ಪ್ರತಿಯೊಬ್ಬ ಕಾಲೇಜು ಕಿಶೋರಿ ತಾನು ಇನ್ನೂ ಹೆಚ್ಚು ಸ್ಲಿಮ್ ಟ್ರಿಮ್ ಬ್ಯೂಟಿಫುಲ್ ಆಗಿರಬೇಕೆಂದು ಬಯಸುತ್ತಾಳೆ. ಆದರೆ ಇಂದಿನ ಯುವಜನತೆ ಫಾಸ್ಟ್ ಫುಡ್‌ಗೆ ಎಷ್ಟು ಮರುಳಾಗಿದೆ ಎಂದರೆ, ರುಚಿಗಾಗಿ ಏನನ್ನು ತಿನ್ನಲಿಕ್ಕೂ ರೆಡಿ ಎಂದಾಗಿದೆ. ಆದರೆ ಊಟ ತಿಂಡಿಯ ಈ ಅಭ್ಯಾಸ ದೇಹದ ರಚನೆಯನ್ನು ಕೆಡಿಸುತ್ತದೆ. ನೀವು ಸತತ ಫಾಸ್ಟ್ ಫುಡ್‌ ಸೇವಿಸುತ್ತಿದ್ದರೆ, ಅದೂ ಯಾವುದೇ ದೈಹಿಕ ಶ್ರಮವಿಲ್ಲದ ಟೇಬಲ್ ವರ್ಕ್‌ ನಿಮ್ಮದಾಗಿದ್ದರೆ, ವ್ಯಾಯಾಮ ಜಾಗಿಂಗ್‌ ಮಾಡದಿದ್ದರೆ ಸ್ಥೂಲತೆ ಬೇಗ ಮೈಗೂಡುತ್ತದೆ.
ಆರೋಗ್ಯ ಕೆಡಿಸುವ ಜಿಹ್ವಾ ಚಾಪಲ್ಯ
ಆಹಾರ ದುರಭ್ಯಾಸ ಮತ್ತು ತಪ್ಪು ಜೀವನ ಶೈಲಿಯಿಂದಾಗಿ ದೇಹದಲ್ಲಿ ಹೆಚ್ಚುವರಿ ಕೊಬ್ಬು ಜಮೆಗೊಳ್ಳುತ್ತಿರುತ್ತದೆ. ಇದರಿಂದ ಸ್ಥೂಲತೆ ಹೆಚ್ಚುತ್ತದೆ ಹಾಗೂ ನಾವು ಬಿ.ಪಿ., ಶುಗರ್‌ನಂಥ ಅನಗತ್ಯ ರೋಗಗಳಿಗೆ ಈಡಾಗುತ್ತೇವೆ. ಇಂದಿನ ಆಧುನಿಕ ಹುಡುಗಿಯರು ಜಿಹ್ವಾ ಚಾಪಲ್ಯ ತಡೆಯಲಾರರು. ಇಂಥ ಆಸೆ ಉಳ್ಳವರು ಸ್ಲಿಮ್ ಟ್ರಿಮ್ ಆಗಬೇಕೆಂದು ಬಯಸಿದರೆ ಅದು ಕನಸಾಗಿಯೇ ಉಳಿಯುತ್ತದೆ.
ದೇಹದಲ್ಲಿ ಕೊಬ್ಬು ಸೇರಿದಷ್ಟೂ, ಇದರ ಹೆಚ್ಚಿನ ದುಷ್ಪರಿಣಾಮ ಸೊಂಟ, ಹೊಟ್ಟೆಯ ಮೇಲಾಗುತ್ತದೆ. ಇಲ್ಲಿ ಹೆಚ್ಚಿನ ಕೊಬ್ಬು ಸಂಗ್ರಹಣೆ ಆದಂತೆ, ಹೊರ ಪ್ರಪಂಚಕ್ಕೆ ನಮ್ಮ ಫಿಗರ್‌ ಕೆಡುತ್ತಿರುವುದು ಸ್ಪಷ್ಟ ತಿಳಿದುಹೋಗುತ್ತದೆ.
