ಮದುವೆಯ ದಿನ ಪ್ರತಿ ವಧುವಿಗೆ ಮಹತ್ವಪೂರ್ಣವಾಗಿರುತ್ತದೆ. ಅವಳು ಯಾವುದೇ ಜಾತಿ, ಧರ್ಮದವಳಾಗಿದ್ದರೂ ಸಹ. ಬನ್ನಿ, ಪಾಕಿಸ್ತಾನಿ ಮೇಕಪ್‌ನ ಜೊತೆ ಜೊತೆಗೆ ವಧುವಿನ ಹೇರ್‌ ಸ್ಟೈಲ್ ಕೂಡ ಹೇಗಿರಬೇಕೆಂದು ತಿಳಿಸುತ್ತಿದ್ದಾರೆ ಮೇಕಪ್ ಆರ್ಟಿಸ್ಟ್ ಶಕೀಲಾ ಮಲ್ಲಿಕ್‌.
ಫೇಸ್‌ ಮೇಕಪ್
ಮೊದಲು ಮುಖವನ್ನು ಹಣೆಯಿಂದ ಕತ್ತಿನವರೆಗೆ ಚೆನ್ನಾಗಿ ಸ್ವಚ್ಛಗೊಳಿಸಿ. ನಂತರ ಮುಖ ಕುತ್ತಿಗೆಯವರೆಗೆ ಸಿಲ್ಕಿ ಬೇಸ್‌ ಪ್ರೈಮರ್‌ ಹಚ್ಚಿ. ಆಮೇಲೆ ಅಲ್ಟ್ರಾದ ಬೇಸ್‌ ಎಫ್‌ಎಸ್‌ ಹಚ್ಚಿ. ಸ್ಕಿನ್‌ ಟೋನ್‌ನ್ನು ಕೊಂಚ ಬೆಳ್ಳಗೆ ಕಾಣಿಸಲು ಬೇಸ್‌ ಲೈಟ್‌ ಬ್ರಶ್‌ನಿಂದ ಮುಖಕ್ಕೆ ಹಚ್ಚಿ. ಪಾಲಿಶಿಂಗ್‌ ಬ್ರಶ್‌ನಿಂದ ಮುಖದ ಮೇಲೆ ವರ್ತುಲಾಕಾರವಾಗಿ ಸುತ್ತಿ. ನಂತರ ಮುಖದ ಮೇಲೆ ಕೊಂಚ ಶಿಮರಿ ಫೌಂಡೇಶನ್‌ ಹಚ್ಚಿ. ನಂತರ ಮುಖದ ಮೇಲೆ ಪ್ಲೇನ್‌ ವಾಟರ್‌ ಸ್ಪ್ರೇ ಮಾಡಿ ಮತ್ತು ಅದು 3 ನಿಮಿಷದವರೆಗೆ ಸೆಟ್ ಆಗಲು ಬಿಡಿ. ನಂತರ ಸ್ಪಂಜಿನಿಂದ ಮುಖದ ಮೇಲೆ ಡಬ್‌ ಡಬ್‌ ಎಂದು ತಟ್ಟಿ. ಹೀಗೆ ಮಾಡಿದಾಗ ಬೇಸ್‌ ಚೆನ್ನಾಗಿ ಸೆಟ್ ಆಗುತ್ತದೆ.
ಕಂಗಳ ಮೇಕಪ್
ಮೊದಲಿಗೆ ಕಣ್ಣುಗಳ ಮೇಲೆ ಬ್ರಶ್‌ನಿಂದ ಗೋಲ್ಡನ್‌ ಶಿಮರ್‌ನ ಶ್ಯಾಡೋ ಹಚ್ಚಿ. ಕಣ್ಣುಗಳ ಹೊರಗಿನ ಕೋನಗಳಿಗೆ ಬ್ರೌನ್‌ ಕಲರ್ ಹಾಗೂ ಒಳಗಿನ ಕೋನಗಳಿಗೆ ರೆಡ್‌ ಕಲರ್‌ನ ಶ್ಯಾಡೋ ಹಚ್ಚಿ ಮತ್ತು ಅದನ್ನು ಚೆನ್ನಾಗಿ ಮರ್ಜ್‌ ಮಾಡಿ. ಶ್ಯಾಡೋ ಹಚ್ಚುವಾಗೆಲ್ಲಾ ಒಳಗಿನ ಕಡೆಗೆ ಹಚ್ಚಿ. ಐ ಬಾಲ್ಸ್ ನ ಸೆಂಟರ್‌ನಲ್ಲಿ ಶಿಮರಿ ಶ್ಯಾಡೋ ಹಚ್ಚಿ. ಈಗ ವಾಟರ್‌ ಲೈನ್‌ ಏರಿಯಾದಲ್ಲಿ ಕಾಜಲ್ ಹಚ್ಚಿ. ಕಣ್ಣುಗಳು ಬಹಳ ಚಿಕ್ಕದಾಗಿದ್ದು, ಮೂಗಿಗೆ ಬಹಳ ಹತ್ತಿರದಲ್ಲಿದ್ದರೆ ಸಂಪೂರ್ಣ ವಾಟರ್‌ ಲೈನ್‌ ಏರಿಯಾಗೆ ಕಾಜಲ್ ಹಚ್ಚಬೇಡಿ. ಇಲ್ಲದಿದ್ದರೆ ಕಣ್ಣುಗಳು ಇನ್ನಷ್ಟು ಚಿಕ್ಕದಾಗಿ ಕಾಣುತ್ತವೆ. ಈಗ ಕಾಜಲ್‌ನ್ನು ಬ್ರಶ್‌ನಿಂದ ಮರ್ಜ್‌ ಮಾಡಿ. ಹೀಗೆಯೇ ಮೇಲಿನ ಲೈನ್‌ನಲ್ಲಿ ಲೈನರ್‌ ಹಚ್ಚಿ ಮತ್ತು ಅದನ್ನು ಮರ್ಜ್‌ ಮಾಡಿ.
