ಕೊರೋನಾದ ಲಕ್ಷಣಗಳು ಯಾರಲ್ಲಿ ಗೋಚರಿಸುತ್ತವೆಯೋ ಅವರನ್ನು ಗುರುತಿಸುವುದು ಸುಲಭ. ಆದರೆ ಯಾರಲ್ಲಿ ಈ ಲಕ್ಷಣಗಳು ಕಂಡಬರುವುದಿಲ್ಲ, ಅದು ಅಪಾಯಕಾರಿ. ಹೇಗೆ? ಆ ಬಗ್ಗೆ ತಿಳಿದುಕೊಳ್ಳಿ.
ಕೊರೋನಾ ವೈರಸ್‌ ಪಸರಿಸುವಿಕೆಯಲ್ಲಿ ಮೌನ ಸಾಗಣೆದಾರ ಅಂದರೆ ಸೈಲೆಂಟ್‌ ಕ್ಯಾರಿಯರ್ಸ್‌ನ ಪಾತ್ರ ಕೂಡ ಇದೆ. ಕೆಲ ಜನರಲ್ಲಿ ಕೆಮ್ಮು, ಜ್ವರ ಅಥವಾ ಕೊರೋನಾದ ಯಾವುದೇ ಲಕ್ಷಣಗಳು ಇರುವುದಿಲ್ಲ. ಆದರೆ ಈ ವೈರಸ್‌ನ ಹರಡುವಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ವಾಷಿಂಗ್ಟನ್‌ ಡಿಸ್ನಿಯ ಜಾರ್ಜ್‌ಟೌನ್‌ ವಿ.ವಿಯ ಪ್ರೊಫೆಸರ್‌ ಒಬ್ಬರ ಪ್ರಕಾರ, ಇದು ಸಾಧ್ಯವಿದೆ. ಇಂತಹ ಸೈಲೆಂಟ್‌ ಕ್ಯಾರಿಯರ್ಸ್‌ ಯಾವುದೇ ನಿರ್ಬಂಧವಿಲ್ಲದೆ ಸಮಾಜದಲ್ಲಿ ತಮ್ಮ ಸ್ನೇಹಿತರನ್ನು ಭೇಟಿಯಾಗುತ್ತಾರೆ ಹಾಗೂ ಈ ರೀತಿ ಹೋಗುತ್ತಾ ಬರುತ್ತಾ ಕೊರೋನಾ ಹಬ್ಬಿಸುತ್ತಾರೆ. ಕೊರೋನಾ ಸೋಂಕಿಗೆ ತುತ್ತಾಗಿರುವ ಹೊರತಾಗಿ, ರೋಗದ ಯಾವುದೇ ಲಕ್ಷಣಗಳು ಇರದೇ ಇರುವುದು ಆಶ್ಚರ್ಯಚಕಿತರನ್ನಾಗಿ ಮಾಡುತ್ತದೆ. ಆದರೆ ಇದು ಸತ್ಯ.
ಎಷ್ಟು ಜನರು ಸೈಲೆಂಟ್‌ ಕ್ಯಾರಿಯರ್ಸ್‌ ಶ್ರೇಣಿಯಲ್ಲಿ ಬರುತ್ತಾರೆ ಹಾಗೂ ಎಷ್ಟು ಜನರು ಕೊರೋನಾ ಹರಡುವಿಕೆಯಲ್ಲಿ ಪಾಲುದಾರರಾಗಿದ್ದಾರೆ ಎಂದು ಹೇಳುವುದು ಕಷ್ಟ. ಈ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಪ್ರಯತ್ನ ನಡೆಸಲಾಗುತ್ತಿದೆ. ಸೈಲೆಂಟ್‌ ಕ್ಯಾರಿಯರ್ಸ್‌ನ್ನು 3 ಶ್ರೇಣಿಯಲ್ಲಿಟ್ಟು ಅದರ ವಿಶ್ಲೇಷಣೆ ಮಾಡಲಾಗಿದೆ.
ಅಸಿಂಪ್ಟೊಮೆಟಿಕ್‌?: ಇವರು ಎಂತಹ ಜನರೆಂದರೆ, ಅವರ ದೇಹದಲ್ಲಿ ಕೊರೋನಾ ವೈರಸ್‌ ಇರುತ್ತದೆ. ಆದರೆ ಅವರೆಂದೂ ತಮ್ಮ ಲಕ್ಷಣಗಳನ್ನು ಪ್ರಕಟಪಡಿಸುವುದಿಲ್ಲ. ಚೀನಾದಿಂದ ದೊರೆತ ಅಂಕಿಅಂಶಗಳ ಪ್ರಕಾರ, ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದು ಹೀಗೆ, ಕೋವಿಡ್‌-19 ರೋಗಿಗಳ ಸಂಪರ್ಕಕ್ಕೆ ಬಂದಿದ್ದ ಕೆಲ ಜನರಲ್ಲಿ ವೈರಸ್‌ನ ಯಾವುದೇ ಲಕ್ಷಣಗಳು ಇರಲಿಲ್ಲ. ಇಂತಹ ಜನರನ್ನು ಪರೀಕ್ಷೆಗೊಳಪಡಿಸಿದಾಗ ಅವರಲ್ಲಿ ಪಾಸಿಟಿವ್ ಇರುವುದು ಕಂಡುಬಂತು. ಆ ಬಳಿಕ ಫಾಲೋ ಅಪ್‌ಗಾಗಿ ಅವರನ್ನು ಕರೆಸಿ ಟೆಸ್ಟ್ ಮಾಡಿದಾಗ ಅವರಲ್ಲಿ ಯಾವುದೇ ಲಕ್ಷಣಗಳಿರಲಿಲ್ಲ.
