ಹೆಚ್ಚುತ್ತಿರುವ ವಯಸ್ಸಿನಲ್ಲೂ ತಮ್ಮ ಸೌಂದರ್ಯವನ್ನು ಉಳಿಸಿಕೊಳ್ಳಬೇಕೆಂದು ಬಯಸುವ ಹೆಂಗಸರಿಗೆ ಅದು ಹೇಗೆ ಎಂಬುದು ದೊಡ್ಡ ಸವಾಲೇ ಸರಿ. ಮುಖ್ಯವಾಗಿ 30+ನವರು ತಮ್ಮ ಚರ್ಮದಲ್ಲಿ ಉಂಟಾದ ಜೋತಾಡುವಿಕೆ, ಸುಕ್ಕುಗಳಿಂದ ಬಹಳ ಟೆನ್ಶನ್‌ಗೆ ಒಳಗಾಗುತ್ತಾರೆ. ಅಸಲಿಗೆ, 30+ ನಂತರ ಚರ್ಮದಲ್ಲಿ ನೈಸರ್ಗಿಕ ಮಾಯಿಶ್ಚರೈಸರ್‌ ತಾನಾಗಿ ಕಡಿಮೆ ಆಗುವ ಕಾರಣ ಚರ್ಮದಲ್ಲಿ ಹಿಂದಿನ ಆ ಬಿಗುವು ಇರುವುದಿಲ್ಲ. ಯೌವನ ಜಾರುತ್ತಿರುವ ಅನುಭವ ಗೊತ್ತಾಗುತ್ತದೆ. ಹೀಗಾಗಿ 30+ನವರು ಈ ಚಾಕಲೇಟ್‌ಫೇಶಿಯಲ್‌ಗೆ ಮೊರೆ ಹೋದರೆ ಅವರ ಈ ಸಮಸ್ಯೆಗಳು ದೂರವಾಗುತ್ತವೆ.

ಈ ಕುರಿತಾಗಿ ಸೌಂದರ್ಯ ತಜ್ಞೆಯರು ಹೀಗೆ ವಿವರಿಸುತ್ತಾರೆ, ಚಾಕಲೇಟ್‌ನಲ್ಲಿ ಆ್ಯಂಟಿ ಆಕ್ಸಿಡೆಂಟ್ಸ್ ಹಾಗೂ ಆ್ಯಂಟಿ ಏಜಿಂಗ್ ಪ್ರಾಪರ್ಟೀಸ್‌ ಹೇರಳವಾಗಿವೆ. ಇದು ಲಿಂಫ್ಯಾಟಿಕ್‌ ಡ್ರೇನೇಜ್‌ ಜೊತೆ ಚರ್ಮದ ಮೇಲಿನ ಡೆಡ್‌ ಸೆಲ್ಸ್ ಪದರವನ್ನು ತೆಗೆಯುತ್ತದೆ ಹಾಗೂ ಚರ್ಮಕ್ಕೆ ಹೆಚ್ಚಿನ ಬಿಗುವು ನೀಡಿ ಕಾಂತಿಯುತವಾಗಿ ಹೊಳೆಯುವಂತೆ ಮಾಡುತ್ತದೆ.

ಹೆಚ್ಚಲಿದೆ ರಿಲ್ಯಾಕ್ಸ್ ಫೀಲ್

ವೈಜ್ಞಾನಿಕ ಆಧಾರದ ಪ್ರಕಾರ ಚಾಕಲೇಟ್‌ನ ಸುಗಂಧ ಹಾಗೂ ಸ್ವಾದ ಎರಡೂ ಕೂಡಿ ಮಾನವ ದೇಹದಲ್ಲಿ ಹ್ಯಾಪಿ ಹಾರ್ಮೋನ್ಸ್ ರಿಲೀಸ್‌ ಮಾಡುತ್ತವೆ. ಇದು ನಮ್ಮ ಮಾನಸಿಕ ಒತ್ತಡವನ್ನು ಎಷ್ಟೋ ಕಡಿಮೆ ಮಾಡುತ್ತದೆ ಹಾಗೂ ಖುಷಿ ಹೆಚ್ಚಿಸುತ್ತದೆ. ಈ ಫೇಶಿಯಲ್ ರಕ್ತದಲ್ಲಿನ ಸೆರೋಟೆನಿನ್‌ ಅಂಶವನ್ನು ಹೆಚ್ಚಿಸಿ, ಒತ್ತಡ ನಿವಾರಿಸುತ್ತದೆ.