ಈಗ ಗ್ಲಿಟರ್‌ ಜೆಲ್‌‌ನ್ನು ಐ ಬಾಲ್ಸ್ ಮೇಲೆ ಹಚ್ಚಿ. ನಂತರ ಅದರ ಮೇಲೆ ಶಿಮರ್‌ ಹಚ್ಚಿ. ಐ ಲ್ಯಾಶಸ್‌ ಮೇಲೆ ಮಸ್ಕರಾ ಹಚ್ಚಿ. ಅದನ್ನು ಬ್ರಶ್‌ನಿಂದ ಮರ್ಜ್‌ ಮಾಡಿ. ಐ ಲೈನರ್‌ ಜಾಗದಲ್ಲಿ ಐ ಪೆನ್ಸಿಲ್‌‌ನಿಂದಲೇ ಲೈನರ್‌ ಹಚ್ಚಿ. ಐ ಬ್ರೋಸ್‌ ಕೆಳಗೆ ಹೈಲೈಟರ್‌ಮತ್ತು ಗ್ಲಿಟರ್‌ ಐ ಲೈನರ್‌ ಹಚ್ಚಿ. ಇದರಿಂದ ಕಣ್ಣುಗಳು ಸುಂದರವಾಗಿ ಕಾಣುತ್ತವೆ.ಫೇಸ್‌ ಕಾಂಟೂರಿಂಗ್‌ ಮುಖವನ್ನು ಶಾರ್ಪ್‌ ಆಗಿ ಕಾಣಿಸಲು ಫೇಸ್‌ ಕಟ್‌ ಮಾಡುವುದು ಬಹಳ ಅಗತ್ಯ. ಕಂಗಳ ಮೇಕಪ್ ನಂತರ ಫೇಸ್‌ ಮೇಲೆ ಪೌಡರ್‌ ಪಫಿಂಗ್‌ ಮಾಡಿ ಮತ್ತು ಬ್ರೌನ್‌ ಬೇಸ್‌ ಕಲರ್ ಬ್ರಶ್‌ನಿಂದ ಕಾಂಟೂರಿಂಗ್‌ ಮಾಡಿ. ಮೊದಲು ಮೂಗನ್ನು ಶಾರ್ಪ್‌ ಮಾಡಿ. ಚಿಕ್ಕದಾದ ಹಾಗೂ ಅಗಲವಾದ ಮೂಗನ್ನು ಇದರಿಂದ ತೆಳ್ಳಗೆ ತೋರಿಸಬಹುದು. ಈಗ ಚೀಕ್ಸ್ ನಿಂದ 4 ಇಂಚು ಗ್ಯಾಪ್‌ನಲ್ಲಿ ಕಾಂಟೂರಿಂಗ್‌ ಮಾಡಿ. ಸ್ಕ್ವೇರ್‌ ಫೇಸ್‌ ಆಗಿದ್ದರೆ 1, 2 ಅಥವಾ 3 ಇಂಚಿನ ಅಂತರದಲ್ಲಿ ಮಾಡಬಹುದು. ಒಂದು ವೇಳೆ ಫೋರ್‌ ಹೆಡ್‌ ಅಗಲವಾಗಿದ್ದರೆ ಅದಕ್ಕೂ ಕಾಂಟೂರಿಂಗ್‌ ಮಾಡಿ.
