ಗುಂಡ ಶೇರು ಮಾರ್ಕೆಟ್‌ನಲ್ಲಿ ಸಿಕ್ಕಾಪಟ್ಟೆ ಹಣ ಹೂಡಿ ಬಹುತೇಕ ಎಲ್ಲವನ್ನೂ ಕಳೆದುಕೊಂಡು ಬೇಸತ್ತಿದ್ದ. ಮನೆಗೆ ಬಂದು ತಲೆಯ ಮೇಲೆ ಕೈಹೊತ್ತು ಕುಳಿತವನಿಗೆ, ದಢೂತಿ ಹೆಂಡತಿ ಬಂದು ತಂಬಿಗೆ ನೀರು ಕೊಟ್ಟಳು. ``ಕಳೆದ 2 ವರ್ಷದಲ್ಲಿ ನಾನು ಹೂಡಿದ ಏಕೈಕ ಖರ್ಚು, ತಿಂಗಳು ತಿಂಗಳಿಗೂ ಹಿಗ್ಗುತ್ತಲೇ ಇದೆ!'' ಎಂದು ಅವಳನ್ನು ನೋಡಿ ಹೇಳಿದಾಗ, ತಲೆಬುಡ ಅರ್ಥವಾಗದೆ ಅವಳು ಕಕ್ಕಾಬಿಕ್ಕಿಯಾದಳು.
ಪತಿ ಆ ದಿನ ಬೆಳಗ್ಗೆ ಒಳ್ಳೆ ಮೂಡ್‌ನಲ್ಲಿದ್ದ. ಫೇಸ್‌ಬುಕ್‌ ಓಪನ್‌ಮಾಡಿ ಹೊಸದಾಗಿ ಪೇಸ್ಟ್ ಮಾಡಿದ.`ಇವತ್ತಿನ ದಿನ ಬಹಳ ಮನಮೋಹಕವಾಗಿದೆ! ಇಂದು ಇಡೀ ದಿನ ಹಾಯಾಗಿ ಕಳೆಯಬಹುದು.'
ಇವನ ಪತ್ನಿ ಅದಕ್ಕೆ ಲೈಕ್‌ ಕೊಡುತ್ತಾ ಕಮೆಂಟ್‌ ಮಾಡಿದಳು ಚಾಲೆಂಜ್‌ ಅಕ್ಸೆಪ್ಟೆಡ್‌.
ಗುಂಡ ಆಫೀಸಿಗೆ ಹೊರಡಲೆಂದು ಬೆಳ್ಳಂಬೆಳಗ್ಗೆ ಸರ್ಕಾರಿ ಬಸ್‌ ಹತ್ತಿದ. ಕಂಡಕ್ಟರ್‌ ಇವನನ್ನು ಕಂಡು ಮುಗುಳ್ನಗುತ್ತಾ, ``ನಿನ್ನೆ ರಾತ್ರಿ 11 ಘಂಟೆ ದಾಟಿತ್ತು. ನೀವು ಸೇಫ್‌ ಆಗಿ ಮನೆ ತಲುಪಿದಿರಿ ತಾನೇ?''
ಗುಂಡ : ಯಾಕೆ? ನಿನ್ನೆ ರಾತ್ರಿ ನನಗೆ ಅಂಥದ್ದೇನಾಗಿತ್ತು?
ಕಂಡಕ್ಟರ್‌: ನೀವು ಕಂಟ್ರೋಲ್‌ನಲ್ಲಿ ಇರಲಿಲ್ಲ.
ಗುಂಡ : ಏ.... ಏ.... ಏನು ಹೇಳ್ತಿದ್ದಿ? ನಾನೇನು ನಿನ್ನ ಬಳಿ ಹಾಗೆ ಹೇಳಿದೆನೇ? ಬೇರೆಯವರ ತರಹ ಬಿದ್ದೆನೇ.... ಕೆಟ್ಟ ಮಾತನಾಡಿದೆನೇ? ಏನು ಮಾಡಿದೆ?
ಕಂಡಕ್ಟರ್‌: ಅದೆಲ್ಲ ಮಾಮೂಲಿ ಬಿಡಿ, ಅದಕ್ಕೆ ನಾವು ತಲೆ ಕೆಡಿಸಿಕೊಳ್ಳೋದಿಲ್ಲ. ನಿನ್ನೆ ನೀವು ಬಸ್ಸು ಹತ್ತಿ ಅರ್ಧ ದಾರಿ ಬಂದ ಮೇಲೆ, ಒಬ್ಬ ಮೇಡಂ ಬಸ್ಸು ಹತ್ತಿದರು. ತಕ್ಷಣ ನೀವು ಸೀಟ್‌ನಿಂದ ಎದ್ದು ಅವರಿಗೆ ಕೂರಲು ದಾರಿ ಮಾಡಿಕೊಟ್ಟಿರಿ.
