ಇತ್ತೀಚೆಗೆ ಬಾಲಿವುಡ್ ನಲ್ಲಿ ದೊಡ್ಡ ಕ್ರಾಂತಿಯನ್ನೇ ಉಂಟು ಮಾಡಿರುವ `ಧುರಂಧರ್’ ಚಿತ್ರ ಯಾವ ರೀತಿ ವಿಭಿನ್ನ ಎಂದು ತಿಳಿಯೋಣವೇ…..?
ಬಾಲಿವುಡ್ ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡುತ್ತಿರುವ `ಧುರಂಧರ್’ ಹೊಸ ದಾಖಲೆ ನಿರ್ಮಿಸುತ್ತಿದೆ. ಕೇವಲ ಐದೇ ದಿನಗಳಲ್ಲಿ 200 ಕೋಟಿ ಬಾಚಿಕೊಂಡು ಯಶಸ್ವಿಯಾಗಿ ಮುನ್ನುಗ್ಗುತ್ತಿದೆ. ನಟ ರಣವೀರ್ ಸಿಂಗ್ ನಟನೆಯ `ಧುರಂಧರ್’ ನೋಡುತ್ತಿರುವ ಜನ ಸೂಪರ್ ಹಿಟ್ ಮೂವಿ ಅಂತಿದ್ದಾರೆ. ಇದು ಈವರೆಗಿನ ಬಾಲಿವುಡ್ ನ ದಾಖಲೆಗಳನ್ನೆಲ್ಲಾ ಪುಡಿ ಪುಡಿ ಮಾಡಹೊರಟಿದೆ. ಕೆಲವು ವರ್ಷಗಳಿಂದ ಒಳ್ಳೇ ಚಿತ್ರಗಳಿಲ್ಲದೆ ಕಳೆಗಟ್ಟಿದ್ದ ಬಾಲಿವುಡ್ ಗೆ `ಧುರಂಧರ್’ ಹೊಸ ಕಳೆ ತಂದಿದೆ. 3 ಗಂಟೆ 36 ನಿಮಿಷವಿರುವ ಈ ಚಿತ್ರ ಪಕ್ಕಾ ಆ್ಯಕ್ಷನ್ ಸಿನಿಮಾ ಆಗಿದೆ. ಪಾಕಿಸ್ತಾನದಲ್ಲಿರುವ ಭಾರತದ ಏಜೆಂಟ್ ಒಬ್ಬನ ಸಾಹಸಮಯ ಚಿತ್ರ ಇದಾಗಿದೆ.
ಸ್ಪೈ ಪಾತ್ರದಲ್ಲಿ ರಣವೀರ್ ನಟಿಸಿದ್ದಾರೆ. ವಿವಾದಗಳ ಮಧ್ಯೆ ಹೆಚ್ಚು ಹೈಪ್ ಪಡೆಯದೇ 300 ಕೋಟಿ ರೂಪಾಯಿ ಬಜೆಟ್ ರಿಲೀಸ್ ಆಗಿದೆ. ಈ ಚಿತ್ರದ ನೋಡಿದ ಎಕ್ಸ್ (ಟ್ವಿಟರ್) ಬಳಕೆದಾರರು ತಮ್ಮ ವಿಮರ್ಶೆ ತಿಳಿಸಿದ್ದಾರೆ. ಕೆಲವರು ಸಿನಿಮಾ ಹೊಗಳಿದರೆ, ಇನ್ನೂ ಕೆಲವರು ತೆಗಳಿದ್ದಾರೆ. ಕೆಲವು ವಿಮರ್ಶಕರ ಪ್ರಕಾರ ಬಾಲಿವುಡ್ ನಲ್ಲಿ ರಿಯಾಲಿಟಿಗೆ ಹತ್ತಿರವಾದ ಸಿನಿಮಾಗಳನ್ನು ಮಾಡುತ್ತಿಲ್ಲ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
