ಪಾಪ್ಯುಲರ್‌ ಆಗುತ್ತಿರುವ ಪೋಲ್ ಡ್ಯಾನ್ಸ್ : ಅಮೆರಿಕಾದ ಸಣ್ಣ ರಾಜ್ಯವಾದ ಆ್ಯಶ್‌ವಿಲೆ ಕೇವಲ 1 ಲಕ್ಷದಷ್ಟು ಮಾತ್ರ ಜನಸಂಖ್ಯೆ ಹೊಂದಿದೆ. ಆದರೆ ಅಲ್ಲಿನ ಪೋಲ್ ಡ್ಯಾನ್ಸ್ ಅಕ್ಯಾಡೆಮಿಗೆ ದಿನೆ ದಿನೇ ಹೆಚ್ಚುತ್ತಿರುವ ಜನಪ್ರಿಯತೆ ದಂಗುಗೊಳಿಸುತ್ತದೆ. ಇದು ಸ್ಥೂಲದೇಹಿ ಮಹಿಳೆಯರನ್ನು ತೆಳ್ಳಗಾಗಿಸಲು ಉತ್ತಮ ಪ್ರಯತ್ನ ಕೂಡ. ಈ ಡ್ಯಾನ್ಸ್ ನಿಂದ ಹೆಚ್ಚಿನ ಆತ್ಮವಿಶ್ವಾಸ ಗಳಿಸುವ ಅಲ್ಲಿನ ಹೆಂಗಸರು ಗ್ಲಾಮರ್‌ ಬೋಲ್ಡ್ ನೆಸ್‌ನತ್ತ ಹೇಗೆ ಮುನ್ನುಗ್ಗುತ್ತಿದ್ದಾರೆ….. ನೀವೇ ನೋಡಿ!
ಇಲ್ಲಿ ರಂಗು & ನೃತ್ಯ ಎರಡೂ ಉಂಟು : ಕೆನಡಾದ ಮಾಂಟ್ರಿಯಾನಾ ಪ್ರದೇಶದಲ್ಲಿ ಭಾರತೀಯ ಮೂಲದ ಜನರು ಉತ್ಸವ ಮೇಳ ನಡೆದಾಗ ತಮ್ಮ ಪಾರಂಪರಿಕ ಗೀತೆ, ಸಂಗೀತ, ನೃತ್ಯಗಳನ್ನು ಪ್ರಸ್ತುತಪಡಿಸುತ್ತಾ ಕೆಲವು ನೆರೆ ರಾಷ್ಟ್ರಗಳಿಗೂ ತಮ್ಮ ಸಂಸ್ಕೃತಿ ವ್ಯಕ್ತಪಡಿಸಲು ಅವಕಾಶವಿತ್ತರು. ಆಗ ಏಷ್ಯಾ ಮೂಲದ ಇತರರೂ ಮುಂದಾದರು. ಆಗ್ನೇಯ ಏಷ್ಯಾದ ಈ ಪರಿಯ ರಂಗು, ನೃತ್ಯಗಳು ಮೇಲುಗೈ ಸಾಧಿಸಿದವು.
ಈ ರೇಸ್‌ನ ಮಜವೇ ಬೇರೆ : ರಬ್ಬರ್‌ನಿಂದ ರೂಪುಗೊಂಡ ಒಂದೇ ಗಾತ್ರ, ಒಂದೇ ತೂಕದ ಹಲವು ಬಾತುಕೋಳಿಗಳನ್ನು ಒಟ್ಟಾಗಿ ನೀರಿಗೆ ತೇಲಿಬಿಟ್ಟಾಗ, ಹಲವು ಮೊದಲು ಗುರಿ ತಲುಪುತ್ತವೆ, ಇನ್ನುಳಿದವು ನಂತರ. ಈ ರೇಸ್‌ನ ಸ್ವಾರಸ್ಯ ಇರುವುದೇ ಪ್ರತಿ ಸ್ಪರ್ಧಿಯೂ ತನ್ನ ಡಕ್ ಮೊದಲೇ ಆರಿಸಿಕೊಳ್ಳುವುದರಲ್ಲಿ. ಒಂದೇ ತರಹ ಕಾಣಿಸುವ ಈ ಡಕ್‌ಗಳ ಸಂಖ್ಯೆ ಗುರುತಿಟ್ಟುಕೊಳ್ಳುವುದೂ ಕಷ್ಟವೇ! ಆದರೆ ರೇಸ್ ಕೊನೆಗೊಂಡಾಗ, ಎಲ್ಲಕ್ಕೂ ಮೊದಲು ತಲುಪಿದ ಡಕ್ ಸಂಖ್ಯೆ ಗುರುತಿಸಲು ಎಲ್ಲರೂ ಉತ್ಸುಕರಾಗುತ್ತಾರೆ. ಇದುವೇ ಡಕ್ ರೇಸ್‌ನ ಮೋಜು! ಇಲ್ಲಿ ಡಕ್ ರೇಸ್‌ನ ತಯಾರಿ ನಡೆಯುತ್ತಿದೆ, ಡಕ್ ಮುಳುಗಬಾರದೆಂಬುದೇ ಎಲ್ಲರ ಚಿಂತೆ. ನಮ್ಮಲ್ಲಿನ ಕುದುರೆ ಜೂಜಿನಂತೆ ಜರ್ಮನಿಯಲ್ಲಿ ಈ ಡಕ್ ಜೂಜು. ಇದಕ್ಕೆ ಎಂಟ್ರಿ ಫೀ ಸಹ ಉಂಟು, ಕೆಲವೆಡೆ ಊಟೋಪಚಾರ ಉಂಟಂತೆ!
