ಚಳಿಗಾಲ ಬಂದಾಗ ಮೈ ಕಾಯಿಸಿಕೊಳ್ಳುವುದು ಮತ್ತು ಮಂಜಿನಲ್ಲಿ ಬಾಯಿಂದ ಹೊಗೆಯ ಉಂಗುರಗಳನ್ನು ಬಿಡುವ ಆಸೆಯಾಗುತ್ತದೆ. ಆದರೆ ಒಮ್ಮೊಮ್ಮೆ ಈ ಮೋಜು ತ್ವಚೆಗೆ ಘಾತಕವಾಗುತ್ತದೆ.
ಖ್ಯಾತ ಡರ್ಮಟಾಲಜಿಸ್ಟ್ ಡಾ. ಅರುಣಾ ಹೀಗೆ ಹೇಳುತ್ತಾರೆ, “ಒಮ್ಮೊಮ್ಮೆ ಮಹಿಳೆಯರು ಚಳಿಗಾಲದಲ್ಲಿ ಟ್ಯಾನಿಂಗ್ ಆಗುವುದಿಲ್ಲ ಎಂದುಕೊಂಡು ಮೋಸ ಹೋಗುತ್ತಾರೆ. ಅದು ತಪ್ಪು ಕಲ್ಪನೆ. ಈ ಸೀಸನ್‌ನಲ್ಲಿ ಬಿಸಿಲಿನೊಂದಿಗೆ ಮಂಜು ಸಹ ತ್ವಚೆಯನ್ನು ಟ್ಯಾನ್ ಮಾಡಿಬಿಡುತ್ತದೆ.” ಮಂಜಿನಿಂದ ತಂಪಾಗುತ್ತದೆ. ತಂಪಿನಿಂದ ಬಣ್ಣ ಹೊಳೆಯುತ್ತದೆ. ಆದರೆ ಟ್ಯಾನಿಂಗ್ ಹೇಗೆ ಆಗುತ್ತದೆ ಎಂದು ನಿಮ್ಮ ತಲೆಯಲ್ಲಿ ಪ್ರಶ್ನೆಗಳು ಏಳುತ್ತಿರಬಹುದು. ಈ ಗೊಂದಲವನ್ನು ಪರಿಹರಿಸುತ್ತಾ ಡಾ. ಅರುಣಾ ಹೀಗೆ ಹೇಳುತ್ತಾರೆ, “ ಯುವಿ ಎ ಮತ್ತು ಯುವಿ ಬಿ ಎಂಬ ಎರಡು ರೀತಿಯ ಕಿರಣಗಳಿರುತ್ತವೆ. ಮಹಿಯರಿಗೆ ಸಾಧಾರಣವಾಗಿ ಯುವಿ ಬಿ ಕಿರಣಗಳ ಬಗ್ಗೆ ತಿಳಿದಿರುತ್ತದೆ. ಅವು ಸೂರ್ಯನ ಕಿರಣಗಳಿಂದ ಬಂದಿರುತ್ತವೆಂದು ಗೊತ್ತು. ಆದರೆ ಮೋಡ, ಮಂಜು ಮತ್ತು ಗಾಡಿಯ ಗಾಜುಗಳಿಂದ ತೂರಿಬರುವ ಯುವಿ ಎ ಕಿರಣಗಳು ತ್ವಚೆಯನ್ನು ಟ್ಯಾನ್ ಮಾಡಿಬಿಡುತ್ತವೆ”.ಕೊಂಚ ಯೋಚಿಸಿ, ನೀವು ಚಳಿಯ ಮೋಜು ಸವಿಯಲು ಸನ್ಸ್ಕ್ರೀನ್ ಹಾಗೂ ಹೊದಿಕೆಯಿಲ್ಲದೆ ಮನೆಯಿಂದ ಹೊರಗೆ ಎಷ್ಟು ಬಾರಿ ಹೋಗಿಲ್ಲ? ನಿಮ್ಮ ತ್ವಚೆಯ ಮೇಲೆ ಎಷ್ಟು ಮೆಲನಿನ್‌ ಕುಳಿತಿರಬಹುದು? ಸ್ವಲ್ಪ ಸಮಯದ ನಂತರ ಅದರ ಪ್ರಭಾವ ನಿಮಗೆ ಏಜಿಂಗ್‌ ಮಾರ್ಕ್ಸ್ ರೂಪದಲ್ಲಿ ಕಂಡುಬರುತ್ತದೆ. ಈಗ ಚಳಿಗಾಲ ಮತ್ತೆ ವಾರೆಂಟ್‌ ಕೊಡುತ್ತಿದೆ. ಆದ್ದರಿಂದ ಈ ಬಾರಿ ನಿಮ್ಮ ತ್ವಚೆಯನ್ನು ಚಳಿಗಾಲದಲ್ಲಿ ಉಂಟಾಗುವ ಟ್ಯಾನಿಂಗ್‌ನಿಂದ ರಕ್ಷಿಸಲು ಈ ಟಿಪ್ಸ್ ಗಮನಿಸಿ.
