ಫ್ಯಾಷನ್‌ ಐಕಾನ್‌ ಎಂದೇ ಪ್ರಸಿದ್ಧಿ ಪಡೆದಿರುವ ನಟಿ ಮಲೈಕಾ ಅರೋರಾ. ತಮ್ಮ ಫಿಟ್‌ನೆಸ್‌ ಮೂಲಕವೇ ಹೆಸರಾಗಿರುವ ಮಲೈಕಾ, ಆಗಾಗ್ಗೆ ಸೋಶಿಯಲ್‌ ಮೀಡಿಯಾಗಳಲ್ಲಿ ವ್ಯಾಯಾಮ, ಯೋಗ ಮುಂತಾದ ವಿಡಿಯೋಗಳನ್ನು ಹಾಕುವ ಮೂಲಕ ನೆಟ್ಟಿಗರ ಗಮನ ಸೆಳೆಯುತ್ತಾರೆ. ಹಾಗಾಗಿಯೇ ಅವರಿಗೆ ವರ್ಷ 51 ಆದರೂ 25 ರ ಯುವತಿಯಂತೆ ಕಂಗೊಳಿಸುತ್ತಾರೆ.
ಅಂದಹಾಗೆ ಮಲೈಕಾ ಹೊಸ ಫೋಟೋಶೂಟ್‌ ಸದ್ಯ ಅಭಿಮಾನಿಗಳ ಮನಸೂರೆಗೊಂಡಿದೆ. ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್‌ನಲ್ಲಿ ನೀಲಿ ಬಣ್ಣದ ಉಡುಪಿನಲ್ಲಿ ಅವರು ಅದ್ಭುತವಾಗಿ ಕಂಗೊಳಿಸುತ್ತಿದ್ದಾರೆ.
ಹೊಸ ಫೋಟೋಗಳಲ್ಲಿ ತಮ್ಮ ಟೋನ್ಡ್ ಮೈಕಟ್ಟು ಪ್ರದರ್ಶಿಸಿರುವ ಮಲೈಕಾ ಸೌಂದರ್ಯಕ್ಕೆ ಫ್ಯಾನ್ಸ್‌ ಫಿದಾ ಆಗಿದ್ದಾರೆ. ಹೊಸ ಪೋಸ್ಟ್‌ನಲ್ಲಿ ಮಲೈಕಾ ಅರೋರಾ ಅವರ ಬೆರಗುಗೊಳಿಸುವ ನೀಲಿ ಮಿನಿ ಡ್ರೆಸ್ ಧರಿಸಿ, ಬಿಳಿ ಮರದ ಪೆಟ್ಟಿಗೆಯ ಮೇಲೆ ನಿಂತಿರುವ ಫೋಟೋ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಎತ್ತರದ ಪೋನಿಟೇಲ್, ಸಿಲ್ವರ್‌ ಬಣ್ಣದ ಹೀಲ್ಸ್‌ ಮತ್ತು ಸಂಪೂರ್ಣವಾಗಿ ಮರೂನ್ ಬಣ್ಣದ ಉಗುರುಗಳೊಂದಿಗೆ, ಪ್ರತಿ ಪೋಸ್‌ ನಲ್ಲಿಯೂ ಗಮನ ಸೆಳೆದಿದ್ದಾರೆ. ಮಲೈಕಾ ಫೋಸ್ಟ್‌ ಮಾಡಿದ ಕೆಲವೇ ಸಮಯದಲ್ಲಿ ಫೋಟೋಗಳು ವೈರಲ್ ಆಗಿದ್ದು, ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿ ಕಾಮೆಂಟ್‌ ಮಾಡುತ್ತಿದ್ದಾರೆ.
ಅನೇಕರು ಮಲೈಕಾಗೆ ಬ್ಯೂಟಿ ಎಂದಿದ್ದರೆ, ಮತ್ತೊಬ್ಬರು “ಹಾಟ್‌ನೆಸ್ ಓವರ್‌ಲೋಡ್” ಎಂದು ಬರೆದಿದ್ದಾರೆ. ಮತ್ತೊಬ್ಬರು “ಅವರು 50+ ವಯಸ್ಸಿನವರಾಗಿದ್ದರೂ 20+ ವಯಸ್ಸಿನವರಂತೆ ಕಾಣುತ್ತಾರೆ ಮತ್ತು 26+ ವಯಸ್ಸಿನವರಂತೆ ಸ್ಟೈಲಿಂಗ್ ಮಾಡುತ್ತಾರೆ. ಅವರು ಪರಿಪೂರ್ಣ ಮತ್ತು ಆಕರ್ಷಕ ಮೈಕಟ್ಟನ್ನು ಹೊಂದಿದ್ದಾರೆ” ಎಂದು ಬರೆದಿದ್ದಾರೆ.
