ಬಾಲಿವುಡ್ನ ಮಾದಕ ಗೊಂಬೆಯಂತಿರೋ ನಟಿ ನೋರಾ ಫತೇಹಿ ಮೋಸ್ಟ್ ಡಿಮ್ಯಾಂಡ್ ಇರೋ ಡ್ಯಾನ್ಸರ್. ಬಹುತೇಕ ಸಿನಿಮಾಗಳಲ್ಲಿರೋ ಐಟಂ ಡ್ಯಾನ್ಸ್ನಲ್ಲಿ ಮೈ ಬಳುಕಿಸಿದ ನಟಿ ಅಂದ್ರೆ ಈ ನೋರಾ ಫತೇಹಿ ಮಾತ್ರ. ಇಂಥಾ ಮಾದಕ ಮೈಮಾಟ ಹೊಂದಿರುವ.. ಮೋಹಕ ನೋಟ ಬೀರುವ.. ನವಿಲಿನಂತೆ ನರ್ತಿಸುವ.. ಗ್ಲಾಮರ್ ಕ್ವೀನ್ ಆಗಿರೋ ನೋರಾಗೆ ಈಗ 33ರ ಸಂಭ್ರಮ.
ನಿನ್ನೆಯಷ್ಟೇ ತನ್ನ 33ನೇ ಬರ್ತ್ಡೇ ಆಚರಿಸಿಕೊಂಡ ನೋರಾ ಆಪ್ತರ ಜೊತೆ ಕೇಕ್ ಕಟ್ ಮಾಡಿ ಖುಷಿಪಟ್ಟರು. ಕೆಲವೇ ಕೆಲವು ಸ್ನೇಹಿತರ ಜೊತೆ ಆಕರ್ಷಕ ಉಡುಗೆ ತೊಟ್ಟಿದ್ದ ನೋರಾ ಅಪ್ಸರೆ ರೀತಿ ಕಾಣುತ್ತಿದ್ದರು. ಅಷ್ಟೂ ಫೋಟೋಸ್ ಮತ್ತು ವಿಡಿಯೋಗಳನ್ನ ತಮ್ಮ ಇನ್ಸ್ಟಾದಲ್ಲಿ ಅಪ್ಲೋಡ್ ಮಾಡಿದ್ದಾರೆ.
1992ರ ಫೆಬ್ರವರಿ 6ರಂದು ಕೆನಡಾದಲ್ಲಿ ಹುಟ್ಟಿದ್ದ ನೋರಾಫತೇನಿ ಮೂಲತಃ ಕೆನಡಾದ ನಟಿ, ಮಾಡಲ್, ಡ್ಯಾನ್ಸರ್, ಗಾಯಕಿ ಹಾಗೂ ನಿರ್ಮಾಪಕಿ ಕೂಡ ಹೌದು. ಹಿಂದಿ, ತೆಲುಗು, ತಮಿಳು ಮತ್ತು ಮಲಯಾಳಂ ಚಿತ್ರಗಳಲ್ಲೂ ಕಾಣಿಸಿಕೊಂಡಿರುವ ನೋರಾ ಹಿಂದಿಯ ರೋರ್: ಟೈಗರ್ಸ್ ಆಫ್ ದಿ ಸುಂದರ್ಬನ್ಸ್ ಮೂಲಕ ಎಂಟ್ರಿ ಕೊಟ್ಟರು.
ಬಳಿಕ ಟೆಂಪರ್, ಬಾಹುಬಲಿ: ದಿ ಬಿಗಿನಿಂಗ್, ಕಿಕ್ 2 ನಂತಹ ಚಿತ್ರಗಳಲ್ಲಿ ಐಟಂ ಹಾಡುಗಳಿಗೆ ಹೆಜ್ಜೆ ಹಾಕಿ ಟಾಲಿವುಡ್ನಲ್ಲಿ ಖ್ಯಾತಿ ಪಡೆದರು. ಮಲೆಯಾಳಂ ಚಿತ್ರಗಳಾದ ಡಬಲ್ ಬ್ಯಾರೆಲ್ ಮತ್ತು ಕಾಯಂಕುಲಂ ಕೊಚುನ್ನಿಯಲ್ಲೂ ಕೂಡ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.