ಕಳೆದ 70 ವರ್ಷಗಳಲ್ಲಿ ನಮ್ಮ ದೇಶದ ಯಾವ ಸತ್ಯವನ್ನೂ ಕೂಡ ತೆರೆ ಮೇಲೆ ತೋರಿಸಿಲ್ಲ. ಏಕೆಂದರೆ ಕೆಲವರಿಗೆ ರಿಯಾಲಿಟಿ ಅನ್ನೋದೂ ಇಷ್ಟವಾಗುವುದಿಲ್ಲ. ಆದರೆ `ಧುರಂಧರ್’ ಚಿತ್ರದಲ್ಲಿ ರಿಯಾಲಿಟಿಯನ್ನು ಬಚ್ಚಿಡಲಾಗಿದೆ. ಇದೇ ವಿಚಾರದಲ್ಲಿ ನಾವು ಒಮ್ಮೆ ಇತಿಹಾಸದ ಪುಟಗಳನ್ನು ತಿರುವಿ ನೋಡಿದಾಗ ಭಾರತದಲ್ಲಿ ಮೊಘಲರು : ಉಪಖಂಡವನ್ನು ಧ್ವಂಸಗೊಳಿಸಿದ, ದೇವಾಲಯಗಳನ್ನು ನೆಲಸಮ ಮಾಡಿದ, ರಾಜವಂಶಗಳನ್ನು ನಾಶ ಮಾಡಿದ ಮತ್ತು ದೆಹಲಿಯನ್ನು ಆಕ್ರಮಿಸಿಕೊಂಡ ದ್ರೋಹಿಗಳು, ಅನಾಗರಿಕ ಆಕ್ರಮಣಕಾರರು.
ಬಾಲಿವುಡ್ ನಲ್ಲಿ ಮೊಘಲರು : `ಜೋಧಾ ಅಕ್ಬರ್, ಮೊಘಲ್ ಎಅಜಮ್, ಸಲೀಂಅನಾರ್ಕಲಿ’ ಇವೆಲ್ಲ ರೇಷ್ಮೆ ಪರದೆ, ಗುಲಾಬಿ, ಕಾವ್ಯ ಮತ್ತು ಕಾಲ್ಪನಿಕ ಪ್ರೇಮಕಥೆಗಳು. ಇನ್ ಸ್ಟಾಗ್ರಾಮ್ ಅಸ್ತಿತ್ವಕ್ಕೆ ಬರುವ ಮೊದಲೇ ಸತ್ಯವನ್ನು ಸೌಂದರ್ಯದ ಇನ್ ಸ್ಟಾಗ್ರಾಮ್ ಫಿಲ್ಟರ್ ಗಳೊಂದಿಗೆ ಬದಲಾಯಿಸಲಾಯಿತು.
ಪಾಕಿಸ್ತಾನ್ : ಜಾಗತಿಕ ಭಯೋತ್ಪಾದನೆಗೆ ಕಾರಣವಾದ ದೇಶ, ಪರದೆಯ ಮೇಲೆ ಟೆಡ್ಡಿ ಬೇರ್ ಆಗಿ ಮೃದು ಧೋರಣೆ ತೋರಿಸಲಾಗಿದೆ.
ವಾಸ್ತವ
814ಹೈಜಾಕ್
ಸಂಸತ್ತಿನ ದಾಳಿ
ಮುಂಬೈ 1993
ಮುಂಬೈ 2008
ಕಾಶ್ಮೀರ ಭಯೋತ್ಪಾದನೆ
ಜಾಗತಿಕ ಜಿಹಾದಿ ಬಾಲಿವುಡ್ ಪ್ರಕಾರ
ಭಜರಂಗಿ ಭಾಯಿಜಾನ್ : `ಪಾಕಿಸ್ತಾನಿಗಳು ಒಳ್ಳೆಯವರು’
ಮೈ ಹೂ ನಾ : `ತಪ್ಪು ತಿಳಿವಳಿಕೆಗಳು ಮಾತ್ರ ಇವೆ’
ಟೈಗರ್ ಸರಣಿ : `ಭಾರತ-ಪಾಕಿಸ್ತಾನಿ ಪ್ರಣಯ ರಹಸ್ಯ’
ಪಠಾಣ್ : ನಮ್ಮ ದೇಶದ ಮೇಲೆಯೇ ನಮ್ಮ ದೇಶದವರೇ ನಡೆಸುವ ಹೈಬ್ರಿಡ್ ಯುದ್ಧದ ಹೈಬಜೆಟ್ ಮೂವಿು
ಬಾರ್ಡರ್ : ಪಾಕಿಸ್ತಾನಿ ಆಕ್ರಮಣಶೀಲತೆಯನ್ನು ತೋರಿಸುವ ಈ ಚಿತ್ರ ಕೂಡ `ಅಮನ್ ಕಿ ಆಶಾ’ ಹಾಡುಗಳಲ್ಲಿ ಕೊನೆಗೊಳ್ಳುತ್ತದೆ.
