ಪ್ರಶಂಸೆ ಎಲ್ಲರಿಗೂ ಇಷ್ಟವೇ. ಜನರ ದೃಷ್ಟಿಯಲ್ಲಿ ತಾವು ಶೋಭಿಸಬೇಕೆಂದು ಪ್ರತಿಯೊಬ್ಬರೂ ಬಯಸುತ್ತಾರೆ. ಇಂತಹ ಮೆಚ್ಚುಗೆಯಿಂದ ಸಮಾಜದಲ್ಲಿ ಹೆಸರು ಗಳಿಸುವುದಲ್ಲದೆ, ನಿಮಗೆ ಆತ್ಮವಿಶ್ವಾಸ ಲಭಿಸುತ್ತದೆ. ಈ ಆತ್ಮವಿಶ್ವಾಸವೇ ಸಫಲತೆಯ ಮೆಟ್ಟಿಲು. ಇದಕ್ಕಾಗಿ ಬಾಹ್ಯವಾಗಲ್ಲದೆ, ಆಂತರಿಕವಾಗಿಯೂ ನಿಮ್ಮನ್ನು ನೀವು ತಿದ್ದಿ ತೀಡಬೇಕು. ಗ್ರೂಮಿಂಗ್ನ ಅಗತ್ಯವೇನು ಎಂದು ತಿಳಿಯೋಣ :
ಗ್ರೂಮಿಂಗ್ ಮಹತ್ವ
ನಿತ್ಯಾಂಜಲಿ ಇನ್ಸ್ಟಿಟ್ಯೂಟ್ ಟ್ರಸ್ಟಿ ಮತ್ತು ಫ್ಯಾಕಲ್ಟಿ ಆಗಿರುವ ಗಿರೀಶ್ರ ಪ್ರಕಾರ ಒಬ್ಬ ವ್ಯಕ್ತಿಗೆ ಗ್ರೂಮಿಂಗ್ ಅಗತ್ಯ. ಗ್ರೂಮಿಂಗ್ಶಾರೀರಿಕವಾಗಿಯಲ್ಲದೆ ಮಾನಸಿಕವಾಗಿಯೂ ಬದಲಾವಣೆ ತರುತ್ತದೆ. ನಿಮ್ಮ ಬಗ್ಗೆ ನಿಮಗೆ ಹೆಮ್ಮೆಯುಂಟಾದಾಗ ನಿಮ್ಮ ಆತ್ಮವಿಶ್ವಾಸ ಹೆಚ್ಚುತ್ತದೆ. ಸಾಮಾನ್ಯವಾಗಿ ಜನರು ನಿಮ್ಮ ಹೊರನೋಟದಿಂದ ಆಕರ್ಷಿತರಾಗುತ್ತಾರೆ. ನಿಮ್ಮ ಸ್ಟೈಲ್, ಹೈಜೀನ್ ಮತ್ತು ಪರ್ಸನಾಲಿಟಿಯ ಬಗ್ಗೆ ನೀವೆಷ್ಟು ಎಚ್ಚರ ವಹಿಸುವಿರಿ ಎಂದು ಕಂಡುಬರುತ್ತದೆ. ನಿಮ್ಮ ಈ ಮೊದಲ ನೋಟವೇ ಜನರನ್ನು ನಿಮ್ಮೆಡೆಗೆ ಸೆಳೆಯುತ್ತದೆ.
ಬಾಹ್ಯ ಸೌಂದರ್ಯ ಮಾತ್ರವಲ್ಲದೆ, ನಿಮ್ಮ ಇತರ ಸಣ್ಣಪುಟ್ಟ ವಿಷಯಗಳ ಕಡೆ ಗಮನವಿರಿಸುವುದೇ ಗ್ರೂಮಿಂಗ್. ನಿಮ್ಮದೊಂದು ಪರ್ಫೆಕ್ಟ್ ಆದ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳುವುದೇ ಗ್ರೂಮಿಂಗ್ನ ಅರ್ಥ. ಪರ್ಸನಲ್ ಗ್ರೂಮಿಂಗ್ ಮಾತ್ರವಲ್ಲದೆ, ಪ್ರೊಫೆಶನಲ್ ಮತ್ತು ಸೋಶಿಯಲ್ ಗ್ರೂಮಿಂಗ್ ಮೂಲಕ ನಿಮ್ಮ ವ್ಯಕ್ತಿತ್ವಕ್ಕೊಂದು ವಿಶೇಷ ಕಳೆ ನೀಡುವುದೇ ಇದರ ಉದ್ದೇಶ.
