ಸುಂದರವಾಗಿ ಕಾಣಬೇಕೆನ್ನುವುದು ಪ್ರತಿಯೊಬ್ಬ ಮಹಿಳೆಯ ಕನಸಾಗಿರುತ್ತದೆ. ಅವರ ಈ ಕನಸನ್ನು ನನಸು ಮಾಡುವಲ್ಲಿ ಕೂದಲು ಪ್ರಮುಖ ಪಾತ್ರವಹಿಸುತ್ತದೆ. ಉದ್ದನೆಯ, ದಟ್ಟ, ಹೊಳೆಯುವ ಕೂದಲು ಪಡೆಯಬೇಕೆಂಬುದು ಮಹಿಳೆಯರ ಮನದಾಳದ ಬಯಕೆಯಾಗಿರುತ್ತದೆ. ಅಷ್ಟೇ ಅಲ್ಲ, ಎಷ್ಟೋ ಮಹಿಳೆಯರು ತಮ್ಮ ಕೂದಲನ್ನೇ ಆಭರಣವೆಂದು ಭಾವಿಸುತ್ತಾರೆ. ಆದರೆ ಎಷ್ಟೋ ದುಬಾರಿ ಉತ್ಪನ್ನಗಳನ್ನು ಉಪಯೋಗಿಸಿದ ಬಳಿಕ ಕೂದಲಿನ ಬಗ್ಗೆ ಅವರ ಒಂದಿಲ್ಲೊಂದು ದೂರು ಇದ್ದೇ ಇರುತ್ತವೆ.
ಮಹಿಳೆಯರ ಈ ಎಲ್ಲ ಸಮಸ್ಯೆಗಳ ಕುರಿತಂತೆ ಹೇರ್‌ ಎಕ್ಸ್ ಪರ್ಟ್‌ ಹಾಗೂ ಡರ್ಮೆಟಾಲಜಿ ಡಾ. ಮನೀಷ್‌ ಹೀಗೆ ಹೇಳುತ್ತಾರೆ, ``ಕೂದಲನ್ನು ಸುಂದರವಾಗಿ ಕಾಣಿಸುವ ಮುಂಚೆ ಅವನ್ನು ಆರೋಗ್ಯದಿಂದಿಡುವ ಬಗ್ಗೆ ಯೋಚಿಸಬೇಕು. ಶ್ಯಾಂಪೂ ಕೂದಲಿನ ಸ್ವಚ್ಛತೆಯ ಮುಖ್ಯ ಆಧಾರ. ಹೀಗಾಗಿ ಶ್ಯಾಂಪೂ ಆಯ್ಕೆ ಮತ್ತು ಅದರ ಸಮರ್ಪಕ ಬಳಕೆ ಕೂಡ ಇದರಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.''
ಕೂದಲಿನಲ್ಲಿ ಹೊಟ್ಟು ಇದ್ದರೆ ಅದಕ್ಕಾಗಿ ಮಾರುಕಟ್ಟೆಯಲ್ಲಿ ಆ್ಯಂಟಿ ಡ್ಯಾಂಡ್ರಫ್‌ ಮತ್ತು ಮೆಡಿಕಲ್ ಶ್ಯಾಂಪೂ ದೊರೆಯುತ್ತದೆ. ಶ್ಯಾಂಪೂ ಬಳಸುವವರು ಎಲ್ಲಕ್ಕೂ ವೊದಲು ತಿಳಿದುಕೊಳ್ಳಬೇಕಾದ ಮಹತ್ವದ ಸಂಗತಿಯೆಂದರೆ, ಶ್ಯಾಂಪೂವಿನ ಪಿ.ಎಚ್‌. ಅಥವಾ ಆ್ಯಸಿಡ್‌ ಸಮತೋಲನ ಅರಿಯಬೇಕು. ಅಂದಹಾಗೆ ಎಲ್ಲ ಶ್ಯಾಂಪೂಗಳ ಆ್ಯಸಿಡ್‌ ಸಮತೋಲನವಿರುತ್ತದೆ. ಆದರೆ ಕೆಲವು ಶ್ಯಾಂಪೂಗಳ ಪಿ.ಎಚ್‌. ಫ್ಯಾಕ್ಟರ್‌ ಅದರ ಆ್ಯಸಿಡ್‌ ಮತ್ತು ಅದರ ಆಲ್ಕೈನ್‌ ಡಿಗ್ರಿಯನ್ನು ಬಿಂಬಿಸುತ್ತದೆ. ಒಂದು ವೇಳೆ ಪಿ.