ಮನೆಯನ್ನು ಚೊಕ್ಕಟಗೊಳಿಸಬಲ್ಲ ಬಗೆಬಗೆಯ ಉಪಕರಣಗಳು ಇಂದು ಮಾರುಕಟ್ಟೆಯಲ್ಲಿ ಲಭ್ಯವಿವೆ. ಅವುಗಳಿಂದ ನೀವು ಕಡಿಮೆ ಸಮಯದಲ್ಲಿ ಆಯಾಸಗೊಳ್ಳದೆಯೇ ನಿಮ್ಮ ಮನೆಯನ್ನು ಸದಾ ಶುಭ್ರವಾಗಿ ಬೆಳಗುವಂತೆ ಇರಿಸಿಕೊಳ್ಳಬಹುದು.
ಹೈಟೆಕ್‌ ಗ್ಯಾಡ್ಜೆಟ್ಸ್ ಇಂದು ಎಲ್ಲ ಬಗೆಯ ಕಷ್ಟಕರವಾದ ಕೆಲಸಗಳನ್ನೂ ಸುಲಭಗೊಳಿಸಿವೆ. ಮನೆಯನ್ನು ಚೊಕ್ಕಟಗೊಳಿಸಲು ಬಳಸುವ ಪೊರಕೆ, ಬಟ್ಟೆಗಳಿಗೆ ಬದಲಾಗಿ ಅನೇಕ ಬಗೆಯ ಅಡ್ವಾನ್ಸ್ಡ್ ಅಂಡ್‌ ಸ್ಮಾರ್ಟ್ ಹೈಟೆಕ್‌ ಗ್ಯಾಡ್ಜೆಟ್ಸ್ ದೊರೆಯುತ್ತವೆ.
ವ್ಯಾಕ್ಯೂಮ್ ಕ್ಲೀನರ್
ಇದು ಹಿಂದಿನ ಉಪಕರಣವೇ ಆದರೂ ಈಗ ಚಿಕ್ಕದಾಗಿ ಅನುಕೂಲಕರವಾಗಿ ಮಾರ್ಪಾಟಾಗಿದೆ. ನೀವು ಪೊರಕೆಯಿಂದ ಒಂದು ಕೋಣೆಯನ್ನು ಗುಡಿಸುವಷ್ಟು ಸಮಯದಲ್ಲಿ ವ್ಯಾಕ್ಯೂಮ್ ಕ್ಲೀನರ್‌ನಿಂದ 3-4 ಕೊಠಡಿಗಳನ್ನು ಚೊಕ್ಕಟಗೊಳಿಸಬಹುದು. ನೀವು ಮಲ್ಟಿಪುಲ್ ಕ್ಲೀನಿಂಗ್‌ ವ್ಯಾಕ್ಯೂಮ್ ಕ್ಲೀನರ್‌ನ್ನು ಕೊಂಡರೆ ಒಣನೆಲದ ಜೊತೆಗೆ ಒದ್ದೆಯಾದ ನೆಲವನ್ನೂ ಚೊಕ್ಕಟಗೊಳಿಸಬಹುದು. ಅಲ್ಲದೆ ಇಂಡಿಕೇಟರ್‌ನ ಸಹಾಯದಿಂದ ಡಸ್ಟ್ ಬ್ಯಾಗ್‌ ತುಂಬಿದೆಯೇ ಎಂದು ತಿಳಿದುಕೊಳ್ಳಬಹುದು. ವ್ಯಾಕ್ಯೂಮ್ ಕ್ಲೀನರ್‌ನಲ್ಲಿ ಸೈಡ್‌ ಬ್ರಶ್‌ ಕೂಡ ಇದ್ದರೆ ನೀವು ಪ್ರತಿಯೊಂದು ಮೂಲೆಯನ್ನೂ ಶುಭ್ರಗೊಳಿಸಬಹುದು. ಈ ಉಪಕರಣವನ್ನು ಒಂದು ಬಾರಿ ಚಾರ್ಜ್‌ ಮಾಡಿದರೆ, ನೀವು 2 ಗಂಟೆಗಳ ಕಾಲ ಅದನ್ನು ಬಳಸಬಹುದು.
