ಮಳೆಗಾಲದಲ್ಲಿ ಕೂದಲು ಮತ್ತೆ ಮತ್ತೆ ನೀರಿನಲ್ಲಿ ನೆನೆಯುವುದರಿಂದ ಅದು ಅಂಟಂಟಾಗಿ, ಸಿಕ್ಕಾಗಿ, ಉದುರಿ ಅನೇಕ ಸಮಸ್ಯೆಗಳನ್ನು ತಂದೊಡ್ಡುತ್ತದೆ. ಈ ಸೀಸನ್‌ ಎಲ್ಲಾ ಬಗೆಯ ಕೂದಲಿನವರಿಗೂ ಸಮಸ್ಯೆ ಎನಿಸಿದೆ. ಅದರಲ್ಲೂ ಆಯ್ಲಿ ಹೇರ್‌ನವರಿಗೆ ಈ ಸಮಸ್ಯೆ ಇನ್ನೂ ಜಾಸ್ತಿ. ಆಯ್ಲಿ ಹೇರ್‌ ಪರಿಸರದ ಕೊಳೆ, ಮಾಲಿನ್ಯಗಳನ್ನು ಸುಲಭವಾಗಿ ಆಕರ್ಷಿಸುತ್ತದೆ. ಈ ಕಾರಣಗಳಿಂದ ಕೂದಲು ಉದುರತೊಡಗುತ್ತದೆ.
ಮಳೆಗಾಲದಲ್ಲಿ ಕೂದಲು ಆಗಾಗ ಒದ್ದೆ ಆಗುತ್ತದೆ. ಮಳೆಯ ಹನಿಗಳಲ್ಲಿನ ಮಾಲಿನ್ಯ ಮತ್ತು ಆ್ಯಸಿಡ್‌ ಬೆರೆತ ನೀರು ಕೂದಲಿಗೆ ಹಾನಿ ಮಾಡುತ್ತದೆ. ಆದ್ದರಿಂದ ಸಾಧ್ಯವಿದ್ದಷ್ಟು ಮಳೆಯಲ್ಲಿ ನೆನೆಯಬೇಡಿ. ಹಾಗೂ ನೆನೆದರೆ, ಮನೆಗೆ ಹೋದ ತಕ್ಷಣ ತುಸು ಉಗುರು ಬೆಚ್ಚಗಿನ ನೀರಿನಲ್ಲಿ ಕೂದಲನ್ನು ತೊಳೆದು, ಒಣಗಿಸಿ. ಈ ಸೀಸನ್‌ನಲ್ಲಿ ಯಾವುದೇ ಬಗೆಯ ಹೇರ್‌ ಜೆಲ್‌ ಅಥವಾ ಹೇರ್‌ ಸ್ಟೈಲಿಂಗ್‌ ಪ್ರಾಡಕ್ಟ್ಸ್ ಬಳಸಲೇಬೇಡಿ. ಈ ಸಂದರ್ಭದಲ್ಲಿ ಕೆಮಿಕಲ್ ಫ್ರೀ ಹೇರ್‌ ಪ್ರಾಡಕ್ಟ್ಸ್ ಉಪಯೋಗಿಸಬೇಕು. ನಿಯಮಿತ ಕಂಡೀಶನಿಂಗ್‌ ಮತ್ತು ಶ್ಯಾಂಪೂನಿಂದ ನೆತ್ತಿಯ ಚರ್ಮದಿಂದ ಹೆಚ್ಚುವರಿ ತೈಲಾಂಶ ಹೋಗಿಬಿಡುತ್ತದೆ, ಇದರಿಂದ ಕೂದಲು ಡ್ರೈ ಆಗಿ ಉದುರತೊಡಗುತ್ತದೆ.