ಏಪ್ರಿಲ್ 1 ರಂದು ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಚೀನಾದಲ್ಲಿ ಇಂತಹ 24 ಜನರನ್ನು ಪರೀಕ್ಷೆಗೊಳಪಡಿಸಿದಾಗ 3 ವಾರಗಳ ಬಳಿಕ ಶೇ.25 ಜನರಲ್ಲಿ ಯಾವುದೇ ಲಕ್ಷಣಗಳಿರಲಿಲ್ಲ. ಒಂದು ಆಶ್ಚರ್ಯದ ಸಂಗತಿಯೆಂದರೆ, ಅವರ ಸರಾಸರಿ ವಯಸ್ಸು 14 ಆಗಿತ್ತು.
ಪ್ರಿಸಿಂಪ್ಟೊಮೆಟಿಕ್‌ : ಇವರು ಎಂತಹ ವ್ಯಕ್ತಿಗಳೆಂದರೆ, ಇವರು ವೈರಸ್‌ನಿಂದ ಸೋಂಕಿತರಾಗಿದ್ದಾರೆ. ಆದರೆ ರೋಗದ ಯಾವುದೇ ಲಕ್ಷಣಗಳು ಪ್ರಕಟವಾಗಿರುವುದಿಲ್ಲ. ವೈರಸ್‌ಗ್ರಸ್ತರಾಗಿದ್ದರೂ ಅವರಲ್ಲಿ ಯಾವುದೇ ಲಕ್ಷಣಗಳು ಕಂಡುಬರುವುದಿಲ್ಲ. ಏಕೆಂದರೆ ವೈರಸ್‌ನ ಲಕ್ಷಣಗಳು 5 ರಿಂದ 12 ದಿನಗಳ ಅವಧಿಯಲ್ಲಿ ಕಂಡುಬರುತ್ತದೆ. ವೈರಸ್‌ನ ಬಾಧೆ ಹಾಗೂ ಅದರ ಲಕ್ಷಣಗಳು ಕಂಡುಬರುವುದರ ನಡುವಿನ ಸಮಯವೇ ಪ್ರಿಸಿಂಪ್ಟೊಮೆಟಿಕ್‌ ಪೀರಿಯಡ್‌ ಆಗಿದೆ. ಈ ಅವಧಿಯಲ್ಲಿ ಇಂತಹ ಜನರಿಂದ ವೈರಸ್‌ನ ಪ್ರಸಾರ ಆಗುತ್ತದೆ.
ಏಪ್ರಿಲ್ 1ರ ವಿದೇಶಿ ವಕ್ತಾರರ ನ್ಯೂಸ್‌ ಕಾನ್‌ಫರೆನ್ಸ್ ಲಕ್ಷಣಗಳು ಕಂಡುಬಂದ ಬಳಿಕ ಅವರಿಂದ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿಗೆ ಇರುತ್ತದೆ. ಆದರೆ ಅಸಿಂಪ್ಟೊಮೆಟಿಕ್‌ಗೆ ಹೋಲಿಸಿದರೆ ಪ್ರಿಸಿಂಪ್ಟೊಮೆಟಿಕ್‌ ಜನರ ಸಂಖ್ಯೆ ಹೆಚ್ಚಿಗೆ ಇದೆ. ಶೇ.75ರಷ್ಟು ಎಸಿಂಪ್ಟೊಮೆಟಿಕ್‌ ಜನರು ಯಾವುದೇ ಲಕ್ಷಣಗಳಿಲ್ಲದೆಯೇ ಪಾಸಿಟಿವ್ ಆಗಿರುವುದು ಕಂಡುಬಂತು. ಆ ಬಳಿಕ ಪ್ರಿಸಿಂಪ್ಟೊಮೆಟಿಕ್‌ ಆಗಿ ಮುಂದಿನ ದಿನಗಳಲ್ಲಿ ಫಾಲೋಅಪ್‌ ಟೆಸ್ಟ್ ಸಂದರ್ಭದಲ್ಲಿ ವೈರಸ್‌ನ ಲಕ್ಷಣಗಳು ಕಂಡುಬಂದವು. ಇದರರ್ಥ ಇಷ್ಟೆ, ಯಾವುದೇ ರೋಗ ಲಕ್ಷಣಗಳು ಇರದೇ ಇರುವ ಕಾರಣದಿಂದ ಅವರನ್ನು ಐಸೋಲೇಶನ್‌ ಮಾಡಲಾಗಲಿಲ್ಲ. ಆ ಕಾರಣದಿಂದ ಅವರಿಂದಲೂ ಸೋಂಕು ಪಸರಿಸಿತು.
