– ರಾಘವೇಂದ್ರ ಅಡಿಗ ಎಚ್ಚೆನ್.
ರಾಕಿಂಗ್ ಸ್ಟಾರ್ ಅಭಿಮಾನಿಗಳಿಗೆ ಇವತ್ತು ಹಬ್ಬದ ಸಂಭ್ರ. ಒಂದು ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬವಾದ್ರೆ, ಇನ್ನೊಂದು ಬಹು ನಿರೀಕ್ಷಿತ ಟಾಕ್ಸಿಕ್ ಸಿನಿಮಾದ ಟೀಸರ್ ರಿಲೀಸ್ ಆಗಿದೆ.
ಟೀಸರ್ನ ಕಣ್ತುಂಬಿಕೊಂಡಿರುವ ಫ್ಯಾನ್ಸ್, ಸಿನಿಮಾ ಲೋಕದಲ್ಲಿ ಮಿಂದೇಳುತ್ತಿದ್ದಾರೆ. ಈ ಮಧ್ಯೆ ಟೀಸರ್ನ ಒಂದು ತುಣುಕಿನಲ್ಲಿ, ಹಸಿಬಿಸಿ ದೃಶ್ಯವಿದೆ. ಇದು ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಜೊತೆಗೆ ಸಿನಿಮಾ ಮೇಲಿನ ಕುತೂಹಲ ಮತ್ತಷ್ಟು ಹೆಚ್ಚಾಗುವಂತೆ ಮಾಡಿದೆ. ಇನ್ನೊಂದು ವಿಚಾರ ಅಂದ್ರೆ ಈ ಸಿನಿಮಾ ಮಕ್ಕಳಿಗೆ, ಅಪ್ರಾಪ್ತರಿಗೆ ಅಲ್ಲ ಎಂದು ಟಾಕ್ಸಿಕ್ ತಂಡ ಸ್ಪಷ್ಟಪಡಿಸಿದೆ.
ಟಾಕ್ಸಿಕ್ ಗ್ಲಿಂಪ್ಸ್ನಲ್ಲಿ ಬೆಂಕಿ ಹಚ್ಚಿದ ನಟಿಯ ಹೆಸರು ನ್ಯಾಟಲೀ ಬರ್ನ್. ಅಮೆರಿಕಾ ಮೂಲದ ಖ್ಯಾತ ಹಾಲಿವುಡ್ ನಟಿಯಾಗಿರುವ ಇವರು, ಟಾಕ್ಸಿಕ್ ಸಿನಿಮಾದ ನಿರ್ಮಾಪಕರಲ್ಲಿ ಒಬ್ಬರು. ನ್ಯಾಟಲಿ ಬರ್ನ್ ಒಬ್ಬ ಹಾಲಿವುಡ್ ನಟಿ ಮತ್ತು ನಿರ್ಮಾಪಕಿ. ಅವಳ ಮೂಲ ಹೆಸರು ನಟಾಲಿಯಾ ಗುಸ್ಲಿಸ್ತಾಯಿ. ಅವಳು ಉಕ್ರೇನ್ ಕಿಯೆವ್ ನಲ್ಲಿ ಜನಿಸಿದ ಅವರು, ಮಾಡೆಲಿಂಗ್ ಜಗತ್ತಿನಲ್ಲೂ ಗುರುತಿಸಿಕೊಂಡಿದ್ದಾರೆ.
ಇನ್ನು, ಟೀಸರ್ನಲ್ಲಿ ಇದೇ ಹೀರೋಯಿನ್ ಜೊತೆ ಯಶ್ ಹಸಿಬಿಸಿಯಾಗಿ ಕಾಣಿಸಿಕೊಂಡಿದ್ದಾರೆ. ಟೀಸರ್ ನೋಡಿದರೆ ‘ಟಾಕ್ಸಿಕ್’ ಸಿನಿಮಾಕ್ಕೆ ‘ಎ’ ಪ್ರಮಾಣ ಪತ್ರ ಸಿಗುವ ಬಗ್ಗೆ ಚರ್ಚೆ ಆಗ್ತಿದೆ. ಕಳೆದ ವರ್ಷ ಯಶ್ ಹುಟ್ಟುಹಬ್ಬಕ್ಕೆ ಬಿಡುಗಡೆ ಆಗಿದ್ದ ಟೀಸರ್ನಲ್ಲಿಯೂ ಹಸಿ-ಬಿಸಿ ದೃಶ್ಯಗಳಿದ್ದವು. ವಿದೇಶಿ ಯುವತಿಯರು ಅರೆನಗ್ನರಾಗಿ, ಮಾದಕ ನೃತ್ಯ ಮಾಡುತ್ತಿರುವ ದೃಶ್ಯಗಳು, ಮಾದಕ ವಸ್ತುವನ್ನು ಬಳಸುತ್ತಿರುವ ದೃಶ್ಯಗಳು, ಅಶ್ಲೀಲ ಸಜ್ಞೆಗಳನ್ನು ಮಾಡುತ್ತಿರುವ ದೃಶ್ಯಗಳನ್ನು ಒಳಗೊಂಡಿತ್ತು.