ಗುಂಡ : ಹಾಗಿದ್ದರೆ ಇದರಲ್ಲಿ ತಪ್ಪೇನು? ಹೀಗೆ ನಡೆದುಕೊಳ್ಳಬೇಕಾದುದು ಮಾನವೀಯತೆ. ಅದು ನನ್ನ ಪರನಾರಿ ಸೋದರತ್ವದ ಗುಣ ತೋರಿಸುತ್ತೆ. ಆಕೆ ಮೇಲೆ ಬಿದ್ದು ತಪ್ಪಾಗಿ ನಡೆದುಕೊಂಡಿದ್ದರೆ ನೀನು ನನ್ನನ್ನು ಆಕ್ಷೇಪಿಸಬೇಕು. ಒಬ್ಬ ಹೆಂಗಸಿಗೆ ಹೀಗೆ ಸೀಟ್‌ ಆಫರ್‌ ಮಾಡಿದ್ದೇ ತಪ್ಪೇ?
ಕಂಡಕ್ಟರ್‌: ಅಪರಾಧವಂತೂ ಖಂಡಿತಾ ಅಲ್ಲ. ಆದರೆ ಇಡೀ ಬಸ್ಸಿಗೆ ನೀವಿಬ್ಬರೇ ಪ್ಯಾಸೆಂಜರ್ಸ್‌, ಅಲ್ಲಿಂದ ಕೊನೆಯ ಸ್ಟಾಪ್‌ಬರುವವರೆಗೂ ನೀವು ಪಾಪ, ನಿಂತೇ ಇದ್ದಿರಿ!
ಪತ್ನಿ : ನನ್ನ ನಾಲಿಗೆ ಎಲ್ಲಾ ಒಡೆದು ಗಾಯವಾಗಿದೆ ಗೊತ್ತಾ? ಎಷ್ಟು ಕಷ್ಟ ಆಗ್ತಿದೆ!
ಪತಿ : ಹ್ಞೂಂ ಮತ್ತೆ.... ನೀನು ಅದಕ್ಕೆ ಸ್ವಲ್ಪವಾದ್ರೂ ರೆಸ್ಟ್ ಕೊಟ್ಟರೆ ತಾನೇ?
ಒಂದು ದಿನ ಗುಂಡ ತನ್ನ ಹೆಂಡತಿಯ ಜೊತೆ ಸಂತೆಗೆ ಹೋಗಿದ್ದ. ಅಲ್ಲಿ ಎಲ್ಲಾ ಕಡೆ ಸುತ್ತಾಡಿ, ವಾಪಸ್‌ ಹೊರಡಲಿದ್ದಾಗ, ಅಲ್ಲೇ ಟೆಂಟ್‌ ಹಾಕಿದ್ದ ಒಬ್ಬ ಕಲಾವಿದ ಹೇಳಿದ, ``ಸಾರ್‌, ನಿಮ್ಮ ಶ್ರೀಮತಿಯವರ ಒಂದು ಸುಂದರ ಪೇಂಟಿಂಗ್‌ ಮಾಡಿ ಕೊಡ್ತೀನಿ ಇರಿ. ಕೇವಲ 500/ ರೂ. ಕೊಡಿ ಸಾಕು. ಪೇಂಟಿಂಗ್‌ ಹೇಗಿರುತ್ತೆ ಅಂದ್ರೆ ನೀವು ನೋಡಿದಾಗೆಲ್ಲ ಎದ್ದು ಬಂದು ಮಾತನಾಡುವಂತೆ......''
ಕಲಾವಿದ ಮುಂದುವರಿಸುವ ಮೊದಲೇ ಗುಂಡ ತಡೆಯುತ್ತಾ, ``ಬೇಡ ಬೇಡ.... ನಿನ್ನ ಪೇಂಟಿಂಗ್‌ ಸಹವಾಸವೇ ಬೇಡ. ಮೊದಲೇ ನಾನ್‌ ಸ್ಟಾಪ್‌ ಮಾತನಾಡ್ತಾಳೆ, ಇನ್ನು ಪೇಂಟಿಂಗೂ ಜೊತೆಗೆ ಸೇರಿಕೊಂಡುಬಿಟ್ಟರೆ... ನಾನೇನು ಮನೆಗೆ ಹೋಗಬೇಕೋ ಬೇಡವೋ?''