ಹೀಗಿರುವಾಗ ನಿನ್ನೆ ಮೊನ್ನೆವರೆಗೂ ಪಿಜ್ಜಾ ಬರ್ಗರ್‌ ತಿನ್ನುತ್ತಿದ್ದ ಹುಡುಗಿಯರು, ಸ್ಲಿಮ್ ಟ್ರಿಮ್ ಆಸೆಗಾಗಿ ದಿಢೀರ್‌ ಟ್ರಾಶ್‌ ಡಯೆಟ್‌ಗೆ ಮೊರೆ ಹೋಗುತ್ತಾರೆ. ಜೊತೆಗೆ ಸ್ಲಿಮ್ಮಿಂಗ್‌ ಟ್ಯಾಬ್ಲೆಟ್‌ ಇತ್ಯಾದಿ ಸೇವಿಸುತ್ತಾ ತಮ್ಮ ಆರೋಗ್ಯ ಮತ್ತಷ್ಟು ಕೆಡಿಸಿಕೊಳ್ಳುತ್ತಾರೆ. ಖಂಡಿತಾ ಇಂಥ ಶಾರ್ಟ್‌ ಕಟ್ ಬೇಡ.
ಕ್ರಮೇಣ ಹೆಚ್ಚುತ್ತಿರುವ ಸ್ಥೂಲತೆಯನ್ನು ತಡೆಯುವುದು ಹೇಗೆ?
ಈ ಕ್ರಮ ಅನುಸರಿಸಿ : ದೊಡ್ಡದಾಗುತ್ತಿರುವ ಹೊಟ್ಟೆ, ಟೈರ್‌ ಸೊಂಟಗಳಿಂದಾಗಿ ಹೆಣ್ಣುಮಕ್ಕಳು ತಮ್ಮ ನೆಚ್ಚಿನ ಡ್ರೆಸ್‌ ಆರಿಸಿಕೊಳ್ಳಲು ಆಗುವುದೇ ಇಲ್ಲ. ಇದರ ಬದಲು ಅಂಥವರು ಫಾಸ್ಟ್ ಫುಡ್‌, ಜಂಕ್‌ ಫುಡ್‌ ಸೇವನೆ ಬಿಡುವುದೇ ಒಳ್ಳೆಯದು. ಸ್ಥೂಲತೆ ತಗ್ಗಿಸಲು ಮಾಡಬೇಕಾದ ಮೊದಲ ಪ್ರಯತ್ನವೆಂದರೆ ನಿಮ್ಮ ಡಯೆಟ್‌ ಚಾರ್ಟ್‌ ಬದಲಿಸಿಕೊಳ್ಳಬೇಕಾದುದು.
ನಿಂಬೆರಸ ಮತ್ತು ಜೇನು : ಬೆಳಗ್ಗೆ ತುಸು ಬಿಸಿ ನೀರಿಗೆ ಜೇನು ಮತ್ತು ನಿಂಬೆರಸ ಬೆರೆಸಿ ಕೊಂಡು ಕುಡಿಯಿರಿ. ಹೀಗೆ ಮಾಡುದರಿಂದ ಹೆಚ್ಚುವರಿ ಕೊಬ್ಬು ತಾನಾಗಿ ಕರಗುತ್ತದೆ.
ಮೊಟ್ಟೆಯ ಬಿಳಿ ಭಾಗ : ಸೊಂಟ ಹೊಟ್ಟೆ ಕೊಬ್ಬು ಕರಗಿಸಲು, ಬೆಳಗಿನ ತಿಂಡಿಗಾಗಿ ಮೊಟ್ಟೆಯ ಬಿಳಿ ಭಾಗದ ಸೇವನೆ ಒಳ್ಳೆಯದು. ಇದರಿಂದ ಪ್ರೋಟೀನ್‌ ಅಮೈನೋ ಆ್ಯಸಿಡ್ಸ್ ಎರಡೂ ಹೆಚ್ಚಿನ ಪ್ರಮಾಣದಲ್ಲಿ ಮೈಗೂಡುತ್ತದೆ. ಮೊಟ್ಟೆಯ ಬಿಳಿ ಭಾಗ ಹೆಚ್ಚು ಲಾಭಕಾರಿ. ಇದರಲ್ಲಿ ಫ್ಯಾಟ್‌ ಇಲ್ಲ.
