಲೆ ಆರೋಪಿಸಲಾಗಿದ್ದ ವರ್ಣಭೇದ ನೀತಿ ಇಷ್ಟು ವರ್ಷಗಳಾದರೂ ಭಾರತೀಯರನ್ನು ಕಂಡರೆ ಇನ್ನೂ ಹಾಗೆಯೇ ಉಳಿದಿದೆಯಂತೆ! ಹಾಲಿವುಡ್‌ನ ಶೂಟಿಂಗ್‌ ನಡುವೆ ಆಗಾಗ ಈಕೆಯನ್ನು `ನೀನು ಇಂಡಿಯನ್‌, ಆದ್ದರಿಂದ ಹಾಲಿವುಡ್‌ನ ಮೇನ್‌ ಸ್ಟ್ರೀಮ್ ಚಿತ್ರಗಳಿಗೆ ಅನ್‌ಫಿಟ್‌!’ ಎಂದು ಎದುರೆದುರಿಗೇ ಹಂಗಿಸುತ್ತಿದ್ದರಂತೆ. ಭಾರತೀಯ ನಟನಟಿಯರೆಲ್ಲರೂ ಕೂಡಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಾವು ಯಾರಿಗೇನೂ ಕಡಿಮೆ ಇಲ್ಲ ಎಂಬುದನ್ನು ನಿರೂಪಿಸಬೇಕಿದೆ, ಎನ್ನುತ್ತಾಳೆ ಪ್ರಿಯಾಂಕಾ.
ಅವರವರ ಭಾವಕ್ಕೆ
ಇದೇನು ಹೀಗೆ ನೋಡುತ್ತಿರುವೆ? `ಟೈಗರ್‌’ನಿಂದ `ಟೈಗರ್‌ ಝಿಂದಾ ಹೈ’ ಚಿತ್ರದವರೆಗೂ ಏನೇನೂ ಬದಲಾವಣೆ ಆಗಿಲ್ಲ…..ನಾನೂ ಅದನ್ನೇ ಯೋಚಿಸ್ತಿದ್ದೀನಿ. ಬೇಗ ಏನಾದರೂ ಒಂದು ಮಾಡಿದರೆ ಒಳಿತು, ಇಲ್ಲದಿದ್ದಾರೆ ರಣಬೀರ್‌ನ ಮನಸ್ಸು ಯಾವಾಗ ಬದಲಾಗುತ್ತೋ ಏನೋ?!
ಬಾಹುಬಲಿ ಕಟ್ಟುಮಸ್ತಾದದ್ದು ಹೀಗೆ!
`ಬಾಹುಬಲಿ-2′ ಚಿತ್ರ ರಿಲೀಸ್‌ ಆದಾಗಿನಿಂದ ಯಶಸ್ಸಿನ ಮೇಲೆ ಯಶಸ್ಸು ಬಾಚಿಕೊಂಡು ಈಗಾಗಲೇ ಬರೋಬ್ಬರಿ 1,700 ಕೋಟಿ ರೂ.ಗಳನ್ನು ಗಳಿಸಿದೆ! ಈ ಚಿತ್ರದ ನಿರ್ದೇಶಕರಾದ ಎಸ್‌.ಎಸ್‌. ರಾಜಮೌಳಿ, ಈ ಚಿತ್ರದ ಬಾಹುಬಾಲಿ ಲುಕ್ಸ್ ಗಾಗಿ ಪ್ರಭಾಸ್‌ಗೆ ಪರ್ಫೆಕ್ಟ್ ಬಾಡಿ ಬಿಲ್ಡ್ ಮಾಡಿಕೊಳ್ಳಬೇಕು ಎಂದು ಆಹಾರದ ಬಗ್ಗೆ ಸಂಪೂರ್ಣ ಸ್ವಾತಂತ್ರ್ಯ ಕೊಟ್ಟಾಗ, ಒಂದು ಸಲಕ್ಕೆ ಆತ 15 ಬಗೆಯ ಬಿರಿಯಾನಿ ತಿನ್ನುತ್ತಿದ್ದನಂತೆ! ಸದ್ಯದ ಸುದ್ದಿ ಎಂದರೆ, ಕರಣ್‌ ಮತ್ತು ರಾಜಮೌಳಿ ಪ್ರಭಾಸ್‌ ಜೊತೆಗೂಡಿ ಒಂದು ಹೊಸ ಚಿತ್ರ ಶುರು ಮಾಡಲಿದ್ದಾರಂತೆ. ಪ್ರಭಾಸ್‌ ತನ್ನ `ಸಾಹೋ’ ಚಿತ್ರದಿಂದ ಪಾಠ ಕಲಿತಿದ್ದಾನೆ..
17 ವರ್ಷಗಳ ನಂತರ ಒಟ್ಟುಗೂಡಿದಾಗ…..
`ತಾಲ್‌, ಹಮಾರಾ ದಿಲ್ ಆಪ್‌ ಕೆ ಪಾಸ್‌ ಹೈ,’ ಚಿತ್ರಗಳಲ್ಲಿ ಒಟ್ಟಾಗಿ ನಟಿಸಿದ್ದ ಐಶ್ವರ್ಯಾ ಅನಿಲ್‌ ಜೋಡಿ, ಇದೀಗ 17 ವರ್ಷಗಳ ಭಾರಿ ಅಂತರದ ನಂತರ ಓಂಪ್ರಕಾಶ್‌ ಮೆಹ್ತಾರ `ಫನ್ನೆ ಖಾನ್‌’ ಹೊಸ ಚಿತ್ರದಲ್ಲಿ ಮತ್ತೆ ಒಂದುಗೂಡಲಿದೆ. ರಾಕೇಶ್‌ ನಿರ್ಮಿತ ಈ ಚಿತ್ರ ಮೂಲ ಆಂಗ್ಲದ `ಎವರಿಬಡೀಸ್‌ ಫೇಮಸ್‌’ ಚಿತ್ರದ ರೀಮೇಕ್‌ ಅಂತೆ. ಇದೊಂದು ಮ್ಯೂಸಿಕ್‌ ಕಾಮಿಡಿ ಚಿತ್ರವಾಗಿದ್ದು, ಕಾನ್ಸ್ ನಲ್ಲಿ ತನ್ನ ಮೋಡಿ ಪ್ರದರ್ಶಿಸಿದ ಬಳಿಕ ಇದೀಗ ಐಶ್‌ ಬೇಬಿ ಕೈಗೆತ್ತಿಕೊಂಡ ಹೊಸ ಚಿತ್ರಗಳನ್ನು ಒಂದೊಂದಾಗಿ ಮುಗಿಸುತ್ತಿದ್ದಾಳಂತೆ.
ಪೀರಿಯಡ್ಸ್ ಬಂದಾಗ ಗಾಬರಿಯೇಕೆ?
`ಪ್ಯಾಡ್‌ಮ್ಯಾನ್‌’ ಚಿತ್ರದಲ್ಲಿ ಅಕ್ಷಯ್‌ಕುಮಾರ್‌ ಸ್ಯಾನಿಟರಿ ನ್ಯಾಪ್‌ಕಿನ್‌ ತಯಾರಿಸುವ ವ್ಯಕ್ತಿಯಂತೆ. ಈ ಚಿತ್ರದ ನಾಯಕಿ ರಾಧಿಕಾ ಇತ್ತೀಚಿನ ಒಂದು ಈವೆಂಟ್‌ನಲ್ಲಿ ಮಾತನಾಡುತ್ತಾ, ಅಲ್ಲಿಗೆ ಬಂದಿದ್ದ ಹುಡುಗಿಯರಿಗೆ, ಮುಟ್ಟಿನ ಕಾರಣ ತಾವು ಅಸಹಾಯಕರಾಗಿ ಯಾವುದೇ ಕ್ರಿಯಾತ್ಮಕ ಚಟುವಟಿಕೆಯಲ್ಲಿ ಪಾಲುಗೊಳ್ಳಲಾಗದು ಎಂಬ ಭಾವನೆಯನ್ನು ಮೊದಲು ತೆಗೆದುಹಾಕಬೇಕು ಎಂದು ತಿಳಿಸಿದಳು. ಈ ದಿನಗಳಲ್ಲಿ ಕಂಫರ್ಟೆಬಲ್ ಆಗಿರಲು ಇಂಥ ವಿಚಾರಧಾರೆ ಬಿಡಬೇಕು, ಇದೊಂದು ನೈಸರ್ಗಿಕ ಮಾಸಿಕ ಪ್ರಕ್ರಿಯೆ, ಇದಕ್ಕೆ ಭಯ/ಸಂಕೋಚ ಬೇಡ. ಸ್ಯಾನಿಟರಿ ನ್ಯಾಪ್‌ಕಿನ್‌ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರ, ತಮ್ಮ ಚಿತ್ರದಲ್ಲಿ ಈ ಭಾಗ ಪ್ರಧಾನ ಪಾತ್ರ ವಹಿಸಲಿದೆ ಎನ್ನುತ್ತಾಳೆ.
