ರಾಘವೇಂದ್ರ ಅಡಿಗ ಎಚ್ಚೆನ್.
ಚಿತ್ರ: ಮಾರ್ಕ್’
ನಿರ್ದೇಶನ: ವಿಜಯ್ ಕಾರ್ತಿಕೇಯ
ನಿರ್ಮಾಣ: ಸತ್ಯಜ್ಯೋತಿ ಫಿಲ್ಮ್ಸ್, ಕಿಚ್ಚ ಕ್ರಿಯೇಷನ್ಸ್
ತಾರಾಂಗಣ: ಕಿಚ್ಚ ಸುದೀಪ್, ನವೀನ್ ಚಂದ್ರ, ಗುರು ಸೋಮಸುಂದರಂ, ವಿಕ್ರಾಂತ್, ಶೈನ್ ಟಾಮ್ ಚಾಕೋ ಮುಂತಾದವರು
ರೇಟಿಂಗ್: 3.5/5
ನಟ ಕಿಚ್ಚ ಸುದೀಪ್ ಹಾಗೂ ನಿರ್ದೇಶಕ ವಿಜಯ್ ಕಾರ್ತಿಕೇಯ ಅವರ ಕಾಂಬಿನೇಷನ್ನಲ್ಲಿ ಈ ಮೊದಲು ‘ಮ್ಯಾಕ್ಸ್’ ಸಿನಿಮಾ ಬಂದಿತ್ತು. ಈಗ ಅದೇ ಕಾಂಬಿನೇಷನ್ನಲ್ಲಿ ‘ಮಾರ್ಕ್’ ಸಿನಿಮಾ ಮಾಡಲಾಗಿದೆ. ಡಿಸೆಂಬರ್ 25ರಂದು ಬಿಡುಗಡೆ ಆಗಿರುವ ಈ ಸಿನಿಮಾ ಮೇಲೆ ಅಭಿಮಾನಿಗಳಿಗೆ ಬಹಳ ನಿರೀಕ್ಷೆ ಇತ್ತು ಮ್ಯಾಕ್ಸ್ನಲ್ಲಿ, ಸುದೀಪ್ ಸರ್ಕಲ್ ಇನ್ಸ್ಪೆಕ್ಟರ್ ಅರ್ಜುನ್ ಮಹಾಕ್ಷಯ್ ಅಕಾ ಮ್ಯಾಕ್ಸ್ ಪಾತ್ರವನ್ನು ನಿರ್ವಹಿಸಿದರೆ, ಮಾರ್ಕ್ನಲ್ಲಿಎಸ್ಪಿ ಅಜಯ್ ಮಾರ್ಕಂಡೇಯ ಅಕಾ ಮಾರ್ಕ್ ಪಾತ್ರವನ್ನು ನಿರ್ವಹಿಸಿದ್ದಾರೆ ಎಸ್ಪಿ ಅಜಯ್ ಮಾರ್ಕಂಡೇಯ ಅಕಾ ಮಾರ್ಕ್ಅಮಾನತಿನಲ್ಲಿರುವ ಪೊಲೀಸ್ ಅಧಿಕಾರಿಯಾಗಿದ್ದು, ಮಕ್ಕಳ ಅಪಹರಣ, ಭ್ರಷ್ಟ ರಾಜಕಾರಣಿಗಳು ಮತ್ತು ಸೇಡು ತೀರಿಸಿಕೊಳ್ಳಲು ಹೊರಟಿರುವ ಡ್ರಗ್ ಸ್ಮಗ್ಲಿಂಗ್ ಡಾನ್ ಹೀಗೆ ಬಹು ಆಯಾಮಗಳುಳ್ಳ ಪ್ರಕರಣದ ತನಿಖೆಗೆ ಇಳಿಯುತ್ತಾನೆ.