ಹೀಗೆ ಪರಿಸರ ಕಾಪಾಡಿಕೊಳ್ಳಿ : ಪರಿಸರ ಕಾಪಾಡಿ ಎಂದು ಕೇವಲ ಕೆಂಪು ಕೋಟೆಯ ಭಾಷಣದಿಂದ ಸಾರಿದರೆ ಏನೇನೂ ಲಾಭವಿಲ್ಲ. ಅದನ್ನು ಪ್ರಯೋಗಶಾಲೆಗಳಿಂದಲೂ ಮಾಡಬೇಕಾಗುತ್ತದೆ. ವಾಷಿಂಗ್‌ಟನ್‌ ಯೂನಿರ್ಸಿಟಿಯ ಸೈಂಟಿಸ್ಟ್ ಪ್ಲಾಸ್ಟಿಕ್‌ನಿಂದ ಜೆಟ್‌ ಫ್ಯೂಯೆಲ್‌ ತಯಾರಿಸುವ ಟೆಕ್ನಿಕ್‌ನ್ನು ಬಹುತೇಕ ಯಶಸ್ವಿಯಾಗಿ ಮುಗಿಸಿದ್ದಾರೆ. ಈ ಕೆಲಸಕ್ಕೆ ಮಹಿಳಾ ವಿಜ್ಞಾನಿಗಳ ಕೊಡುಗೆ ಏನೂ ಕಡಿಮೆಯಲ್ಲ. ಕೇವಲ ಭಾಷಣ ಮಾಡಿ, ಕಂಠಶೋಷಣೆ ಮಾಡಿಕೊಳ್ಳುವುದರಿಂದ ಅಲ್ಲ, ಈ ರೀತಿ ಲ್ಯಾಬ್‌ಗಳಲ್ಲಿ ಪ್ರಯೋಗದ ಮೂಲಕ ಅದನ್ನು ಸಾಧಿಸಿ ತೋರಿಸಬೇಕು.
ಇಲ್ಲಿ ಎಲ್ಲ ತೋರಿಕೆಯಷ್ಟೆ : ಡೀರ್‌ ಹಂಟರ್‌ ಕನ್ವೆನ್ಶನ್‌ ದಿನ ಹೆಸರಿಗಷ್ಟೆ ಇದೆ, ಏಕೆಂದರೆ ಈಗ ಅಮೆರಿಕಾದಲ್ಲೂ ಜಿಂಕೆಗಳ ಬೇಟೆ ನಿಷೇಧಿಸಲಾಗಿದೆ. ಈಗಂತೂ ಅವುಗಳ ಎಣಿಕೆ ನಿಯಂತ್ರಣ ತಪ್ಪಿದೆ. ಹಳೆಯ ಕಂದಾಚಾರದ ಕನ್ವೆನ್ಶನ್‌ನವರು, ಮುಂದೆ ನಕಲಿ ಜಿಂಕೆಗಳ ಬೇಟೆ ಆಡಿಕೊಂಡು ಅಥವಾ ತಾವೇ ಬೆಳೆಸಿದ ಜಿಂಕೆಗಳನ್ನು ಕೊಂದು ತಮ್ಮ ಹಿಂಸಾತ್ಮಕ ಆಟ ತೋರಿಸಬಹುದೆಂಬ ಐಡಿಯಾದಲ್ಲೇ ಇದ್ದಾರೆ. ಈ ಕನ್ವೆನ್ಶನ್‌ಗಳಲ್ಲಿ ಊಟೋಪಚಾರ ಜೋರಾಗಿರುತ್ತದೆ, ಜಿಂಕೆ ಬೇಟೆಯ ವಿಚಾರವಲ್ಲ.