ತನಗೆ ತಾನೇ ಶತ್ರುವಾದ ಬಿಪ್ಸ್
ಕರಣ್‌ನನ್ನು ಮದುವೆಯಾದಾಗಿನಿಂದ ಬಿಪಾಶಾಳಿಗೆ ಒಂದೇ ಕೆಲಸ, ಅದೆಂದರೆ ಟೈಂಪಾಸ್‌ ಮಾಡುವುದು. ಬಿಪಾಶಾ ಹೀಗೆ ಬೇಕೆಂದೇ ಮನೆಯಲ್ಲಿ ಪತಿ ಸೇವೆಗಾಗಿ ಕುಳಿತಿದ್ದಾಳೆ ಎಂದು ಭಾವಿಸಬೇಡಿ. ಏಕೆಂದರೆ ಮನೆಯಲ್ಲಿ ಕುಳಿತು ಟೈಂಪಾಸ್‌ ಮಾಡುವುದು ಬಿಟ್ಟರೆ ಈಗ ಅವಳ ಬಳಿ ಏನೂ ಕೆಲಸವಿಲ್ಲ. ಏಕೆಂದರೆ ಅನೇಕ ನಿರ್ಮಾಪಕರು ಅವಳ ಬಳಿ ಬಂದು ಹೊಸ ಹೊಸ ಪ್ರಾಜೆಕ್ಟ್ ಬಗ್ಗೆ ಹೇಳಿದರೆ ಅವರೆಲ್ಲರಿಗೂ ಅವಳದು ಒಂದೇ ಕಂಡೀಶನ್‌ ಮಾಡೆಲ್ ಆಗಿ ಮೂಲೆಗುಂಪಾಗಿರುವ ತನ್ನ ಪತಿ ಕರಣ್‌ನನ್ನೇ ತನ್ನ ಸಿನಿಮಾಗೆ ಹೀರೋ ಮಾಡಬೇಕೆಂಬುದು! ಇದನ್ನು ಕೇಳಿ ಅವರೆಲ್ಲ ಆಮೇಲೆ ಫೋನ್‌ ಮಾಡುತ್ತೇವೆ ಎಂದು ಕೈ ತೊಳೆದುಕೊಳ್ಳುತ್ತಿದ್ದಾರಂತೆ. ಹೀಗಾಗಿ ಪಾಪ, ಬಿಪ್ಸ್ ಗೆ ಮನೆಗೆಲಸವಷ್ಟೇ ಉಳಿದಿದೆ. ಇದನ್ನು ಕೇಳಿ ನಿಮಗೆ `ಮೈನೆ ಪ್ಯಾರ್‌ ಕಿಯಾ’ ಚಿತ್ರದ ನಾಯಕಿ ಭಾಗ್ಯಶ್ರೀ ನೆನಪಾದಳೇ? ಸರಿಯಾಗಿ ಹೇಳಿದ್ರಿ, ಅವಳೂ ಹೀಗೆ. ತನ್ನ ಗಂಡ ಹಿಮಾಲಯ್‌ನನ್ನೇ ಹೀರೋ ಮಾಡಿ ಎಂದು ಪಟ್ಟುಹಿಡಿದು ಮೂಲೆಗುಂಪಾದಳು. ಜನ ಈಗ ಅವಳನ್ನು ಮರೆತೇಬಿಟ್ಟಿದ್ದಾರೆ.
