ನಾವು ಯಾರಿಗೇನು ಕಡಿಮೆ? :
ಜೆಸ್ಸಿಕಾ ಎಡ್ವರ್ಡ್ಸ್ ಡಾಕ್ಯುಮೆಂಟರಿ ಫಿಲ್ಮ್ ತಯಾರಿಸುತ್ತಾಳೆ. ಇತ್ತೀಚೆಗೆ ಅವಳು ಸ್ಕೇಟ್‌ ಬೋರ್ಡ್‌ ಆಡುವ ಹುಡುಗಿಯರ ಕುರಿತಾದ ಡಾಕ್ಯುಮೆಂಟರಿ ಮಾಡಿದಳು. ಅವರು ಈ ಫೀಲ್ಡಿಗೆ ಹೊಸಬರು. ಇಲ್ಲಿಯವರೆಗೂ ಹುಡುಗರ ಆಟವೊಂದೇ ಖ್ಯಾತಿಗೊಂಡಿದ್ದ ಸ್ಕೇಟ್‌ ಬೋರ್ಡ್‌, ಹುಡುಗಿಯರು ಅದನ್ನು ಆಡಿದರೆ ಸಮಾಜ ಆಡಿಕೊಂಡು ನಗುತ್ತಿತ್ತು. ಈಗ ಹುಡುಗಿಯರೂ ಇದರಲ್ಲಿ ಪಳಗಿ, ಹುಡುಗರಿಗಿಂತ ತಾವು ಅದರಲ್ಲಿ ನುರಿತವರೆಂದು ನಿರೂಪಿಸಿದ್ದಾರೆ. ಈ ಡಾಕ್ಯುಮೆಂಟರಿಯ ವೈಶಿಷ್ಟ್ಯ ಎಂದರೆ, ಜೆಸ್ಸಿಕಾ ಪ್ರಸಿದ್ಧ ಚಿತ್ರ ನಿರ್ಮಾಪಕಿಯೂ ಹೌದು, ಅನೇಕ ಉತ್ತಮ ಯಶಸ್ವಿ ಪ್ರಾಜೆಕ್ಟ್ಸ್ ಮಾಡಿದ್ದಾಳೆ.
ಪ್ರಚಾರದ ಹೊಸ ಪರಿ :
ಚೂಸಿ ಕುತೆ ಎಂಬ ಬ್ರಾಂಡ್‌, ಈಗ ಕೇವಲ ಫ್ಯಾಂಟಸಿಯನ್ನು ತನ್ನ ಪ್ರಚಾರದ ಕ್ಯಾಂಪೇನ್‌ ಗೆ ಆರಿಸಿಕೊಂಡದ್ದಲ್ಲದೆ, ಗ್ರಾಹಕರು ನೋಡಿದೊಡನೆ ದಂಗಾಗಿ ಕನಸಿನ ಲೋಕಕ್ಕೆ ಜಾರುವಂಥ ಫೋಟೋಗ್ರಫಿ ಸಹ ಆವರಿಸಿದೆ. ಈ ಡ್ರೆಸ್‌ ಗಳೇನೋ ಮಾಡ್‌ ಸರಿ, ಆದರೆ ಇದನ್ನು ಧರಿಸಿದರೆ ಬೀದಿ ಕಾಮಣ್ಣರು ನಿಮ್ಮ ಹಿಂದೆ ಬೀಳುವುದರಲ್ಲಿ ಸಂದೇಹವಿಲ್ಲ. ಫ್ಯಾಷನ್‌ ಮಾಡುವುದು ಒಂದು ವಿಷಯವಾದರೆ, ಅಂಥ ಉಡುಗೆ ಮಾರುವುದು ಅತಿ ಕಷ್ಟದ ವಿಷಯ. ಯಾವ ಡ್ರೆಸ್‌ ಗ್ರಾಹಕರನ್ನು ಮರುಳು ಮಾಡುವುದೋ ಹೇಳಲಾಗದು. ಹೀಗಾಗಿ ಫೋಟೋಗ್ರಫಿ ಅತಿ ಎಚ್ಚರದಿಂದ ಮಾಡಿಸಬೇಕು. ಇದರ ಪ್ರಚಾರಕ್ಕಂತೂ ಬಹಳ ಹಣ ಖರ್ಚಾಗುತ್ತದೆ. ಇವೆಲ್ಲ ಸೇರಿಸಿ ಡ್ರೆಸ್‌ ಬೆಲೆ ನಿರ್ಧಾರ ಆಗುತ್ತದೆ.