ಪ್ರಜಾಪ್ರಭುತ್ವ ಇನ್ನೂ ಜೀವಂತ : ನರೇಟಿವ್‌ (ಕಥಾನಕ ಶೈಲಿ) ಜರ್ನಲಿಸಂ ಪ್ರಜಾಪ್ರಭುತ್ವದ ಜೀವಾಳವಾಗಿದೆ, ದೊಡ್ಡ ಉದ್ಯಮ ಸಹ. ಇದು ಧರ್ಮ, ಸರ್ಕಾರಗಳಿಗೆ ದೊಡ್ಡ ತಲೆನೋವು. ವಿಶ್ವವಿಡೀ ಇಂಥ ಪತ್ರಿಕೋದ್ಯಮದ ವಿರುದ್ಧ ಷಡ್ಯಂತ್ರಗಳು ನಡೆಯುತ್ತಿರುತ್ತವೆ. ಪತ್ರಕರ್ತರಿಗೆ ಬೆದರಿಕೆ ತಪ್ಪಿದ್ದಲ್ಲ. ಅವರ ಮೇಲೆ ಮೊಕದ್ದಮೆಗಳು ತಪ್ಪಿದ್ದಲ್ಲ. 130 ದೇಶಗಳಲ್ಲಿ 1700 ಇಂಥ ಪತ್ರಕರ್ತರು `ನಿಮ್ಮ ರಕ್ಷಣೆಗಾಗಿ ನಿಮ್ಮ ಜೀವವನ್ನು ಅಪಾಯದಲ್ಲಿ ಒಡ್ಡಿಕೊಳ್ಳುವುದು ಹೇಗೆ?’ ಎಂಬ ವಿಷಯದ ಮೇಲೆ ಚರ್ಚೆ ನಡೆಸಲು ಜರ್ಮನಿಯ ಹ್ಯಾಂಬರ್ಗ್‌ನಲ್ಲಿ ಜಮೆಗೊಂಡರು. ಒಂದೇ ಕಡೆ ಇಷ್ಟೆಲ್ಲ ಪತ್ರಕರ್ತರು ಜಮೆಗೊಂಡಿರುವುದು ವಿಶ್ವದಲ್ಲಿನ್ನೂ ಪ್ರಜಾಪ್ರಭುತ್ವ ಬದುಕಿದೆ ಎಂಬುದಕ್ಕೆ ಸಾಕ್ಷಿಯಾಗಿದೆ.
ಇದಲ್ಲವೇ ಬದುಕುವ ಪರಿ : ಇಡೀ ನಗರ ದೊಡ್ಡದಲ್ಲದಿದ್ದರೇನಂತೆ, ಒಂದೆಡೆ ವಿಶಾಲ ಮೇಜು ಹಾಕಿಸಿ ಎಲ್ಲರನ್ನೂ ಕರೆದು ಔತಣ ಕೂಟ ಏರ್ಪಡಿಸಿದರೆ ಮಜಾ ಎನಿಸುವುದಿಲ್ಲವೇ? ಜರ್ಮನಿಯ ಹೇಡನ್ ಬರ್ಗ್‌ ನಗರದಲ್ಲಿ ನ್ಯಾಕರ್‌ ನದಿಯಿಂದ ವಿಶೇಷ ಮೋಜು ಉಡಾಯಿಸಿ, ಅಲ್ಲಿನ ಹಬ್ಬಗಳು, ಡ್ರಾಮಾ, ವಿಶೇಷ ಸಂದರ್ಭಗಳಲ್ಲಿ ಪಟಾಕಿ ಸಿಡಿತ ಇತ್ಯಾದಿ ಎಂಜಾಯ್‌ ಮಾಡಬಹುದು. ಈ ಫೆಸ್ಟಿವಲ್‌ನಲ್ಲಿ ಭಾಗಹಿಸಲು ಜನ ದೂರ ದೇಶಗಳಿಂದ ಆಗಮಿಸುತ್ತಾರೆ. ನಮ್ಮಲ್ಲಿ ಕಂದಾಚಾರದ ಕಟ್ಟುಪಾಡುಗಳಿಂದಾಗಿ, ಇಂಥ ಸಹಭೋಜನಗಳು ಕಡಿಮೆ ಎಂದೇ ಹೇಳಬಹುದು.
TAGS : ಸುದ್ದಿ ಸಮಾಚಾರ, ಪೋಲ್ ಡ್ಯಾನ್ಸ್, ರಂಗು – ನೃತ್ಯ, ಡಕ್ ರೇಸ್, ಪರಿಸರ ಕಾಪಾಡಿ, ಎಲ್ಲವೂ ತೋರಿಕೆ, ಜೀವಂತ ಪ್ರಜಾಪ್ರಭುತ್ವ, ಬದುಕುವ ಪರಿ
