ಜೀವನದಲ್ಲಿ ಹೆಚ್ಚುತ್ತಿರುವ ವ್ಯಸ್ತತೆಯ ನಡುವೆ ಅಪಾಯಗಳ ಪ್ರಮಾಣ ಹೆಚ್ಚುತ್ತಿವೆ. ಇಂತಹ ಸ್ಥಿತಿಯಲ್ಲಿ ಅಪಘಾತ, ಮೃತ್ಯು ಅಥವಾ ಅಂಗವಿಕಲತೆಯಂತಹ ಸ್ಥಿತಿಗಳು ನಿಮ್ಮ ಕುಟುಂಬದವರನ್ನು ತೊಂದರೆಗೀಡು ಮಾಡಬಹುದು. ಅಂತಹ ಸ್ಥಿತಿ ಬರದೇ ಇರುವಂತೆ ನೋಡಿಕೊಳ್ಳುವುದು ಅಸಾಧ್ಯ. ಆದರೆ ಅದನ್ನು ಎದುರಿಸಲು ನಿಮ್ಮ ಬಳಿ ಆರ್ಥಿಕ ವ್ಯವಸ್ಥೆ ಸಮರ್ಪಕವಾಗಿ ಇರುವಂತೆ ನೋಡಿಕೊಳ್ಳಬೇಕು.
ವಿಮೆ ತಜ್ಞ ಅವಿನಾಶ್‌ ಹೀಗೆ ಹೇಳುತ್ತಾರೆ, ``ಬಹಳಷ್ಟು ಜನರಿಗೆ ಗೊತ್ತಿರುವ ಸಂಗತಿಯೆಂದರೆ, ಆರೋಗ್ಯ ವಿಮೆ ಅಪಾಯಗಳಂತಹ ಸಂದರ್ಭದಲ್ಲಿ ನಿಮಗೆ ಹಾಗೂ ನಿಮ್ಮ ಕುಟುಂಬದವರಿಗೆ ಸುರಕ್ಷತೆ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದರ ಹೊರತಾಗಿ ಒಂದು ಉಪಯುಕ್ತ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ ಆಯ್ಕೆ ಮಾಡುವುದು ಎಲ್ಲರಿಗೂ ಸುಲಭದ ಸಂಗತಿಯೇನಲ್ಲ. ಅಂದಹಾಗೆ ಇದು ಅಷ್ಟು ಕಷ್ಟದ ಕೆಲಸವೂ ಅಲ್ಲ. ಅಷ್ಟಿಷ್ಟು ತಿಳಿವಳಿಕೆ ಮತ್ತು ಎಚ್ಚರಿಕೆಯಿಂದ ನಿಮಗಾಗಿ ಉಪಯುಕ್ತ ವಿಮೆ ಪಾಲಿಸಿಯೊಂದನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಗಮನವಿರಲಿ
ಪಾಲಿಸಿಯ ಆಯ್ಕೆ : ಪಾಲಿಸಿ ಆಯ್ಕೆ ಮಾಡುವ ಮೊದಲು ಮಾರುಕಟ್ಟೆಯಲ್ಲಿ ಎರಡು ಬಗೆಯ ವಿಮೆ ಪಾಲಿಸಿಗಳಿವೆ ಎನ್ನುವ ಸಂಗತಿ ನಿಮಗೆ ಅರಿವಿರಬೇಕು. ಅವುಗಳೆಂದರೆ ಇಂಡೆಮ್ನಿಟಿ ಪಾಲಿಸಿ ಹಾಗೂ ಬೆನಿಫಿಟ್‌ ಪಾಲಿಸಿ. ಆಸ್ಪತ್ರೆಗೆ ಅಡ್ಮಿಟ್‌ ಆದ ಸ್ಥಿತಿಯಲ್ಲಿ ಇಂಡೆಮ್ನಿಟಿ ಪಾಲಿಸಿ ನಿಮ್ಮ ವೈದ್ಯರ ಖರ್ಚು, ಔಷಧಿ ಹಾಗೂ ರೂಮ್ ಚಾರ್ಜ್‌ ಮುಂತಾದವುಗಳ ಪಾವತಿ ಮಾಡುತ್ತದೆ. ಗಂಭೀರ ರೋಗದ ಸ್ಥಿತಿಯಲ್ಲಿ ಬೆನಿಫಿಟ್‌ ಪಾಲಿಸಿ ನೆರವಿಗೆ ಬರುತ್ತದೆ. ಈ ಪಾಲಿಸಿಯಿಂದ ಚಿಕಿತ್ಸೆಗಾಗಿ ಒಂದೇ ಕಂತಿನಲ್ಲಿ ಮೊತ್ತ ದೊರಕುತ್ತದೆ. ಇದು ನಿಮ್ಮ ಮೊದಲ ಪಾಲಿಸಿಯಾಗಿದ್ದರೆ ನೀವು ಇಂಡೆಮ್ನಿಟಿ ಪಾಲಿಸಿ ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ.