ಬಾದಾಮಿ : ಇದರಲ್ಲಿ ವಿಟಮಿನ್‌ ಮಿನರಲ್ಸ್ ಧಾರಾಳವಾಗಿ ಅಡಗಿದೆ. ಪ್ರತಿದಿನ, ಹಿಂದಿನ ರಾತ್ರಿ ನೀರಲ್ಲಿ ನೆನೆಹಾಕಿದ ಬಾದಾಮಿಯನ್ನು ಅಗತ್ಯ ಸೇವಿಸಿ. ಇದರಿಂದ ದೇಹಕ್ಕೆ ಉಷ್ಣತೆ ಮತ್ತು ಶಕ್ತಿ ಎರಡೂ ದೊರಕುತ್ತದೆ, ದೇಹದ ಹೆಚ್ಚುವರಿ ಫ್ಯಾಟ್‌ಕೂಡ ಕರಗುತ್ತದೆ.
ಬ್ರೌನ್‌ ರೈಸ್‌ : ಇದಂತೂ ಖಂಡಿತಾ ಫ್ಯಾಟ್‌ಫ್ರೀ. ಇದರಲ್ಲಿ ಕ್ಯೋಾರಿ ಬಹುತೇಕ ಇಲ್ಲ ಎನ್ನಬಹುದು. ಇದರ ಸೇನೆಯಿಂದ ದೇಹದಲ್ಲಿ ಕೊಬ್ಬು ಸೇರುದಿಲ್ಲ.
ನೀರು ತುಂಬಿದ ತರಕಾರಿ ಹಣ್ಣು : ನೀರು ತುಂಬಿದ ಹಣ್ಣುತರಕಾರಿಗಳೆಂದರೆ, ಅಗಳಲ್ಲಿ ಹೆಚ್ಚಿನ ಅಂಶ ನೀರೇ ತುಂಬಿರಬೇಕು. ಉದಾ: ಸೋರೆಕಾಯಿ, ಹೀರೆಕಾಯಿ, ಸೌತೆಕಾಯಿ, ಮೂಲಂಗಿ, ಟೊಮೇಟೊ, ಕಲ್ಲಂಗಡಿ ಹಣ್ಣು, ಆರೆಂಜ್‌, ಮೂಸಂಬಿ ಇತ್ಯಾದಿ. ಇವುಗಳ ಸೇವನೆಯಿಂದ ಫ್ಯಾಟ್‌ ಆದಷ್ಟೂ ಕರಗುತ್ತದೆ.
ಬ್ರೋಕನ್‌ ವೀಟ್‌ : ಇದರಲ್ಲಿ ಖಂಡಿತಾ ಹೆಚ್ಚಿನ ಪ್ರಮಾಣದ ಕ್ಯಾಲೋರಿ ಇಲ್ಲ. ಫ್ಯಾಟ್‌ಫ್ರೀ ಬಾಡಿ ಪಡೆಯಲು ಇದರ ಸೇವನೆ ಅತ್ಯಗತ್ಯ. ಇದರ ಸೇನೆಯಿಂದ ಟೈಂ ಟೈಮಿಗೆ ಹಸಿವಾಗುತ್ತದೆ, ತಿಂದದ್ದು ಚೆನ್ನಾಗಿ ಜೀರ್ಣವಾಗುತ್ತದೆ, ಧಾರಾಳ ಶಕ್ತಿ ಕೂಡುತ್ತದೆ.
ಧಾರಾಳ ನೀರು ಕುಡಿಯಿರಿ : ಪ್ರತಿ ದಿನ 10-12 ಗ್ಲಾಸ್‌ ನೀರು ಕುಡಿಯುತ್ತಿರಿ. ನೀರು ಮಜ್ಜಿಗೆ, ನೀರಾದ ಪೇಯ, ಎಳನೀರು, ಬಾರ್ಲಿ ನೀರು ಹೀಗೆ ಹೆಚ್ಚಾಗಿ ಬಳಸುವುದರಿಂದ ಚರ್ಮ ಕಾಂತಿಯುತವಾಗಿ ನಳನಳಿಸುತ್ತದೆ.
ಯಾವುದು ಬೇಡ?
ಹೆಚ್ಚಿನ ಜಿಡ್ಡು ಪದಾರ್ಥ, ಅತಿ ಉಪ್ಪು, ಸಕ್ಕರೆ ತಿಂಡಿಗಳು ಬೇಡ.