ಎಮರ್ಜೆನ್ಸಿಯ ಕಥೆ ತೆರೆಯಲ್ಲಿ
ಸಾಮಾನ್ಯ ಸಂಪ್ರದಾಯ ಬಿಟ್ಟು ಹೊಸ ಅಲೆಯ ಚಿತ್ರ ಮಾಡುವ ಮಧುರ್‌ ಭಂಡಾರ್‌ಕರ್‌ 1975ರ ಎಮರ್ಜೆನ್ಸಿ ಕುರಿತಾದ `ಇಂದು ಸರ್ಕಾರ್‌’ ಮಾಡುತ್ತಿದ್ದಾರೆ. ಈ ಚಿತ್ರ ಇಂದಿರಾಗಾಂಧಿ ಆ ಕಾಲದಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಿದ ಆಡಳಿತದ ಕುರಿತಾದುದು. ಈ ಚಿತ್ರದಲ್ಲಿ ಕೃತಿ ಕುಲ್ಹಾರಿ ಮುಖ್ಯ ಪಾತ್ರದಲ್ಲಿದ್ದಾಳೆ. ಇದರ ಕಥೆ ಒಬ್ಬ ಕವಿಯಿತ್ರಿಯದು. ಈಕೆ ಆಡಳಿತ ಸರ್ಕಾರದ ವಿರುದ್ಧ ಧ್ವನಿ ಎತ್ತುತ್ತಾಳೆ. ಕೃತಿ ಜೊತೆ ನೀಲ್ ನಿತಿನ್‌ ಮುಖೇಶ್‌, ಅನುಪವ್‌ ಖೇರ್‌ರಂಥ ಘಟಾನುಘಟಿಗಳಿದ್ದಾರೆ. ನೀಲ್ ಈ ಚಿತ್ರದಲ್ಲಿ ಸಂಜಯ್‌ಗಾಂಧಿ ಆಗಿರುತ್ತಾನೆ.
ಕಂಬ್ಯಾಕ್‌ಗಾಗಿ ಕಾತರಿಸುತ್ತಿರುವ ರಂಗೀಲಾ
ಮಾಧುರಿ, ಶ್ರೀದೇವಿಯರ ನಂತರ 90ರ ದಶಕದ ಮತ್ತೊಬ್ಬ ನಾಯಕಿ ಕಂಬ್ಯಾಕ್‌ಗಾಗಿ ಕಾತರಿಸುತ್ತಿದ್ದಾಳೆ. ಆಕೆಯೇ ರಂಗೀಲಾ ಹುಡುಗಿ ಊರ್ಮಿಳಾ ಮಾತೊಂಡ್ಕರ್‌. ಈಕೆ ಗೋವಿಂದ ಜೊತೆ ಅನೇಕ ಹಿಟ್‌ ಫಿಲಮ್ಸ್‌ ಕೊಟ್ಟಿದ್ದುಂಟು. ಚಿತ್ರರಂಗ ತೊರೆದು ಎಷ್ಟೋ ದಿನಗಳಾದ ಮೇಲೆ ಆಕೆ ಮೊಹಸಿನ್‌ ಮೀರ್‌ ಅಖ್ತರ್‌ನನ್ನು ಮದುವೆಯಾದಳು. ಇರ್ಫಾನ್‌ ಖಾನ್‌ನ ಮುಂದಿನ ಚಿತ್ರದಲ್ಲಿ ಊರ್ಮಿ ಐಟಂ ಗರ್ಲ್ ಆಗಿರುತ್ತಾಳಂತೆ.