ಸ್ವಸ್ಥ ಕೂದಲು ಪಡೆಯಲಿಕ್ಕಾಗಿ, ಹಳೆಯ ಕಾಲದ ಹೇರ್‌ ರೊಟೀನ್‌ ಬಿಟ್ಟು, ಹೊಸ ರೊಟೀನ್‌ ಫಾಲೋ ಮಾಡಬೇಕು. ಅದು ಯಾವುವೆಂದರೆ :
– ನೀವು ಪ್ರತಿದಿನ ಶ್ಯಾಂಪೂ ಬಳಸುತ್ತೀರಾದರೆ, ಮೈಲ್ಡ್ ಶ್ಯಾಂಪೂ ಮಾತ್ರ ಬಳಸಿರಿ. ಇದರಿಂದ ತಲೆಹೊಟ್ಟಿನ ಸಮಸ್ಯೆ ಹೆಚ್ಚುತ್ತದೆ. ಆದರೆ ಮಳೆಯ ಕಾರಣದಿಂದ ಕೂದಲು ಒದ್ದೆಮುದ್ದೆ ಆಗಿಹೋಗುತ್ತದೆ. ಹೀಗಾಗಿ ವಾರಕ್ಕೆ 2-3 ಸಲ ಮಾತ್ರ ಶ್ಯಾಂಪೂ ಬಳಸಿ ಸ್ನಾನ ಮಾಡಿ.
– ಸ್ಮೂಥ್‌ ಕೆರಾಟಿನ್‌ಯುಕ್ತ ಶ್ಯಾಂಪೂ ಈ ಸೀಸನ್‌ನಲ್ಲಿ ಹೆಚ್ಚು ಲಾಭದಾಯಕ. ಇದರಿಂದ ಕೂದಲು ಶುಭ್ರ, ಸ್ವಚ್ಛ, ಸಿಲ್ಕಿ, ದಟ್ಟವಾಗಿ ಹೊಳೆಹೊಳೆಯ ತೊಡಗುತ್ತದೆ. ಕೆರಾಟಿನ್‌ ಕೂದಲಿಗೆ ಪೋಷಣೆ ನೀಡುತ್ತದೆ, ಇದರಿಂದ ಅದು ಸಿಕ್ಕಾವುಗುದಿಲ್ಲ. ಇಷ್ಟು ಮಾತ್ರವಲ್ಲದೆ ಕೂದಲಿನ ಕಂಡೀಶನಿಂಗ್‌, ಸೀರಮ್ ಅಳವಡಿಕೆ ಇತ್ಯಾದಿ ಲಾಭದಾಯಕ.
– ಶ್ಯಾಂಪೂ ಮಾಡಿದ ನಂತರ ಕೂದಲಿಗೆ ಮಾಸ್ಕ್ ಹಚ್ಚಬೇಕಾದುದು ಅನಿವಾರ್ಯ. ನಿಮ್ಮ ಕೂದಲು ಫಿಝಿ ಎನಿಸಿದ್ದರೆ, ಆ್ಯಂಟಿಫಿಝಿ ಮಾಸ್ಕ್ ಬಳಸಬೇಕು. ಮಾಸ್ಕನ್ನು ಬಹಳ ಹೊತ್ತು ಹಾಗೆಯೇ ಧರಿಸಿರಬಾರದು. ಇಲ್ಲದಿದ್ದರೆ, ನಿಮ್ಮ ಕೂದಲು ಜಿಡ್ಡು ಜಿಡ್ಡಾಗುತ್ತದೆ. ಕೇವಲ 5-6 ನಿಮಿಷ ಧರಿಸಿದ್ದರೆ ಸಾಕು.