ಅಷ್ಟೇ ಅಲ್ಲ, ಬಾಲಿವುಡ್ನ ಸತ್ಯಮೇವ ಜಯತೆ ಯಲ್ಲಿ ದಿಲ್ಬರ್ ಹಾಡಿನ ಮರುಸೃಷ್ಟಿಯಲ್ಲಿ ಸೊಂಟ ಬಳುಕಿಸಿದ್ದು ಮಾತ್ರ ಇವತ್ತಿಗೂ ಎವರ್ಗ್ರೀನ್. ಅಚ್ಚರಿ ಅಂದ್ರೆ, ಆ ಹಾಡು ರಿಲೀಸ್ ಆದ 24 ಗಂಟೆಗಳಲ್ಲಿ ಯೂಟ್ಯೂಬ್ನಲ್ಲಿ 20 ಮಿಲಿಯನ್ ವೀವ್ಸ್ ಪಡೆದಿತ್ತು. ಇದರ ಜೊತೆಗೆ ಬಾತ್ಲಾಹೌಸ್ ಸಿನಿಮಾದಲ್ಲಿನ ಓ ಸಾ ಓ ಸಾಕಿ ಸಾಂಗ್ ಕೂಡ ಸೂಪರ್ಹಿಟ್ ಆಗಿತ್ತು.
2015ರಲ್ಲಿ ರಿಯಾಲಿಟಿ ಶೋ ಹಿಂದಿಯ ಬಿಗ್ಬಾಸ್ ಸೀಸನ್ 9ರಲ್ಲೂ ಸ್ಪರ್ಧಿಯಾಗಿದ್ದರು. ಬಳಿಕ 84ನೇ ದಿನಕ್ಕೆ ಬಿಗ್ಬಾಸ್ ಮನೆಯಿಂದ ಹೊರಬಂದಿದ್ದರು. ನಂತರ 2016ರಲ್ಲಿ ರಿಯಾಲಿಟಿ ಶೋ ಡ್ಯಾನ್ಸ್ ಶೋ ಝಲಕ್ ದಿಕ್ಲಾಜಾದಲ್ಲೂ ಭಾಗವಹಿಸಿದ್ದರು.
ಆದ್ರೆ, ಕಳೆದೆರಡು ವರ್ಷಗಳ ಹಿಂದೆ ಬಹುಕೋಟಿ ವಂಚನೆ ಕೇಸ್ನ ಕಿಂಗ್ಪಿನ್ ಆಗಿ ಜೈಲುಪಾಲಾಗಿರೋ ಸುಖೇಶ್ ಚಂದ್ರಶೇಖರ್ ಜೊತೆಗಿನ ಸಂಪರ್ಕ ಬ್ಯಾಡ್ ಇಮೇಜ್ ತಂದುಕೊಟ್ಟಿತ್ತು. 200 ಕೋಟಿ ರೂಪಾಯಿ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಸುಖೇಶ್ ಜೊತೆಗಿನ ನಂಟಿಗಾಗಿ ದೆಹಲಿ ಪೊಲೀಸರ ಎದುರು ಎರಡು ಬಾರಿ ವಿಚಾರಣೆಗೆ ಹಾಜರಾಗಿದ್ದರು.
ಸದ್ಯ ಜೈಲಿನಲ್ಲಿರುವ ವಂಚಕ ಸುಖೇಶ್ ಚಂದ್ರಶೇಖರ್, ಫೋರ್ಟಿಸ್ ಹೆಲ್ತ್‌ಕೇರ್ ಮಾಜಿ ಪ್ರವರ್ತಕ ಶಿವಿಂದರ್ ಮೋಹನ್ ಸಿಂಗ್ ಅವರ ಪತ್ನಿ ಅದಿತಿ ಸಿಂಗ್ ಸೇರಿದಂತೆ ಹಲವು ಜನರಿಗೆ ಕೋಟ್ಯಂತರ ರೂಪಾಯಿ ಹಣ ವಂಚಿಸಿದ್ದಾನೆ. ವಂಚಿಸಿದ ಹಣದಲ್ಲಿ ನಟಿಯರಾದ ಜಾಕ್ವೆಲಿನ್ ಫರ್ನಾಂಡೀಸ್ ಮತ್ತು ನೋರಾ ಫತೇಹಿ ಅವರಿಗೆ ದುಬಾರಿ ಉಡುಗೊರೆಗಳನ್ನು ನೀಡಿದ್ದ ಆರೋಪವಿದೆ.
