ಮದುವೆಯ ದಿನ ಎಲ್ಲರ ದೃಷ್ಟಿ ವಧುವಿನ ಶೃಂಗಾರದ ಮೇಲೆ ಇರುತ್ತದೆ. ಈ ವಿಶೇಷ ಸಂದರ್ಭಕ್ಕಾಗಿ ನಿಮ್ಮ ಅಲಂಕಾರ ಹೇಗಿರಬೇಕೆಂದರೆ ನೋಡುವವರು ರೆಪ್ಪೆ ಮಿಟುಕಿಸುವುದನ್ನು ಮರೆತುಬಿಡಬೇಕು.
ಮದುವೆಯ ದಿನದಂದು ಅತ್ಯಂತ ಸುಂದರವಾಗಿ ಕಾಣಿಸಿಕೊಳ್ಳುವ ಕನಸನ್ನು ಎಲ್ಲ ಹುಡುಗಿಯರೂ ಹೊಂದಿರುತ್ತಾರೆ. ವಧುವಿನ ಸಿಂಗಾರದಲ್ಲಿ ಯಾವುದೇ ಕೊರತೆ ಬಾರದಂತೆ ಬ್ರೈಡಲ್ ಮೇಕಪ್‌ ಹಾಗೂ ಹೇರ್ ಸ್ಟೈಲ್ ಹೇಗಿರಬೇಕೆಂದು ಮೇಕಪ್‌ ಎಕ್ಸ್ ಪರ್ಟ್‌ ರೀಟಾ ಇಲ್ಲಿ ತಿಳಿಸಿದ್ದಾರೆ.
ಬ್ರೈಡಲ್ ಮೇಕಪ್‌
ಫೇಸ್‌ ಕ್ಲೀನಿಂಗ್‌ : ಮುಖ ತೊಳೆಯಲು 3 ಹನಿ ಲ್ಯಾವೆಂಡರ್‌ ಆಯಿಲ್, 3 ಹನಿ ರೋಸ್‌ ಆಯಿಲ್, 2 ಹನಿ ಪಚೋರಿ ಆಯಿಲ್ ಮತ್ತು 2 ಹನಿ ಟೀ ಟ್ರೀ ಆಯಿಲ್ ನ್ನು ಸ್ಪ್ರೇ ಬಾಟಲ್ ನ ತಣ್ಣೀರಿನಲ್ಲಿ ಬೆರೆಸಿ ಮುಖಕ್ಕೆ ಸ್ಪ್ರೇ ಮಾಡಿ ಮತ್ತು ಸ್ವಲ್ಪ ಹೊತ್ತು ಒಣಗಲು ಬಿಡಿ. ಈಗ ಮುಖವನ್ನು ಡ್ರೈ ಟಿಶ್ಯೂ ಪೇಪರ್‌ ನಿಂದ ಒತ್ತಿ.
ಬೇಸ್ : ಸ್ಕೀನ್‌ ಟೋನ್‌ ಗೆ ಅನುಸಾರವಾಗಿಯೇ ಬೇಸ್ ತೆಗೆದುಕೊಳ್ಳಿ. ಬೇಸ್ ಎಫ್‌ ಎಸ್‌ 22 ಸ್ಪಂಜ್‌ ನಲ್ಲಿ ತೆಗೆದುಕೊಂಡು ಕಣ್ಣುಗಳ ಕೆಳಗೆ ಹಚ್ಚಲು ಶುರುಮಾಡಿ. ಈ ಬೇಸ್ ನಲ್ಲಿ ಐವರಿ ಶೇಡ್‌ ಬೆರೆಸಿ. ಇದರಿಂದ ಮುಖದಲ್ಲಿ ಬ್ರೈಟ್‌ ನೆಸ್‌ ಬರುತ್ತದೆ. ಈಗ ಬ್ರಶ್‌ ಸಹಾಯದಿಂದ ಮುಖದ ಮೇಲೆ ಬೇಸ್ ನ್ನು ಮರ್ಜ್‌ ಮಾಡಿ. ಮುಖದ ಮೇಲೆ ಯೆಲ್ಲೋ ಟೋನ್‌ ಕೊಡುವುದಿದ್ದರೆ ಜಿ 165ರ ಐವರಿ ಶೇಡ್‌ ಬೇಸ್ ನಲ್ಲಿ ಬೆರೆಸಿ.
