ಸುಂದರ, ಸಾಫ್ಟ್ ತುಟಿಗಳಿರಬೇಕೆಂದು ಪ್ರತಿ ಹೆಣ್ಣೂ ಬಯಸುತ್ತಾಳೆ. ಆದರೆ ಬದಲಾಗುವ ಋತು ನಮ್ಮ ಚರ್ಮಕ್ಕೆ ಮಾಡಿದಂತೆ ತುಟಿಗಳನ್ನೂ ಡ್ರೈ ಮಾಡಿಬಿಡುತ್ತವೆ. ಈ ಕಾರಣ ನಾವು ಮನೆಯಲ್ಲಿರಲಿ ಹೊರಗಿರಲಿ, ನಮ್ಮ ಗಮನವೆಲ್ಲ ಒಡೆದ, ಡ್ರೈ ತುಟಿಗಳ ಮೇಲೆಯೇ ಇರುತ್ತದೆ. ಇದರಿಂದಾಗಿ ನಮ್ಮ ಬೇರೆಲ್ಲ ಕೆಲಸಗಳೂ ಕೆಡುತ್ತವೆ, ಮನಸ್ಸು ಬೇರೇನೂ ಚಿಂತಿಸದು. ಇದೇ ದೊಡ್ಡ ಚಿಂತೆ ಆಗಿಹೋಗುತ್ತದೆ.
ಆದರೆ ಮುಖಕ್ಕಿಂತ ಹೆಚ್ಚಾಗಿ ತುಟಿಗಳು ಏಕೆ ಬೇಗ ಡ್ರೈ ಆಗುತ್ತವೆ ಎಂದು ಗೊತ್ತೇ? ಇದಕ್ಕೆ ಕಾರಣ ದೇಹದ ಬೇರೆ ಭಾಗಗಳಿಗೆ ಹೋಲಿಸಿದಾಗ, ತುಟಿಗಳಲ್ಲಿ ತೈಲೀಯ ಗ್ರಂಥಿಗಳು ಇರುವುದಿಲ್ಲ. ಹಾಗಾಗಿಯೇ ಬೇಗ ಬೇಗ ಡ್ರೈ ಆಗುತ್ತವೆ. ಇದರಲ್ಲಿ ಹೀಲಿಂಗ್ ಪ್ರೋಸೆಸ್‌ ಸಹ ಬಲು ನಿಧಾನ. ಹೀಗಾಗಿ ಒಡೆದ ಡ್ರೈ ಲಿಪ್ಸ್ ಗುಣಕಾಣಲು ಸ್ವಲ್ಪ ಸಮಯ ಬೇಕು.
ಸಾಮಾನ್ಯವಾಗಿ ಚಳಿಗಾಲದಲ್ಲಿ ಮಾತ್ರ ತುಟಿಗಳು ಹೀಗೆ ಒಡೆಯುತ್ತವೆ, ಡ್ರೈನೆಸ್‌ ಸಮಸ್ಯೆ ಹೆಚ್ಚೆಂದು ಭಾವಿಸುತ್ತೇವೋ ಹಾಗೇನೂ ಇಲ್ಲ. ಇದಕ್ಕಾಗಿ ಕೇವಲ ತೀವ್ರ ಚಳಿ, ಶುಷ್ಕ ಗಾಳಿ ಅಷ್ಟೇ ಕಾರಣಲ್ಲ, ಬದಲಿಗೆ ಸೂರ್ಯನ ಹಾನಿಕಾರಕ UV ಕಿರಣಗಳು, ಅಗ್ಗದ ಲಿಪ್‌ ಸ್ಟಿಕ್‌ ಸಹ ಅಷ್ಟೇ ಕಾರಣ. ಹೀಗಾಗಿ ಅಗ್ಗದ ಕಾಸಿಗೆ ಆಸೆಬಿದ್ದು ಮುಗ್ಗಲು ಮಾಲು ಖರೀದಿಸಿ ತುಟಿಗೆ ಹಚ್ಚಬೇಡಿ. ಇನ್ನಿತರ ಕಾರಣಗಳು ಎಂದರೆ :
ಮತ್ತೆ ಮತ್ತೆ ತುಟಿಗಳ ಮೇಲೆ ನಾಲಿಗೆ ಆಡಿಸುವುದು.