ಗ್ರೂಮಿಂಗ್ ಪ್ರಾರಂಭ
ಎಲ್ಲಕ್ಕಿಂತ ಮೊದಲು ನಿಮ್ಮನ್ನು ನೀವು ಅರ್ಥ ಮಾಡಿಕೊಂಡು ಸ್ವೀಕರಿಸಬೇಕಾಗುತ್ತದೆ. ನಂತರ ಹೆಲ್ತ್ ಅಂಡ್ ಹೈಜೀನ್ ಬಗ್ಗೆ ನೋಡಲಾಗುತ್ತದೆ. ಅದಾದ ಮೇಲೆ ಪ್ರೊಫೆಶನಲ್ ಲೈಫ್ ವಿಷಯ ಬರುತ್ತದೆ. ನಿಮ್ಮ ಡ್ರೆಸಿಂಗ್ ಸ್ಟೈಲ್, ನೀವು ಜನರೊಂದಿಗೆ ಮಾತನಾಡುವ ರೀತಿ, ನಿಮ್ಮ ಆತ್ಮವಿಶ್ವಾಸ ಮುಂತಾದ ವಿಷಯಗಳು ಪರಿಗಣಿಸಲ್ಪಡುತ್ತವೆ.
ಪರ್ಸನಲ್ ಗ್ರೂಮಿಂಗ್ನಲ್ಲಿ ನಿಮ್ಮ ಚರ್ಮ, ಕತ್ತು, ಉಗುರು ಮತ್ತು ಓವರ್ ಆಲ್ಹೈಜೀನ್ನ್ನು ಗಮನಿಸಲಾಗುತ್ತದೆ. ತಲೆಯಿಂದ ಕಾಲಿನವರೆಗೆ ನೀವು ಎಷ್ಟು ಪರ್ಫೆಕ್ಟ್ ಆಗಿರುವಿರಿ ಎಂಬುದನ್ನು ಇಲ್ಲಿ ಗುರುತಿಸಲಾಗುತ್ತದೆ. ಪ್ರೊಫೆಶೆನಲ್ ಗ್ರೂಮಿಂಗ್ನಲ್ಲಿ ನಿಮ್ಮ ವ್ಯಕ್ತಿತ್ವದ ಹೆಚ್ಚುಗಾರಿಕೆಯನ್ನು ಕಾಣಲಾಗುತ್ತದೆ. ನೀವು ಮಾತನಾಡುವ ಟೋನ್, ಮಾತನಾಡುವಾಗ ನೀವು ಕೈಗಳನ್ನು ಬಳಸುವ ರೀತಿ, ನಿಮ್ಮ ಮುಗುಳ್ನಗೆ ಇವುಗಳಿಂದ ಜನರ ಮನಸ್ಸನ್ನು ಹಿಡಿದಿಡಲು ಸಾಧ್ಯವಾಗುತ್ತದೆ.
ಪ್ರೊಫೆಶನಲ್ ಗ್ರೂಮಿಂಗ್ನಲ್ಲಿ ನಿಮ್ಮ ಉದ್ಯೋಗ ಯಾವ ಬಗೆಯದು ಎಂದು ನೋಡಲಾಗುತ್ತದೆ. ನೀವು ಟೀಚರ್ ಆಗಿದ್ದರೆ, ನೀವು ಮೈಲ್ಡ್ ಮೇಕಪ್ನೊಂದಿಗೆ ಪರ್ಫೆಕ್ಟ್ ಸ್ಯಾರಿ ಡ್ರೇಪಿಂಗ್ನ್ನು ಕಲಿಯಬೇಕಾಗುತ್ತದೆ. ನೀವು ಕಂಪನಿಯೊಂದರ ಮ್ಯಾನೇಜ್ಮೆಂಟ್ಗೆ ಸಂಬಂಧಿಸಿದ ಕೆಲಸ ಮಾಡುತ್ತಿದ್ದರೆ, ಸ್ಕರ್ಟ್ ಮತ್ತು ಟ್ರೌಸರ್ ನಂತಹ ಡ್ರೆಸ್ಧರಿಸಬೇಕಾಗುತ್ತದೆ. ಆದರೆ ಈ ಬಾಹ್ಯರೂಪವಲ್ಲದೆ, ನೀವು ಕಲೀಗ್ಸ್ ಜೊತೆ ಹೇಗೆ ನಡೆದುಕೊಳ್ಳಬೇಕು ಮತ್ತು ಕ್ಲಯೆಂಟ್ಸ್ ಜೊತೆ ಹೇಗೆ ವ್ಯವಹರಿಸಬೇಕು ಎಂಬುದನ್ನೂ ಕಲಿಸಿಕೊಡಲಾಗುತ್ತದೆ.