`ಧುರಂಧರ್’ ಸಿನಿಮಾ ಅಲ್ಲ. ಇದೊಂದು ನಿರೂಪಣಾ ಕಲೆ ಮಾತ್ರ. ಅದೇಕೆ ಆಗಬಾರದು.
ಪಾಕಿಸ್ತಾನ ಮೂಲಕ ಹಣಕಾಸು ಒದಗಿಸಲಾದ ಮುಂಬೈ ಭೂಗತ ಜಗತ್ತು 80-90ರ ದಶಕಗಳಲ್ಲಿ ಬಾಲಿವುಡ್ ನ್ನು ನಿಯಂತ್ರಿಸಿದಾಗ, ಗಡಿಯುದ್ದಕ್ಕೂ ಮುದ್ರಿಸಲಾದ ನಕಲಿ ಕರೆನ್ಸಿಯನ್ನು ಭಾರತಕ್ಕೆ ತಂದಾಗ, ಡಿಕಂಪನಿಯ ಮಕ್ಕಳಿಗಾಗಿ ಖಾಸಗಿ ಪಾರ್ಟಿಗಳಲ್ಲಿ `ಸೂಪರ್ ಸ್ಟಾರ್’ಗಳು ನೃತ್ಯ ಮಾಡಿದಾಗ…. ನೀವು ಯಾವ ರೀತಿಯ ಚಲನಚಿತ್ರಗಳನ್ನು ನಿರ್ಮಿಸಬೇಕೆಂದು ನಿರೀಕ್ಷಿಸಿದ್ದೀರಿ….? ಸತ್ಯನಾ ಅಥವಾ ಅನುಕೂಲಕರ ಕಾದಂಬರಿನಾ….?
`ಧುರಂಧರ್’ಗೆ ಬಂದರೆ, ಒಬ್ಬ ದೈತ್ಯನನ್ನು ನಿಖರವಾಗಿ ಇರುವಂತೆ ತೋರಿಸಿರುವ ಮೊದಲ ಚಿತ್ರ. ಮೊಟ್ಟ ಮೊದಲ ಬಾರಿಗೆ ರಿಯಾಲಿಟಿಯನ್ನು ಇದರಲ್ಲಿ ತೋರಿಸಲಾಗಿದೆ.
ಕರಾಚಿ ಭೂಗತ ಜಗತ್ತು ಭಯೋತ್ಪಾದಕ ಪೈಪ್ ಲೈನ್ ಆಗಿರೋದು ನಿಜ.
ಅಂತಾರಾಷ್ಟ್ರೀಯ ಅಪರಾಧದ ಸಂತಾನೋತ್ಪತ್ತಿಯ ನೆಲವಾಗಿರುವ ಲಯಾರಿ.
ಭಯೋತ್ಪಾದಕರು ರಾಜಕೀಯ, ಗಡಿ, ಗುಪ್ತಚರಕ್ಕೆ ಹೇಗೆ ನುಸುಳುತ್ತಾರೆ?
ಭಾರತ ಪ್ರತಿದಿನ ಮೌನವಾಗಿ ಹೇಗೆ ಯುದ್ಧ ಮಾಡುತ್ತಿದೆ?
ಗುಂಡುಗಳ ಬದಲಿಗೆ ಮಾಹಿತಿಯು ಹೊಸ ಯುದ್ಧಭೂಮಿ ಆಗಿರುವುದು.