ಬಹಳ ಕಾಲವಾದರೂ ತುಟಿಗಳಿಗೆ ಮ್ಯಾಟ್‌ ಲಿಪ್‌ ಸ್ಟಿಕ್‌ ಬಳಸದೆ ಇರುವುದು.
ಔಷಧಿಗಳ ಸೈಡ್‌ ಎಫೆಕ್ಟ್ಸ್.
ಬದಲಾಗುವ ಋತು.
ಹೆಚ್ಚು ಮಸಾಲೆ ಪದಾರ್ಥದ ಸೇವನೆ.
ನೀವು ನಿಮ್ಮ ತುಟಿಗಳ ಬಗ್ಗೆ ಗಮನ ಹರಿಸದಿದ್ದರೆ, ಅದು ಅಗತ್ಯವಾಗಿ ಒಡೆದು, ಡ್ರೈ ಆಗುತ್ತದೆ. ಎಷ್ಟೋ ಸಲ ಇದರಿಂದ ರಕ್ತ ಸಹ ತೊಟ್ಟಿಕ್ಕುತ್ತದೆ. ಹೀಗಾಗಿ ಇವುಗಳ ರಕ್ಷಣೆ ಅತ್ಯಗತ್ಯ. ಹೀಗಾಗಿ ಸಮಸ್ಯೆ ಉಲ್ಬಣಗೊಳ್ಳುವ ಮೊದಲೇ ಎಚ್ಚೆತ್ತುಕೊಳ್ಳಿ. ತಜ್ಞರ ಸಲಹೆ ಎಂದರೆ, ಡ್ರೈನೆಸ್‌ ಹೆಚ್ಚಿದಷ್ಟೂ, ನೀವು ಕೆಮಿಕಲ್ಸ್ ಯುಕ್ತ ಲಿಪ್‌ ಬಾಮ್ ಬಳಸಲೇಬೇಡಿ, ಏಕೆಂದರೆ ಇವು ಕೆಲವು ಕಾಲ ಮಾತ್ರ ತುಟಿಗಳಿಗೆ ಆರಾಮ ನೀಡಬಲ್ಲ. ಹೀಗಾಗಿ ನೀವು ಕೆಲವು ವಿಶಿಷ್ಟ ಟೆಸ್ಟೆಡ್‌ ರೆಮಿಡೀಸ್‌ ಬಳಸಿಕೊಂಡೇ ಈ ಸಮಸ್ಯೆಯಿಂದ ಪಾರಾಗಬಹುದು ಎನ್ನುತ್ತಾರೆ.