ಹೆಂಗಸರನ್ನು ನಿರ್ಲಕ್ಷಿಸಿ ಬಲಿಪಶು ಆಗಿಸುವ ದೊಡ್ಡ ನಿರ್ಣಯಗಳು :
ಈ ಫೋಟೋದಲ್ಲಿ ವಿಶ್ವದ ಅತಿ ಶಕ್ತಿವಂತರಾದ 30 ದೇಶಗಳ ವ್ಯಕ್ತಿಗಳನ್ನು ಕಾಣುವಿರಿ. ಇದರಲ್ಲಿ ಹೆಂಗಸರು ಎಷ್ಟು? ಮೈಕ್ರೋಸ್ಕೋಪ್‌ ಹಿಡಿದು ಹುಡುಕಿರಿ. ಯೂಕ್ರೇನಿನ ಸಂಕಟದ ಕುರಿತು ಚರ್ಚಿಸಲು ಒಟ್ಟುಗೂಡಿದ ಈ ದೇಶಗಳು ರಷ್ಯಾವನ್ನು ಆರ್ಥಿಕವಾಗಿ ಧೂಳೀಪಟಗೊಳಿಸಲು ನಿರ್ಧರಿಸಿದವು. ಆ ಕಾರಣಕ್ಕಾಗಿಯೇ ಇಲ್ಲಿ ಜಮೆಗೊಂಡವು. ಯೂಕ್ರೇನಿನಲ್ಲಿ ಹೆಣ್ಣಿನ ಮೇಲೆ ಅತ್ಯಾಚಾರ ಮಾಮೂಲಿಯಾಗಿದೆ, ರಷ್ಯಾ ಸೈನಿಕರು ಇವರನ್ನು ಅಲ್ಲಿಗೆ ಎಳೆದೊಯ್ದು ದಾಸಿಯರನ್ನಾಗಿಸಿ ಕೊಂಡಿದ್ದಾರೆ. ಈ 30 ದೇಶಗಳ ನಿರ್ಣಯಗಳಿಂದಾಗಿ ರಷ್ಯಾ ದೇಶದ ಪ್ರತಿ ಮನೆಯೂ ದಿವಾಳಿ ಆಗಲಿದೆ. ಅಲ್ಲಿ ಊಟಕ್ಕೆ ಹಾಹಾಕಾರ ಏಳಲಿದೆ, ನಿರುದ್ಯೋಗ ತಾಂಡವವಾಡಲಿದೆ, ಈ ಎರಡೂ ದೇಶಗಳ ಮುಗ್ಧ ಜನತೆ ರಷ್ಯಾದ ತಲೆಕೆಟ್ಟ ಒಬ್ಬನ ದುರಾಡಳಿತದಿಂದಾಗಿ ಘನಘೋರ ಸಾವುನೋವಿಗೆ ಈಡಾಗಲಿದೆ.
ಯಶಸ್ಸಿನ ರಹಸ್ಯ :
ಇದೀಗ ಆಸ್ಟ್ರೇಲಿಯಾಗೆ ವಿಶ್ವದ ನಾನಾ ದೇಶಗಳ ಜನ ಬಂದು ವಾಸಿಸತೊಡಗುತ್ತಿದ್ದಾರೆ. ಇಲ್ಲಿಯೂ ಗ್ಲಾಸ್ ಸೀಲಿಂಗ್‌ ನ ದಾಂಧಲೆ ದಟ್ಟವಾಗಿದೆ. ಇದರರ್ಥ, ಒಂದು ಹಂತ ತಲುಪಿದ ನಂತರ ಪ್ರಗತಿ ಇಲ್ಲವೇ ಇಲ್ಲ! ಹೆಣ್ಣು ಇಲ್ಲಿ ಏಳಿಗೆ ಕಾಣಲು ಒಂದು ಹಂತ ತಲುಪಬಹುದು, ನಂತರ ಅವಳ ದಾರಿಗೆ ಎಲ್ಲವೂ ಮುಳುವೇ! ಡೇಡೇಕೋ ಕಂಪನಿಯ ಡಾಫೇನ್‌ಪ್ರಕಾರ, ಟೆಕ್ನಾಲಜಿ ಕಾರಣ ಹೆಣ್ಣಿಗೆ ವಿಶ್ರಾಂತಿ ಏನೋ ದೊರಕುತ್ತಿದೆ, ಕಂಪನಿಯ ಯಶಸ್ವಿ ಆಗುವವರೆಗೂ ಉದ್ಯಮದ ಹಿನ್ನೆಲೆಯಿಂದ ಬರುತ್ತಿರುವ ಹುಡುಗಿಯರು ಇದೀಗ ಹುಡುಗರಷ್ಟೇ ಜವಾಬ್ದಾರಿಯುತರಾಗುತ್ತಿದ್ದಾರೆ, ಇದೇ ಅವರ ಯಶಸ್ಸಿನ ರಹಸ್ಯ.
