ಬಡತನದಿಂದ ರಾಷ್ಟ್ರಪ್ರಶಸ್ತಿ, ಸೇನಾ ಸೇವೆಯಿಂದ ಸಮಾಜಸೇವೆ, ಸಿನಿಮಾದಿಂದ ಶೂಟಿಂಗ್‌ವರೆಗೆ ಅಪರೂಪದ ಬದುಕಿನ ಪಯಣ
ಬಾಲಿವುಡ್ ಹಾಗೂ ಮರಾಠಿ ಚಿತ್ರರಂಗದ ಹಿರಿಯ ನಟ ನಾನಾ ಪಾಟೇಕರ್ ಅವರು 2026ರ ಆಕ್ಟೋಬರ್ 8, ಗುರುವಾರ ಬೆಳಗಿನ ಜಾವ ತಮ್ಮ 75 ವರ್ಷ ವರ್ಷದಲ್ಲಿ ಗೋವಾದ ಡೋನಾ ಪೌಲಾದಲ್ಲಿರುವ ತಮ್ಮ ನಿವಾಸದಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಇದ್ದದ್ದನ್ನು ಗಮನಿಸಿ ತಕ್ಷಣವೇ ಹತ್ತಿರದ ಆಸ್ಪತ್ರೆಗೆ ದಾಖಲಿಸಿ ಸುಮಾರು 45 ನಿಮಿಷಗಳ ಕಾಲ ನಿರಂತರವಾಗಿ ಕಾರ್ಡಿಯೋಪಲ್ಮನರಿ ರಿಸಸ್ಸಿಟೇಶನ್ (CPR) ನಡೆಸಿದರೂ ಫಲಕಾರಿಯಾದೇ, 5:20ಕ್ಕೆ ಮೃತಪಟ್ಟಿದ್ದಾರೆ.
ಜಾತಸ್ಯ ಮರಣಂ ಧೃವಂ. ಹುಟ್ಟಿದವರು ಸಾಯಲೇ ಬೇಕು ಎಂಬ ಜಗದ ಎನ್ನುವುದನ್ನು ಚೆನ್ನಾಗಿಯೇ ಅರಿತಿದ್ದ ನಾನಾ ಪಟೇಕರ್, ಅವರ ನಿಧನಕ್ಕೆ ಕೇವಲ ನಾಲ್ಕು ದಿನಗಳ ಮುನ್ನವೇ ಬಿಳಿ ಕುರ್ಥಾ ಮತ್ತು ಬಿಳಿ ಶಾಲು ಧರಿಸಿ ಗೋವಾದಲ್ಲಿ ನಡೆದ ಸಾಮ್ರಾಟ್ ಕ್ಲಬ್ ಇಂಟರ್‌ನ್ಯಾಷನಲ್ ಸಂಸ್ಥೆಯ ಪದಗ್ರಹಣ ಸಮಾರಂಭದಲ್ಲಿ ಭಾಗವಹಿಸಿದ್ದ ಪಾಟೇಕರ್, ಮಾಜಿ ಮುಖ್ಯಮಂತ್ರಿ ಮನೋಹರ್ ಪರ್ರಿಕರ್ ಅವರನ್ನು ಸ್ಮರಿಸಿ ಅವರ ರಾಜಕೀಯ ಕಾರ್ಯಶೈಲಿಯನ್ನು ಶ್ಲಾಘಿಸಿದ್ದರು. ಹಾಗೆಯೇ ಪರ್ರಿಕರ್ ಅವರ ಬಗ್ಗೆ ನೆನಪುಗಳನ್ನು ಹಂಚಿಕೊಳ್ಳುವ ವೇಳೆ ಜೀವನದ ಸೀಮಿತ ಅವಧಿಯ ಕುರಿತು ಚಿಂತನೆ ವ್ಯಕ್ತಪಡಿಸುತ್ತಾ, ನಾವೆಲ್ಲರೂ ಒಂದಲ್ಲೊಂದು ದಿನ ಈ ಲೋಕವನ್ನು ತೊರೆಯಲೇಬೇಕು. ನಾನು ನಾಳೆ ಇರುತ್ತೇನೆಯೋ ಇಲ್ಲವೋ ಎಂಬುದೂ ನನಗೆ ಗೊತ್ತಿಲ್ಲ. ಆ ಕ್ಷಣ ಪ್ರತಿಯೊಬ್ಬರ ಜೀವನದಲ್ಲೂ ಬರುತ್ತದೆ. ಆದರೆ ಆ ಸಮಯ ಬರುವುದಕ್ಕೂ ಮುನ್ನ, ನಾನು ಮಾಡಲು ಬಯಸಿದ್ದುದನ್ನು