ತುಟಿಗಳಿಗೂ ಎಕ್ಸ್ ಫಾಲಿಯೇಶನ್‌ ತುಟಿಗಳು ಒಡೆದು ಪದರ ಉದುರ ತೊಡಗಿದರೆ ಬಲು ನೋವಾಗುತ್ತದೆ. ಹೀಗಾಗಿ ಚರ್ಮದಂತೆಯೇ ಇದನ್ನೂ ಎಕ್ಸ್ ಫಾಲಿಯೇಟ್‌ ಮಾಡಿಸಿ. ಇದರಿಂದಾಗಿ ತುಟಿಗಳಿಂದ ಡೆಡ್‌ ಸ್ಕಿನ್‌ ಸೆಲ್ಸ್ ತೊಲಗುವುದಲ್ಲದೆ, ಅದರ ಮೇಲೆ ಒಂದು ಸ್ಮೂತ್‌ ಪದರ ಮೂಡಿಬರುತ್ತದೆ. ಇದಕ್ಕಾಗಿ ನೀವು ತುಸು ಸಕ್ಕರೆಗೆ ಕೆಲವು ಹನಿ ಜೇನು, ಚಿಟಕಿ ಸೈಂಧವ ಲವಣ, ತುಪ್ಪ ಬೆರೆಸಿ ಅದರಿಂದ ತುಟಿಗಳ ಮೇಲೆ ವೃತ್ತಾಕಾರವಾಗಿ ಸ್ಕ್ರಬ್‌ ಮಾಡಿ. ನಂತರ ಒದ್ದೆ ಟಿಶ್ಯು ಪೇಪರ್‌ ನಿಂದ ತುಟಿ ಒರೆಸಿ, ಕ್ಲೀನ್‌ ಮಾಡಿ. ನಂತರ ಆಲಿವ್‌/ಕೋಕೊನಟ್‌ ಎಣ್ಣೆಯಿಂದ ಮಸಾಜ್‌ ಮಾಡಿ ಅದಕ್ಕೆ ಮಾಯಿಶ್ಚರ್‌ ಒದಗಿಸಿ.
ತುಟಿ ಎಕ್ಸ್ ಫಾಲಿಯೇಟ್‌ ಮಾಡುವಂಥ ಪ್ರಾಡಕ್ಟ್ಸ್ ಸಹ ಬಳಸಬಹುದು. ಇದರಿಂದ ತುಟಿಯ ಡೆಡ್‌ ಸೆಲ್ಸ್ ಸುಲಭವಾಗಿ ತೊಲಗುತ್ತದೆ. ಗಮನಿಸಿ, ಇಂಥ ಪ್ರಾಡಕ್ಟ್ಸ್ ನಲ್ಲಿ ವಿಟಮಿನ್‌, ಕೋಕೊನಟ್‌/ ಶಿಯಾಬಟರ್‌, ಜೋಜೋಬಾ/ಅವಕಾಡೋ ಆಯಿಲ್ ನಂಥ ಘಟಕಗಳು ತುಂಬಿರಬೇಕು.
ತುಟಿಗಳನ್ನು ಪುಷ್ಟಿಗೊಳಿಸಿ
ನೈಸರ್ಗಿಕ ಲಿಪ್‌ ಬಾಮ್ ನಿಮ್ಮ ತುಟಿಗಳಿಗೆ ಆರಾಮ ನೀಡುವುದಲ್ಲದೆ, ಮಾಯಿಶ್ಚರೈಸ್‌ ಸಹ ಮಾಡುತ್ತದೆ. ಏಕೆಂದರೆ ಇದರಲ್ಲಿ ವೆಜಿಟೆಬಲ್ ಆಯಿಲ್, ಬಟರ್‌ ನಂಥ ಘಟಕಗಳಿರುವುದರಿಂದ, ತುಟಿಗಳಿಗೆ ಹಿತಕರ. ನೀವು ಮಾಯಿಶ್ಚರೈಸಿಂಗ್‌ ಲಿಪ್‌ ಕಲರ್ ಬಳಸಲೇಬೇಡಿ. ಅದರಲ್ಲೂ ಸಿಲಿಕಾನ್‌ ಬೇಸ್ಡ್ ಲಿಪ್‌ ಮ್ಯಾಟ್‌ ಕಲರ್ ನದು. ಇದು ತುಟಿಗಳಿಗೆ ದೀರ್ಘಕಾಲ ಬಾಳಿಕೆ ಬರುತ್ತದಾದರೂ, ಅದನ್ನು ಬಹಳ ಡ್ರೈ ಮಾಡಿಬಿಡುತ್ತದೆ.
ಜೊತೆಗೆ ಸುವಾಸನೆರಹಿತ ಲಿಪ್‌ ಪ್ರಾಡಕ್ಟ್ಸ್ ಬಳಸುವುದರಿಂದ ನೀವು ತುಟಿಗೆ ದಾಲ್ಚಿನ್ನಿ, ಸಿಟ್ರಸ್‌, ಮಿಂಟ್ಸ್ ಪೆಪ್ಪರ್‌ ಮಿಂಟ್‌ ನಂಥ ವಸ್ತುಗಳನ್ನೂ ಬಳಸಬೇಡಿ. ಇದರಿಂದ ತುಟಿ ಬೇಗ ಡ್ರೈ ಆಗುವುದಲ್ಲದೆ, ಅದು ಹೆಚ್ಚು ಸಮಸ್ಯೆ ಎದುರಿಸಬೇಕಾದೀತು. ಹೀಗಾಗಿ ತುಟಿಗೆ ನೈಸರ್ಗಿಕ ವಸ್ತುಗಳೇ ಸರಿ, ಬ್ಯೂಟಿ ಪ್ರಾಡಕ್ಟ್ಸ್ ಬಳಸಿದರೂ ಸಹ, ಅದರಲ್ಲಿ ಹೆಚ್ಚು ಕೆಮಿಕಲ್ಸ್ ಬೆರೆತಿರಬಾರದು.
ಕಿಚನ್‌ ಪದಾರ್ಥ ಬಳಸಿ
ದೇಹದ ಇನ್ನಿತರ ಭಾಗಕ್ಕಿಂತ ತುಟಿಗೆ ಹೆಚ್ಚಿನ ರಕ್ಷಣೆ ಬೇಕಾಗುತ್ತದೆ, ಅದು ಅಷ್ಟು ಸೂಕ್ಷ್ಮ. ಇದನ್ನು ರಕ್ಷಿಸಲು ಆದಷ್ಟು ಶುಷ್ಕ ಗಾಳಿ, ಚಳಿ ಬಿಸಿಲಿಗೆ ಹೋಗಬಾರದು. ಹೀಗಾಗಿ ಕಿಚನ್‌ ಪದಾರ್ಥಗಳಾದ ಬಟರ್‌, ವ್ಯಾಕ್ಸ್ ವಿತ್‌ ಎಸೆನ್ಶಿಯಲ್ ಆಯಿಲ್, ವೆಜಿಟೆಬ್‌ ಫ್ಲೇವರ್‌, ನ್ಯಾಚುರಲ್ ಆಯಿಲ್ ಬೆರೆತಿರುವಂಥ ಲಿಪ್‌ ಬಾಮ್ ಗಳನ್ನೇ ಬಳಸಿರಿ. ಇದಕ್ಕಾಗಿ ನೀವು ಕೋಕೋಬಟರ್‌, ಜೇನು, ಆಲಿವ್‌/ಆಲ್ಮಂಡ್‌ ಆಯಿಲ್, ಗ್ಲಿಸರಿನ್‌ ಗಳನ್ನು ಚೆನ್ನಾಗಿ ಬೆರೆಸಿಕೊಂಡು, ಇದರಲ್ಲಿ ನೈಸರ್ಗಿಕ ಸುವಾಸನೆಗಾಗಿ ವೆನಿಲಾ, ಎಸೆನ್ಶಿಯಲ್/ಆರೆಂಜ್‌/ ಲ್ಯಾವೆಂಡರ್‌ ಆಯಿಲ್ ಬೆರೆಸಿಕೊಳ್ಳಿ. ಇದರಿಂದ ನಿಮ್ಮ ತುಟಿಗಳಿಗೆ ಉತ್ತಮ ಆರೈಕೆಯೂ ಆಯಿತು, ಹಾನಿಕಾರಕ ಕೆಮಿಕಲ್ಸ್ ಕಾಟ ತಪ್ಪಿ, ನೆಮ್ಮದಿಯೂ ಸಿಗುತ್ತದೆ.
– ಜಮುನಾ
