– ರಾಘವೇಂದ್ರ ಅಡಿಗ ಎಚ್ಚೆನ್
ಆರ್.ಎಸ್.ಪಿ ಫಿಲಂ ಪ್ರೊಡಕ್ಷನ್ಸ್ ಮತ್ತು ‘ಲೋಕೂರ್ ಫಿಲಂಸ್’ ಬ್ಯಾನರಿನಲ್ಲಿ ನಿರ್ಮಾಣವಾಗಿರುವ, ಹಾಲೇಶ್ ನಟನೆ ಮತ್ತು ನಿರ್ದೇಶನದ ಚಿತ್ರ‘ರತ್ನಾಪುರ ಬಿಡುಗಡೆಗೆ ಸಿದ್ಧವಾಗಿದೆ. ಚಿತ್ರದ ಪತ್ರಿಕಾಗೋಷ್ಠಿ ಬೆಂಗಳೂರಿನ ರೇಣುಕಾಂಬ ಸ್ಟುಡಿಯೋ ದಲ್ಲಿ ನೆರವೇರಿತು.
ರತ್ನಾಪುರ ಚಿತ್ರದ ಹಾಡುಗಳು ಮತ್ತು ಟ್ರೈಲರ್ ಬಿಡುಗಡೆ ಕಾರ್ಯಕ್ರಮ ಸಿರಿ ಮ್ಯೂಸಿಕ್ ಅವರ ಸಹಯೋಗ ದೊಂದಿಗೆ ಜರುಗಿದ್ದು ಈ ಕಾರ್ಯಕ್ರಮದಲ್ಲಿ ರತ್ನಾಪುರ ಚಿತ್ರದ ನಿರ್ಮಾಪಕರು ರವಿಅಣ್ಣ ಪೂಜಾರಿ ಹಾಗೂ ಕರ್ನಾಟಕ ರಕ್ಷಣಾ ವೇದಿಕೆ ರಾಜ್ಯಧ್ಯಕ್ಷರು ಪ್ರವೀಣ ಶೆಟ್ಟರ ಅವರು ಹಾಗೂ ರತ್ನಾಪುರ ಚಿತ್ರದ ಡೈರೆಕ್ಟರ್ ಹಾಲೇಶ್ ಲೋಕುರ್ ಸೇರಿದಂತೆ ಇನ್ನಿತರರು ಭಾಗಿಯಾಗಿದ್ದರು.
ಚಿತ್ರ ಉತ್ತರ ಕರ್ನಾಟಕದ ಜಾನಪದ ಆಚರಣೆ ಭಂಡಾರ ಉತ್ಸವ ಕುರಿತು ಕಥೆ ಹೊಂದಿದ್ದು ಬಹುತೇಕ ಸಿನಿಮಾವನ್ನು ಲಾಟೀನು, ದೊಂದಿ ಬೆಳಕಿನಲ್ಲಿ ಚಿತ್ರೀಕರಣ ಮಾಡಲಾಗಿದೆ.
ಸಂಗೀತ ನಿರ್ದೇಶಕ ಪ್ರಸನ್ನ ಭೋಜಶೆಟ್ಟರ್ ಇದರ ಸಂಗೀತ ನಿರ್ದೇಶಕ ಆಗಿದ್ದು ಹಾಡುಗಳು ಇಂಪಾಗಿ ಕೇಳುವಂತಿದೆ.
ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಗಣ್ಯರು ಚಿತ್ರಕ್ಕೆ ಶುಭ ಹಾರೈಸಿದರು ಸಿನಿಮಾ ಶೀಘ್ರದಲ್ಲೇ ತೆರೆಗೆ ಬರಲಿದೆ ಎಂದು ಚಿತ್ರದ ನಿರ್ದೇಶಕ ಈ ಸಂದರ್ಭದಲ್ಲಿ ಹೇಳಿದರು.