ದಶಕಗಳಿಂದ ನಮ್ಮದೇ ಆದ ಆಂತರಿಕ ವಿಷಯಗಳು ಹೇಗೆ ಹೈಜಾಕ್ ಆಗಿವೆ?
ಇಲ್ಲಿಯೇ ಮತ್ತೆ ತಿರುವು : ಈ ಚಿತ್ರ ಒಮ್ಮೆಯೂ ಧರ್ಮವನ್ನು ಉಲ್ಲೇಖಿಸುವುದಿಲ್ಲ. ಒಮ್ಮೆಯೂ ಅದು ಸಾಮಾನ್ಯ ಜನರನ್ನು ರಾಕ್ಷಸೀಕರಿಸುವುದಿಲ್ಲ. ಇದು ಭಯೋತ್ಪಾದನಾ ರಾಜ್ಯವನ್ನು ಬಹಿರಂಗಪಡಿಸುತ್ತದೆ, ನಾಗರಿಕರನ್ನಲ್ಲ. ಅದಕ್ಕಾಗಿಯೇ `ಮುಸ್ಲಿಂ ವಿರೋಧಿ’ ಆರೋಪ ಕೇವಲ ತಪ್ಪಲ್ಲ. ಇದು ಸೋಮಾರಿ, ಅಪ್ರಾಮಾಣಿಕ ಮತ್ತು ಸತ್ಯಕ್ಕೆ ಯಾರು ಹೆದರುತ್ತಾರೆ ಎಂಬುದನ್ನು ತೋರಿಸುತ್ತದೆ. ಇಲ್ಲಿನ ಎಲ್ಲಾ ನಟರ ಅಭಿನಯ ಮತ್ತಷ್ಟು ಎಕ್ಸ್ ಟ್ರಾರ್ಡಿನರಿ!
ಅಕ್ಷಯ್ ಖನ್ನಾ : `ಛಾಲಾ’ ಚಿತ್ರದ ನಂತರ ಅಕ್ಷಯ್ ಖನ್ನಾ ಮತ್ತೆ ಕಮ್ ಬ್ಯಾಕ್ ಆಗಿದ್ದಾರೆ. ಇಲ್ಲಂತೂ ಅವರನ್ನು ಮೀರಿಸೋರೇ ಇಲ್ಲ. `ಅನಿಮಲ್’ನಲ್ಲಿ ನಟ ಬಾಬಿ ಡಿಯೋಲ್ ಮಾಡಿದ ನಟನೆಗಿಂತಲೂ ಅತ್ಯದ್ಭುತ.
ಆರ್. ಮಾಧವನ್ : ಭಾರತದ ರಾಷ್ಟ್ರೀಯ ಭದ್ರತೆ ಸಲಹೆಗಾರ ಹಾಗೂ ಭಾರತದ ಜೇಮ್ಸ್ ಬಾಂಡ್ ಅಂತಾನೇ ಕರೆಸಿಕೊಳ್ಳುವ ಅಜಿತ್ ದೋಲ್ ಪಾತ್ರವನ್ನು ನಿಭಾಯಿಸಿರುವ ಆರ್. ಮಾಧವನ್ ರ ಪ್ರತಿಯೊಂದು ಪಂಚಿಂಗ್ ಡೈಲಾಗ್ ಹೃದಯಕ್ಕೆ ನಾಟುತ್ತದೆ. ಅದರಲ್ಲೂ `ಭಾರತಕ್ಕಿರುವ ಅತ್ಯಂತ ಕೆಟ್ಟ ಶತ್ರುಗಳೆಂದರೆ ಭಾರತದೊಳಗಿರುವವರೇ! ನಂತರ ಪಾಕಿಸ್ತಾನ ಬರುತ್ತದೆ,’ ಎಂಬ ಡೈಲಾಗ್ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ನಿಜಕ್ಕೂ ಸತ್ಯ ಎಷ್ಟು ತೀಕ್ಷ್ಣವಾಗಿದೆ ಎಂದರೆ ಅದು ಕಲ್ಲನ್ನು ಕತ್ತರಿಸಬಲ್ಲದು.