– ಮಳೆಗಾಲದಲ್ಲೂ ಕೂದಲಿಗೆ ಕೊಬ್ಬರಿ ಎಣ್ಣೆ ಹಚ್ಚುವುದು ಒಳ್ಳೆಯವುದು. ಜೊತೆಗೆ ಕೆಲವು ಹನಿ ಹಿಪ್ಪೆ ಎಣ್ಣೆ (ಆಲಿವ್ ಆಯಿಲ್) ಬೆರೆಸಿದ್ದರೆ ಇನ್ನೂ ಉತ್ತಮ. ಇದು ಕೂದಲಿಗೆ ಹೆಚ್ಚಿನ ಪೋಷಣೆ ಒದಗಿಸುತ್ತದೆ. ಶ್ಯಾಂಪೂ ಮಾಡಿಕೊಳ್ಳುವ ಮುನ್ನ ವಾರದಲ್ಲಿ 1-2 ಸಲ ಈ ಎಣ್ಣೆಯನ್ನು ತುಸು ಬೆಚ್ಚಗೆ ಮಾಡಿ ಕೂದಲಿನ ಬುಡಕ್ಕೆ ಹಚ್ಚಿರಿ. ಸಮಯದ ಕೊರತೆ ಎನಿಸಿದರೆ 5 ನಿಮಿಷದಿಂದ ಅರ್ಧ ಗಂಟೆವರೆಗೂ ನಿಧಾನವಾಗಿ ತಲೆಗೂದಲಲ್ಲಿ ಮಸಾಜ್‌ ಮಾಡುವುದರಿಂದ, ಬೆಚ್ಚಗಿನ ನೀರಲ್ಲಿ ಅದ್ದಿಹಿಂಡಿದ ಟರ್ಕಿ ಟವೆಲ‌ನ್ನು ತಲೆಗೆ ಬಿಗಿಯಾಗಿ ಸುತ್ತಿಕೊಳ್ಳಿ. ಶ್ಯಾಂಪೂ ನಂತರ ಕೂದಲನ್ನು ಡ್ರೈಯರ್‌ನಿಂದ ಒಣಗಿಸಿ, ಆಗ ಕೂದಲು ಹೊಳೆ ಹೊಳೆಯತೊಡಗುತ್ತದೆ.
– ಕೂದಲು ಒದ್ದೆ ಆಗಿರುವಾಗ ಎಂದೂ ಕಟ್ಟಲು ಹೋಗಬೇಡಿ. ದೊಡ್ಡ ಹಲ್ಲುಗಳಿರುವ ಬಾಚಣಿಗೆಯಿಂದ ಚೆನ್ನಾಗಿ ಬಾಚಿ ಸಿಕ್ಕು ಬಿಡಿಸಿ. ಆರೋಗ್ಯಕರ ಕೂದಲಿಗಾಗಿ ಅಧಿಕ ಪ್ರಮಾಣದಲ್ಲಿ ಪ್ರೋಟೀನ್‌ ಸೇವಿಸಿ. ನೀವು ಸಸ್ಯಾಹಾರಿಗಳಾಗಿದ್ದರೆ ಹಸಿರು ತರಕಾರಿ, ಸೊಪ್ಪು, ದ್ವಿದಳ ಧಾನ್ಯಗಳು, ಲೋ ಫ್ಯಾಟ್‌ ಡೇರಿ ಪ್ರಾಡಕ್ಟ್ಸ್ ಇತ್ಯಾದಿ ಸೇವಿಸುತ್ತಿರಿ. ಮಾಂಸಾಹಾರಿಗಳಾದರೆ ಮೊಟ್ಟೆ, ಮೀನು, ವೈಟ್‌ ಮೀಟ್‌ ಹೆಚ್ಚಾಗಿ ಸೇವಿಸಿ. ಕೆಲಸಕ್ಕೆ ಹೋಗುವಾಗಲೂ ಬ್ಯಾಗ್‌ನಲ್ಲಿ ಅಗತ್ಯ ಟವೆಲ್‌ ಇರಿಸಿಕೊಳ್ಳಿ. ನೆನೆದಾಗೆಲ್ಲ ತಕ್ಷಣ ಒರೆಸಿಕೊಳ್ಳಲು ಇದು ಬೇಕು. ಮಧ್ಯೆ ಮಧ್ಯೆ ಹೇರ್‌ ಕಟ್‌ ಮಾಡಿಸಿ.