ಮಲೈಕಾ ಅರೋರಾ ಇತ್ತೀಚೆಗೆ ಸೋಶಿಯಲ್‌ ಮೀಡಿಯಾದಲ್ಲಿ ಅದ್ಭುತ ಸೆಲ್ಫಿಯನ್ನು ಸೇರಿಸಿದ್ದಾರೆ. ನಿಯಾನ್ ಬಣ್ಣದ ಪಟ್ಟಿಯ ಟಾಪ್ ಧರಿಸಿ, ಫೋಟೋದಲ್ಲಿ ಅವರು ತಮ್ಮ ನೈಸರ್ಗಿಕ ಸೌಂದರ್ಯದಿಂದ ಮಿಂಚಿದ್ದಾರೆ. ತಮ್ಮ ಉದ್ದನೆಯ ಕೂದಲನ್ನು ಪರಿಪೂರ್ಣವಾಗಿ ಪ್ರದರ್ಶಿಸುವ ಮೂಲಕ ಗಮನಸೆಳೆದಿದ್ದಾರೆ.
ಮಲೈಕಾ ತನ್ನ ಸ್ಟೈಲಿಶ್ ಲುಕ್‌ಗಳಿಂದ ಸುದ್ದಿಯಾಗುವುದನ್ನು ಎಂದಿಗೂ ತಪ್ಪಿಸಿಕೊಳ್ಳುವುದಿಲ್ಲ. ಅದು ಅವರ ರೆಡ್ ಕಾರ್ಪೆಟ್ ಲುಕ್ ಆಗಿರಲಿ ಅಥವಾ ಕ್ಯಾಶುಯಲ್ ಉಡುಗೆಯಾಗಿರಲಿ.
ಇತ್ತೀಚಿನ ಕ್ಯಾಶುಯಲ್ ಲುಕ್‌ನ ಫೋಟೋಗಳು ಅವರ ಪ್ರಕಾಶಮಾನವಾದ ವೈಬ್‌ಗೆ ಮತ್ತೊಂದು ಉದಾಹರಣೆ ಎನ್ನಿಸಿವೆ. ಯಾವುದೇ ಫಿಲ್ಟರ್‌ಗಳು ಅಥವಾ ಹೆಚ್ಚುವರಿ ಮೇಕಪ್ ಇಲ್ಲದೇ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿರುವ ಅವರು, “ರೈಸ್ ಅಂಡ್ ಶೈನ್” ಎಂದು ಬರೆದಿರುವ ಪ್ರೇರಕ ಸ್ಟಿಕ್ಕರ್ ಅನ್ನು ಸೇರಿಸಿದ್ದಾರೆ.
ಕೆಲವು ದಿನಗಳ ಹಿಂದೆಯಷ್ಟೇ ಮಲೈಕಾ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಚಿತ್ರಗಳ ಸರಣಿಯನ್ನು ಪೋಸ್ಟ್ ಮಾಡಿದ್ದಾರೆ. ಪೋಸ್ಟ್‌ನಲ್ಲಿ, ಅವರು ತಮ್ಮ ರೆಸ್ಟೋರೆಂಟ್‌ನಲ್ಲಿ ಸಮಯ ಕಳೆಯುವುದರಿಂದ ಹಿಡಿದು ಸ್ಕಾರ್ಲೆಟ್ ಹೌಸ್‌ವರೆಗೆ ಹಲವಾರು ಸ್ವ-ಆರೈಕೆ ಚಟುವಟಿಕೆಗಳನ್ನು ಮಾಡುವುದನ್ನು ಕಾಣಬಹುದು.
ಮೊದಲ ಫೋಟೋದಲ್ಲಿ, ಮಲೈಕಾ ತಮ್ಮ ಸ್ಟೈಲಿಶ್ ರೆಸ್ಟೋರೆಂಟ್‌ನಲ್ಲಿ ಡ್ರಿಂಕ್ಸ್ ಕೌಂಟರ್ ಹಿಂದೆ ಕ್ಯಾಮೆರಾಗೆ ಬೆನ್ನು ತೋರಿಸಿ ನಿಂತಿರುವುದು ಕಾಣಬಹುದು.