ಇನ್ನು ಲಯಾರಿ ಗ್ರೂಪ್ : ನಟ ಸಂಜಯ್ ದತ್, ಅರ್ಜುನ್ ರಾಂಪಾಲ್ ಅಭಿನಯ ಕೂಡ ಚಿತ್ರಕ್ಕೆ ಒಂದು ಶಕ್ತಿ ಕೊಟ್ಟಿದೆ. ವಿಶ್ವ ದರ್ಜೆಯ ಪಾತ್ರವರ್ಗದ ಜೊತೆ ನೀವು ನಂಬದೇ ಇರುವಂತಹ ದೃಶ್ಯಗಳು, ನಿರೀಕ್ಷಿಸದಂತಹ ಟ್ವಿಸ್ಟ್ ಗಳು ರೊಚ್ಚಿಗೇಳಿಸುತ್ತವೆ. ಇದರಲ್ಲಿ ವ್ಯಂಗ್ಯ ಚಿತ್ರಗಳಿಲ್ಲ, ಯಾರೂ ಅತಿ ಅತಿಯಾಗಿ ನಟಿಸಿಲ್ಲ.
ರಣವೀರ್ ಸಿಂಗ್ : ನಟ ರಣವೀರ್ ಸಿಂಗ್ ಇಲ್ಲಿ ತಮ್ಮ ಜೀವಮಾನದ ಶ್ರೇಷ್ಠ ಅಭಿನಯ ನೀಡಿದ್ದಾರೆ. ಅದೇಕೋ ರಣವೀರ್ ಸಿಂಗ್ ಇತ್ತೀಚಿನ ದಿನಗಳಲ್ಲಿ ಮಂಕಾಗಿದ್ದರು. ಹೊಸಬರ ಹಾಳಿ, ಹಳಬರ ಗುಂಪುಗಾರಿಕೆಯಿಂದ ರಣವೀರ್ ಸಿಂಗ್ ಹೈರಾಣಾಗಿದ್ದರು. ಆದರೆ ಈಗ ವರ್ಷಗಳ ನಂತರ, ಮತ್ತೆ ಮೈಕೊಡವಿ ಎದ್ದಿದ್ದಾರೆ. ಇದಕ್ಕೆ ಕೈಗನ್ನಡಿಯೇ `ಧುರಂಧರ್’ ಚಿತ್ರದ ಅತ್ಯದ್ಭುತ ಗೆಲುವು. ಇಡೀ ಇಂಡಸ್ಟ್ರಿಯಲ್ಲಿ ಅವರನ್ನು ನಿರ್ಲಕ್ಷ್ಯ ಮಾಡಿದಾಗ, ಅವರು ಮತ್ತೆ ಎದ್ದು ನಿಂತಿರುವುದಕ್ಕೆ ಕಾರಣ ಅವರ ಧೈರ್ಯ ಮತ್ತು ದೃಢನಿಶ್ಚಯ. ನಟನಾಗಿರುವುದು ಅಂದ್ರೆ ಅದೇ. ಈ ಚಿತ್ರಕ್ಕೆ ಒಂದ ಹೃದಯಬಡಿತವಿದೆ. ಒಂದು ಮನಸ್ಸು, ಒಂದು ಧೈರ್ಯವಿದೆ.