ಸಂಜೂ ಚಿತ್ರದಲ್ಲಿ ಅಂಕಿತಾಳ ಡೆಬ್ಯೂ
ಸುಶಾಂತ್‌ ಸಿಂಗ್‌ ರಜಪೂತ್‌ `ಬಿ ಟೌನ್‌’ ಚಿತ್ರಗಳಲ್ಲಿ ಗಟ್ಟಿಯಾಗಿ ನೆಲೆಯೂರಿದ್ದರೆ, ಆತನ ಎಕ್ಸ್ ಗರ್ಲ್ ಫ್ರೆಂಡ್‌ ಅಂಕಿತಾ ಲೋಖಂಡೆ ಇದೀಗ ಬಾಲಿವುಡ್‌ಗೆ ಎಂಟ್ರಿ ನೀಡಲು ತಯಾರಿ ನಡೆಸಿದ್ದಾಳೆ. ಆರ್‌. ಸಿಂಗ್‌ ನಿರ್ದೇಶನದಲ್ಲಿ ಸಂಜಯ್‌ ದತ್ ನಾಯಕನಾಗಿರುವ `ಮಲಂಗ್‌’ ಚಿತ್ರದಲ್ಲಿ ಅಂಕಿತಾಗೆ ಡೆಬ್ಯೂ ರೋಲ್. ಇದೀಗ `ಭೂಮಿ’ ಚಿತ್ರದಲ್ಲಿ ಬಿಝಿ ಆಗಿರುವ ಸಂಜಯ್‌, ಅದಾದ ಮೇಲೆ ಈ ರೊಮ್ಯಾಂಟಿಕ್‌ ಥ್ರಿಲ್ಲರ್‌ನಲ್ಲಿ ನಟಿಸಲಿದ್ದಾನೆ. `ಪವಿತ್ರ ರಿಶ್ತಾ’ ಧಾರಾವಾಹಿಯಿಂದ ಮನೆಮಾತಾಗಿದ್ದ ಅಂಕಿತಾ, ಬಹಳ ಕಾಲದಿಂದ ಬಾಲಿವುಡ್‌ ಡೆಬ್ಯೂಗಾಗಿ ಕಾದಿದ್ದಳು. ಸುಶಾಂತ್‌ ಅಂಕಿತಾ ಈ ಧಾರಾವಾಹಿಯ ಜನಪ್ರಿಯ ಜೋಡಿ. ಆದರೆ ಬಾಲಿವುಡ್‌ನಲ್ಲಿ ಸದವಕಾಶ ಗಿಟ್ಟಿಸಿದ ಸುಶಾಂತ್‌, ಈಕೆಗೆ ಟಾಟಾ ಹೇಳಿ ಜೀವನದಲ್ಲಿ ಮುಂದುವರಿದಿದ್ದಾಯ್ತು. ಮುಂದೆ….? ಈ ಅಂಕಣ ಗಮನಿಸುತ್ತಿರಿ.
ಶೃತಿಯಿಂದ ಈಗ ಹಾಸ್ಯದ ಒಗ್ಗರಣೆ
ಕರಣ್‌ವೀರ್‌ ಮೆಹ್ತಾ ಮತ್ತು ಶೃತಿ ಸೇಠ್‌ ಇದೀಗ ಹಾಸ್ಯದ ಡೋಸೇಜ್‌ ಹೆಚ್ಚಿಸಲೆಂದೇ ಸೋನಿ ಸಬ್‌ ಚಾನೆಲ್ ನ `ಟೀವಿ ಬೀವಿ ಔರ್‌ ಮೈ’ನಲ್ಲಿ ಕಾಣಿಸಲಿದ್ದಾರೆ. ಶೃತಿ ಇದರಲ್ಲಿ ಕರಣ್‌ವೀರ್‌ನ ಪತ್ನಿ. ಒಂದು ಸುಂದರ ಸಂಸಾರದಲ್ಲಿ ಹೇಗೆ ಗೊಂದಲಗಳು ಮೂಡುತ್ತವೆ ಎಂಬುದನ್ನು ಇಬ್ಬರೂ ಕಾಮಿಡಿ ಮೂಲಕ ಹೇಳಲಿದ್ದಾರೆ. ಕರಣ್‌ವೀರ್‌ ಈ ಧಾರಾವಾಹಿಯ ನಿರ್ಮಾಪಕ ಕೂಡ ಹೌದು. ಶೃತಿ ಅಂತೂ ಇಡೀ ತಂಡದ ಜೊತೆ ಸಹಜವಾಗಿ ಬೆರೆತಿದ್ದಾಳೆ. 3 ವರ್ಷಗಳ ನಂತರ ಕಿರುತೆರೆಗೆ ಮರಳಿರುವ ಕರಣ್‌ಗೆ ಈ ಶೋ ಬಹಳ ಖುಷಿ ನೀಡಿದೆಯಂತೆ.