ಫರ್ಬಾಲ್ ವ್ಯಾಕ್ಯೂಮ್ ಕ್ಲೀನರ್
ಇತ್ತೀಚಿನ ದಿನಗಳಲ್ಲಿ ಫರ್ಬಾಲ್ ವ್ಯಾಕ್ಯೂಮ್ ಕ್ಲೀನರ್ ಬಹಳಷ್ಟು ಬೇಡಿಕೆಯಲ್ಲಿದೆ. ಕಲರ್‌ ಫುಲ್ ಆಗಿರುವುದರಿಂದ ಇದು ಹೆಚ್ಚು ಆಕರ್ಷಕವಾಗಿ ಕಾಣುತ್ತದೆ. ಆಟೊಮ್ಯಾಟಿಕ್‌ ಉಪಕರಣವಾದ ಇದು ಫುಟ್‌ಬಾಲ್‌ನಂತೆ ಮನೆಯನ್ನೆಲ್ಲ ಸುತ್ತಿ ನೆಲವನ್ನು ಸ್ವಚ್ಛಗೊಳಿಸುತ್ತದೆ. ಸಣ್ಣ ಕೋಣೆಯನ್ನು ಶುಭ್ರಗೊಳಿಸಲು ಇದು ಬಲು ಸಹಾಯಕಾರಿ. ಜೊತೆಗೆ ಡನ್‌ ಫ್ಲೋರಿಂಗ್‌ಗೆ ಇದು ಬಹಳ ಉತ್ತಮವೆಂದು ಹೇಳಲ್ಪಡುತ್ತದೆ.
ಆಟೊಮ್ಯಾಟಿಕ್‌ ಫ್ಲೋರ್‌ ಮಾಪ್‌
ಈ ಉಪಕರಣ ಮೊದಲು ನೆಲದ ಮೇಲಿನ ಕಸವನ್ನು ಚೊಕ್ಕಟಗೊಳಿಸಿ ನಂತರ ಸಾರಿಸುತ್ತದೆ. ನೆಲವನ್ನು ಸಾರಿಸಲು ಇದರಲ್ಲಿ ಸ್ವಲ್ಪ ನೀರು ತುಂಬಿಸಿ. ನಿಮ್ಮ ಕೈಗೆ ಎಟುಕದಿರುವ ಮೂಲೆಯನ್ನು ಸಹ ಈ ಗ್ಯಾಡ್ಜೆಟ್‌ ಮುಟ್ಟಬಲ್ಲದು. ಇದರ ಬ್ಯಾಟರಿಯನ್ನು ಒಂದು ಸಲ ಫುಲ್ ಚಾರ್ಜ್‌ ಮಾಡಿದರೆ, ಇದು 2 ಗಂಟೆಗಳ ಕಾಲ ಕೆಲಸ ಮಾಡಬಲ್ಲದು.
ಮೋಪೆಡ್‌ ವ್ಯಾಕ್ಯೂಮ್
ಫ್ಲೋರ್‌ ಮಾಪ್‌ನಂತೆ ಇದು ಕೂಡ ಗುಡಿಸುವ, ಸಾರಿಸುವ ಎರಡೂ ಕೆಲಸಗಳನ್ನು ಮಾಡುತ್ತದೆ. ಚಿಕ್ಕ ಕೊಠಡಿಯನ್ನು ಸ್ವಚ್ಛಗೊಳಿಸಲು ಇದು ಉತ್ತಮ. ಆದರೆ ಕೊಠಡಿ ದೊಡ್ಡದಾಗಿದ್ದರೆ ಫ್ಲೋರ್‌ ಮಾಪ್‌ನ್ನೇ ಕೊಳ್ಳಿರಿ. ಒಮ್ಮೆ ಫುಲ್ ಚಾರ್ಜ್‌ ಮಾಡಿದರೆ ಇದನ್ನು 6 ಗಂಟೆಗಳ ಕಾಲ ಬಳಸಬಹುದು. ಇದನ್ನು ಕೈಲಿ ಹಿಡಿದಿರುವ ಅಗತ್ಯವಿಲ್ಲ. ಟೈಮ್ ಸೆಟ್‌ ಮಾಡಿಬಿಟ್ಟರೆ ಸಾಕು. ಅದು ನೆಲವನ್ನು ಚೊಕ್ಕಟಗೊಳಿಸಿದ ನಂತರ ತಾನಾಗಿ ನಿಲ್ಲುತ್ತದೆ. ಇದು ನೋಡಲೂ ಆಕರ್ಷಕವಾಗಿ ಕಾಣುವುದರಿಂದ ಉಪಯೋಗಿಸಿದ ನಂತರ ಡೆಕೋರ್‌ ಆ್ಯಕ್ಸೆಸರಿಯಾಗಿಯೂ ಇರಿಸಿಕೊಳ್ಳಬಹುದು.