– ಮಳೆಗಾಲದಲ್ಲಿ ಕೂದಲಿಗೆ ಅಗತ್ಯ ಪ್ರೋಟೀನ್‌ ಟ್ರೀಟ್‌ಮೆಂಟ್‌ ಕೊಡಿಸಿ. ಮೊಟ್ಟೆ, ಜೇನು, ಮೊಸರಿನ ಪ್ಯಾಕ್‌ನಿಂದ ಕೂದಲಿಗೆ ಹೆಚ್ಚು ಲಾಭವಿದೆ. ಅದನ್ನು ಹೀಗೆ ತಯಾರಿಸಿ :
2 ಮೊಟ್ಟೆ ಒಡೆದು ಗೊಟಾಯಿಸಿ. ಇದಕ್ಕೆ 3-4 ಚಮಚ ಗಟ್ಟಿ ಮೊಸರು ಬೆರೆಸಿ. ಅರ್ಧ ನಿಂಬೆಹಣ್ಣು ಹಿಂಡಿಕೊಂಡು, ಅರ್ಧ ಚಮಚ ಜೇನು ಬೆರೆಸಿ. ಇದನ್ನು ಕೂದಲಿನ ಬುಡಕ್ಕೆ ಸವರಿ ಚೆನ್ನಾಗಿ ಮಸಾಜ್‌ ಮಾಡಿ. ಆಮೇಲೆ ಅರ್ಧ ಗಂಟೆ ಬಿಟ್ಟು ಬೆಚ್ಚನೆ ನೀರಿನಿಂದ ತಲೆ ತೊಳೆಯಿರಿ.
– ಬೆಚ್ಚಗಿನ ನೀರಿಗೆ 2 ಚಮಚ ವಿನಿಗರ್‌ ಬೆರೆಸಿ ಕೂದಲಿಗೆ ಹಚ್ಚುವುದರಿಂದ ಅದಕ್ಕೆ ಹೆಚ್ಚಿನ ಹೊಳಪು ಬರುತ್ತದೆ, ಜೊತೆಗೆ ವಾಲ್ಯೂಂ ಕೂಡ ಹೆಚ್ಚುತ್ತದೆ.
– ಜಿ. ಸುಮಾ
ಕೇರ್‌ ಆಫ್‌ ಕಲರ್ಡ್‌ ಹೇರ್‌
– ಕೂದಲು ಒದ್ದೆ ಆಗಿರುವಾಗ ಮತ್ತೆ ಹೊರಗೆ ಹೋಗಬೇಡಿ. ಆ ಕಾರಣ ಕ್ಯುಟಿಕಲ್ಸ್ ಓಪನ್‌ ಆಗಿರುತ್ತವೆ, ಹೊರಗಿನ ಮಾಲಿನ್ಯದ ಕಾರಣ ಹಲವು ಬಗೆಯ ಮಿನರಲ್ಸ್ ಅಂದ್ರೆ ಸಲ್ಫೇಟ್‌, ಫಾಸ್ಛರಸ್‌, ಪೊಟ್ಯಾಶಿಯಂ, ಸೋಡಿಯಂ ಇತ್ಯಾದಿ ತೇವಕ್ಕೆ ಸಿಲುಕಿ ಕೂದಲನ್ನು ದುರ್ಬಲ ಮಾಡುತ್ತವೆ. ಇದರಿಂದ ಕಲರ್‌ ಫೇಡ್‌ ಆಗುತ್ತದೆ.
– ಹೇರ್‌ ವಾಶ್‌ ಮಾಡಿದ ಮೇಲೆ, ಕೂದಲಿಗೆ ಅಗತ್ಯ ಸೀರಮ್ ಹಚ್ಚಬೇಕು. ಹೀಗೆ ಮಾಡುವುದರಿಂದ ಕ್ಯುಟಿಕಲ್ಸ್ ಕ್ಲೋಸ್‌ ಆಗುತ್ತವೆ. ಜೊತೆಗೆ ಕೂದಲು ಸಾಫ್ಟ್ ಸಿಲ್ಕಿ ಆಗುತ್ತದೆ. ಇಷ್ಟು ಮಾತ್ರವಲ್ಲದೆ, ಸೀರಮ್ ಬಳಕೆಯಿಂದ ಕಲರ್‌ನಲ್ಲಿ ಶೈನ್‌ ಕೂಡ ಹೆಚ್ಚುತ್ತದೆ.
