ಪುದೀನಾ ಪನೀರ್‌
ಸಾಮಗ್ರಿ : ಅರ್ಧ ಕಂತೆ ಪುದೀನಾ, 250 ಗ್ರಾಂ ಪನೀರ್‌, 3-4 ಈರುಳ್ಳಿ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಗರಂ ಮಸಾಲ, ಚಾಟ್ ಮಸಾಲ, 2 ಚಿಟಕಿ ಅರಿಶಿನ, 3-4 ಟೊಮೇಟೊ, ಅರ್ಧ ಸೌಟು ಎಣ್ಣೆ, ಒಗ್ಗರಣೆ ಸಾಮಗ್ರಿ, ಒಂದಿಷ್ಟು ಹೆಚ್ಚಿದ ಕೊ.ಸೊಪ್ಪು, 1-1 ಚಮಚ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್.
ವಿಧಾನ : ಪನೀರ್‌ನ್ನು ಸಣ್ಣ ಚೌಕಗಳಾಗಿಸಿ ಕಾದ ಎಣ್ಣೆಯಲ್ಲಿ ಕರಿದು ತೆಗೆಯಿರಿ. ಅದೇ ಎಣ್ಣೆಗೆ ಒಗ್ಗರಣೆ ಕೊಟ್ಟು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಆಮೇಲೆ ಹೆಚ್ಚಿದ ಈರುಳ್ಳಿ, ನಂತರ ಟೊಮೇಟೊ ಹಾಕಿ ಬಾಡಿಸಿ. ನಂತರ ಇದಕ್ಕೆ ಉಪ್ಪು, ಖಾರ, ಅರಿಶಿನ, ಉಳಿದ ಮಸಾಲೆ ಹಾಕಿ ಕೆದಕಬೇಕು. ಕೊನೆಯಲ್ಲಿ ಪನೀರ್‌ ಸೇರಿಸಿ. ಆಮೇಲೆ ಪುದೀನಾ, ಕೊ.ಸೊಪ್ಪು ಹಾಕಿ ಚೆನ್ನಾಗಿ ಬೆರೆತುಕೊಳ್ಳುವಂತೆ ಕೈಯಾಡಿಸಿ ಕೆಳಗಿಳಿಸಿ. ಇದು ರೊಟ್ಟಿ, ಚಪಾತಿಗಳಿಗೆ ಚೆನ್ನಾಗಿ ಹೊಂದುತ್ತದೆ.
ವಾಟರ್‌ ಮೆಲನ್‌ ರಾಯ್ತಾ
ಸಾಮಗ್ರಿ : ಅರ್ಧ ಲೀ. ಕೆನೆಮೊಸರು, 200 ಗ್ರಾಂ ಫ್ರೆಶ್‌ ಕ್ರೀಂ, 12-15 ಲೀಚಿ ಹಣ್ಣು, 1 ಸಣ್ಣ ಮಾಗಿದ ಕಲ್ಲಂಗಡಿ ಹಣ್ಣು, ರುಚಿಗೆ ತಕ್ಕಷ್ಟು ಉಪ್ಪ, ಪುಡಿಮೆಣಸು, ಗರಂಮಸಾಲ, ಚಾಟ್ ಮಸಾಲ, ಹುರಿದು ಪುಡಿ ಮಾಡಿದ ಜೀರಿಗೆ, ಸೀಡ್‌ ಲೆಸ್‌ ದಾಳಿಂಬೆ ಹರಳು.
ವಿಧಾನ : ಮಿಕ್ಸಿಗೆ ಮೊಸರು, ಫ್ರೆಶ್‌ ಕ್ರೀಂ, ಸಕ್ಕರೆ ಬೆರೆಸಿ ಬ್ಲೆಂಡ್‌ ಮಾಡಿಡಿ. ಕಲ್ಲಂಗಡಿ ಹಣ್ಣನ್ನು ಸಣ್ಣ ಹೋಳುಗಳಾಗಿಸಿ. ಇದೇ ತರಹ ಲೀಚಿ ಹಣ್ಣಿಗೂ ಮಾಡಿ. ಒಂದು ಬಟ್ಟಲಿಗೆ ಮೊಸರಿನ ಮಿಶ್ರಣ ಬಗ್ಗಿಸಿಕೊಂಡು ಅದಕ್ಕೆ ಲೀಚಿ, ವಾಟರ್‌ ಮೆಲನ್‌ ಸೇರಿಸಿ, ಉಪ್ಪು, ಖಾರ ಮಸಾಲೆ ಸೇರಿಸಿ. ಕೊನೆಯಲ್ಲಿ ಜೀರಿಗೆ, ದಾಳಿಂಬೆ ಹರಳು ಸೇರಿಸಿ, ಚಿತ್ರದಲ್ಲಿರುವಂತೆ ದೊಡ್ಡ ಕಲ್ಲಂಗಡಿ ಹಣ್ಣನ್ನು ಡಿಸೈನ್‌ಗೊಳಿಸಿ ಪಾರ್ಟಿಯಲ್ಲಿ ಪ್ರಸ್ತುತಪಡಿಸಿ.