ಫ್ಲೋರ್‌ ವಾಶಿಂಗ್‌
ಡನ್‌ ಫ್ಲೋರಿಂಗ್‌ ಆದರೆ ಅದನ್ನು ಅಳೆಯುವ ಅವಶ್ಯಕತೆಯೇ ಇರುವುದಿಲ್ಲ. ಆದರೆ ಹಾರ್ಡ್‌ ಫ್ಲೋರಿಂಗ್‌ನ್ನು ಹೊಳಪುಗೊಳಿಸಲು ವಾಶ್‌ ಮಾಡಬೇಕಾಗುತ್ತದೆ. ಅದಕ್ಕಾಗಿ ಫ್ಲೋರ್‌ ವಾಶಿಂಗ್‌ ಗ್ಯಾಡ್ಜೆಟ್‌ ನಿಮಗೆ ಸಹಾಯಕಾರಿಯಾಗುತ್ತದೆ. ಇದು ತ್ರೀ ಸ್ಟೆಪ್ಸ್ ನಲ್ಲಿ ಕೆಲಸ ಮಾಡುತ್ತದೆ. ಮೊದಲು ಕೋಣೆಯಲ್ಲಿ ಬಿದ್ದಿರುವ ಕಸವನ್ನು ಚೊಕ್ಕಟಗೊಳಿಸುತ್ತದೆ. ನಂತರ ನೀರಿನ ಸಹಾಯದಿಂದ ನೆಲವನ್ನು ತೇವಗೊಳಿಸಿ ಸ್ವಚ್ಛ ಮಾಡುತ್ತದೆ. ಕಡೆಯಲ್ಲಿ ನೀರಿನಿಂದ ಕೂಡಿದ ನೆಲವನ್ನು ಸಾರಿಸಿ ಒಣಗಿಸುತ್ತದೆ. ಹೀಗಾಗಿ ನಿಮಗೆ ನೆಲವನ್ನು ವಾಶ್‌ ಮಾಡಲು ಡಿಟರ್ಜೆಂಟ್‌ ಅಥವಾ ಪ್ಲಾಸ್ಟಿಕ್‌ ಪೊರಕೆಯ ಅವಶ್ಯಕತೆಯೇ ಇರುವುದಿಲ್ಲ.
ಹೌಸ್‌ ಕೀಪಿಂಗ್‌ ಡಿವೈಸ್‌
ಕಿಚನ್‌ ಟೇಬಲ್, ಡೈನಿಂಗ್‌ ಟೇಬಲ್ ಮತ್ತು ಮನೆಯ ಇತರೆ ಟೇಬಲ್‌ಗಳನ್ನು ಸ್ವಚ್ಛಗೊಳಿಸಲು ನೀವು ಒಂದು ಕೈಯಲ್ಲಿ ಸ್ಪ್ರೇ, ಇನ್ನೊಂದು ಕೈಯಲ್ಲಿ ಸ್ಪಂಜ್‌ಗಳನ್ನು ಹಿಡಿದು ಓಡಾಡುವ ಅಗತ್ಯ ಇನ್ನಿಲ್ಲ. ಹೌಸ್‌ ಕೀಪಿಂಗ್‌ ಡಿವೈಸ್‌ನ ಸಹಾಯದಿಂದ ನೀವು ಈ ಕೆಲಸವನ್ನು ಸುಲಭವಾಗಿ ಮಾಡಬಹುದಾಗಿದೆ. ಟೈಮ್ ಸೆಟ್‌ ಮಾಡಿದ ಕೂಡಲೇ ಇದು ತಾನಾಗಿ ಟೇಬಲ್‌ನ್ನು ಸ್ವಚ್ಛಗೊಳಿಸತೊಡಗುತ್ತದೆ. ಇದನ್ನು ಕೈಯಲ್ಲಿ ಹಿಡಿದು ನಡೆಸಬೇಕಾಗಿಲ್ಲ.