ಚಿತ್ರವು ಫುಲ್ ಪ್ಯಾಕ್ ಆಕ್ಷನ್ ಥ್ರಿಲ್ಲರ್ ಆಗಿದ್ದು ಯಾವ ಕಾರಣಕ್ಕೂ ಭ್ರಷ್ಟಾಚಾರಿಗಳ ಜೊತೆ ರಾಜಿಯಾಗದ ಓರ್ವ ನಿಷ್ಟಾವಂತ ಪೋಲೀಸ್ ಅಧಿಕಾರಿಯ ಕಥೆಯೇ ಸಿನಿಮಾದ ಕೇಂದ್ರ ಹಾಗೂ ತಿರುಳು. 18 ಮಕ್ಕಳನ್ನು ನಿಗೂಢ ಕ್ರಿಮಿನಲ್ ಗ್ಯಾಂಗ್ ಅಪಹರಿಸಿದೆ ಮತ್ತು ಇದ್ದಕ್ಕಿದ್ದಂತೆ ಒಂದರ ನಂತರ ಒಂದರಂತೆ ಮಕ್ಕಳು ಸತ್ತಾಗ, ಅಪರಾಧಿಗಳನ್ನು ಹುಡುಕುವುದಕ್ಕೆ ಒತ್ತಡ ಹೆಚ್ಚಾಗುತ್ತದೆ. ಪ್ರಕರಣವು ಮಾರ್ಕ್ ಬಳಿ ಬಂದಾಗ ಅವನಿಗೆ ಮಕ್ಕಳನ್ನು ಹುಡುಕಲು ಮತ್ತು ಮತ್ತಷ್ಟು ಕೊಲೆಗಳನ್ನು ತಡೆಯಲು 18 ಗಂಟೆಗಳ ಕಾಲಾವಕಾಶ ನೀಡಲಾಗುತ್ತದೆ, ಮತ್ತು ಮಾರ್ಕ್ ನ ಬೇಟೆ ಪ್ರಾರಂಭವಾಗುತ್ತದೆ. ಮುಖ್ಯಮಂತ್ರಿಯ ಮಗ ಆದಿಕೇಶವ (ಶೈನ್ ಟಾಮ್ ಚಾಕೊ), ಮುಖ್ಯಮಂತ್ರಿ ಸ್ಥಾನವನ್ನು ವಹಿಸಿಕೊಳ್ಳಲು ಸಂಚು ರೂಪಿಸುವಲ್ಲಿ ನಿರತನಾಗಿದ್ದಾಗ ಭದ್ರ (ನವೀನ್ ಚಂದ್ರ) ಎಂಬ ಡ್ರಗ್ಸ್ ದಂಧೆಯ ಡಾನ್ ತನ್ನ ಸಹೋದರನನ್ನು ಹುಡುಕುತ್ತಿರುತ್ತಾನೆ. ಆದಿಕೇಶವ ಮತ್ತು ಭದ್ರ ಜೊತೆ ಮಾರ್ಕ್ ಹೇಗೆ ಸಂಪರ್ಕಕ್ಕೆ ಬರುತ್ತಾನೆ? ಅವರನ್ನು ಮಾರ್ಕ್ ಏಕೆ ಯಾವ ರೀತಿಯಲ್ಲಿ ತನ್ನ ಹಿಡಿತಕ್ಕೆ ತೆಗೆದುಕೊಳ್ಳುತ್ತಾನೆ? ಅಂತಿಮವಾಗಿ ಮಕ್ಕಳ ಅಪಹರಣ ಪ್ರಕರಣ ಸುಖಾಂತವಾಗಿತ್ತೆ? ತಿಳಿಯಲು ನೀವು ಚಿತ್ರಮಂದಿರದಲ್ಲಿ “ಮಾರ್ಕ್” ವೀಕ್ಷಿಸಬೇಕು.
ನೀವು ಈ ಹಿಂದೆ ‘ಮ್ಯಾಕ್ಸ್’ ವೀಕ್ಷಿಸಿದ್ದರೆ ನಿಮಗೆ ಈ ಸಿನಿಮಾ ಕುರಿತಂತೆ ಒಂದು ಕಲ್ಪನೆ ಇದಾಗಲೇ ಮೂಡಿರುತ್ತದೆ. ಹಾಗೆಯೇ ಚಿತ್ರ ಬಹುತೇಕ ಅದೇ ರೀತಿಯಲ್ಲಿ ಮೂಡಿಬಂದಿದೆ.ಆರಂಭದಿಂದ ಕೊನೆಯವರೆಗೂ ‘ಮ್ಯಾಕ್ಸ್’ ಸಿನಿಮಾದೊಂದಿಗೆ ಸಾಮ್ಯತೆ ಇಲ್ಲಿಯೂ ಕಾಣಿಸಿದೆ. ಈ ಚಿತ್ರದಲ್ಲಿ ನಡೆಯುವ ಕಥೆ ಒಂದೂವರೆ ದಿನಗಳಲ್ಲಿ ನಡೆಯುವುದಾಗಿದೆ. ಕಲಾವಿದರು ಬೇರೆ ಆದರೂ ಬಹುತೇಕ ಅದೇ ತಂತ್ರಜ್ಞರು ಎರಡೂ ಸಿನಿಮಾಗೆ ಕೆಲಸ ಮಾಡಿರುವುದರಿಂದ ಒಂದೇ ರೀತಿಯಲ್ಲಿದೆ. ಕಥೆ ಬೇರಾಗಿದ್ದರೂ ನಿರೂಪಣೆ ಶೈಲಿ ಅದೇ ರೀತಿಯಲ್ಲಿದೆ. ಈ ಸಿನಿಮಾ ಒಂದರ್ಥದಲ್ಲಿ ಒನ್ ಮ್ಯಾನ್ ಶೋ.. ಸುದೀಪ್ ಪಾತ್ರವು ಪ್ರತಿ ದೃಶ್ಯದಲ್ಲಿಯೂ ಖಳನಾಯಕರನ್ನು ಮುಗಿಸಲು ಪ್ರಯತ್ನಿಸಿದೆ. ಮುಂದೇನಾಗುತ್ತದೆ ಎನ್ನುವುದನ್ನು ಪ್ರೇಕ್ಷಕ ಸುಲಭದಲ್ಲಿ ಊಹಿಸಬಹುದಾಗಿದ್ದು ಕಥೆಯಲ್ಲಿ ಅನಿರೀಕ್ಷಿತ ಟ್ವಿಸ್ಟ್ ಆಂಡ್ ಟರ್ನ್ ಗಳಿಲ್ಲ. ಒಂದೆರಡು ಪಂಚ್ ಡೈಲಾಗ್ಗಳು ಮತ್ತು ಅದ್ಭುತವಾಗಿ ನೃತ್ಯ ಸಂಯೋಜನೆ ಮಾಡಿದ ಕ್ಲೈಮ್ಯಾಕ್ಸ್ ಆಕ್ಷನ್ ಸೀಕ್ವೆನ್ಸ್ ಚಿತ್ರದ ಹೈಲೈಟ್. ಕಿಚ್ಚ ಸುದೀಪ್ ಪೊಲೀಸ್ ಪಾತ್ರಗಳಿಗೆ ತಕ್ಕಂತೆ ಕಾಣಿಸಿಕೊಂಡಿದ್ದಾರೆ. ಅವರು ಮಾರ್ಕ್ನಲ್ಲಿ ಹಿಂದೆಂದೂ ಕಾಣದ ಪೊಲೀಸ್ ಪಾತ್ರವನ್ನು ಅಭಿನಯಿಸಿ ತೋರಿಸುವಲ್ಲಿ ಯಶಸ್ವಿಯೂ ಆಗಿದ್ದಾರೆ. ಅವರ ಸಂಭಾಷಣೆ ಮತ್ತು ದೇಹದ ಹಾವ ಭಾವಗಳು ಅವರ ಅಭಿಮಾನಿಗಳು ಖಂಡಿತವಾಗಿಯೂ ಶ್ಲಾಘಿಸುವಂತಿದೆ.
ಶೈನ್ ಟಾಮ್ ಚಾಕೊ ಮತ್ತು ನವೀನ್ ಚಂದ್ರ ಅವರ ಬಗ್ಗೆ ಹೇಳುವುದಾದರೆ, ಅವರ ಪಾತ್ರಗಳು ಹೆಚ್ಚು ಕ್ರಿಯಾತ್ಮಕವಾಗಿವೆ ಮತ್ತು ಅವರ ಅಭಿನಯ ಪಾತ್ರಕ್ಕೆ ತಕ್ಕಂತಿದೆ. ಯೋಗಿ ಬಾಬು ಕೆಲವು ಕಡೆ ನಗು ತರಿಸುತ್ತಾರೆ. . ಗುರು ಸೋಮಸುಂದರಂ ಮತ್ತು ವಿಕ್ರಾಂತ್ರಂತಹ ಅನೇಕರು ಕಥೆಗೆ ಪೂರಕವಾಗಿ ಬಂದು ಹೋಗಿದ್ದಾರೆ.
ಅಜನೀಶ್ ಲೋಕನಾಥ್ ತಮ್ಮ ಆಕರ್ಷಕ ಹಿನ್ನೆಲೆ ಸಂಗೀತದೊಂದಿಗೆ ಮತ್ತೊಮ್ಮೆ ಪ್ರೇಕ್ಷಕರ ಮನಸ್ಸಿಗೆ ಹತ್ತಿರವಾಗುತ್ತಾರೆ. ಸಿನಿಮಾದಲ್ಲಿನ ಎರಡು ಹಾಡುಗಳು ಸಹ ಉತ್ತಮವಾಗಿದೆ. . ಶೇಖರ್ ಚಂದ್ರ ಅವರ ಛಾಯಾಗ್ರಹಣ ಚಿತ್ರದ ಮತ್ತೊಂದು ಉತ್ತಮ ಅಂಶವಾಗಿದೆ. ಶಿವಕುಮಾರ್ ಅವರ ಕಲಾ ನಿರ್ದೇಶನವು ಚಿತ್ರದ ದೊಡ್ಡ ಶಕ್ತಿಯಾಗಿದೆ.
ತಮಿಳು ಚಲನಚಿತ್ರೋದ್ಯಮದ ನಟರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವುದು ಮತ್ತು ಕನ್ನಡ ಮಾತನಾಡಲು ತುಸು ತೊಂದರೆ ಅನುಭವಿಸುವುದು ಅವರ ಅಭಿನಯದ ಮೇಲೆ ಪರಿಣಾಮ ಬೀರಿದೆ ಎಂಬುದು ಸ್ಪಷ್ಟ.
ಒಟ್ಟೂ ಮಾರ್ಕ್ ಎಲ್ಲಾ ಕಿಚ್ಚ ಸುದೀಪ್ ಅಭಿಮಾನಿಗಳಿಗೆ ಕ್ರಿಸ್ಮಸ್ ಹಬ್ಬದ ಉಡುಗೊರೆಯಾಗಿದೆ,