ವಧುವಿನ ಮೇಕಪ್‌ ನಲ್ಲಿ ಹೆಚ್ಚು ಬ್ರೈಟ್‌ ನೆಸ್‌ ಗಾಗಿ ಬೇಸ್ ಬಿಳಿ 070ನ್ನು ಕೆನ್ನೆಗಳು, ಮೂಗು ಹಾಗೂ ಹಣೆಯ ಸ್ಪಂಜಿನಿಂದ ಹಚ್ಚಿದ ನಂತರ ಬ್ರಶ್‌ ನಿಂದ ಚೆನ್ನಾಗಿ ಮರ್ಜ್‌ ಮಾಡಿ. ಎಷ್ಟು ಚೆನ್ನಾಗಿ ಮರ್ಜ್‌ ಮಾಡುತ್ತೀರೋ, ಅಷ್ಟು ಚೆನ್ನಾಗಿ ಮುಖದಲ್ಲಿ ಕಾಂತಿ ಬರುತ್ತದೆ. ಈಗ ಪೌಡರ್‌ ಬ್ರಶ್‌ ನಿಂದ ಟ್ರಾನ್ಸ್ ಲ್ಯೂಶನ್‌ ಪೌಡರ್‌ ಹಚ್ಚಿ. ಈ ಪೌಡರ್‌ ನಲ್ಲಿ ಸ್ಕಿನ್‌ ಕಲರ್ ಹಾಗೂ ವೈಟ್‌ ಕಲರ್ ಎರಡನ್ನೂ ಸೇರಿಸಿ ಹಚ್ಚಿ. ಈಗ ಮುಖಕ್ಕೆ ವಾಟರ್‌ ಸ್ಪ್ರೇ ಮಾಡಿ ಮತ್ತು ಪಫ್‌ ನ ಸಹಾಯದಿಂದ ಮುಖವನ್ನು ಒಣಗಿಸಿ. ಬೇಸ್ ಪೂರ್ತಿಯಾದ ಮೇಲೆ ಕಣ್ಣುಗಳ ಮೇಕಪ್‌ ಶುರು ಮಾಡಿ.
ಐ ಮೇಕಪ್‌ : ಪಿಂಕ್ ಕಲರ್ ನ ಐ ಶ್ಯಾಡೋನಲ್ಲಿ ಸೀಲರ್‌ ಜೆಲ್ ನ 2 ಹನಿ ಐ ಬಾಲ್ ಮೇಲೆ ಹಚ್ಚಿ. ಇದರಲ್ಲಿ ಐ ಶ್ಯಾಡೋನ ಪೌಡರ್‌ ಪ್ರಾಡಕ್ಟ್ ಉಪಯೋಗಿಸಿ. ಶ್ಯಾಡೋನೊಂದಿಗೆ ಸೀಲರ್‌ ಹಚ್ಚುವುದರಿಂದ ಶ್ಯಾಡೋ ಬಹಳ ಹೊತ್ತು ಇರುತ್ತದೆ. ಮುಖದ ಮೇಲೆ ಪೌಡರ್‌ ಶ್ಯಾಡೋ ಬೀಳುವುದೂ ಇಲ್ಲ.
ಮಸ್ಕರಾ : ರೆಪ್ಪೆಗಳ ಮೇಲೆ ಜೆಲ್ ಬೇಸ್ ಮಸ್ಕರಾ ಹಚ್ಚಿ. ನಂತರ ಬ್ರಶ್‌ ನಿಂದ ರೆಪ್ಪೆಗಳನ್ನು ಉಜ್ಜಿ.