ಶ್ವೇತಾಳನ್ನು ಮುದಿ ಎನ್ನುವುದೇ?
ತಾಯಿಯಾದ ನಂತರ ಶ್ವೇತಾ ತಿವಾರಿ ಇಷ್ಟರಲ್ಲೇ ಕಿರುತೆರೆಗೆ ಮರಳಿದ್ದಾಳೆ. ಅಷ್ಟರಲ್ಲಿ ಸಹನಟ ಆಕೆಯನ್ನು ಮುದುಕಿ ಅಂದುಬಿಡುವುದೇ? ನಂಬಲರ್ಹ ಮೂಲಗಳ ಪ್ರಕಾರ ಶ್ವೇತಾ `ಇಂತಕಾಮ್ ಏಕ್‌ ಮಾಸೂಮ್’ ಶೋನಿಂದ ವಾಪಸ್ಸಾಗಿದ್ದಾಳಂತೆ. ಇದರ ಪ್ರಮುಖ ನಟ ಅವಿನಾಶ್‌ ಸಚ್‌ದೇವ್, ತಮ್ಮಿಬ್ಬರ ರೊಮ್ಯಾಂಟಿಕ್‌ ಕೆಮಿಸ್ಟ್ರಿ ವರ್ಕ್‌ಔಟ್‌ ಆಗುವುದಿಲ್ಲ. ಏಕೆಂದರೆ ಶ್ವೇತಾ ಈಗ ಮುದುಕಿ ಆಗಿದ್ದಾಳೆ ಎಂದನಂತೆ. ಈ ಮಾತಿನಿಂದ ಸಿಟ್ಟಿಗೆದ್ದ ಶ್ವೇತಾ, ಈ ಶೋನೂ ಬೇಡ ಏನೂ ಬೇಡ ಎಂದು ಗಲಾಟೆ ಎಬ್ಬಿಸಿದ್ದಾಳೆ.
ಹಂ ಪಾಂಚ್‌ನಿಂದ ಮುಕ್ತಿ
ಕಿರುತೆರೆಯಲ್ಲಿ ನಟಿ ರಾಖಿ ವಿಜಾನ್‌ ಈಗಾಗಲೇ ತನ್ನ ಐಡೆಂಟಿಟಿ ಕಂಡುಕೊಂಡಿದ್ದಾಗ, ಹುಸೇನ್‌ ಕುರ್‌ ಆಗ ತಾನೇ ಕಿರುತೆರೆಯಲ್ಲಿ ಹೆಜ್ಜೆ ಇರಿಸುತ್ತಿದ್ದ. ಇದೀಗ ಇಬ್ಬರೂ ಒಟ್ಟಿಗೆ `ಸಜನ್‌ ರೇ ಫಿರ್‌ ಜೂಠ್‌ ನ ಬೋಲೋ’ ಧಾರಾವಾಹಿಯಲ್ಲಿ ಒಟ್ಟಿಗೆ ಕೆಲಸ ಮಾಡುತ್ತಿದ್ದಾರೆ. ಇವರಿಬ್ಬರೂ ಇದಕ್ಕೆ ಮೊದಲು ಏಕ್ತಾ ಕಪೂರ್‌ಳ `ಹಂ ಪಾಂಚ್‌’ ಧಾರಾವಾಹಿಯಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ತಮ್ಮ ಕಳೆದ ದಿನಗಳನ್ನು ನೆನಪಿಸಿಕೊಳ್ಳುತ್ತಾ, ಆಗ ನಾವಿಬ್ಬರೂ ಬಹಳ ಮೋಜುಮಸ್ತಿ ಮಾಡಿದ್ದೆವು. ಮುಂದೆ ನಾವು ಒಟ್ಟಿಗೆ ಮಾಡ್ತೀವೋ ಇಲ್ಲವೋ ಗೊತ್ತಿರಲಿಲ್ಲ. ಈ ಹೊಸ ಧಾರಾವಾಹಿಯಿಂದ ಆ ಕನಸು ನನಸಾಗುತ್ತಿದೆ ಎಂದು ಖುಷಿ ಹಂಚಿಕೊಂಡರು.