ಸೋರೆಕಾಯಿ ಸ್ಪೆಷಲ್ ಮಸಾಲ
ಮೂಲ ಸಾಮಗ್ರಿ : 1 ಮಧ್ಯಮ ಗಾತ್ರದ ಸೋರೆಕಾಯಿ, 3-4 ಈರುಳ್ಳಿ, 10-12 ಎಸಳು ಬೆಳ್ಳುಳ್ಳಿ, 1 ತುಂಡು ಶುಂಠಿ, 5-6 ಟೊಮೇಟೊ, ಗೋಡಂಬಿ, ಪಿಸ್ತಾ, ಬಾದಾಮಿ ಚೂರು (ಒಟ್ಟಾಗಿ ಅರ್ಧ ಕಪ್‌ ಹಾಲಲ್ಲಿ ನೆನೆಹಾಕಿಡಿ), ಚಕ್ಕೆ, ಲವಂಗ ಮೊಗ್ಗು (1 ದೊಡ್ಡ ಚಮಚ), 2-2 ಚಮಚ ಹುರಿಗಡಲೆ, ಗಸಗಸೆ, 2 ಚಿಟಕಿ ಅರಿಶಿನ, ಅರ್ಧ ಗಿಟುಕು ತೆಂಗಿನ ತುರಿ, 5-6 ಹಸಿ ಮೆಣಸಿನಕಾಯಿ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಗರಂಮಸಾಲ, ಒಗ್ಗರಣೆಗೆ ಸಾಸುವೆ, ಜೀರಿಗೆ, ಕರಿಬೇವು.
ಹೂರಣದ ಸಾಮಗ್ರಿ : 4-5 ಬೆಂದ ಆಲೂಗಡ್ಡೆ, 200 ಗ್ರಾಂ ಪನೀರ್‌, 1 ಈರುಳ್ಳಿ, 1-1 ಚಮಚ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್, 2 ಚಿಟಕಿ ಅರಿಶಿನ, ರುಚಿಗೆ ತಕ್ಕಷ್ಟು ಉಪ್ಪು, ಖಾರ, ಗರಂಮಸಾಲ, ಅರ್ಧ ಸೌಟು ಎಣ್ಣೆ.
ವಿಧಾನ : ತೆಳ್ಳಗಿರುವ ಸೋರೆಕಾಯಿ ಆರಿಸಿಕೊಂಡು ಅದರ ಸಿಪ್ಪೆ ಹೆರೆದು, ಪುಟ್ಟ ಪುಟ್ಟ ಬಟ್ಟಲುಗಳಾಗಿ ಬರುವಂತೆ ಕತ್ತರಿಸಿ, ಒಳಭಾಗವನ್ನು ಹೆರೆದು ಟೊಳ್ಳಾಗಿಸಿ. ಚಿಟಕಿ ಉಪ್ಪು ಹಾಕಿ ಈ ಸೋರೆ ಬಟ್ಟಲುಗಳನ್ನು ಬೇಯಿಸಿಡಿ. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿಕೊಂಡು ಹೆಚ್ಚಿದ ಈರುಳ್ಳಿ ಹಾಕಿ ಬಾಡಿಸಿ. ಆಮೇಲೆ ಸಣ್ಣಗೆ ಹೆಚ್ಚಿಕೊಂಡ ಪನೀರ್‌ ಹಾಕಿ ಬಾಡಿಸಬೇಕು. ಇದಕ್ಕೆ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್, ಅರಿಶಿನ, ಉಪ್ಪು, ಖಾರ, ಮಸಾಲೆ ಹಾಕಿ ಕೆದಕಬೇಕು. ಆಮೇಲೆ ಬೇಯಿಸಿ ಮಸೆದ ಆಲೂ ಹಾಕಿ ಎಲ್ಲ ಚೆನ್ನಾಗಿ ಬೆರೆತುಕೊಳ್ಳುವಂತೆ ಕೆದಕಿ ಕೆಳಗಿಳಿಸಿ. ತುಸು ಆರಿದ ನಂತರ ಈ ಮಿಶ್ರಣವನ್ನು ಸೋರೆ ಬಟ್ಟಲುಗಳಿಗೆ ತುಂಬಿಸಿ, ಅದನ್ನು 5-6 ನಿಮಿಷ ಮೈಕ್ರೋವೇವ್‌ನಲ್ಲಿ ಗ್ರಿಲ್ ಮಾಡಿ.
