ಹೂಡಿಕೆಯ ಯಾವ ವಿಧಾನಗಳನ್ನು ಆಧರಿಸಿ ನೀವು ನಿಮ್ಮ ಹಾಗೂ ಕುಟುಂಬದ ಭವಿಷ್ಯ ಸುರಕ್ಷಿತ ಆಗಿಸಿಕೊಳ್ಳಬಹುದು ಎಂದು ಅಗತ್ಯ ತಿಳಿಯಿರಿ.......!
ಭಾರತೀಯ ಮಧ್ಯಮ ವರ್ಗವನ್ನು ಉತ್ತಮ ಉಳಿತಾಯಕಾರರ ರೂಪದಲ್ಲಿ ಗುರುತಿಸಲಾಗುತ್ತದೆ. ವಿಭಿನ್ನ ಸಮೀಕ್ಷೆಗಳ ಪ್ರಕಾರ, ಅವರು ತಮ್ಮ ಆದಾಯದ 25% ಹಣ ಉಳಿತಾಯ ಮಾಡುತ್ತಾರೆ. ಇಲ್ಲಿ ಏಳು ಮುಖ್ಯ ಪ್ರಶ್ನೆ ಎಂದರೆ ಈ ವರ್ಗ ತಮ್ಮ ಉಳಿತಾಯವನ್ನು ಸ್ಮಾರ್ಟ್‌ ರೀತಿಯಲ್ಲಿ ಹೂಡಿಕೆ ಮಾಡುತ್ತಿದ್ದಾರಾ? ಹೆಚ್ಚಿನ ಭಾರತೀಯರು ಲಾಕರ್‌ ಯಾ ಬ್ಯಾಂಕುಗಳಲ್ಲಿ ಹಣ, ಒಡವೆ ಇರಿಸುವುದನ್ನೇ ಬಯಸುತ್ತಾರೆ. ಹೀಗೆ ಲಾಕರ್‌ ನಲ್ಲಿ ಸುರಕ್ಷಿತವಾಗಿಡುವ ಬದಲು, ಬೇರೆ ಯಾವ ವಿಧಾನಗಳಿಂದ ಈ ಹಣ ಮತ್ತೂ ಹೆಚ್ಚಿನ ಮೊತ್ತವಾಗಿ ಬೆಳೆಯಲು ಸಾಧ್ಯ?
ಕಾಲ ಕಳೆದಂತೆ ನಗದು ತನ್ನ ಮೌಲ್ಯ ಕಳೆದುಕೊಳ್ಳುತ್ತದೆ. ಉದಾ: 10 ವರ್ಷಕ್ಕೆ ಮೊದಲು 1000 ರೂ.ಗಿದ್ದ ಮೌಲ್ಯ ಈಗಿನ ಕಾಲದ 1000 ರೂ.ಗಿಂತ ಖಂಡಿತಾ ಹೆಚ್ಚು. ಹೀಗಾಗಿ ನಗದು ಹಣವನ್ನು ಸುರಕ್ಷತೆಯ ಹೆಸರಲ್ಲಿ ಲಾಕರ್‌ ನಲ್ಲಿ ಇಡುವ ಬದಲು, ಇದರ ಸೂಕ್ತ ಹೂಡಿಕೆ (ಇನ್‌ ವೆಸ್ಟ್ ಮೆಂಟ್‌) ಮಾಡುವುದೇ ಲಾಭಕರ! ಆಗ ಮಾತ್ರ ನಾವು ಹಣದುಬ್ಬರ ತಡೆಗಟ್ಟಲು ಸಾಧ್ಯ. ಇದರ ಹೊರತಾಗಿಯೂ ಅಧಿಕಾಂಶ ಹೂಡಿಕೆದಾರರು ಈ ಹಣದುಬ್ಬರದ ಕಡೆ ಗಮನ ಕೊಡುವುದೇ ಇಲ್ಲ. ಮನೋವಿಜ್ಞಾನಿಗಳು ಇದನ್ನೇ ಧನದ ವ್ಯಾಮೋಹ ಎನ್ನುತ್ತಾರೆ.
ಹಣದುಬ್ಬರದಲ್ಲಿ 5% ಹೆಚ್ಚಳ ಆಗಿದೆ ಎಂದರೆ, ನಮ್ಮ ಸಂಬಳದಲ್ಲಿ 5%ನ ಹೆಚ್ಚಳ ಪ್ರಭಾವ ರೂಪದಲ್ಲಿ, ನಮ್ಮ ಬಳಿ ಇರುವ ಹಣದಲ್ಲಿ ಒಂದು `ಕಡಿತ' ಎಂದೇ ಅರ್ಥ. ಇದರ ಹೊರತಾಗಿ ಸಾಮಾನ್ಯವಾಗಿ ಜನ ಈ ಸನ್ನಿವೇಶದಲ್ಲಿ 1 ವರ್ಷದಲ್ಲಿ 1% ವೇತನ ಕಡಿತ ಬಯಸುತ್ತಾರೆ, ಅದೂ ಹಣದುಬ್ಬರ ಸೊನ್ನೆ ಆದಾಗ. ಹೀಗಾಗಿ ನಿಮ್ಮ ಹೂಡಿಕೆಯ ಯಶಸ್ಸನ್ನು, ಹಣದುಬ್ಬರದ ನಂತರ ನೀವು ಎಷ್ಟು ಹಣ ನಿಮ್ಮ ಬಳಿ ಇರಿಸಿಕೊಳ್ಳಲು ಸಾಧ್ಯ ಎಂಬುದರ ಬದಲಾಗಿ, ನಿಮ್ಮ ಹೂಡಿಕೆಯಿಂದ ಎಷ್ಟು ಲಾಭವಾಗುತ್ತಿದೆ, ಎಂದು ತಿಳಿಯುವುದೇ ಸರಿ.