ಈಗ ಕಣ್ಣುಗಳ ಮೇಲೆ ಟೂ ವೇ ಜೆಲ್ ತೆಗೆದುಕೊಂಡು ಬ್ರಶ್‌ ನೊಂದಿಗೆ ಗೋಲ್ಡನ್‌ ಹೈಲೈಟರ್‌ ಹಚ್ಚಿ. ಇದನ್ನು ಬ್ರಶ್‌ ನಿಂದ ಚೆನ್ನಾಗಿ ಮರ್ಜ್‌ ಮಾಡಿ. ಈಗ ಐಬ್ರೋಗಳನ್ನು ಹೈಲೈಟ್‌ ಮಾಡಲು ಬ್ಲ್ಯಾಕ್‌ ಐ ಶ್ಯಾಡೋ ಬ್ರಶ್‌ ನಲ್ಲಿ ತೆಗೆದುಕೊಂಡು ಐ ಬ್ರೋಗಳ ಮೇಲೆ ಹಚ್ಚಿ. ಐ ಬಾಲ್ಸ್ ಗಳ ತುದಿಯಲ್ಲಿ ಗ್ರೀನ್‌ ಶ್ಯಾಡೋ ಹಚ್ಚಿ ಮತ್ತು ಚೆನ್ನಾಗಿ ಮರ್ಜ್‌ ಮಾಡಿ. ಪಿಂಕ್ ಮತ್ತು ಗ್ರೀನ್‌ಕಾಂಬಿನೇಶನ್‌ ಕಣ್ಣುಗಳಿಗೆ ಸುಂದರ ಲುಕ್‌ ಕೊಡುತ್ತದೆ. ಕಣ್ಣುಗಳನ್ನು ದೊಡ್ಡದಾಗಿ ಹಾಗೂ ಸುಂದರವಾಗಿ ಕಾಣುವಂತೆ ಮಾಡಲು ಕಣ್ಣುಗಳ ಮೇಲೆ ಜೆಲ್ ಕಾಜಲ್ ಬ್ರಶ್‌ಸಹಾಯದಿಂದ ಹಚ್ಚಿ. ಅದಕ್ಕೆ ಮ್ಯಾಕ್‌ ಕಂಪನಿಯ ಕಾಜಲ್ ಸರಿಯಾಗಿದ್ದು ಬಹಳ ಹೊತ್ತು ಇರುತ್ತದೆ.
ಈಗ ಪೀಕಾಕ್‌ ಕಲರ್ ಪೆನ್ಸಿಲ್ ನಿಂದ ಕೆಳಗಿನ ರೆಪ್ಪೆಗಳ ಮೇಲೆ ಒಂದು ಲೈನ್‌ ಹಾಕಿ. ಆ ಲೈನ್‌ ಕೆಳಗೆ ಗ್ರೀನ್‌ ಶ್ಯಾಡೋನಿಂದ ಒಂದು ಫೈನಲ್ ಲೈನ್‌ ಹಾಕಿ. ಸಣ್ಣ ಕಣ್ಣುಗಳನ್ನು ದೊಡ್ಡದಾಗಿ ತೋರಿಸಲು ಹೀಗೆ ಮಾಡಲಾಗುತ್ತದೆ.
ಈಗ ಮತ್ತೊಮ್ಮೆ ರೆಪ್ಪೆಗಳಿಗೆ ಮಸ್ಕರಾ ಹಚ್ಚಿ ಮತ್ತೆ ಐ ಲೈನರ್‌ ಹಚ್ಚಿ. ನಂತರ ರೆಪ್ಪೆಗಳ ಮೇಲೆ ಸಿಲ್ವರ್‌ ಟೂ ವೇ ಜೆಲ್ ಸಿಮರ್ ನ ವಿಓವಿಯ ಗ್ಲಿಟರ್‌ ಹಚ್ಚಿ. ಇದರಲ್ಲಿ ಮಲ್ಟಿ ಕಲರ್ ನ ಸ್ಪಾರ್ಕ್ಸ್‌ ಇರುತ್ತವೆ. ಕಣ್ಣುಗಳ ಗಂಟನ್ನು ಬಿಡಿಸಿ ಸಿಲ್ವರ್‌ ಗ್ರೇ ಕಲರ್ ನಿಂದ ಹೈಲೈಟ್‌ ಮಾಡಿ. 1ಋ1 ಆಭರಣಗಳನ್ನು ಕಣ್ಣುಗಳ ಗಂಟುಗಳಿಗೆ ಸಿಕ್ಕಿಸಿ.