ರೈಟ್‌ ಸ್ಕ್ರಬಿಂಗ್‌

ರೈಟ್‌ ಎಫೆಕ್ಟ್ ಇದರ ಆರಂಭ ಹಾಲಿನಿಂದ ಮುಖದ ಮೇಲಿನ ಕ್ಲೆನ್ಸಿಂಗ್‌ನಿಂದ ಶುರು. ಇದಾದ ಮೇಲೆ ಮುಖವನ್ನು ಓಟ್‌ಮೀಲ್‌, ಡಿಸ್ಪ್ರಿನ್‌ ಟ್ಯಾಬ್ಲೆಟ್‌, ಶುಗರ್‌ಫ್ರೀ ಚಾಕಲೇಟ್‌ನ ಕರಗಿದ ಭಾಗ, 1 ಚಮಚ ಇನ್‌ಸ್ಟೆಂಟ್‌ ಕಾಫಿಪುಡಿ ಹಾಗೂ ಜೇನುತುಪ್ಪ ಬೆರೆಸಿದ ಸ್ಕ್ರಬ್‌ನಿಂದ ನೀಟಾಗಿ ತೀಡಬೇಕು.

ಸ್ಕ್ರಬಿಂಗ್‌ನ ಸಮರ್ಪಕ ವಿಧಾನ ಗೊತ್ತೇ?

ಸ್ಕ್ರಬ್‌ ಮಾಡುವಾಗ ಎಂದೂ ಮುಖವನ್ನು ಉಜ್ಜಲು ಹೋಗಬೇಡಿ. ಬದಲಿಗೆ ಸ್ವಲ್ಪ ಹೊತ್ತು ಮುಖದ ಮೇಲೆ ಸ್ಕ್ರಬ್‌ ಉಳಿಸಿಕೊಂಡು ನಂತರ ನಿಧಾನವಾಗಿ ಮಸಾಜ್‌ ತರಹ ಮಾಡಬೇಕು. ಇದಕ್ಕಾಗಿ ನಿಧಾನವಾಗಿ ಕೈ ಬೆರಳನ್ನು ಸರ್ಕ್ಯುಲರ್ ಮೋಶನ್‌ನಲ್ಲಿ ತಿರುಗಿಸುತ್ತಾ ಸ್ಕ್ರಬಿಂಗ್‌ ಮಾಡಬೇಕು. ಇದರಿಂದ ರಕ್ತ ಸಂಚಾರ ಸುಗಮವಾಗುತ್ತದೆ ಹಾಗೂ ಚರ್ಮದ ಡೆಡ್‌ ಸೆಲ್ಸ್ ತೊಲಗುತ್ತವೆ.

ಕೋಲ್ಡ್ ಕಂಪ್ರೆಶರ್‌ ಅಗತ್ಯ

ಸ್ಕ್ರಬಿಂಗ್‌ ನಂತರ ಚರ್ಮಕ್ಕೆ ಹಾಟ್‌ ಕಂಪ್ರೆಶರ್‌ ನೀಡಲು ಸ್ಟೀಂ ಬದಲಾಗಿ ನೀರಿಗೆ ಬೋರಿಕ್‌ ಆಮ್ಲ ಬೆರೆಸಿ, ಅದರಲ್ಲಿ ತೆಳು ಕಾಟನ್‌ ಕರವಸ್ತ್ರ ಅದ್ದಿಕೊಂಡು ಮುಖದ ಮೇಲೆ ಸ್ವಲ್ಪ ಹೊತ್ತು ಹರಡಬೇಕು. ಆಗ ಹಾಟ್‌ ಕಂಪ್ರೆಶರ್‌ನಿಂದಾಗಿ ಮುಖದಲ್ಲಿ ಪೋರ್ಸ್‌ ಓಪನ್‌ ಆಗುತ್ತವೆ. ಅವುಗಳ ಆಕಾರ ದೊಡ್ಡದಾಗುತ್ತದೆ. ದೊಡ್ಡ ಪೋರ್ಸ್‌ ಖಂಡಿತಾ ಕೆಟ್ಟದಾಗಿ ಕಾಣಿಸುತ್ತದೆ. ಹೀಗಾಗಿ ಹಾಟ್‌ ಕಂಪ್ರೆಶರ್‌ ಆದ ತಕ್ಷಣ, ಕೋಲ್ಡ್ ಕಂಪ್ರೆಶರ್‌ ಅಗತ್ಯ ಕೊಡಬೇಕು. ಇದಕ್ಕಾಗಿ ತಣ್ಣೀರು, ಐಸ್‌ ಬಳಸಿಕೊಳ್ಳಿ.