ಮನೆಯಲ್ಲಿಯೂ ಸನ್ಸ್ಕ್ರೀನ್ ಉಪಯೋಗಿಸಿರಿ. ಏಕೆಂದರೆ ಮನೆಯಲ್ಲಿ ಟ್ಯೂಬ್‌ ಲೈಟ್‌ಗಳು, ಎಲ್ಇಡಿ ಬಲ್ಪ್ ಗಳು ಇತ್ಯಾದಿಗಳಿಂದ ಹೊರಬರುವ ಬೆಳಕಿನ ಕಿರಣಗಳಲ್ಲಿಯೂ ಯುವಿ ಎ ಕಿರಣಗಳಿರುತ್ತವೆ. ಅದರಿಂದ ತ್ವಚೆಗೆ ಟ್ಯಾನ್ ಉಂಟಾಗುತ್ತದೆ.
ಯಾವಾಗಲೂ ಎಸ್‌ಪಿಎಫ್‌ 30ರ ಸನ್‌ಸ್ಕ್ರೀನ್‌ಹಚ್ಚಿ. ಅದರಲ್ಲಿ ಪಿ++ ಚಿಹ್ನೆ ಇದೆಯೇ ನೋಡಿ. ಕೆಲವು ಮಹಿಳೆಯರ ತ್ವಚೆ ಆಯ್ಲಿ ಆಗಿರುತ್ತದೆ. ಸನ್ಸ್ಕ್ರೀನ್ ಹಚ್ಚುವುದರಿಂದ ಅವರ ಮುಖದ ಮೇಲೆ ಅಂಟಂಟಾಗಿರುತ್ತದೆ. ಆದರೆ ಈಗ ಮಾರ್ಕೆಟ್‌ನಲ್ಲಿ ಸನ್ಸ್ಕ್ರೀನ್ ಹಲವಾರು ರೂಪಗಳಲ್ಲಿ ಲಭ್ಯವಿವೆ. ಉದಾಹರಣೆಗೆ ಜೆಲ್‌, ಪೌಡರ್, ಸ್ಪ್ರೇ…. ಆದರೆ ಆಯ್ಲಿ ತ್ವಚೆಯವರಿಗೆ ಸನ್ಸ್ಕ್ರೀನ್ ಚೆನ್ನಾಗಿರುತ್ತದೆ.
ಗಮನಿಸಿ
ಬೆಳಗ್ಗೆ 10 ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ ಬಿಸಿಲಲ್ಲಿ ಕೂತಿರುವುದು ಅತ್ಯಂತ ಹಾನಿಕಾರಕ. ಏಕೆಂದರೆ ಆಗ ಸೂರ್ಯನಿಂದ ಯುವಿ ಎ ಕಿರಣಗಳು ಬರುತ್ತವೆ. ಅವು ತ್ವಚೆಯ ಕೊಲೋಜೆನ್‌ ಲೇಯರ್‌ನ್ನು ಡ್ಯಾಮೇಜ್‌ ಮಾಡುತ್ತವೆ. ಅಂದಹಾಗೆ ಕೊಲೋಜೆನ್‌ ಲೇಯರ್‌ನಿಂದಲೇ ಸ್ಕಿನ್‌ ಟೈಟ್‌ ಆಗುತ್ತದೆ ಮತ್ತು ಒಂದು ವೇಳೆ ಈ ಲೇಯರ್‌ ಡ್ಯಾಮೇಜ್‌ ಆದರೆ ಸ್ಕಿನ್‌ನಲ್ಲಿ ಟ್ಯಾನಿಂಗ್ ಉಂಟಾಗುತ್ತದೆ.
ಬಿಸಿಲಿನಲ್ಲಿ ಕುಳಿತುಕೊಳ್ಳಲು 10 ಗಂಟೆಗಿಂತ ಮೊದಲಿನ ಸಮಯವನ್ನು ಆರಿಸಿಕೊಳ್ಳಿ. ಆಗ ಸೂರ್ಯನ ಕಿರಣಗಳಿಂದ ನಮಗೆ ವಿಟಮಿನ್‌ `ಡಿ’ ಸಿಗುತ್ತದೆ. ಆದರೆ ಬಿಸಿಲು ನೇರವಾಗಿ ಮುಖದ ಮೇಲೆ ಬೀಳದಂತೆ ನೋಡಿಕೊಳ್ಳಿ.
ಒಂದು ರಿಸರ್ಚ್‌ ಅನುಸಾರವಾಗಿ, ಕೇವಲ 20 ನಿಮಿಷ ಬಿಸಿಲಲ್ಲಿ ಕುಳಿತು ವಿಟಮಿನ್‌ ಡಿ ತೆಗೆದುಕೊಂಡರೆ ಶರೀರಕ್ಕೆ ಸಾಕು. ಇಲ್ಲದಿದ್ದರೆ ವಿಟಮಿನ್‌ ಡಿ ಹೆಚ್ಚಿನ ಪ್ರಮಾಣದಲ್ಲಿರುವ ಬಹಳಷ್ಟು ಆಹಾರ ಪದಾರ್ಥಗಳಿವೆ.