ವಿಂಡೋ ಗ್ರಿಲ್ ಕ್ಲೀನರ್
ಬಾಗಿಲು ಮತ್ತು ಕಿಟಕಿಗಳಿಗೆ ಅಳವಡಿಸಿರುವ ಗಾಜನ್ನು ಸ್ವಚ್ಛಗೊಳಿಸಲು ಬಗೆಬಗೆಯ ಬ್ರಶ್‌ ಮತ್ತು ಸ್ಪಂಜ್‌ನ್ನು ಬಳಸುತ್ತಿರುವಿರಾ? ಹಾಗಿದ್ದರೆ ಅವಕ್ಕೆ ಇನ್ನು ವಿದಾಯ ಹೇಳಿ ಮತ್ತು ಮನೆಗೆ ತನ್ನಿ ಗ್ರಿಲ್ ಕ್ಲೀನರ್. ಈ ಗ್ಯಾಡ್ಜೆಟ್‌ನ್ನು ಸೆಟ್‌ ಮಾಡಿ ಒಂದು ಬಟನ್‌ ಒತ್ತಿದರೆ ಸಾಕು ಅದು ತನ್ನ ಕೆಲಸ ಆರಂಭಿಸುತ್ತದೆ. ಇದರ ಸಹಾಯದಿಂದ ನೀವು 1-2 ಗಂಟೆಯಲ್ಲಿ ಬಾಗಿಲು ಕಿಟಕಿಗಳ ಗಾಜನ್ನು ಹೊಳೆಯುವಂತೆ ಮಾಡಬಹುದು.
ಗಟರ್‌ ಕ್ಲೀನರ್
ಅನೇಕ ಸಲ ಮನೆಯ ಹೊರಭಾಗದಲ್ಲಿನ ಬಚ್ಚಲಿನ ಕೊಳೆಗಳು ಮಣ್ಣು ಅಥವಾ ಮರದ ಎಲೆಗಳಿಂದ ಮುಚ್ಚಿ ಹೋಗುತ್ತದೆ. ಅವುಗಳನ್ನು ಚೊಕ್ಕಟ ಮಾಡುವುದು ಒಂದು ತಲೆನೋವಿನ ಕೆಲಸ. ಅದಕ್ಕಾಗಿ ನೀವು ಗಟರ್‌ ಕ್ಲೀನರ್ ಬಳಸಬಹುದು. ಇದನ್ನು ಒಂದು ಸಲ ಚಾರ್ಜ್‌ ಮಾಡಿ ಅನೇಕ ಕೊಳೆಗಳನ್ನು ಸುಲಭವಾಗಿ ಚೊಕ್ಕಟಗೊಳಿಸಬಹುದು. ರಿಮೋಟ್‌ನ ಸಹಾಯದಿಂದ ನಡೆಸಬಹುದಾದ ಆಟೊಮ್ಯಾಟಿಕ್‌ ಗಟರ್‌ ಕ್ಲೀನರ್ ಕೂಡ ದೊರೆಯುತ್ತದೆ. ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಇವೆರಡರಲ್ಲಿ ಯಾವುದನ್ನಾದರೂ ನೀವು ಆರಿಸಿಕೊಳ್ಳಬಹುದು.