ಬ್ಲಶರ್‌ : ಚೀಕ್ಸ್ ಬೋನ್‌ ಮೇಲೆ ಪಿಂಕ್ ಕಲರ್ ನ್ನು ಬ್ಲಶರ್‌ ಬ್ರಶ್‌ ಸಹಾಯದಿಂದ ಹಚ್ಚಿ. ಹಣೆ, ಗದ್ದನ್ನು ಹೈಲೈಟ್‌ ಮಾಡಲೂ ಸಹ ಬ್ಲಶರ್‌ ಹಚ್ಚಿ. ಮುಖದ ಮೇಕಪ್‌ ಮಾಡಿದ ನಂತರ ಡ್ರೆಸ್‌ ಗೆ ಹೊಂದುವ ಬಿಂದಿ ಇಟ್ಟುಕೊಳ್ಳಿ. ಐ ಬ್ರೋಸ್‌ ನ ಮೇಲಿನ ತುದಿಗಳಲ್ಲಿ ಒಡವೆಗಳಿರುವ ಬಿಂದಿ ಅಥವಾ ಡ್ರೆಸ್‌ ನೊಂದಿಗೆ ಮ್ಯಾಚ್‌ ಆಗುವ ಕಲರ್ ಸ್ಟೋನ್‌ ಕೂಡ ಹಾಕಬಹುದು. ಪಿಂಕ್ ಕಲರ್ ನ ಲಿಪ್‌ ಸ್ಟಿಕ್‌ ಐ ಶ್ಯಾಡೋನಿಂದಲೇ ಹಚ್ಚಿ. ಅದರಲ್ಲಿ ಸೀಲರ್‌ ನೊಂದಿಗೆ ಗ್ಲಿಟರ್‌ ಹಚ್ಚಿ.
ಬ್ರೈಡಲ್ ಹೇರ್ ಸ್ಟೈಲ್
ಮೇಕಪ್‌ ಮಾಡಿದ ನಂತರ ವಧುವಿನ ಹೇರ್ ಸ್ಟೈಲ್ ಕೊಂಚ ವಿಶೇಷವಾಗಿದ್ದರಂತೂ ಕೇಳುವುದೇ ಬೇಡ.
ಹೈ ಬನ್‌ ಸಣ್ಣ ಜಡೆ : ಮಧ್ಯೆ ಬೈತಲೆ ತೆಗೆದು ಇಯರ್‌ ಟು ಇಯರ್‌ ಕೂದಲಿನ ಒಂದು ಭಾಗ ಮಾಡಿ. ಹಿಂದಿನ ಕೂದಲಿನಲ್ಲಿ ಒಂದು ಎತ್ತರದ ಪೋನಿ ಮಾಡಿ. ಪೋನಿಯ ಮೇಲ್ಭಾಗದಿಂದ ಒಂದು ಮುಂಗುರುಳು ತೆಗೆದುಕೊಂಡು ಸ್ಪ್ರೇ ಮಾಡಿ ಮತ್ತು ಅದರ ಕೆಳಗೆ ಆರ್ಟಿಫಿಶಿಯಲ್ ಜಡೆ ಪಿನ್ ನಿಂದ ಸೆಟ್‌ ಮಾಡಿ. ಉಳಿದ ಕೂದಲನ್ನು ಪೋನಿಯಲ್ಲೇ ಸಿಕ್ಕಿಸಿ. ಪೋನಿಯಿಂದ ತೂಗಾಡುವ 2 ಮುಂಗುರುಳನ್ನು ತೆಗೆದುಕೊಂಡು ಖರ್ಜೂರದಂತೆ ಗಂಟು ಹಾಕಿ.
ಮೇಲಿನ ಅರ್ಧ ಕೂದಲನ್ನು 3 ಭಾಗ ಮಾಡಿ ಒಂದೊಂದಾಗಿ ಎಲ್ಲ ಭಾಗಗಳನ್ನೂ ಬ್ಯಾಕ್‌ ಕೂಂಬಿಂಗ್‌ ಮಾಡಿ ಹೇರ್ ಸ್ಪ್ರೇ ಮಾಡಿ. ಈ ಕೂದಲನ್ನು ಮುಂದಿನಿಂದ ಎತ್ತರದ ಜಡೆ ಹಾಕಿ. ಉಳಿದ ಕೂದಲಿನ ತುದಿಗಳನ್ನು ಒಳಗಿನ ಕಡೆಗೆ ತಿರುಗಿಸಿ ಪಿನ್ ಹಾಕಿ. ಈಗ ಉಳಿದಿರುವ ಮಧ್ಯಭಾಗದ ಕೂದಲನ್ನು `ಡಿ’ ಕಟ್‌ ನಲ್ಲಿ ತೆಗೆದುಕೊಳ್ಳಿ. ಈ ಕೂದಲನ್ನು ಜಿಗ್‌ ಜ್ಯಾಗ್‌ ಸ್ಟೈಲ್ ನಲ್ಲಿ ಎಲ್ಲ ಕೂದಲಿನ ತುದಿಗಳನ್ನು ಸಿಂಗಲ್ ಟ್ವಿಸ್ಟಿಂಗ್‌ ಮಾಡಿ ಅದನ್ನು ಟಾಪ್‌ ಜಡೆಯಲ್ಲಿ ತೆಗೆದುಕೊಂಡು ಡಿಸೈನ್‌ ಮಾಡಿ.