ಮಾಡುತ್ತಿದ್ದೇನೆಯೇ? ಅದಕ್ಕಾಗಿ ಅಗತ್ಯವಾದ ಪ್ರಯತ್ನವನ್ನು ಮಾಡಿದ್ದೇನೆಯೇ? ಎಂಬ ಬಗ್ಗೆ ನಾವು ನಮ್ಮನ್ನೇ ಪ್ರಶ್ನಿಸಿಕೊಳ್ಳಬೇಕು ಎಂದಿದ್ದ ನಾನಾ ಪಾಟೇಕರ್ ಕೇವಲ ನಾಲ್ಕು ದಿನಗಳಲ್ಲೇ ಇಹಲೋಕ ತ್ಯಜಿಸಿರುವುದು ನಿಜಕ್ಕೂ ಬೇಸರದ ಸಂಗತಿಯಾಗಿದೆ
ಭಾರತೀಯ ಚಿತ್ರರಂಗದಲ್ಲಿ ಕೆಲವು ನಟರು ತಮ್ಮ ಪಾತ್ರಗಳಿಂದ ಜನರ ಮನಸ್ಸಿನಲ್ಲಿ ಉಳಿಯುತ್ತಾರೆ. ಕೆಲವರು ತಮ್ಮ ಧ್ವನಿಯಿಂದ, ಕೆಲವರು ತಮ್ಮ ಸಂಭಾಷಣೆಯಿಂದ, ಇನ್ನೂ ಕೆಲವರು ತಮ್ಮ ವ್ಯಕ್ತಿತ್ವದಿಂದ. ಆದರೆ ನಾನಾ ಪಾಟೇಕರ್ ಈ ಎಲ್ಲವನ್ನೂ ಮೀರಿ ನಿಲ್ಲುವ ಅಪರೂಪದ ಕಲಾವಿದ. ಅವರು ನಾಯಕನಾಗಿದ್ದರೂ, ಖಳನಾಯಕನಾಗಿದ್ದರೂ, ಪೊಲೀಸ್ ಅಧಿಕಾರಿಯಾಗಿದ್ದರೂ, ಗ್ಯಾಂಗ್‌ಸ್ಟರ್ ಆಗಿದ್ದರೂ, ರಾಜಕಾರಣಿಯಾಗಿದ್ದರೂ, ವಯೋವೃದ್ಧ ರಂಗಕಲಾವಿದನಾಗಿದ್ದರೂ—ಪಾತ್ರವನ್ನು “ನಟಿಸುವುದಕ್ಕಿಂತ” ಆ ಪಾತ್ರದೊಳಗೆ ಬದುಕುವ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾದವರು.
2026ರ ಅಕ್ಟೋಬರ್ 8ರಂದು 75ನೇ ವಯಸ್ಸಿನಲ್ಲಿ ಅವರ ನಿಧನದ ಸುದ್ದಿ ಭಾರತೀಯ ಚಿತ್ರರಂಗಕ್ಕೆ ದೊಡ್ಡ ನಷ್ಟವಾಗಿದೆ. ಹೃದಯಾಘಾತದಿಂದ ಗೋವಾದ ನಿವಾಸದಲ್ಲಿ ಅವರು ನಿಧನರಾದರು. ಆದರೆ ನಾನಾ ಪಾಟೇಕರ್ ಅವರ ಬದುಕನ್ನು ಕೇವಲ ಒಬ್ಬ ನಟನ ಜೀವನಚರಿತ್ರೆಯಾಗಿ ನೋಡಿದರೆ ಅವರ ವ್ಯಕ್ತಿತ್ವದ ಬಹುಮುಖ್ಯ ಭಾಗ ನಮ್ಮ ಕಣ್ಣಿಗೆ ಬೀಳುವುದೇ ಇಲ್ಲ.
ಅವರು ಚಿತ್ರಕಲಾವಿದ, ರಂಗಭೂಮಿ ಕಲಾವಿದ, ನಟ, ನಿರ್ದೇಶಕ, ಬರಹಗಾರ, ಸೈನಿಕ ತರಬೇತಿ ಪಡೆದ ವ್ಯಕ್ತಿ, ಕಾರ್ಗಿಲ್ ಯುದ್ಧದ ಸಂದರ್ಭದಲ್ಲಿ ಸೈನಿಕರೊಂದಿಗೆ ಕಾಲ ಕಳೆದ ದೇಶಭಕ್ತ, ರಾಷ್ಟ್ರೀಯ ಮಟ್ಟದ ಶೂಟರ್, ರೈತರ ಪರ ಹೋರಾಡಿದ ಸಮಾಜಸೇವಕ ಮತ್ತು ಸರಳ ಬದುಕನ್ನು ಇಷ್ಟಪಟ್ಟ ಮನುಷ್ಯ.