ಪ್ರಿಯಾಂಕಾಳ ನಿಲ್ಲದ ಹೊಗಳಿಕೆ
ಗೋಲ್ಡಿ ಬೆಹ್‌ ಮತ್ತು ಸೃಸ್ಟಿ ಆರ್ಯಾ ಜೊತೆಗೂಡಿ ಇಡೀ `ಆರ್‌’ ಶೋದ ತಾರಾಗಣವನ್ನು ಪ್ರಿಯಾಂಕಾ ಚೋಪ್ರಾ ಟ್ವಿಟರ್‌ ಮೂಲಕ ಬಾಯ್ತುಂಬಾ ಹೊಗಳಿದ್ದಾಳೆ. ಪ್ರಿಯಾಂಕಾ ಆ ಕುರಿತು ಹೇಳುತ್ತಾ `ಬಾಹುಬಲಿ’ಯಂಥ ಅಂತಾರಾಷ್ಟ್ರೀಯ ಖ್ಯಾತಿವೆತ್ತ ಚಿತ್ರದ ಮೂಲ ಕಥೆಗಾರರಾದ ಕೆ. ವಿಜಯ್‌, ಈ ಶೋಗಾಗಿ ನಿರೂಪಿಸಿರುವ ಪರಿಕಲ್ಪನೆ ನಿಜಕ್ಕೂ ವರ್ಣನಾತೀತ! ಈ ಶೋದ ಪ್ರೋಮೋ ನೋಡಿಯೇ ನಾನು ದಂಗಾಗಿ ಹೋದೆ. ದ್ರವಿಣ್‌ -ಆರ್ಯಾರ ಸಂಘರ್ಷವಂತೂ ಅತಿ ರೋಚಕ, ರೋಮಾಂಚಕಾರಿ! ಇಂಥ ಟೆಕ್ನಿಕ್ಸ್ ಹೆಚ್ಚಾಗಬೇಕು ಎನ್ನುತ್ತಾಳೆ.
ಒಂದು ಮಿನಿ ಸಂದರ್ಶನ
ಟೀಕೂ ತ್ಸಾನಿಯಾ (ನಟ) ಸುಮಾರು 200 ಚಿತ್ರಗಳು ಹಾಗೂ ಅತ್ಯಧಿಕ ಟಿ.ವಿ. ಶೋಗಳಿಂದ ಮನೆ ಮಾತಾಗಿರುವ, ತಮ್ಮ ಹಾಸ್ಯಭರಿತ ಮಾತಿನ ವರಸೆಯಿಂದ ಕಚಗುಳಿಯಿಡುವ ಟೀಕೂ, ಇಂದು ಕಾಮಿಡಿಯಲ್ಲಿ ಬಹಳಷ್ಟು ಬದಲಾವಣೆಗಳಾಗಿವೆ ಎನ್ನುತ್ತಾರೆ. ಸೋನಿ ಸಬ್‌ ಟಿ.ವಿ.ಯ `ಸಜನ್‌ರೆ ಫಿರ್‌ ಜೂಠ್‌ ನ ಬೋಲೋ’ದ ಈವೆಂಟ್‌ನಲ್ಲಿ ಅವರು ಮಾತುಕಥೆಗೆ ಸಿಕ್ಕಿದ್ದರು.