ಅಕ್ವೇರಿಯಂ ಗ್ಲಾಸ್‌ ಕ್ಲೀನರ್
ಮನೆಯನ್ನೆಲ್ಲ ಸ್ವಚ್ಛಗೊಳಿಸುವಾಗ ಫಿಶ್‌ ಟ್ಯಾಂಕ್‌ನ್ನು ಸಹ ಚೊಕ್ಕಟಗೊಳಿಸಲು ಹೊರಡುತ್ತೀರಲ್ಲವೇ? ಅದಕ್ಕಾಗಿ ನೀವು ಫಿಶ್‌ ಟ್ಯಾಂಕ್‌ನಲ್ಲಿರುವ ಮೀನುಗಳನ್ನು ನೀರಿನೊಂದಿಗೆ ಹೊರತೆಗೆಯುವ ಪ್ರಯಾಸ ಪಡಬೇಕಿಲ್ಲ. ಅಕ್ವೇರಿಯಂ ಗ್ಲಾಸ್‌ ಕ್ಲೀನರ್ ಒಂದೇ ಸಮಯದಲ್ಲಿ ಫಿಶ್‌ ಟ್ಯಾಂಕ್‌ನ ಒಳಹೊರಗಿನ ಗಾಜನ್ನು ಸ್ವಚ್ಛಗೊಳಿಸುತ್ತದೆ. ಇದಕ್ಕಾಗಿ ನೀವು ಈ ಉಪಕರಣದ ಮೇಲ್ಭಾಗವನ್ನು ಫಿಶ್‌ ಟ್ಯಾಂಕ್‌ನ ಒಳಗೆ ಇರಿಸಿ ಮತ್ತು ಹೊರಭಾಗವನ್ನು ಗಾಜಿನ ಹೊರಭಾಗದ ಮೇಲೆ ಸೆಟ್‌ ಮಾಡಿ. ಚುಂಬಕ ಶಕ್ತಿಯಿಂದಾಗಿ ಎರಡೂ ಭಾಗಗಳು ಒಟ್ಟಿಗೆ ಒಳ ಮತ್ತು ಹೊರಗಿನ ಗಾಜನ್ನು ಹೊಳೆಯುವಂತೆ ಶುಭ್ರಗೊಳಿಸುತ್ತವೆ.
ಬಾತ್‌ರೂಮ್ ಕ್ಲೀನರ್
ಬಾತ್‌ರೂಮ್ ಕ್ಲೀನ್‌ ಮಾಡುವುದೆಂದರೆ ತಲೆ ನೋವು ಪ್ರಾರಂಭವಾಗುತ್ತದೆಯೇ? ಈ ನೋವು ನಿವಾರಣೆಗೆ ಒಂದು ಮಂತ್ರವಿದೆ. ಅದೆಂದರೆ ಬಾತ್‌ರೂಮ್ ಕ್ಲೀನರ್. ಇದನ್ನು ಉಪಯೋಗಿಸುವುದು ಬಹಳ ಸುಲಭ. ಹಗ್ಗದಂತಿರುವ ಈ ಗ್ಯಾಡ್ಜೆಟ್‌ನ್ನು ನಲ್ಲಿಗೆ ಜೋಡಿಸಿ ನೀರು ಬಿಡಿ. ಇದರ ಮೇಲ್ಭಾಗದಲ್ಲಿ ಜೋಡಿಸಲಾಗಿರುವ 3 ಬ್ರಶ್‌ಗಳು ಸ್ವಚ್ಛಗೊಳಿಸಲು ಪ್ರಾರಂಭಿಸುತ್ತವೆ. ಈ ಉಪಕರಣದಿಂದ ನೀವು ಬಾತ್‌ರೂಮ್ ನ ನೆಲ, ಗೋಡೆಗಳು, ಬಾತ್‌ಟಬ್‌, ಕಮೋಡ್‌ ಎಲ್ಲವನ್ನೂ ಚೊಕ್ಕಟಗೊಳಿಸಬಹುದು. ಇದರಲ್ಲಿರುನ ಇಂಡಿಕೇಟರ್‌, ಸ್ವಚ್ಛತೆಯ ಕಾರ್ಯ ಮುಗಿಸಿದ ನಂತರ ಅಲಾರ್ಮ್ ಕೂಡ ಹೊಡೆಯುತ್ತದೆ.
ಲಿಕ್ವಿಡ್‌ ಕ್ಲೀನರ್
ಕ್ಯಾಬಿನೆಟ್‌ ಮತ್ತು ಗಾಜುಗಳನ್ನು ಸ್ವಚ್ಛಗೊಳಿಸಲು ಅನೇಕ ಬಗೆಯ ಉಪಾಯಗಳಿವೆ. ಈಗ ಮಾರುಕಟ್ಟೆಯಲ್ಲಿ ದೊರೆಯುವ ಕೆಲವು ಲಿಕ್ವಿಡ್‌ ಕ್ಲೀನರ್‌ಗಳ ಸಹಾಯದಿಂದ ಎಂತಹ ಕಲೆಗಳನ್ನಾದರೂ ಸುಲಭವಾಗಿ ನಿವಾರಿಸಬಹುದಾಗಿದೆ.