ಎಡಗಡೆ ಮುಂದಿನ ಕೂದಲನ್ನು ಬಾಕ್ಸ್ ಏರಿಯಾದಲ್ಲಿ ತೆಗೆದುಕೊಂಡು ಚಿಕ್ಕ ಚಿಕ್ಕ ಗಂಟುಗಳನ್ನಾಗಿ ಮಾಡಿ. ಈಗ ಎರಡನೇ ಬಾಕ್ಸ್ ಏರಿಯಾದಲ್ಲಿ ತೆಗೆದುಕೊಂಡು ಚಿಕ್ಕ ಚಿಕ್ಕ ಗಂಟುಗಳನ್ನಾಗಿ ಮಾಡಿ. ಈಗ ಎರಡನೇ ಬಾಕ್ಸ್ ಏರಿಯಾ ತೆಗೆದುಕೊಳ್ಳಿ. ಮೊದಲ ಗಂಟನ್ನು ಎರಡನೇ ಗಂಟಿಗೆ ಸೇರಿಸಿ ಅದನ್ನು ಟಾಪ್‌ ಜಡೆಯಲ್ಲಿ ತೆಗೆದುಕೊಂಡು ಡಿಸೈನ್‌ ಮಾಡಿ. ಹೀಗೆಯೇ 4 ಮುಂಗುರುಳು ಮಾಡಿ. ಕೊನೆಯ ಮುಂಗುರುಳನ್ನು ಜಡೆಯಲ್ಲಿ ಸೆಟ್‌ ಮಾಡಿ. ಈಗ ಮುಂದೆ ಉಳಿದಿರುವ ಕೂದಲಿಂದ ಗಂಟು ಕಟ್ಟಿ ಮತ್ತು ರೋಲರ್‌ ಮೆಷಿನ್‌ ನಿಂದ ರೋಲ್ ಮಾಡಿ. ಈಗ ಗಂಟನ್ನು ಕೊಂಚ ಕೊಂಚ ಬಿಚ್ಚಿ ಬ್ರಶ್‌ ಮಾಡಿ. ನಿಧಾನವಾಗಿ ಇಡೀ ಗಂಟನ್ನು ಪೂರ್ತಿಯಾಗಿ ಬಿಚ್ಚಿ ಬ್ರಶ್‌ ಮಾಡಿ. ನಂತರ ಬ್ಯಾಕ್‌ ಕೂಂಬಿಂಗ್‌ ಮಾಡಿ ಹೇರ್ ಸ್ಪ್ರೇ ಮಾಡಿ. ಹೀಗೆಯೇ ಹಿಂದಿನ ಕೂದಲಿಗೂ ಮಾಡಿ.
ಹಿಂದಿನ ಕೂದಲಿನ ಒಂದೊಂದು ಕುಚ್ಚನ್ನು ಟ್ವಿಸ್ಟ್ ಮಾಡಿ ಮತ್ತು ಕರ್ಲ್ ಮಾಡಿದ ಕೂದಲನ್ನು ಮೇಲಿನ ಜಡೆಯಲ್ಲಿ ಪಿನ್ ಸಹಾಯದಿಂದ ಸೆಟ್‌ ಮಾಡಿ. ಈಗ ಎಲ್ಲ ಕೂದಲಿಗೂ ಸ್ಪ್ರೇ ಮಾಡಿ. ಇವನ್ನು ಹೇರ್ ಆ್ಯಕ್ಸೆಸರೀಸ್‌ ಗಳಿಂದ ಅಲಂಕರಿಸಿ. ನಂತರ ವಧುವಿಗೆ ಆಭರಣಗಳನ್ನು ತೊಡಿಸಿ. ವಧುವಿನ ಸೌಂದರ್ಯ ದ್ವಿಗುಣವಾಗುವುದು.
– ಸುಶೀಲಾ ರಾವ್