– ನೀವು ಗಾರ್ಜಿಯಸ್‌ ಲುಕ್ಸ್ ಗಾಗಿ ಕೂದಲಿಗೆ ಕಲರ್‌ ಮಾಡಬೇಕೆಂದು ಯೋಚಿಸುತ್ತಿದ್ದರೆ ಅಥವಾ ಕಲರ್‌ ಚೇಂಜ್‌ ಬಯಸಿದರೆ, ಸ್ವಲ್ಪ ನಿಲ್ಲಿ. ಏಕೆಂದರೆ ಈ ಮಳೆಗಾಲದಲ್ಲಿ ಕಲರ್‌ ಬೇಗ ಫೇಡ್‌ ಆಗುವ ಸಂಭವವಿದೆ.
– ಕೂದಲಿಗೆ ಹೆಚ್ಚಿನ ಪೋಷಣೆ ಒದಗಿಸಲು, ವಾರದಲ್ಲಿ 1 ಸಲ ಹೇರ್‌ ಮಾಸ್ಕ್ ಹಾಕಿಕೊಳ್ಳಿ. ಇದಕ್ಕಾಗಿ ತಾಜಾ ಬೇವಿನ ಎಲೆಗಳನ್ನು ಅರೆದು ಅದಕ್ಕೆ ಮೆಯೋನೀಜ್‌, ಮೊಟ್ಟೆ ಬೆರೆಸಿ ತಲೆಗೂದಲಿಗೆ ಬುಡದವರೆಗೂ ತಿಕ್ಕಬೇಕು. 1-2 ಗಂಟೆ ಬಿಟ್ಟು ಬೆಚ್ಚನೆ ನೀರಿನಿಂದ ತೊಳೆಯಿರಿ. ಈ ಮಾಸ್ಕ್ ನಲ್ಲಿನ ಬೇವಿನ ಆ್ಯಂಟಿಸೆಪ್ಟಿಕ್‌ ಗುಣ, ನಿಮ್ಮ ಕೂದಲನ್ನು ಎಲ್ಲಾ ಸೋಂಕಿನಿಂದಲೂ ರಕ್ಷಿಸುತ್ತದೆ. ಮೊಟ್ಟೆಯ ಪ್ರೋಟೀನ್‌ನಿಂದಾಗಿ ಕೂದಲು ಸಶಕ್ತಗೊಳ್ಳುತ್ತದೆ, ಜೊತೆಗೆ ಕಲರ್‌ ಕೂಡ ಬಾಳಿಕೆ ಬರುತ್ತದೆ. ಮೆಯೋನೀಜ್‌ ಉತ್ತಮ ಹೊಳಪಿಗೆ ಕಾರಣವಾಗಿದೆ.
– ನಿಮ್ಮ ಕಲರ್‌ನ್ನು ಸ್ಟೈಲಿಶ್‌ಗೊಳಿಸಲು, ವಿವಿಧ ಹೇರ್‌ಸ್ಟೈಲ್ ಫಾಲೋ ಮಾಡಿ. ಸ್ಟೈಲಿಶ್‌ ಫ್ಯಾಷನೆಬಲ್ ಬ್ರೆಡ್ಸ್ ಮಧ್ಯೆ ಕಲರ್‌ಫುಲ್ ಸ್ಟ್ರಾಂಡ್ಸ್ ಬ್ಯೂಟಿಫುಲ್ ಎನಿಸುತ್ತದೆ. ಜೊತೆಗೆ ಮ್ಯಾಸಿ ಸೈಡ್‌ ಲೋ ಬನ್‌ ಸಹ ಮಾಡಿಕೊಳ್ಳಬಹುದು. ಆದಷ್ಟೂ ಮೇಕಪ್‌ ಲುಕ್ಸ್ ಗಿಂತ ನ್ಯಾಚುರಲ್ ಲುಕ್ಸ್ ಗೇ ಪ್ರಾಧಾನ್ಯತೆ ಕೊಡಿ, ಸಹಜ ಸೌಂದರ್ಯ ನಿಮ್ಮದಾಗುತ್ತದೆ.
