ಕರಿ ಮೋಟಾರ್ ಸ್ಪೀಡ್‌ವೇನಲ್ಲಿ 28ನೇ ಜೆಕೆ ಟೈರ್ FMSCI ರಾಷ್ಟ್ರೀಯ ರೇಸಿಂಗ್ ಚಾಂಪಿಯನ್‌ಶಿಪ್‌ಗೆ ಅಂತ್ಯಗೊಂಡಿದೆ.
ಬೆಂಗಳೂರಿನ ಧ್ರುವ್ ಗೋಸ್ವಾಮಿ (MSport) ಶನಿವಾರ ಮತ್ತು ಭಾನುವಾರ ನಡೆದ ಒಟ್ಟು ಮೂರು ರೇಸ್‌ಗಳನ್ನು ಗೆದ್ದು LGB ಫಾರ್ಮುಲಾ 4 ವರ್ಗದಲ್ಲಿ ಹೊಸ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ಬೆಂಗಳೂರು ಮೂಲದ 18 ವರ್ಷದ, ಸೆಂಟ್ ಜೋಸೆಫ್ಸ್‌ನ 12ನೇ ತರಗತಿ ವಿದ್ಯಾರ್ಥಿಯಾದ ಗೋಸ್ವಾಮಿ, ಭಾರತದ ಅತಿ ದೀರ್ಘಕಾಲದ ಸಿಂಗಲ್-ಸೀಟರ್ ಚಾಂಪಿಯನ್‌ಶಿಪ್‌ನಲ್ಲಿ ವಾರಾಂತ್ಯದ ನಾಲ್ಕು ರೇಸ್‌ಗಳಲ್ಲಿ ಮೂರನ್ನು ಗೆದ್ದು ಅದ್ಭುತ ಪ್ರದರ್ಶನ ನೀಡಿದ್ದಾರೆ. ವಿಶೇಷವಾಗಿ ಭಾನುವಾರದ 20-ಲ್ಯಾಪ್ ಅಂತಿಮ ರೇಸ್‌ನಲ್ಲಿ ಅವರು ರಿವರ್ಸ್ ಗ್ರಿಡ್‌ನ ಏಳನೇ ಸ್ಥಾನದಿಂದ ಪ್ರಾರಂಭಿಸಿ, 4 ಪಾಯಿಂಟ್ ಹಿಂದುಳಿದಿದ್ದ ದಿಲ್ಜಿತ್‌ಗಿಂತ ಮೂರು ಸ್ಥಾನ ಹಿಂದೆ ಇದ್ದರು.
ಈ ಕುರಿತು ಮಾತನಾಡಿದ ಅವರು "ಇದು ದೀರ್ಘ ಓಟವಾಗಿದ್ದು, ನಾನು ತಾಳ್ಮೆಯಿಂದಿರಬೇಕು ಎಂದು ನನಗೆ ತಿಳಿದಿತ್ತು' ಎಂದರು.
ಫಾರ್ಮುಲಾ 4 ಇಂಡಿಯನ್ ಚಾಂಪಿಯನ್‌ಶಿಪ್: ಭಾರತೀಯ ರೇಸಿಂಗ್ ಫೆಸ್ಟಿವಲ್‌ನ ಭಾಗವಾಗಿರುವ FIA ಪ್ರಮಾಣಿತ ಫಾರ್ಮುಲಾ 4 ಇಂಡಿಯನ್ ಚಾಂಪಿಯನ್‌ಶಿಪ್‌ನ ನಾಲ್ಕನೇ ರೌಂಡ್ ಕೂಡ ಇದೇ ವೇಳೆ ನಡೆಯಿತು.
ದಕ್ಷಿಣ ಆಫ್ರಿಕಾದ ಲುವಿವೆ ಸಾಂಬುಡ್ಲಾ ದಿನದ ಮೊದಲ ರೇಸ್‌ನಲ್ಲಿ ಸೀಸನ್‌ನ ಮೊದಲ ಗೆಲುವು ದಾಖಲಿಸಿದರು. ಎರಡನೇ ರೇಸ್ ಅನ್ನು ಕೆನ್ಯಾದ ಶೇನ್ ಚಂದಾರಿಯ ಜಯಿಸಿದರು.