ಹಳಿಯ ಮೇಲಿನ ಬದುಕು :
ಹಾಲೆಂಡ್‌ ನ ರಂಗಭೂಮಿ ಇದೀಗ ಹಾಫೇಜ್‌ ಶೆಕ್ಟರ್‌ ಕಂಪನಿಯ ಬ್ಯಾಲೆನ್ಸ್ ನಿಂದ, ಕರೋನಾ ನಂತರ ಮತ್ತೆ ರಂಗೇರುತ್ತಿದೆ. ಆರ್ಟ್‌ಕಲ್ಚರ್‌ ಮತ್ತೆ ಜೀವ ತಾಳಿದೆ. ಇದೀಗ ವೀಕ್ಷಕರು ಬೇಕಾದವರೊಂದಿಗೆ ಹೆಗಲು ಬಳಸಿ, ಬಣ್ಣ ಬಣ್ಣದ ಉಡುಗೆ ತೊಟ್ಟು ಸಂಜೆಗಳನ್ನು ಸೊಗಸುಗೊಳಿಸಿ ಕೊಳ್ಳುತ್ತಿದ್ದಾರೆ. ನಮ್ಮವರೋ….. ಇಲ್ಲವೋ ರಾಮಲೀಲಾ ಅಥವಾ ಅಖಂಡ ಜಾಗರಣೆಯಲ್ಲಿ ಸಂಜೆಯನ್ನು ಮುಂಜಾನೆ ಆಗಿಸುತ್ತಿದ್ದಾರೆ. ಇನ್ನೆಲ್ಲಿಯ ಪ್ರಗತಿ……?
ಬಿಸ್‌ನೆಸ್‌ ನಲ್ಲೂ ಸದಾ ಮುಂದು :
ಹ್ಯೃಾಶ್‌ ಕ್ಯಾಶ್‌ ಕನ್ಸಲ್ಟೆಂಟ್‌ ವಿಶ್ವವಿಡೀ ಮೈಕ್ರೋ ಫೈನಾನ್ಸಿಂಗ್‌ ಮಾಡುತ್ತಿದೆ, ಆಗ ಸಣ್ಣಪುಟ್ಟ ವ್ಯಾಪಾರಿಗಳು, ಅದರಲ್ಲೂ ಹೆಂಗಸರು ಸುಲಭವಾಗಿ ಒಂದಿಷ್ಟು ಬಂಡವಾಳ ಒಟ್ಟುಗೂಡಿಸಿ, ತಮ್ಮ ಬಿಸ್‌ ನೆಸ್ ಆರಂಭಿಸುತ್ತಿದ್ದಾರೆ. ಅದು ಫ್ಲವರ್‌ ಡೆಕೋರೇಶನ್‌ ನಂಥ ಸಣ್ಣ ಉದ್ಯಮವಾದರೂ ಸರಿ. ಡೀಸೆಂಟ್ರೈಸ್ಡ್ ಫೈನಾನ್ಸ್ ನಲ್ಲಿ ಸ್ಟಾರ್ಟ್ ಆನ್‌ ಗಳಿಗೆ ಪ್ರತಿ ವಾರ ಸಿಗುತ್ತದೆ, ಆಗ ಕಂಪನಿ ನಡೆಸುವವರು ಒಂದೇ ಸಲ ದೊಡ್ಡ ಮೊತ್ತ ಪಡೆದು ದಂದರಾಳಿ ಖರ್ಚು ಮಾಡಬಾರದೆಂದು. ಹೆಂಗಸರಿಗೆ ಬಿಸ್‌ ನೆಸ್ ನಡೆಸಲು ಮೂಲ ಬಂಡವಾಳದ್ದೇ ದೊಡ್ಡ ಸಮಸ್ಯೆ. ಈ ಮಧ್ಯೆ ತೆರಿಗೆದಾರರ ಕಾಟ ತಪ್ಪದು. ಆದರೆ ಬಂಡವಾಳ ಒದಗಿಸುವವರು ಮಾತ್ರ ಬೂದು ಗಾಜು ಹಿಡಿದು ಹುಡುಕಿದರೂ ಕಾಣಸಿಗದು.
ವಿಶ್ವದ ಸಂದೇಶ :
ಡ್ಯಾನ್ಸ್ ಮಾಧ್ಯಮದಿಂದ ಕ್ಲೈಮೆಟ್‌ ಸೇಲ್ ನ ಮೆಸೇಜ್‌ ನೀಡುವುದು ಸುಲಭವಲ್ಲ. ಆದರೆ ಕ್ಯಾಲಿಫೋರ್ನಿಯಾದ ಸಾರಾ ಬುಶ್‌ ಈ ಸಾಹಸ ಮಾಡುತ್ತಿದ್ದಾಳೆ, ಇದನ್ನು ನೋಡಿದ, ಓದಿದವರು ಆ ಕುರಿತು ಏನೂ ಮಾಡದಿದ್ದರೂ ಸರಿ. ಕನಿಷ್ಠ ಈಕೆಯ ಮನಸ್ಸಿನಲ್ಲಿ ಈ ವಿಚಾರ ಮೂಡಿರುವುದು ಪ್ರಶಂಸನೀಯ ಪ್ರಯತ್ನ. ಈಗಂತೂ ಜನ ಎಲ್ಲೆಲ್ಲೂ ಗ್ಲೋಬಲ್ ವಾರ್ಮಿಂಗ್‌ ಹೆಚ್ಚುವಂಥ ಕೆಲಸವನ್ನೇ ಧಾರಾಳ ಮಾಡುತ್ತಿದ್ದಾರೆ, ಒಬ್ಬರಾದರೂ ಈ ಮೂಲಕ ಜನರನ್ನು ಜಾಗೃತಗೊಳಿಸುತ್ತಿರುವುದು ಶ್ಲಾಘನೀಯ ವಿಚಾರ. ನೀವೇನಂತೀರಿ?