ಸಾಧ್ಯವಾದಷ್ಟೂ ಹೊರಗಿನ ಆಹಾರ ಸೇವಿಸಬೇಡಿ.
ಅತಿಯಾದ ಸ್ವೀಟ್‌ ಸೇವನೆ ಮಾಡುತ್ತಿರಬೇಡಿ.
ರೆಡ್‌ ಮೀಟ್‌, ಕರಿದ ತಿಂಡಿ, ಬಿಳಿ ಅಕ್ಕಿ, ಛೋಲೆ, ರಾಜ್ಮಾ ಇತ್ಯಾದಿ ಆದಷ್ಟೂ ಕಡಿಮೆ ಮಾಡಿ.
ಸಿಂಹ ಕಟಿಗಾಗಿ ವ್ಯಾಯಾಮ ಬೆಸ್ಟ್ ಫಿಗರ್‌ ಹೊಂದಿ, ಸೊಂಟ ಹೊಟ್ಟೆ ಕರಗಿಸಲು ಉತ್ತಮ ಆಹಾರ ಸೇವನೆ ಜೊತೆ ಸತತ ವ್ಯಾಯಾಮ ಸಹ ಮಾಡುತ್ತಿರಬೇಕು.
ಡಬಲ್ ಲೆಗ್‌ ಎಕ್ಸರ್‌ ಸೈಜ್‌ : ಅಂಗಾತ ಮಲಗಿ. ಎರಡೂ ಕಾಲುಗಳನ್ನು ಮೇಲೆತ್ತಿ, ಎರಡೂ ಮಂಡಿಗಳನ್ನು ಮಡಿಚಿ. 5-6 ಕ್ಷಣಗಳವರೆಗೆ ಕೈಗಳಿಂದ ಕಾಲುಗಳನ್ನು ಹಿಡಿದಿಡಿ. ಈ ರೀತಿ ಬಿಟ್ಟು ಬಿಟ್ಟು 7-8 ಸಲ ಮಾಡಿ.
ಸಿಸರ್‌ ಎಕ್ಸರ್‌ಸೈಜ್‌ : ಇದು ಸೊಂಟ ಕರಗಿಸಲು ಹೆಚ್ಚು ಲಾಭಕಾರಿ. ಇದಕ್ಕಾಗಿ ಮೊದಲು ಅಂಗಾತ ಮಲಗಿ. ಎರಡೂ ಕಾಲುಗಳನ್ನು ಮೇಲಕ್ಕೆತ್ತಿ. ಬಲಗಾಲನ್ನು ನೆಲಕ್ಕಿಳಿಸಿ, ನೇರವಾಗಿ ಇಟ್ಟುಕೊಳ್ಳಿ. ನಂತರ ಎಡಗಾಲನ್ನು ಕೆಳಕ್ಕೆ ತನ್ನಿ, ನೇರ ಇಡಿ. ಈ ರೀತಿ 10-12 ಸಲ ಮಾಡುತ್ತಿರಿ.
ಹಗ್ಗದಾಟ : ಸೊಂಟ ಕರಗಿಸಲು ಸ್ಕಿಪ್ಪಿಂಗ್‌ ಒಂದು ಉತ್ತಮ ವ್ಯಯಾಮ. ಇದು ಸೊಂಟವನ್ನು ತೆಳು ಮಾಡುವುದರ ಜೊತೆಯಲ್ಲೇ ಮಾಂಸಖಂಡಗಳನ್ನೂ ಸದೃಢಗೊಳಿಸುತ್ತದೆ.
ಬೈಸಿಕಲ್ ಕ್ರಂಚ್‌ : ನೆಲದ ಮೇಲೆ ಅಂಗಾತ ಮಲಗಿ. ಎರಡೂ ಕಾಲುಗಳನ್ನು ಮೇಲೆತ್ತಿ ಮಂಡಿವರೆಗೆ ಮಡಿಚಿ ಸೈಕಲ್ ತರಹ ಗಾಳಿಯಲ್ಲಿ ಕಾಲಾಡಿಸುತ್ತಲೇ ಇರಿ. ಇದರಿಂದ ಹೊಟ್ಟೆ, ನಿತಂಬ, ಸೊಂಟದ ಕೊಬ್ಬು ಸಹಜವಾಗಿ ತಗ್ಗುತ್ತದೆ.
– ಮೋನಿಕಾ