ಹೂಡಿಕೆಯ ಆರಂಭ
ಷೇರು ಮಾರುಕಟ್ಟೆಯಲ್ಲಿ ಹೆಜ್ಜೆ ಇರಿಸುವ ಮುನ್ನಾ, ಅದರ ಪ್ರಾಥಮಿಕ ವಿಷಯಗಳನ್ನು ಒಂದಿಷ್ಟು ತಿಳಿಯಿರಿ. ಇದಕ್ಕಾಗಿ ನೀವು ಯೂಟ್ಯೂಬ್‌ ವಿಡಿಯೋ ಅಥವಾ ಹಣಕಾಸಿನ ಕುರಿತ ವಿಶೇಷ ಪುಸ್ತಕ ಪರಿಶೀಲಿಸಿ. ಷೇರು ಮಾರುಕಟ್ಟೆಯನ್ನು ಟೆಕ್ನಿಕಲಿ ಸರಿಯಾಗಿ ಅರ್ಥ ಮಾಡಿಕೊಂಡಾಗ ಮಾತ್ರ, ನಿಮಗೆ ಈ ಸ್ಟಾಕ್‌ ಷೇರ್ಸ್‌ ನಲ್ಲಿ ಉತ್ತಮ ನಿರ್ಣಯ ಕೈಗೊಂಡು ಹೆಚ್ಚಿನ ಲಾಭ ಪಡೆಯಲು ಸಾಧ್ಯ. ಹೊಸ ಹೊಸ ಆರ್ಥಿಕ ಉತ್ಪಾದನೆಗಳ ತಜ್ಞರು ಹೂಡಿಕೆ ಕುರಿತು ಬರೆದಿರುವ ಪುಸ್ತಕಗಳನ್ನು ಪರಿಶೀಲಿಸಿ. ಆರ್ಥಿಕ ಸಮಾಚಾರದ ಕುರಿತು ಸಾಮಾನ್ಯ ಜಾಗೃತಿ ಸಹ, ಸ್ಮಾರ್ಟ್‌ ವಿಧಾನದಿಂದ ಹೂಡಿಕೆ ಮಾಡಲು ಒಂದು ಮುಖ್ಯ ದಾರಿಯಾಗಿದೆ.
ಮುಂದಿನ ಹೆಜ್ಜೆ ಎಂದರೆ, ಬೇಗ ಹೂಡಿಕೆ ಆರಂಭಿಸುವುದು. ಇದು ನಿಶ್ಚಿತ ರೂಪದಲ್ಲಿ ಹಣ ಉಳಿತಾಯ ಮಾಡುತ್ತದೆ. ನೀವು ಎಂದೂ ಈ ನಿಟ್ಟಿನಲ್ಲಿ ಹೂಡಿಕೆಯೇ ಮಾಡದೆ, ಎಷ್ಟೋ ವಯಸ್ಸು ದಾಟಿದಿ ಎನಿಸಿದರೂ, ಎಂದೆಂದೂ ಹೂಡಿಕೆ ಮಾಡದೆ ಇರುವುದಕ್ಕಿಂತ ಯಾವಾಗಲೋ ಒಮ್ಮೆ ಆರಂಭಿಸುವುದೇ ಲೇಸು. ಆರಂಭದ ಹೂಡಿಕೆ ಹೇಗಿರಬೇಕು ಎಂದರೆ, ನಿಮ್ಮ ಹಣವನ್ನು ಅಗತ್ಯದ ಕಾರ್ಪಸ್‌ ಫಂಡ್‌ ನಲ್ಲಿ ವಿಕಾಸ ಹೊಂದಲು ಧಾರಾಳ ಸಮಯಾವಕಾಶ ಸಿಗುವಂತಿರಬೇಕು. ತೀರಾ ಅಗತ್ಯದ ಸಮಯದಲ್ಲಿ ನೀವು ಈ ಹಣ ಹಿಂಪಡೆಯುಂತೆ, ರಿಟೈರ್‌ ಆಗುವ ಕಾಲಕ್ಕೆ ಇದರಿಂದ ಹೆಚ್ಚು ಸಹಾಯ ಆಗುವಂತಿರಬೇಕು.
