ಭಾರತೀಯ ರೇಸಿಂಗ್ ಉತ್ಸವ ಅಕ್ಟೋಬರ್ 4–5 ರಂದು ಕೊಯಮತ್ತೂರಿನ ಐಕಾನಿಕ್ ಕರಿ ಮೋಟಾರ್ ಸ್ಪೀಡ್‌ವೇನಲ್ಲಿ ನಡೆಯಲಿರುವ 3ನೇ ರೌಂಡ್‌ಗೆ ಸಜ್ಜಾಗಿದೆ.
ಫ್ರಾಂಚೈಸ್ ಆಧಾರಿತ ಸರಣಿ ಇಂಡಿಯನ್ ರೇಸಿಂಗ್ ಲೀಗ್ (IRL) ಮೇಲೆ ಗಮನ ಕೇಂದ್ರೀಕರಿಸಲಾಗುವುದು, ಜೊತೆಗೆ ಫಾರ್ಮುಲಾ 4 ಇಂಡಿಯನ್ ಚಾಂಪಿಯನ್‌ಶಿಪ್ ಮತ್ತು ಜೆಕೆ ಟೈರ್ ನ್ಯಾಷನಲ್ ರೇಸಿಂಗ್ ಚಾಂಪಿಯನ್‌ಶಿಪ್ LGB F4 ಸಹ ನಡೆಯಲಿದೆ.
ಸತತ 28 ನೇ ವರ್ಷದಲ್ಲಿರುವ ಜೆಕೆ ಟೈರ್ ನ್ಯಾಷನಲ್ ರೇಸಿಂಗ್ ಚಾಂಪಿಯನ್‌ಶಿಪ್ ದೇಶದಲ್ಲಿ ನಿರಂತರವಾಗಿ ನಡೆಯುತ್ತಿರುವ ಅತಿ ದೀರ್ಘಕಾಲದ ಮೋಟಾರ್‌ಸ್ಪೋರ್ಟ್ ಸ್ಪರ್ಧೆಯಾಗಿದೆ.
IRL ಪಾಯಿಂಟ್ ಟೇಬಲ್‌ನಲ್ಲಿ ಹೈದರಾಬಾದ್ ಬ್ಲ್ಯಾಕ್‌ಬರ್ಡ್ಸ್ 51 ಅಂಕಗಳೊಂದಿಗೆ ಅಲ್ಪ ಮುನ್ನಡೆ ಕಾಯ್ದುಕೊಂಡಿದೆ. ಜಾನ್ ಲ್ಯಾಂಕಾಸ್ಟರ್ (ಬ್ರಿಟನ್), ಅಕ್ಷಯ್ ಬೊಹ್ರಾ, ಗೇಬ್ರಿಯೆಲಾ ಜಿಲ್ಕೋವಾ (ಜೆಕಿಯಾ) ಮತ್ತು ಮೊಹಮ್ಮದ್ ರಯಾನ್ ನೇತೃತ್ವದ ಹೈದರಾಬಾದ್ ಬ್ಲ್ಯಾಕ್‌ಬರ್ಡ್ಸ್ 51 ಅಂಕಗಳೊಂದಿಗೆ ಅಲ್ಪ ಮುನ್ನಡೆ ಹೊಂದಿದೆ. 50 ಅಂಕಗಳೊಂದಿಗೆ ಕೇವಲ ಒಂದು ಅಂಕದ ಹಿಂದಿರುವ ನಿರಂತರ ಸ್ಪೀಡ್ ಡೆಮನ್ಸ್ ದೆಹಲಿ ತಂಡವು ಆರಂಭದಲ್ಲಿಯೇ ಮುನ್ನಡೆ ಸಾಧಿಸಲು ಸಿದ್ಧವಾಗಿದ್ದು, ಕೋಲ್ಕತ್ತಾ ರಾಯಲ್ ಟೈಗರ್ಸ್ 49 ಅಂಕಗಳೊಂದಿಗೆ ಘರ್ಜಿಸುತ್ತಿದೆ.
ಈ ಸೀಸನ್ ಕುರಿತು RPPL ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಅಖಿಲೇಶ್ ರೆಡ್ಡಿ ಮಾತನಾಡಿದ್ದು, “ಎರಡು ಹಂತಗಳ ನಂತರ ಈ ಸೀಸನ್‌ನಲ್ಲಿ ಸ್ಪರ್ಧಾತ್ಮಕತೆ ಮತ್ತು ಅಭಿಮಾನಿಗಳ ಭಾಗವಹಿಸುವಿಕೆ ಉತ್ಸಾಹದಾಯಕವಾಗಿದೆ. ಕರಿ ಮೋಟಾರ್ ಸ್ಪೀಡ್‌ವೇಗೆ ಮರಳುವುದು ವಿಶೇಷವಾಗಿರುತ್ತದೆ. ದೇಶೀಯ ಪ್ರತಿಭೆಗಳನ್ನು ಅಂತಾರಾಷ್ಟ್ರೀಯ ಮಾನದಂಡಗಳಿಗೆ ಸಮನಾಗಿ ಸೃಷ್ಟಿಸುವುದು ನಮ್ಮ ಧ್ಯೇಯ. ಭಾರತೀಯ ರೇಸಿಂಗ್ ಉತ್ಸವ ಜಾಗತಿಕವಾಗಿ ಪ್ರಮುಖ ಘಟನೆಯಾಗಿ ಇರಿಸಿಕೊಳ್ಳಲು ಬದ್ಧರಾಗಿದ್ದೇವೆ. ನಮ್ಮ ಭಾರತೀಯ ಪ್ರತಿಭೆಗಳನ್ನು ಬೆಳೆಸುವುದು ಮತ್ತು ಅಂತಾರಾಷ್ಟ್ರೀಯ ಮಟ್ಟದ ಮೋಟಾರ್‌ಸ್ಪೋರ್ಟ್ ಪರಿಸರ ನಿರ್ಮಿಸುವುದು ನಮ್ಮ ಉದ್ದೇಶ ಎಂದಿದ್ದಾರೆ.
ರೌಂಡ್ 3 ನಲ್ಲಿ ಇಂಡಿಯನ್ ರೇಸಿಂಗ್ ಲೀಗ್ (IRL) ನಲ್ಲಿ 2 ರೋಚಕ ರೇಸ್‌ಗಳು, ಫಾರ್ಮುಲಾ 4 ಇಂಡಿಯನ್ ಚಾಂಪಿಯನ್‌ಷಿಪ್ (F4 IC) ನಲ್ಲಿ 4 ವೇಗದ ಸ್ಪರ್ಧೆಗಳು ಹಾಗೂ ಜೆಕೆ ಟೈರ್ ನ್ಯಾಷನಲ್ ರೇಸಿಂಗ್ ಚಾಂಪಿಯನ್‌ಷಿಪ್ – LGB ಫಾರ್ಮುಲಾ 4 (JKNRC – LGB F4) ನಲ್ಲಿ 3 ಕಠಿಣ ಹೋರಾಟಗಳು ನಡೆಯಲಿವೆ.
