ದಕ್ಷಿಣ ಭಾರತದ ಬಹುಬೇಡಿಕೆಯ ನಟಿಯಲ್ಲಿ ಒಬ್ಬರಾಗಿರುವ ನಟಿ ಐಶ್ವರ್ಯಾ ರಾಜೇಶ್ಗೆ ಒಂದು ದೊಡ್ಡ ಆಸೆ ಇದ್ಯಂತೆ. ಅದೇನಪ್ಪಾ ಅಂದ್ರೆ, ಸ್ಟಾರ್ ನಟನ ಜೊತೆ ಡೇಟಿಂಗ್ ಮಾಡುವಾಸೆ ಅಂತೆ. ಕಳೆದ ಎರಡೂವರೆ ದಶಕಗಳಿಂದಲೂ ಚಿತ್ರರಂಗದಲ್ಲಿರುವ ಐಶ್ವರ್ಯಾ ರಾಜೇಶ್ ಹಲವು ಭಾಷೆಗಳ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಈ ನಟಿಯ ಮದುವೆ ಕುರಿತಂತೆ ಹಲವು ಬಾರಿ ಸುದ್ದಿಗಳು ಹರಿದಾಡಿದ್ರೂ ಕೂಡ ಇದುವರೆಗೂ ಮದ್ವೆ ಆಗದೇ ಸಿಂಗಲ್ ಆಗಿ ಸೂಪರ್ ಆಗಿದ್ದಾರೆ. ಈ ಬಗ್ಗೆ ಕೇಳಿದ್ರೆ ಅಯ್ಯೋ.. ನನಗೆ ಬಾಯ್ಫ್ರೆಂಡ್ ಕೂಡ ಇಲ್ಲ ಅಂತಾ ಹೇಳೋ ಐಶ್ವರ್ಯಾ ರಾಜೇಶ್ಗೆ ಡೇಟಿಂಗ್ ಹೋಗೋ ಆಸೆ ಇದ್ಯಂತೆ. ಅದ್ರಲ್ಲೂ ಸ್ಟಾರ್ ನಟರೊಬ್ಬರ ಜೊತೆನೇ ಹೋಗಬೇಕಂತೆ.
ತಮಿಳು ಚಿತ್ರರಂಗದ ಸ್ಟಾರ್ ನಟ ವಿಜಯ್ ದಳಪತಿ ಜೊತೆಗೆ ಡೇಟಿಂಗ್ಗೆ ಹೋಗುವ ಅಸೆ ಐಶ್ವರ್ಯಾ ರಾಜೇಶ್ದ್ದಾಗಿದೆ. ಅಷ್ಟೇ ಅಲ್ಲ, ದಳಪತಿ ವಿಜಯ್ ಅವರ ಕಟ್ಟಾ ಫ್ಯಾನ್ ಆಗಿರೋ ನಟಿ ಐಶ್ವರ್ಯಾ, ಅವರ ಜೊತೆಗೇ ಕುಳಿತುಕೊಂಡು ಡಿನ್ನರ್ ಮಾಡಬೇಕಂತೆ. ಕೆಲ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಆಕ್ಟ್ ಮಾಡಿರುವ ಈ ನಟಿ, ಕನ್ನಡದಲ್ಲೂ ಕೂಡ ಮೊಟ್ಟ ಮೊದಲ ಬಾರಿಗೆ ನಟಿಸುತ್ತಿದ್ದಾರೆ.
ಡಾಲಿ ಧನಂಜಯ ಅವರ ಉತ್ತರಕಾಂಡ ಸಿನಿಮಾದಲ್ಲಿ ಕೀ ರೋಲ್ನಲ್ಲಿ ಮಿಂಚೋಕೆ ಹೊರಟಿರೋ ಐಶ್ವರ್ಯ ದಿಢೀರ್ನೇ ಈ ಆಸೆ ಹೇಳಿದ್ದಕ್ಕೆ ಅಭಿಮಾನಿಗಳು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ. ದಳಪತಿ ಫ್ಯಾನ್ಸ್ ಕೂಡ.. ನಿಮ್ಮ ಡೇಟಿಂಗ್ಗೆ ನಮ್ ಬಾಸೇ ಬೇಕಿತ್ತಾ ಅಂತಾನೂ ಕಮೆಂಟ್ ಮಾಡುತ್ತಿದ್ದಾರೆ.
ಇನ್ನು ಬಹುತಾರಾಗಣದ ಪ್ಯಾನ್ ಇಂಡಿಯಾ ಸಿನಿಮಾ ಆಗಿರುವ ಕನ್ನಡದ ಉತ್ತರಕಾಂಡದಲ್ಲಿ ನಾಯಕಿ ಆಗಿರುವ ಐಶ್ವರ್ಯಾ ರಾಜೇಶ್ ತಮ್ಮ ಸಂಭಾವನೆಯನ್ನು ದಿಢೀರ್ನೇ ಹೆಚ್ಚಿಸಿಕೊಂಡಿದ್ದಾರೆ. ನ್ಯಾಚುರಲ್ ಬ್ಯೂಟಿ ಅಂತಾನೇ ಫೇಮಸ್ ಆಗಿರುವ ಐಶ್ವರ್ಯಾ ತೆಲುಗು, ತಮಿಳಿನಲ್ಲಿ ಭಾರೀ ಸಕ್ಸಸ್ ನಟಿಯಾಗಿ ಮಿಂಚುತ್ತಿದ್ದಾರೆ.
ಇತ್ತೀಚೆಗೆ ಬಿಡುಗಡೆಯಾದ ಸಂಕ್ರಾಂತಿಕಿ ವಸ್ತುನಾಂ ಅನ್ನೋ ಮೂವಿಯಲ್ಲಿ ಮನೋಜ್ಞವಾಗಿ ಅಭಿನಯಿಸಿದ್ದರಿಂದ ಆ ಚಿತ್ರ ಕೋಟಿ ಕೋಟಿ ಲಾಭ ಗಳಿಸುತ್ತಿದೆ. ಹೀಗೆ ಒಂದೆರಡು ಸಿನಿಮಾಗಳಲ್ಲಿ ಸಕ್ಸಸ್ ಕಾಣ್ತಿದ್ದಂತೇ ಐಶ್ವರ್ಯಾ ರಾಜೇಶ್ ತಮ್ಮ ಸಂಭಾವನೆಯನ್ನು ಒಂದು ಕೋಟಿಯಿಂದ 2 ಕೋಟಿ.. 3 ಕೋಟಿ ರೂಪಾಯಿಗೆ ಏರಿಸಿಕೊಂಡಿದ್ದಾರೆ.
ಕನ್ನಡದ ಡಾಲಿ ಧನಂಜಯಗೆ ನಾಯಕಿ ಆಗಿರುವ ಉತ್ತರಕಾಂಡಕ್ಕೂ ಕೂಡ 2ರಿಂದ 3 ಕೋಟಿ ಕೇಳಿದ್ದಾರೆ ಎಂದು ಹೇಳಲಾಗ್ತಿದೆ. ಈಗಾಗಲೇ ನಾಯಕಿ ಆಗಿ ಸೆಲೆಕ್ಟ್ ಆಗಿರೋದ್ರಿಂದ ಉತ್ತರಕಾಂಡದ ನಿರ್ಮಾಪಕರು ಸುಮ್ಮನಾಗಿದ್ದಾರಂತೆ.