ಹೆಚ್ಚು ಚಳಿಯುಂಟಾದರೆ ಜನ ರೂಂ ಹೀಟರ್‌ ಮತ್ತು ಬ್ಲೋಯರ್‌ ಉಪಯೋಗಿಸುತ್ತಾರೆ. ಆದರೆ ಅವು ತ್ವಚೆಯಿಂದ ಆಕ್ಸಿಜನ್‌ಕಿತ್ತುಕೊಳ್ಳುತ್ತವೆ. ಹಾಗೂ ಅದನ್ನು ಒಣಗಿದ ತ್ವಚೆಯಂತೆ ಮಾಡಿಬಿಡುತ್ತವೆ. ಒಣತ್ವಚೆ ಸೂರ್ಯನ ಸಂಪರ್ಕಕ್ಕೆ ಬಂದಾಗ ಅಷ್ಟು ಜಾಗ ಸುಟ್ಟಂತಾಗುತ್ತದೆ. ಆದ್ದರಿಂದ ಚಳಿಗಾಲದಲ್ಲಿ ರೂಂ ಹೀಟರ್‌ ಅಥವಾ ಬ್ಲೋಯರ್‌ನ ಉಪಯೋಗ ಕಡಿಮೆ ಮಾಡಿ.
ಚಳಿಗಾಲದಲ್ಲಿ ಮಹಿಳೆಯರು ನೀರು ಕಡಿಮೆ ಕುಡಿಯುತ್ತಾರೆ. ಅದು ತಪ್ಪು. ನಿಮಗೆ ನೀರು ತಣ್ಣಗಿದೆ ಅನ್ನಿಸಿದರೆ ಉಗುರು ಬೆಚ್ಚಗೆ ಮಾಡಿಕೊಂಡು ಕುಡಿಯಿರಿ. ಆದರೆ ದಿನ 10 ರಿಂದ 12 ಗ್ಲಾಸ್‌ ನೀರು ಅಗತ್ಯವಾಗಿ ಕುಡಿಯಿರಿ. ಏಕೆಂದರೆ ನೀರಿನ ಕೊರತೆಯಿಂದ ತ್ವಚೆಯ ಆರ್ದ್ರತೆ ಕಡಿಮೆಯಾಗುತ್ದವೆ.
ಕೆಲವು ಮನೆಮದ್ದುಗಳನ್ನು ಉಪಯೋಗಿಸಿ ಟ್ಯಾನಿಂಗ್ ದೂರ ಮಾಡಬಹುದು. ಅದಕ್ಕೆ ಒಳ್ಳೆಯ ಸಲಹೆಯೆಂದರೆ ಹೋಮ್ ಮೇಡ್ ಲೇಪ ಹಚ್ಚಿ ಅಥವಾ ಚರ್ಮಕ್ಕೆ ಮಸಾಜ್ ಮಾಡಿ. ಅದರಿಂದ ಟ್ಯಾನಿಂಗ್ ದೂರವಾಗಿ ಚರ್ಮಕ್ಕೆ ಕಾಂತಿ ಬರುತ್ತದೆ.
ನಿಮ್ಮ ಮನೆಯಲ್ಲಿ ಆ್ಯಲೋವೇರಾ ಗಿಡವಿದ್ದರೆ ದಿನ ಅದರ ತಾಜಾ ಎಲೆಯ ಸಿಪ್ಪೆ ತೆಗೆದು ಅದರ ಜೆಲ್‌ನಿಂದ ತ್ವಚೆಗೆ ಮಸಾಜ್ ಮಾಡಿ. ಆಗ ಸನ್‌ಬರ್ನ್‌ನಿಂದ ಪರಿಹಾರ ಸಿಕ್ಕು ಟ್ಯಾನಿಂಗ್ ಕೂಡ ಇಲ್ಲವಾಗುತ್ತದೆ.
ಟ್ಯಾನಿಂಗ್ ಹೆಚ್ಚಾಗಿ ಕೈಗಳಲ್ಲಿ ಉಂಟಾಗುತ್ತದೆ. ಕೈಗಳ ತ್ವಚೆ ಸೂರ್ಯನ ಸಂಪರ್ಕಕ್ಕೆ ಬಂದ ಕೂಡಲೇ ಡೀಹೈಡ್ರೇಟ್‌ ಆಗುತ್ತದೆ. ಅದನ್ನು ಹೈಡ್ರೇಟ್‌ ಆಗಿಡಲು ಫ್ರೂಟ್‌ ಆ್ಯಸಿಡ್‌ಯುಕ್ತ ಮಾಯಿಶ್ಚರೈಸರ್‌ ಉಪಯೋಗಿಸಿ. ಅದರಿಂದ ಟ್ಯಾನಿಂಗ್ ದೂರವಾಗುತ್ತದೆ.
– ಮಾಯಾ