ಮಸಾಜ್‌ನ ಮಹತ್ವ

ಚರ್ಮದ ಒಳಗೆ ನುಸುಳಲು ಚಾಕಲೇಟ್‌ನ ಕರಗಿದ ಭಾಗವನ್ನು ಆ್ಯಲೋವೆರಾದ ಜೆಲ್‌ನಲ್ಲಿ ಬೆರೆಸಿಕೊಂಡು ಚರ್ಮದ ಮೇಲೆ ಹಚ್ಚಬೇಕು ಹಾಗೂ ಎಳನೀರಿನಲ್ಲಿ ಅಲ್ಟ್ರಾಸಾನಿಕ್‌ ಮಸಾಜ್‌ ನೀಡಬಹುದು. ನಿಮ್ಮ ಚರ್ಮ ಆಯ್ಲಿ ಆಗಿದ್ದರೆ, ಜೆಲ್ ಮಿಶ್ರಣಕ್ಕೆ ತುಸು ಸೀ ಸಾಲ್ಟ್ ಬೆರೆಸಿ ನಂತರ ಮಸಾಜ್‌ ಮಾಡಿ. ಸೀ ಸಾಲ್ಟ್ ಚರ್ಮದಿಂದ ಹೆಚ್ಚುವರಿ ತೈಲದ ಅಂಶವನ್ನು ಹೀರಿಕೊಳ್ಳಲು ನೆರವಾಗುತ್ತದೆ.

ಆ್ಯಂಟಿ ಏಜಿಂಗ್‌ ಫೇಶಿಯಲ್‌ನ ಅತ್ಯಂತ ಪ್ರಮುಖ ಘಟ್ಟವೆಂದರೆ ಸ್ಕಿನ್‌ ಟೈಟ್‌ನಿಂಗ್‌ ಕ್ರೀಮಿನಿಂದ ಚರ್ಮಕ್ಕೆ ನೀಡುವ ಮಸಾಜ್‌. ಇದರಿಂದ ಚರ್ಮಕ್ಕೆ ಕಸುವು ಹಾಗೂ ಕಾಂತಿ ಎರಡೂ ಬರುತ್ತದೆ. ಈ ಮಸಾಜ್‌ನಿಂದ ಮುಖದ ಸ್ಪೆಷಲ್ ಪ್ರೆಶರ್‌ ಪಾಯಿಂಟ್ಸ್ ನ್ನು ಒತ್ತಿ ಹಿಡಿಯುವುದರಿಂದ ರಕ್ತ ಸಂಚಾರ ಚುರುಕಾಗುತ್ತದೆ ಹಾಗೂ ಬಹಳ ರಿಲ್ಯಾಕ್ಸ್ ಅನುಭವ ದೊರಕುತ್ತದೆ.

ಫೇಶಿಯಲ್‌ನ ಕೊನೆ ಹಂತ

ಎಲ್ಲಕ್ಕೂ ಕೊನೆಯಲ್ಲಿ ಗ್ಲೋ ಪ್ಯಾಕಿನಲ್ಲಿ ಕರಗಿದ ಚಾಕಲೇಟ್‌ ಹಾಕಿ 5-6 ನಿಮಿಷ ಮುಖಕ್ಕೆ ಹಚ್ಚುವುದಾಗಿದೆ. ಇದಾದ ಮೇಲೆ ಮತ್ತೊಮ್ಮೆ ಮುಖಕ್ಕೆ ಹಾಟ್‌ಕೋಲ್ಡ್ ಕಂಪ್ರೆಶರ್‌ ನೀಡಲಾಗುತ್ತದೆ.

ಚಾಕಲೇಟ್‌ ಫೇಶಿಯಲ್ ನಂತರ, ಮುಖವನ್ನು ಶುದ್ಧ ನೀರಿನಿಂದ ನೀಟಾಗಿ ತೊಳೆಯಿರಿ, ಏಕೆಂದರೆ ಮುಖದಲ್ಲಿ ಚಾಕಲೇಟ್‌ನ ಅಂಟಂಟು ಭಾಗ ಉಳಿಯಬಾರದು.

SPF ಕ್ರೀಂ ಹಚ್ಚದೆ ಬಿಸಿಲಿನಲ್ಲಿ ಹೊರಗೆ ಹೋಗಲೇಬೇಡಿ. ಏಕೆಂದರೆ ಫೇಶಿಯಲ್ ನಂತರ ಚರ್ಮ ತೆಳು ಅನಿಸುತ್ತದೆ ಹಾಗೂ ತೀಕ್ಷ್ಣ ಬಿಸಿಲಿನಿಂದ, ತೆಳು ಚರ್ಮ ಸುಟ್ಟುಹೋದೀತು.

– ಜಿ. ಅನುರಾಧಾ  

ಚಾಕಲೇಟ್‌ ಫೇಶಿಯಲ್‌ನ ಲಾಭಗಳು

ಈ ಫೇಶಿಯಲ್ ಯಾವುದೇ ಬಗೆಯ ಚರ್ಮಕ್ಕಾದರೂ ಸೂಕ್ತವಾಗಿ ಹೊಂದುತ್ತದೆ.