ಫಿಸಿಕಲ್ ಆ್ಯಕ್ಟಿವಿಟಿ
ಇದರಲ್ಲಿ ಮೊದಲು ನಿಮ್ಮ ಮುಖವನ್ನು ಕನ್ನಡಿಯಲ್ಲಿ ನೋಡಿಕೊಳ್ಳಲು ಹೇಳಲಾಗುತ್ತದೆ. ನಂತರ ಇಡೀ ಶರೀರವನ್ನು ಗಮನಿಸಲು ಸಲಹೆ ನೀಡಲಾಗುತ್ತದೆ. ಇದರಿಂದ ನಿಮ್ಮ ಶರೀರದ ಬಗ್ಗೆ ನಿಮಗೆ ಅರಿವುಂಟಾಗುತ್ತದೆ. ಆಮೇಲೆ ಡ್ರೆಸ್ಮಾಡಿಕೊಂಡು ಅಪ್ಟು ಡೇಟ್ ಆಗಿ ಕನ್ನಡಿಯ ಮುಂದೆ ನಿಲ್ಲುವುದರಿಂದ ನಿಮಗೆ ಡ್ರೆಸಿಂಗ್ಸೆನ್ಸ್ ಮತ್ತು ಪ್ರೆಸೆಂಟೆಬಲ್ ಆಗಿರುವ ವಿಧಾನವನ್ನು ಕಲಿಯುಲು ಸಾಧ್ಯವಾಗುತ್ತದೆ. ಈ ರೀತಿ ನೀವು ತಲೆಯಿಂದ ಕಾಲಿನವರೆಗೆ ನಿಮ್ಮ ಸ್ಟೈಲ್ನ್ನು ಉತ್ತಮಪಡಿಸಿಕೊಳ್ಳ ಬಲ್ಲವರಾಗುವಿರಿ.
ಪರ್ಸನಲ್ ಗ್ರೂಮಿಂಗ್
ತಂದೆ ತಾಯಿಗಳು ಇಷ್ಟಪಡುವುದಾದರೆ ಮಕ್ಕಳಿಗೆ 6 ವರ್ಷ ವಯಸ್ಸಿನ ನಂತರ ಗ್ರೂಮಿಂಗ್ಮಾಡಲು ಪ್ರಾರಂಭಿಸಬಹುದು. ಈ ಹೊತ್ತಿಗೆ ಮಕ್ಕಳು ಶಾಲೆಗೆ ಹೋಗಲು ಪ್ರಾರಂಭಿಸಿರುವುದರಿಂದ ಅವರು ಸುತ್ತಮುತ್ತಲ ವಾತಾವರಣದ ಬಗ್ಗೆ ತಿಳಿಯತೊಡಗಿರುತ್ತಾರೆ. ಈ ಸಮಯದಲ್ಲಿ ಅವರಿಗೆ ಗ್ರೂಮ್ ಮಾಡಲು ಪ್ರಾರಂಭಿಸಿದರೆ ಅವರು ಸುಲಭವಾಗಿ ನಿಮ್ಮ ಮಾತನ್ನು ಅರ್ಥ ಮಾಡಿಕೊಂಡು ಅದರಂತೆ ನಡೆಯುತ್ತಾರೆ.
ಮಕ್ಕಳೇ ಅರ್ಥ ಮಾಡಿಕೊಳ್ಳುವ ವಯಸ್ಸು ಬಂದಾಗ ಅವರಿಗೆ ಪರ್ಸನಲ್ ಹೈಜೀನ್ ಬಗ್ಗೆ ತಿಳಿಸಿಕೊಡಬೇಕು. ದಿನಕ್ಕೆರಡು ಬಾರಿ ಬ್ರಶ್ಮಾಡುವುದರಿಂದ ಹಿಡಿದು ಸ್ಕೂಲ್ ಯೂನಿಫಾರಂನ್ನು ಸರಿಯಾಗಿ ತೊಡುವ ರೀತಿಯನ್ನು ಹೇಳಿಕೊಟ್ಟು ಅವರಿಗೆ ಶಾರೀರಿಕ ಸ್ವಚ್ಛತೆಯ ಮಹತ್ವವನ್ನು ಅರ್ಥ ಮಾಡಿಸಿಕೊಡಬೇಕು.