ಮೊದಲ ರೇಸ್‌ನಲ್ಲಿ ಸಾಂಬುಡ್ಲಾ ಪೋಲ್‌ನಿಂದ ಪ್ರಾರಂಭಿಸಿ ಚೆಕ್ಕರ್ಡ್ ಫ್ಲ್ಯಾಗ್ ವರೆಗೂ ಮುನ್ನಡೆ ಉಳಿಸಿಕೊಂಡರು. ಕೊನೆಯ ಹಂತದಲ್ಲಿ ಬೆಂಗಳೂರಿನ ಇಶಾನ್ ಮಾದೇಶ್ ದೇಶ (ಕೋಲ್ಕತಾ ರಾಯಲ್ ಟೈಗರ್ಸ್) ಅವರು ಸೈಶಿವ ಶಂಕರ್ (ಸ್ಪೀಡ್ ಡೆಮನ್‌ಸ್ ದೆಹಲಿ) ಅವರನ್ನು ಹಿಂದಿಕ್ಕಿ ಮೋಜಾಂಬಿಕ್‌ನ ಘಾಜಿ ಮೊಟ್ಲೇಕರ್ ಹಿಂದೆ ಮೂರನೇ ಸ್ಥಾನ ಪಡೆದರು.
ಎರಡನೇ ರೇಸ್‌ನಲ್ಲಿ ಚಂದಾರಿಯ ಪೋಲ್‌ನಿಂದ ಗೆಲುವು ಸಾಧಿಸಿದರು. ಮೊಟ್ಲೇಕರ್ ನಾಲ್ಕನೇ ಸ್ಥಾನದಿಂದ ಎರಡನೇ ಸ್ಥಾನಕ್ಕೆ ಏರಿದರು. ಶನಿವಾರದ ವಿಜೇತ ಫ್ರಾನ್ಸ್‌ನ ಸಾಚೆಲ್ ರಾಟ್‌ಜೆ ಮೂರನೇ ಸ್ಥಾನ ಪಡೆದರು.
ರಾಯಲ್ ಎನ್‌ಫೀಲ್ಡ್ ಕಂಟಿನೆಂಟಲ್ GT ಕಪ್: ವೃತ್ತಿಪರ ವಿಭಾಗದಲ್ಲಿ ಶನಿವಾರವೇ ಚಾಂಪಿಯನ್ ಪಟ್ಟವನ್ನು ಖಚಿತಪಡಿಸಿಕೊಂಡಿದ್ದ ಬೆಂಗಳೂರಿನ ಅನಿಶ್ ಶೆಟ್ಟಿ, ಭಾನುವಾರದ ಅಂತಿಮ ರೇಸ್ ಕೂಡ ಗೆದ್ದು ತಮ್ಮ ಎರಡನೇ ಕಿರೀಟವನ್ನು ಪಡೆದುಕೊಂಡರು. ಅಮೆಚೂರ್ ವಿಭಾಗದಲ್ಲಿ ಪಾಂಡಿಚೇರಿಯ ಬ್ರಯನ್ ನಿಕಲಸ್ ಚಾಂಪಿಯನ್ ಪಟ್ಟ ಪಡೆದರು.
ಜೆಕೆ ಟೈರ್ ಲೆವಿಟಾಸ್ ಕಪ್: ಈ ಸೀಸನ್ ಹೊಸದಾಗಿ ಆರಂಭಿಸಲಾದ ಲೆವಿಟಾಸ್ ಕಪ್‌ನ ರೂಕ್ಕಿ ಕಿರೀಟವನ್ನು ಬಾಲಾಜಿ ರಾಜು ದಿನದ ಎರಡೂ ರೇಸ್‌ಗಳನ್ನು ಗೆದ್ದು ತಮ್ಮದಾಗಿಸಿಕೊಂಡರು. ಜೆಂಟ್ಲೆಮೆನ್ ವಿಭಾಗದಲ್ಲಿ ಕೊಯಮತ್ತೂರಿನ ಜೈ ಪ್ರಶಾಂತ್ ವೆಂಕಟ್ ಕಿರೀಟ ಗೆದ್ದರು.
ಜೆಕೆ ಟೈರ್ ನೋವಿಸ್ ಕಪ್: ಸಿಂಗಲ್-ಸೀಟರ್ ಸರಣಿಯಾದ ನೋವಿಸ್ ಕಪ್‌ನಲ್ಲಿ ನಾಲ್ವರು ಚಾಲಕರು ಕಿರೀಟದ ಪೈಪೋಟಿಯಲ್ಲಿದ್ದರು. ಕೊನೆಗೂ ಪೊಲ್ಲಾಚಿಯ ಲೋಕಿತ್‌ಲಿಂಗೇಶ್ ರವಿ (ಡಿಟಿಎಸ್ ರೇಸಿಂಗ್) ಅಂತಿಮ ರೇಸ್ ಗೆದ್ದು ಚಾಂಪಿಯನ್ ಆಗಿ ಹೊರಹೊಮ್ಮಿದರು.
ಪ್ರೊವಿಷನಲ್ ಫಲಿತಾಂಶಗಳು:
