ಡಿಜಿಟಲ್ ಶಬ್ದದ ಬಳಕೆಯಿಂದ ಜನ ಸಾಮಾನ್ಯವಾಗಿ ಇದನ್ನು ಇಂಟರ್‌ ನೆಟ್‌ ಗೆ ಸಂಬಂಧಿಸಿದ್ದು ಎಂದೇ ಭಾವಿಸುತ್ತಾರೆ. ಆದರೆ ಇತ್ತೀಚೆಗೆ ಈ ಅಪರಾಧದ ಕುರಿತಾಗಿ ಹೆಚ್ಚು ಚರ್ಚೆ ಆಗುತ್ತಿರುವುದು ಏಕೆ ಎಂದು ನಿಮಗೆ ಗೊತ್ತೇ.....?
ನವ ದೆಹಲಿಯಲ್ಲಿ ಇತ್ತೀಚೆಗೆ ನಡೆದ ಒಂದು ದುರ್ಘಟನೆ. 81ರ ಹರೆಯದ ಪೇಂಟರ್‌ ಮಾರಿಸ್‌ ಎಂಬಾತ 16ರ ಹರೆಯದ ಹುಡುಗಿಯೊಬ್ಬಳ ಜೊತೆ ತನ್ನ ಬೆರಳಿನಿಂದಲೇ ಸೆಕ್ಸ್ ನಡೆಸುತ್ತಿದ್ದ. ಆ ಹುಡುಗಿ ಹೆದರಿ ತನ್ನ ಪೋಷಕರಿಗೆ ತಿಳಿಸಲು, ಅದು ಠಾಣೆವರೆಗೂ ದೂರು ಹೋಯಿತು. ಪೊಲೀಸರು ಇದನ್ನು `ಡಿಜಿಟಲ್ ರೇಪ್‌' ಕಲಂ ಅಡಿ ಮೊಕದ್ದಮೆ ದಾಖಲಿಸಿಕೊಂಡರು. ಅದಾದ ಮೇಲೆ ಈ ಶಬ್ದ ದೇಶಾದ್ಯಂತ ಹೆಚ್ಚು ಬಳಕೆಗೆ ಬಂತು. ಕಳೆದ ವರ್ಷ ದೆಹಲಿ, ಮುಂಬೈಲ್ಲಿ ಇಂಥದೇ ಘಟನೆ ಸ್ಟೇಷನ್ ಮುಟ್ಟಿದ್ದರೂ, ಅದು ಇಷ್ಟು ಹೆಸರು ಮಾಡಲಿಲ್ಲ.
ಹೆಣ್ಣುಮಕ್ಕಳ ಗುಪ್ತಾಂಗಗಳ ಕುರಿತಾಗಿ ಚೆಲ್ಲಾಟವಾಡುವ ಇಂಥ ಕುತ್ಸಿತ ಮಾನಸಿಕತೆ ಉಳ್ಳವರು, ರೇಪ್‌ ಎಂದರೆ ಒಲ್ಲದ ಸಂಭೋಗ ನಡೆಸುವುದು ಮಾತ್ರ ಎಂದು ಭಾವಿಸಿದ್ದರು. ಈ ಮತಿಗೆಟ್ಟವರು ಅಪ್ರಾಪ್ತ ವಯಸ್ಸಿನ ಹೆಣ್ಣುಮಕ್ಕಳ ಜೊತೆ ಇಂಥ ಅಶ್ಲೀಲ ಕ್ರಿಯೆ ನಡೆಸಿ, ಪೈಶಾಚಿಕ ಆನಂದ ಹೊಂದುತ್ತಾರೆ. ಪಾಪ, ಅಂಥ ಹೆಣ್ಣುಮಕ್ಕಳಿಗೆ ಈ ಕುಕೃತ್ಯದ ಹಿಂದಿನ ಉದ್ದೇಶ ಗೊತ್ತಾಗುವುದಿಲ್ಲ. ಕಚಗುಳಿ ಇಡುವಂತೆ ಎಂದು ಈ ಲಫಂಗರು ಆ ಮುಗ್ಧೆಯನ್ನು ನಂಬಿಸಿರುತ್ತಾರೆ.
ಇನ್ನೂ ಬೀಭತ್ಸಕರ ಪ್ರಕರಣಗಳಲ್ಲಿ ಇಂಥ ರಾಕ್ಷಸರು ಹೆಣ್ಣುಮಕ್ಕಳ ಅಂಗಕ್ಕೆ ಪೆನ್ಸಿಲ್‌, ಪ್ಲಾಸ್ಟಿಕ್‌, ಕಬ್ಬಿಣದ ರಾಡ್‌ ಬಳಸಿದ ನಿದರ್ಶನಗಳೂ ಕಂಡುಬಂದಿವೆ. ತಮ್ಮ ದುರಾಸೆ ತೀರಿಸಿಕೊಳ್ಳುವ ಇಂಥ ಪಾಪಿಗಳಿಗೆ ಎಂಥ ಶಿಕ್ಷೆ ನೀಡಿದರೂ ಸಾಲದು. ಎಷ್ಟೋ ಸಲ ಆ ಮುಗ್ಧ ಮಗಳು ಸಾನ್ನಪ್ಪುವ ಘೋರ ನಡೆದಿದೆ. ದೆಹಲಿಯ ನಿರ್ಭಯಾ ಕಾಂಡದಲ್ಲೂ ಇಂಥ ಐರನ್‌ ರಾಡ್‌ ಬಳಸಲಾಗಿತ್ತು, ಅದರಿಂದ ಅವಳು ಪಟ್ಟಿರಬಹುದಾದ ದೈಹಿಕ, ಮಾನಸಿಕ ಹಿಂಸೆಗೆ ಎಣೆಯುಂಟೇ?
ಹಿಂದೆಲ್ಲ ಇಂಥ ಘೋರ ಕೃತ್ಯವನ್ನು ಬಲಾತ್ಕಾರ, ರೇಪ್‌, ಅತ್ಯಾಚಾರ ಎಂದು ಪರಿಗಣಿಸುತ್ತಿರಲಿಲ್ಲ. ಹೀಗಾಗಿ ಅಂಥ ಪಾಪಿಷ್ಟರು ಶಿಕ್ಷೆ ಹೊಂದದೆ ತಪ್ಪಿಸಿಕೊಳ್ಳುತ್ತಿದ್ದರು. ಇದೀಗ ಕಾನೂನಿನಲ್ಲಿ ಬದಲಾವಣೆ ಬಂದಿರುವುದರಿಂದ, ಇಂಥ ಕುಕೃತ್ಯಗಳನ್ನು ಡಿಜಿಟಲ್ ರೇಪ್‌ ಹೆಸರಿನಲ್ಲಿ ದಾಖಲು ಮಾಡಿಕೊಂಡು, ಶಿಕ್ಷೆ ವಿಧಿಸುವಂತೆ ಮಾಡುತ್ತಾರೆ. ರೇಪ್‌ ಕುರಿತಾದ ಕಾನೂನಿನ ವ್ಯಾಖ್ಯಾನದ ಅಡಿ ಬದಲಾವಣೆ ಆಗಿರುವುದರಿಂದ, ಅಪ್ರಾಪ್ತ ಹೆಣ್ಣು ಮಕ್ಕಳ ಮೇಲೆ ನಡೆಯುವ ಇಂಥ ದೌರ್ಜನ್ಯಕ್ಕೆ ಈಗ ತಕ್ಕ ಶಿಕ್ಷೆ ಇದೆ.
ಏನಿದು ಡಿಜಿಟಲ್ ರೇಪ್‌?
ಈ ಶಬ್ದ ಕೇಳಿದಾಕ್ಷಣ ಜನ ಸಾಮಾನ್ಯವಾಗಿ ಇದನ್ನು ಸೋಶಿಯಲ್ ಮೀಡಿಯಾದಲ್ಲಿ ಕಂಡುಬರುವ ನಗ್ನ ಚಿತ್ರ, ವಿಡಿಯೋ, ಅಶ್ಲೀಲ ಮೆಸೇಜ್‌ ಗಳ ಮೂಲಕ ಹೆಣ್ಣನ್ನು ಗೋಳು ಹೊಯ್ದುಕೊಳ್ಳುವ ಅಪರಾಧ ಎಂದು ಭಾವಿಸುತ್ತಾರೆ. ಇದಕ್ಕೆ ಕಾರಣ ಎಂದರೆ, ಡಿಜಿಟಲ್ ಶಬ್ದ ಎಂದಾಕ್ಷಣ, ಸೋಶಿಯಲ್ ಮೀಡಿಯಾಗಳಲ್ಲಿ ನಡೆಯುವ ಲೈಂಗಿಕ ಅಪರಾಧಗಳ ಚಿತ್ರ ಕಣ್ಣು ಮುಂದೆ ಬರುತ್ತದೆ.