ಆದಿತ್ಯ ಧರ್ : ಚಿತ್ರದ ಪ್ರತಿ ಫ್ರೇಮ್ ನಲ್ಲೂ ಆದಿತ್ಯರ ಸಹಿ ಇದೆ. ಉರಿಯ ಶಿಸ್ತು, ಸಾಕ್ಷ್ಯ ಚಿತ್ರಕಾರನ ಪ್ರಾಮಾಣಿಕತೆ, ದೇಶಭಕ್ತನ ಕೋಪ, ಗುಪ್ತಚರ ವಿಶ್ಲೇಷಕನ ನಿಖರತೆ ಇದೆ. 3 ಗಂಟೆ 36 ನಿಮಿಷ ಈ ಚಿತ್ರದಲ್ಲಿ ಒಂದೇ ಒಂದು ನಿಮಿಷ ಕೂಡ ನೀರಸ ಕ್ಷಣವಿಲ್ಲ. ವ್ಯರ್ಥವಾದ ಒಂದು ಸಾಲೂ ಕೂಡ ಇಲ್ಲ. ಜೊತೆಗೆ ಒಂದೇ ಒಂದು ನಿಷ್ಪ್ರಯೋಜಕ ಉಪಕಥಾವಸ್ತುವಿಲ್ಲ. ಆ್ಯಕ್ಷನ್, ಸಂಗೀತ, ಸಂಕಲನ ಎಲ್ಲ ಕೂಡ ಸಮಾನವಾಗಿದೆ.
ಈ ಚಿತ್ರದಲ್ಲಿ ಕಂದಹಾರ್ ಅಪಹರಣ, 2001ರ ಸಂಸತ್ತಿನ ದಾಳಿ, 26/11 ಆಪರೇಷನ್ ನ್ನು ಹಿಂದಿನ ಯಾವುದೇ ಭಾರತೀಯ ಚಲನಚಿತ್ರಗಳಿಗಿಂತ ಹೆಚ್ಚು ವಿಶ್ವಾಸಾರ್ಹತೆ ಮತ್ತು ಧೈರ್ಯದಿಂದ ತೋರಿಸಲಾಗಿದೆ. ಸಾಮಾನ್ಯವಾಗಿ ಹಾಲಿವುಡ್ ಅಮೆರಿಕನ್ ಆಘಾತದ ಬಗ್ಗೆ ಚಲನಚಿತ್ರಗಳನ್ನು ಮಾಡುತ್ತದೆ. ಇಸ್ರೇಲ್ ಮೊಸಾದ್ ಕಾರ್ಯಾಚರಣೆಗಳ ಬಗ್ಗೆ ಚಲನಚಿತ್ರಗಳನ್ನು ಮಾಡುತ್ತದೆ. ಫ್ರಾನ್ಸ್ ತನ್ನ ವಸಾಹತುಶಾಹಿ ಗಾಯಗಳ ಬಗ್ಗೆ ಚಲನಚಿತ್ರಗಳನ್ನು ಮಾಡುತ್ತದೆ. ಇಲ್ಲಿ ಮೊದಲ ಬಾರಿಗೆ, ಭಾರತ ಅಂತಿಮವಾಗಿ ತನ್ನದೇ ಆದ ಗಾಯಗಳ ಬಗ್ಗೆ ಚಲನಚಿತ್ರವನ್ನು ಹೊಂದಿದೆ. ಅಂತಿಮವಾಗಿ `ಧುರಂಧರ್’ ಕೇವಲ ಚಲನಚಿತ್ರವಲ್ಲ. ಸಿನಿಮೀಯ ತಿದ್ದುಪಡಿ, ಸಾಂಸ್ಕೃತಿಕ ಪ್ರತಿದಾಳಿ, ಬಹಳ ದಿನಗಳಿಂದ ಕಾಯುತ್ತಿದ್ದ ಸತ್ಯದ ಪುನಃಸ್ಥಾಪನೆ ಆಗಿದೆ. ಹಾಗಾಗಿಯೇ ಚಿತ್ರಮಂದಿರಗಳು ತುಂಬಿವೆ. ಪ್ರೇಕ್ಷಕರು ಕೇಕೆ ಹಾಕುತ್ತಿದ್ದಾರೆ. `ಧುರಂಧರ್’ ಯಶಸ್ವಿಯಾಗಿ ಮುನ್ನುಗ್ಗುತ್ತಿದೆ. ಕಳೆದ 70 ವರ್ಷಗಳಲ್ಲಿ ಮಾಡದೇ ಇರುವ ಕಟು ಸತ್ಯವುಳ್ಳ ಸಿನಿಮಾವೊಂದು ಇದೀಗ ಸೂಪರ್ ಹಿಟ್ ಆಗಿದೆ.
– ಪ್ರತಿನಿಧಿ