ಎಚ್‌. ಫ್ಯಾಕ್ಟರ್‌ 5 ರಿಂದ 8.5ರ ನಡುವೆ ಇದ್ದರೆ, ಅದರ ಅಸಿಡಿಕ್‌ ಸಮತೋಲನ ಅಧಿಕವಾಗಿರುತ್ತದೆ ಮತ್ತು 8.5 ಅಥವಾ 11 ಡಿಗ್ರಿಗಿಂತ ಅಧಿಕ ಪಿಎಚ್‌ ಸಮತೋಲನ ಇರುನ ಶ್ಯಾಂಪೂವಿನಲ್ಲಿ ಆಲ್ಕೈನ್‌ ಬಹಳಷ್ಟು ಅಧಿಕವಾಗಿರುತ್ತದೆ. ಇಂತಹ ಶ್ಯಾಂಪೂ ಸಾಮಾನ್ಯ ಹಾಗೂ ಯಾವುದೇ ಪ್ರಕಾರದ ಬಣ್ಣ ಹಾಗೂ ಡೈ ಮಾಡಿದ ಕೂದಲಿಗೆ ಕಡಿಮೆ ಹಾನಿ ತಲುಪಿಸುತ್ತವೆ. ಏಕೆಂದರೆ ಈ ಶ್ಯಾಂಪೂ ಸೌಮ್ಯ ಪ್ರಕಾರದ್ದಾಗಿರುತ್ತದೆ. ಇಂತಹ ಶ್ಯಾಂಪೂ ಕೂದಲಿನ ಸ್ವಚ್ಛತೆಗಾಗಿ ಎಲ್ಲ ರೀತಿಯಲ್ಲೂ ಒಳ್ಳೆಯದೆಂದು ಭಾವಿಸಲಾಗುತ್ತದೆ. ಜೊತೆಗೆ ತಲೆಯ ತ್ವಚೆಗೂ ಇದು ಲಾಭಕರ. ಏಕೆಂದರೆ ಇದರಿಂದ ತ್ವಚೆಯಲ್ಲಿ ಹೊಟ್ಟು ಹಾಗೂ ತುರಿಕೆ ಉಂಟಾಗುವುದಿಲ್ಲ. ಅಗತ್ಯಕ್ಕಿಂತ ಹೆಚ್ಚು ನೊರೆ ಉತ್ಪನ್ನ ಮಾಡುವ ಶ್ಯಾಂಪೂವನ್ನು ಉತ್ತಮ ಶ್ಯಾಂಪೂ ಎಂದು ಪರಿಗಣಿಸಬಾರದು. ಕಡಿಮೆ ನೊರೆ ಉತ್ಪನ್ನ ಮಾಡುವ ಶ್ಯಾಂಪೂಗಳೇ ಉತ್ತಮ ಕೆಲಸ ಮಾಡುತ್ತವೆ. ಅಂದಹಾಗೆ ಎಲ್ಲಿ ಗಡಸು ನೀರು ಇರುತ್ತೊ, ಅಲ್ಲಿ ಶ್ಯಾಂಪೂಗಳು ಕಡಿಮೆ ನೊರೆ ಉತ್ಪನ್ನ ಮಾಡುತ್ತವೆ. ಇದರರ್ಥ ಶ್ಯಾಂಪೂ ಗುಣಮಟ್ಟ ಸರಿಯಿಲ್ಲ ಎಂದಲ್ಲ.
ಶ್ಯಾಂಪೂ ಬಳಕೆಯ ವಿಧಾನ ಮತ್ತು ಯಾವಾಗ ಬಳಸಬೇಕು ಎಂಬುದರ ಬಗ್ಗೆ ಕೂಡ ಗಮನಿಸಬೇಕು. ಶ್ಯಾಂಪೂ ಬಳಸುವ ಮುನ್ನ ಕೂದಲಿನ ಸಿಕ್ಕುಗಳನ್ನು ಸರಿಪಡಿಸಿಕೊಳ್ಳಿ. ಏಕೆಂದರೆ ಸಿಕ್ಕು ಇರುವ ಕೂದಲು ಸ್ನಾನ ಮಾಡುವಾಗ ಮತ್ತಷ್ಟು ಗಂಟುಗಂಟಾಗುತ್ತದೆ. ನಿಮ್ಮ ಕೂದಲು ಕಿರಿದಾಗಿದ್ದರೆ, ಶ್ಯಾಂಪೂ ಮಾಡುವ ಸಂದರ್ಭದಲ್ಲಿ ತಲೆಯನ್ನು ಮುಂಭಾಗದತ್ತ ಬಗ್ಗಿಸಿ ಕೂದಲು ತೊಳೆದುಕೊಳ್ಳಿ. ನಿಮ್ಮ ಕೂದಲು ಉದ್ದವಾಗಿದ್ದರೆ, ನೇರವಾಗಿ ನಿಂತು ತಲೆ ಹಾಗೂ ಕತ್ತನ್ನು ಹಿಂಭಾಗದತ್ತ ವಾಲಿಸಿ ಕೂದಲಿಗೆ ಶ್ಯಾಂಪೂ ಹಾಕುವುದು ಒಳ್ಳೆಯದು. ಶ್ಯಾಂಪೂ ಮಾಡುವ ಸರಿಯಾದ ವಿಧಾನವೆಂದರೆ ಮೊದಲು ಕೂದಲನ್ನು ಒದ್ದೆ ಮಾಡಿಕೊಳ್ಳಬೇಕು. ನಂತರ ಶ್ಯಾಂಪೂವನ್ನು ಅಂಗೈಯಲ್ಲಿ ಹಾಕಿಕೊಂಡು ಇನ್ನೊಂದು ಕೈನ ಬೆರಳುಗಳ ತುದಿಯಿಂದ ತಲೆಯ ಸಂಪೂರ್ಣ ತ್ವಚಿ ಮತ್ತು ಕೂದಲಿನ ಮೇಲೆ ಹಗುರವಾಗಿ ಉಜ್ಜಿ ಒಂದೇ ಸಲ ನೊರೆ ಬರುವಂತೆ ಮಾಡಿ ನಂತರ ಚೆನ್ನಾಗಿ ತೊಳೆಯಿರಿ.