ಚಾಕಲೇಟ್‌ನಲ್ಲಿ ಅಡಗಿದ ಆ್ಯಂಟಿ ಆಕ್ಸಿಡೆಂಟ್ಸ್ ಚರ್ಮವನ್ನು ಫ್ರೀ ರಾಡಿಕಲ್ ಡ್ಯಾಮೇಜ್‌ನಿಂದಲೂ ಕಾಪಾಡುತ್ತದೆ.

ಚಾಕಲೇಟ್‌ನಲ್ಲಿ ಚರ್ಮವನ್ನು ಟ್ಯಾನಿಂಗ್‌ನಿಂದ ಕಾಪಾಡುವ ಸಾಮರ್ಥ್ಯವಿದೆ.

ಇದು ಚರ್ಮವನ್ನು ಹೈಡ್ರೇಟ್‌ ಮಾಡಿ, ಚರ್ಮದ ಕೋಮಲತೆ, ಕಾಂತಿ ಹೆಚ್ಚಿಸುತ್ತದೆ.

ಚಾಕಲೇಟ್‌ ಫೇಶಿಯಲ್ ಚರ್ಮದಲ್ಲಿ ವೇಗವಾಗಿ ಕೊಲೋಜನ್‌ ಕ್ರಿಯೇಟ್‌ ಮಾಡುತ್ತದೆ, ಇದರಿಂದ ಚರ್ಮದ ಎಲಾಸ್ಟಿಸಿಟಿ ಕಾಪಾಡಲ್ಪಡುತ್ತದೆ.

ಫೇಶಿಯಲ್‌ಗೆ ಮುನ್ನ ಗಮನಿಸಿ

ಫೇಶಿಯಲ್‌ಗೆ ಮುನ್ನ ಬ್ಲೀಚ್‌ ಮಾಡಿಸಬೇಡಿ, ಏಕೆಂದರೆ ಬ್ಲೀಚ್‌ ಚರ್ಮದ ಮೇಲೆ ಕೆಮಿಕಲ್‌ನ ಒಂದು ಪದರ ಹರಡಿಕೊಂಡು, ಫೇಶಿಯಲ್‌ನ ಎಫೆಕ್ಟ್ ಗಾಢವಾಗಿ ಕಂಡುಬರದು.

ಫೇಶಿಯಲ್‌ಗೆ 2 ಗಂಟೆ ಮೊದಲೇ ಏನನ್ನೂ ತಿಂದಿರಬಾರದು. ಏಕೆಂದರೆ ದೇಹ ಒಂದು ಸಲಕ್ಕೆ ಒಂದೇ ಕೆಲಸ ಮಾಡಬಲ್ಲದು, ಅಂದ್ರೆ ಅದು ಆಹಾರ ಜೀರ್ಣಿಸುತ್ತದೆ ಅಥವಾ ಒತ್ತಡ ನಿವಾರಿಸುತ್ತದೆ. ಕೊನೆಯಲ್ಲಿ ರಕ್ತ ಸಂಚಾರ ಚುರುಕಾಗಿಸುವ ಕೆಲಸ ಇದೆ.

ಮುಖದಲ್ಲಿ ಮೊಡವೆ ಅಥವಾ ಆ್ಯಕ್ನೆಗಳಿದ್ದರೆ, ಮೊದಲು ಅದಕ್ಕೆ ಚಿಕಿತ್ಸೆ ಕೊಡಿಸಿ. ಫೇಶಿಯಲ್ ಮಾಡಿಸುವ 1 ವಾರಕ್ಕೆ ಮೊದಲೇ, ಹಸಿ ಹಾಲಿನಲ್ಲಿ ಲವಂಗ ನೆನೆಸಿ ರುಬ್ಬಿದ ಮಿಶ್ರಣವನ್ನು ಮುಖ ಪೂರ್ತಿ ಹಚ್ಚಬೇಕು. 3-4 ದಿನಗಳಲ್ಲಿ ಅವು ಒಣಗುತ್ತವೆ.

ತಿಂಗಳಿಗೊಮ್ಮೆ ಮಾತ್ರ ಫೇಶಿಯಲ್ ಮಾಡಿಸಿದರೆ ಸಾಕು. ಅವಸರದಲ್ಲಿ ತಿಂಗಳಿಗೆ 2-3 ಸಲ ಮಾಡಿಸಿದಿರೋ, ಆಗ ಮುಖದಲ್ಲಿನ ಡೆಡ್‌ ಸೆಲ್ಸ್ ಜೊತೆಗೆ ಲೈವ್ ‌ಸೆಲ್ಸ್ ಕೂಡ ಕಣ್ಮರೆಯಾಗುತ್ತವೆ. ಇದು ಚರ್ಮಕ್ಕೆ ಖಂಡಿತಾ ಹಾನಿಕರ.

Tags:
COMMENT