ಎಲ್ಲ ಮಕ್ಕಳಿಗೂ ಗ್ರೂಮಿಂಗ್ ಕಲಿಸಿಕೊಡಬೇಕು. ಆದರೆ ಹೆಣ್ಣುಮಕ್ಕಳಿಗೆ ಅದರ ಅಗತ್ಯ ಹೆಚ್ಚು. ಅವರ ಋತುಚಕ್ರದ ಪ್ರಕ್ರಿಯೆ ಪ್ರಾರಂಭವಾದಾಗ ಅವರಿಗೆ ಹೈಜೀನ್ನ ಜೊತೆಗೆ ಪರ್ಸನಲ್ ಗ್ರೂಮಿಂಗ್ ಬಗ್ಗೆಯೂ ಶಿಕ್ಷಣ ನೀಡಬೇಕು.
ಕೆರಿಯರ್ಗೆ ಲಾಭದಾಯಕ
ಕೆರಿಯರ್ನ ದೃಷ್ಟಿಯಿಂದ ಹೇಳುವುದಾದರೆ, ಎಲ್ಲಕ್ಕಿಂತ ಮೊದಲು ನೀವು ಮಾತನಾಡುವ ರೀತಿ ಹೇಗಿದೆಯೆಂದು ನೋಡಲಾಗುತ್ತದೆ. ಮಾತನಾಡುವಾಗ ನೀವು 2 ಭಾಷೆಗಳನ್ನು ಉಪಯೋಗಿಸುತ್ತಿಲ್ಲವಷ್ಟೇ ಎಂದು ಗಮನಿಸಲಾಗುತ್ತದೆ. ಇದಲ್ಲದೆ, ನಿಮ್ಮ ಡ್ರೆಸಿಂಗ್ಸ್ಟೈಲ್ನ್ನು ನೋಡಲಾಗುತ್ತದೆ. ಸರಿಯಾದ ಬಣ್ಣದ ಡ್ರೆಸ್ನೊಂದಿಗೆ ಮ್ಯಾಚಿಂಗ್ ಫುಟ್ವೇರ್ ಮತ್ತು ಆ್ಯಕ್ಸೆಸರೀಸ್ಧರಿಸುವ ರೀತಿಯಲ್ಲಿ ಕಲಿಸಲಾಗುತ್ತದೆ.
`ಫಸ್ಟ್ ಇಂಪ್ರೆಶನ್ ಈಸ್ ದಿ ಬೆಸ್ಟ್ ಇಂಪ್ರೆಶನ್’ ಎನ್ನುವ ಮಾತನ್ನು ನೀವು ಕೇಳಿರಬಹುದು. ಇದು ಎಲ್ಲರಿಗೂ ಅನ್ವಯಿಸುತ್ತದೆ. ನಿಮ್ಮ ಮೊದಲ ನೋಟದ ಮುದ್ರೆಯೇ ಜನರ ಮನಸ್ಸಿನಲ್ಲಿ ಅಚ್ಚಾಗಿರುತ್ತದೆ. ಆದ್ದರಿಂದ ನೀವು ಯಾವಾಗಲೂ ಅಪ್ಟು ಡೇಟ್ಮತ್ತು ಪ್ರೆಸೆಂಟೆಬಲ್ ಆಗಿರಿ. ಇದರಿಂದ ನೀವು ಉದ್ಯೋಗ ಸಂಬಂಧವಾಗಿ ಭೇಟಿ ಮಾಡುವ ಜನರನ್ನು ಆಕರ್ಷಿಸಲು ಸಾಧ್ಯವಾಗುತ್ತದೆ.
ಮನಿ ಮ್ಯಾನೇಜ್ಮೆಂಟ್
ಪ್ರತಿಯೊಬ್ಬ ವ್ಯಕ್ತಿಗೂ ಮುಖ್ಯವಾಗಿ ಮಹಿಳೆಯರಿಗೆ ಮನಿ ಮ್ಯಾನೇಜ್ಮೆಂಟ್ ಅತ್ಯಂತ ಅವಶ್ಯಕ. ಈ ಬಗ್ಗೆ ಮಾತನಾಡುತ್ತಾ ಗ್ರೂಮ್ ಇಂಡಿಯಾದ ಹೆಡ್ ರೂಪಾ ಜೈನ್ ಹೀಗೆ ಹೇಳುತ್ತಾರೆ, “ನೀವು ಗೃಹಿಣಿಯಾಗಿರಲಿ ಅಥವಾ ಉದ್ಯೋಗಸ್ಥ ಮಹಿಳೆಯಾಗಿರಲಿ, ನಿಮ್ಮ ಬಗ್ಗೆ ನೀವು ಗಮನವಿರಿಸಬೇಕು. ಇಲ್ಲವಾದರೆ ನಿಮ್ಮನ್ನು ಉಪೇಕ್ಷೆ ಮಾಡಲಾಗುತ್ತದೆ.”