ಟಾಪ್‌ ಅಪ್‌ ಪ್ಲಾನ್‌
ಆರೋಗ್ಯದ ಮೇಲೆ ಮಾಡುವ ಖರ್ಚಿನಲ್ಲಿ ಪ್ರತಿವರ್ಷ ಶೇ.15 ರಿಂದ 18ರಷ್ಟು ಹೆಚ್ಚಳವಾಗುತ್ತಿದೆ. ಅಂದಹಾಗೆ ಇದು ಪ್ರತಿಯೊಬ್ಬ ವ್ಯಕ್ತಿಗೂ ನಿಲುಕುವ ವಿಷಯವಲ್ಲ. ಭಾರಿ ಪ್ರೀಮಿಯಮ್ ತುಂಬಿ ಹೆಚ್ಚೆಚ್ಚು ರೋಗಗಳಿಗೆ ಕವರೇಜ್‌ ಮಾಡಿಕೊಳ್ಳಲು ಇದು ಪ್ರತಿಯೊಬ್ಬರಿಗೂ ಸಾಧ್ಯವಿಲ್ಲ. ಇಂತಹ ಸ್ಥಿತಿಯಲ್ಲಿ ಟಾಪ್‌ ಅಪ್‌ ಪ್ಲಾನ್‌ಗಳು ಸಾಕಷ್ಟು ಉಪಯೋಗಕ್ಕೆ ಬರುತ್ತವೆ. ನಿಮ್ಮ ಚಿಕಿತ್ಸೆಯ ಖರ್ಚು ಮೇರೆ ಮೀರಿದಾಗ ಈ ಪ್ಲಾನ್‌ ಉಪಯೋಗಕ್ಕೆ ಬರುತ್ತದೆ.
ಉದಾಹರಣೆಗಾಗಿ ಚಿಕಿತ್ಸೆಯ ಸಂದರ್ಭದಲ್ಲಿ ನಿಮಗೆ 3 ಲಕ್ಷ ರೂ.ನಷ್ಟು ಖರ್ಚು ಬಂದಿದ್ದರೆ, ಇಂಡೆಮ್ನಿಟಿ ಪ್ಲಾನ್‌ ಪ್ರಕಾರ ನಿಮಗೆ 2 ಲಕ್ಷ ರೂ. ಅಷ್ಟೇ ದೊರಕುತ್ತದೆ. ಒಂದು ವೇಳೆ ನೀವು ಟಾಪ್‌ಆಪ್‌ ಪ್ಲಾನ್‌ ತೆಗೆದುಕೊಂಡಿದ್ದರೆ, ಅದು ಕೆಲವು ವಿಶೇಷ ಸಂದರ್ಭಗಳಲ್ಲಿ ಮಾತ್ರ ಉಪಯೋಗಕ್ಕೆ ಬರುತ್ತದೆ. ಹೀಗಾಗಿ ಅದನ್ನು ನಿಮ್ಮ ಸೌಲಭ್ಯಕ್ಕನುಗುಣವಾಗಿ ಆಯ್ಕೆ ಮಾಡಿ.
ಮೆಟರ್ನಿಟಿ ಕವರ್‌
ಭವಿಷ್ಯದಲ್ಲಿ ಏನೇನು ಘಟಿಸಲಿದೆ ಎಂದು ಯಾರೂ ಹೇಳಲು ಆಗದು. ಇದನ್ನು ಮೊದಲೇ ಊಹಿಸುವುದು ಕಷ್ಟ. ಅಂದಹಾಗೆ ಕೆಲವು ಪರಿಸ್ಥಿತಿಗಳಲ್ಲಿ ವ್ಯಕ್ತಿಗೆ ಅದರ ಸೂಚನೆ ಮೊದಲೇ ಸಿಗುತ್ತದೆ. ಪ್ರತಿಯೊಂದು ಕುಟುಂಬದಲ್ಲಿ ಒಂದಿಲ್ಲೊಮ್ಮೆ ಮಗು ಆಗಿಯೇ ಆಗುತ್ತದೆ. ಮಗು ಜನಿಸಲಿದೆ ಎಂದರೆ ಖರ್ಚಿನ ಪಟ್ಟಿ ದೊಡ್ಡದಾಗುತ್ತಾ ಹೋಗುತ್ತದೆ.