ಗಾಜುಗಳ ಸ್ವಚ್ಛತೆ
ಗಾಜಿನ ಬಳಕೆ ಹೋಂ ಡೆಕೋರೇಶನ್‌ನಲ್ಲಿ ವಿಶೇಷ ಕಳೆ ನೀಡುತ್ತದೆ. ಆದರೆ ಇದು ಕೊಳೆಯಾದಾಗ ಮಂಕಾಗಿಬಿಡುತ್ತದೆ. ಬಾಗಿಲು, ಕಿಟಕಿ, ಮೇಜುಗಳಿಗೆ ಅಳವಡಿಸಿರುವ ಗಾಜನ್ನು ಸ್ವಚ್ಛಗೊಳಿಸಲು ಲಿಕ್ವಿಡ್‌ ಗ್ಲಾಸ್‌ ಕ್ಲೀನರ್ ಬಳಸಿ. ಇದನ್ನು ಗಾಜಿನ ಮೇಲೆ ಸ್ಪ್ರೇ ಮಾಡಿ, ನಂತರ ಸ್ಪಂಜಿನಿಂದ ಒರೆಸಿ. ಆಗ ಗಾಜು ಹೊಳೆಯುತ್ತದೆ.
ತುಕ್ಕು ನಿವಾರಣೆ
ಮೆಟಲ್ ಶೋ ಪೀಸ್‌ಗಳು ಕೋಣೆಗೆ ಮಾಡರ್ನ್‌ ಲುಕ್‌ ನೀಡುತ್ತವೆ. ಆದರೆ ನೀರು ತಗುಲಿದಾಗ ಮೆಟಲ್‌ನ ಬಣ್ಣ ಕೆಡುತ್ತದೆ. ಕೆಲವು ಸಲ ತುಕ್ಕು ಹಿಡಿದು ಅದರ ಸ್ವರೂಪವೇ ಹಾಳಾಗುತ್ತದೆ. ಇಂತಹ ತುಕ್ಕನ್ನು ನಿವಾರಿಸಲು ರಸ್ಟ್ ಕ್ಲೀನರ್ ಲಿಕ್ವಿಡ್‌ನ್ನು ಬಳಸಬಹುದು. ಇದು ಎಲ್ಲ ಬಗೆಯ ತುಕ್ಕನ್ನೂ ಹೋಗಲಾಡಿಸುತ್ತದೆ.
ಎಣ್ಣೆ ಮಸಾಲೆಗಳ ಕಲೆ ನಿವಾರಣೆ
ಅಡುಗೆ ಮನೆಯಲ್ಲಿ ಎಣ್ಣೆ ಮಸಾಲೆಗಳ ಬಳಕೆ ತಿನಿಸಿನ ಸ್ವಾದವನ್ನೇನೋ ಹೆಚ್ಚಿಸುತ್ತದೆ. ಜೊತೆಗೆ ಅಲ್ಲಿನ ರಾಕ್ ಗಳು, ಕಂಟೇನರ್ಸ್, ಅಪ್ಲೈಯನ್ಸ್ ಮುಂತಾದವುಗಳ ಮೇಲೆ ಜಿಡ್ಡು, ಕಲೆಯನ್ನು ಕೂಡ ಉಂಟುಮಾಡುತ್ತದೆ. ಈ ಜಿಡ್ಡು ಕಲೆಗಳನ್ನು ಸಾಬೂನಿನಿಂದ ತೆಗೆಯುವುದು ಕಷ್ಟದ ಕೆಲಸ. ಇದಕ್ಕಾಗಿ ಗ್ರೀಸ್‌ ಕ್ಲೀನರ್ ಬಳಸಿ.
ಗ್ರಿಲ್ ಲಿಕ್ವಿಡ್‌ ಕ್ಲೀನರ್
ದೊಡ್ಡದಾದ ಮತ್ತು ತೆರೆದ ಜಾಗಗಳಲ್ಲಿ ಸ್ವಚ್ಛತೆಯ ಕೆಲಸ ಸುಲಭ. ಆದರೆ ಕಿಟಕಿ ಬಾಗಿಲುಗಳ ಗ್ರಿಲ್‌‌ಗಳನ್ನು ಚೊಕ್ಕಟಗೊಳಿಸುವುದೊಂದೇ ಕಷ್ಟದ ಕೆಲಸ. ಅದಕ್ಕಾಗಿ ನೀವು ಗ್ರಿಲ್ ಲಿಕ್ವಿಡ್‌ ಕ್ಲೀನರ್‌ನ್ನು ಬಳಸಬಹುದು.