ಎಲ್ಲಕ್ತಿಂತ ಮೊದಲು ನೀವು ನಿಮ್ಮ ಮನೆ ಖರ್ಚಿನ ಪಟ್ಟಿಯನ್ನು ಬರೆದು ನಂತರ ನಿಮ್ಮ ಇನ್ಕಮ್ ನಲ್ಲಿ 20-30% ಭಾಗವನ್ನು ಉಳಿತಾಯ ಮಾಡಬೇಕು. ಇದನ್ನು ಮ್ಯೂಚುಯಲ್ ಫಂಡ್, ಸಿಸ್ಟಮ್ಯಾಟಿಕ್ ಇನ್ವೆಸ್ಟ್ ಮೆಂಟ್ಪ್ಲಾನ್ ಮುಂತಾದವುಗಳಲ್ಲಿ ತೊಡಗಿಸಬಹುದು. ಆಮೇಲೆ ನಿಮ್ಮ ಹಣವನ್ನು ಅಗತ್ಯಕ್ಕೆ ತಕ್ಕಂತೆ ವೆಚ್ಚ ಮಾಡಬಹುದು. ತಮಗಾಗಿ ಉಳಿತಾಯ ಮಾಡದಿರುವ ಗೃಹಿಣಿಯರಿಗೆ ವಿಶೇಷವಾಗಿ ಗ್ರೂಮಿಂಗ್ನ ಅವಶ್ಯಕತೆ ಇರುತ್ತದೆ. ನಮ್ಮ ಹಣದ ಒಂದು ಭಾಗವನ್ನು ಅವರು ತಮಗಾಗಿ ತೆಗೆದಿಟ್ಟು, ಅದರಲ್ಲಿ ಫಿಟ್ನೆಸ್ಗಾಗಿ, ಜಿಮ್ ಅಥವಾ ಬ್ಯೂಟಿ ಟ್ರೀಟ್ಮೆಂಟ್ಗಾಗಿ ಬಳಸಿಕೊಳ್ಳಬಹುದು.
ಗೃಹಿಣಿಗೂ ಅಗತ್ಯ
ಮಕ್ಕಳು ತಮ್ಮ ತಾಯಿಯನ್ನು ನೋಡಿಯೇ ಜೀವನದ ಪಾಠವನ್ನು ಕಲಿಯುತ್ತಾರೆ ಎಂಬುದು ಎಲ್ಲರಿಗೂ ತಿಳಿದ ವಿಷಯವೇ. ಆದ್ದರಿಂದ ಒಬ್ಬ ತಾಯಿ ಅಥವಾ ಗೃಹಿಣಿಗೂ ಗ್ರೂಮಿಂಗ್ ಅವಶ್ಯವಾಗಿರುತ್ತದೆ. ಗ್ರೂಮಿಂಗ್ ನಂತರ ಅವಳು ತನ್ನ ಮತ್ತು ತನ್ನ ಕುಟುಂಬವನ್ನು ಮತ್ತಷ್ಟು ಚೆನ್ನಾಗಿ ನೋಡಿಕೊಳ್ಳಬಲ್ಲಳು. ಗೃಹಿಣಿಯು ತನ್ನ ವ್ಯಕ್ತಿತ್ವವನ್ನು ಚೆನ್ನಾಗಿರಿಸಿಕೊಂಡರೆ ಜನರು ಅವಳನ್ನು ಹೊಗಳುತ್ತಾರೆ.
ನಿಮ್ಮ ಅಲಂಕಾರ, ನಿಮ್ಮ ಮಾತುಕತೆ, ನಿಮ್ಮ ವ್ಯಹಾರದ ರೀತಿಯೇ ನಿಮ್ಮನ್ನು ಸಮಾಜದಲ್ಲಿ ಇತರರಿಗಿಂತ ವಿಶೇಷವಾಗಿ ಇರಿಸಿ, ಮೆಚ್ಚುಗೆ ಗೌರವಗಳನ್ನು ದೊರಕಿಸಿಕೊಡುತ್ತದೆ.
– ತೃಪ್ತಾ ಆರ್.ಕೆ.