ಕಮೆಡಿಯನ್‌ ಆಗಿದ್ದಕ್ಕೆ ಎಂದಾದರೂ ಬೋರ್‌ ಅನಿಸಿದ್ದುಂಟೇ?
ನಾನು ಹೊಸ ಕೆಲಸಗಳನ್ನು ಹೊಸ ದೃಷ್ಟಿಕೋನದಿಂದಲೇ ನೋಡುತ್ತೇನೆ. ಹಾಗಿರುವಾಗ ಕೆಲಸದಲ್ಲಿ ಬೋರಿಂಗ್‌ ಎಂಥದ್ದು? ಕಾಮಿಡಿ ಮಾತ್ರವಲ್ಲದೆ ಇತರೆ ಬಗೆಯ ಪೋಷಕ ಪಾತ್ರಗಳನ್ನೂ ನಿಭಾಯಿಸಿದ್ದೇನೆ.
ನೀವು ಕಾಮಿಡಿಯಲ್ಲಿ ಎಂಥ ಬದಲಾವಣೆ ಬಯಸುತ್ತೀರಿ?
ಹಿಂದೆಲ್ಲ ನಿಧಾನವಾಗಿ ಅಡುಗೆ ಮಾಡಿ, ನಂತರ ಬಾಯಿ ಚಪ್ಪರಿಸಿಕೊಂಡು ತಿನ್ನುತ್ತಿದ್ದೆ. ಆದರೆ ಈಗ ಹಾಗಲ್ಲ…. ಎಲ್ಲ ಇನ್‌ಸ್ಟೆಂಟ್‌ ಆಗಿ ಕ್ಷಣ ಮಾತ್ರದಲ್ಲಿ ರೆಡಿಯಾಗಬೇಕು.
ಇಂದು ಹೀರೋನೇ ಕಮಿಡಿಯನ್‌. ಇದೆಷ್ಟು ಸರಿ?
ಇಂದು ಸಿನಿಮಾದ ವ್ಯಾಖ್ಯಾನವೇ ಬದಲಾಗಿದೆ. ಇಂದು ಉತ್ತಮ ಚಿತ್ರಗಳು ಬರುತ್ತಿವೆ. ಹಿಂದಿನ ಆ ಒಗ್ಗಟ್ಟು ಈಗೆಲ್ಲಿ ಕಾಣಲು ಸಾಧ್ಯ? ಹೀರೋಗೆ ತನ್ನ ಕೆಲಸ, ಉಳಿದವರಿಗೆ ಅವರವರ ಕೆಲಸ ಅಂತಿತ್ತು. ಈಗ ಆಲ್ ಇನ್‌ ಒನ್‌ ಹೀರೋ ಆಗಿರುವಾಗ ಬೇರೇನು ಹೇಳುವುದು?
ಶಿಖಾಳನ್ನು ನೀವು ಬಾಲಿವುಡ್‌ನಲ್ಲಿ ಪರಿಚಯಿಸಿದಿರಿ…..
ಆಕೆ `ಲೇಕ್‌ ಅಪ್‌ ಸಿಡ್‌’ ಚಿತ್ರದ ಆಡಿಷನ್‌ ನೀಡಲು ಬಂದಿದ್ದಳು. ಆಗ ಆಕೆಗೆ ಸಿನಿಮಾದಲ್ಲಿ ಆಸಕ್ತಿ ಇದೆ ಎಂದು ಗೊತ್ತಾಯಿತು. ಆಕೆ ಆಡಿಷನ್‌ನಲ್ಲಿ ಸೆಲೆಕ್ಟ್ ಆದ ಮೇಲೆ, ತನ್ನ ಸ್ವಇಚ್ಛೆಯಿಂದ ಸಿನಿಮಾದಲ್ಲಿ ತೊಡಗಿಕೊಂಡಳು, ನನ್ನ ಮಗಳು ಅಂತ ಫೋರ್ಸ್‌ ಮಾಡಲು ಹೋಗಲಿಲ್ಲ.