ಮಾರ್ಬಲ್ ಕ್ಲೀನರ್
ಮಾರ್ಬಲ್ ಫ್ಲೋರಿಂಗ್‌ ಮೇಲೆ ಏನಾದರೂ ಕಲೆ ಆದರೆ ಅದನ್ನು ಹೋಗಲಾಡಿಸುವುದು ಸುಲಭವಲ್ಲ. ಮಾರುಕಟ್ಟೆಯಲ್ಲಿ ದೊರೆಯುವ ಮಾರ್ಬಲ್ ಕ್ಲೀನರ್ ನಿಮ್ಮನ್ನು ಈ ಕಷ್ಟದಿಂದ ಪಾರು ಮಾಡುತ್ತದೆ. ಕಲೆಯಾದ ಜಾಗದಲ್ಲಿ ಈ ಕ್ಲೀನರ್ ಹಾಕಿ ಕೊಂಚ ಹೊತ್ತು ಬಿಡಿ. ನಂತರ ಬ್ರಶ್‌ನಿಂದ ಅದನ್ನು ಸ್ವಚ್ಛಗೊಳಿಸಿ.
ಟೈಲ್ಸ್ ಕ್ಲೀನರ್
ಟೈಲ್ಸ್ ಗಳು ಬಹಳ ಬೇಗನೆ ಕೊಳೆಯಾಗುತ್ತವೆ. ಆದ್ದರಿಂದ ಟೈಲ್ಸ್ ನಲ್ಲಿ ಹೊಳಪು ತರಲು ಟೈಲ್ಸ್ ಕ್ಲೀನರ್ ಉಪಯೋಗಿಸಿ. ಬ್ರಾಸ್‌ ಕ್ಲೀನರ್
ಬಾಗಿಲು, ಕಿಟಕಿ, ಕ್ಯಾಬಿನೆಟ್‌ಗಳಿಗೆ ಬ್ರಾಸ್‌ ಹ್ಯಾಂಡಲ್ಸ್ ಅಳವಡಿಸಲಾಗಿರುತ್ತದೆ. ಕೆಲವು ಮನೆಗಳಲ್ಲಿ ನಲ್ಲಿ, ಶವರ್‌ ಕೂಡ ಬ್ರಾಸ್‌ನದಾಗಿರುತ್ತವೆ. ಇವು ಬಣ್ಣ ಕಳೆದುಕೊಂಡಾಗ ಮನೆಯ ಲುಕ್‌ ಹಾಳಾಗುತ್ತದೆ. ಆದ್ದರಿಂದ ಇವುಗಳನ್ನು ಸ್ವಚ್ಛಗೊಳಿಸಲು ಬ್ರಾಸ್‌ ಕ್ಲೀನರ್ ಬಳಸಿ.
ಎಲ್ಲ ಕಲೆಗಳಿಗೂ ಮುಕ್ತಿ
ಪ್ರತಿಯೊಂದು ವಸ್ತುವಿನ ಸ್ವಚ್ಛತೆಗೆ ಅದರದೇ ಕ್ಲೀನರ್‌ನ್ನು ಬಳಸಬೇಕಾದ ಅಗತ್ಯವಿಲ್ಲ. ಅಂದರೆ ಗಾಜಿನ ಸ್ವಚ್ಛತೆಗೆ ಗ್ಲಾಸ್‌ ಕ್ಲೀನರ್, ಟೈಲ್ಸ್ ಸ್ವಚ್ಛತೆಗೆ ಟೈಲ್ಸ್ ಕ್ಲೀನರ್ ಇತ್ಯಾದಿ. ನೀವು ಆಲ್ ಪರ್ಪಸ್‌ ಕ್ಲೀನರ್‌ನ್ನು ಕೊಂಡು ತಂದು ಎಲ್ಲ ಬಗೆಯ ಕಲೆಗಳನ್ನೂ ಒಮ್ಮೆಲೇ ನಿವಾರಿಸಿಕೊಳ್ಳಬಹುದು.
– ಸಿ. ಪೂರ್ಣಿಮಾ
