– ರಾಘವೇಂದ್ರ ಅಡಿಗ ಎಚ್ಚೆನ್.
ಪ್ರೇಕ್ಷಕರ ಕಾಯುವಿಕೆ ಕೊನೆಗೊಂಡಿದೆ. ಈ ಸಾಲಿನ ಬಹುನಿರೀಕ್ಷಿತ ಚಿತ್ರಗಳಲ್ಲೊಂದಾದ ‘ಕೆಡಿ: ದಿ ಡೆವಿಲ್’ನ ಟೀಸರ್ ಅನಾವರಣಗೊಂಡಿದೆ. ಮುಂಬೈನಲ್ಲಿ ಗ್ರ್ಯಾಂಡ್ ಟೀಸರ್ ರಿಲೀಸ್ ಈವೆಂಟ್ ನಡೆದಿದ್ದು, ಸ್ಟಾರ್ ನಟರ ಸಿನಿಮಾ ತನ್ನ ಟೀಸರ್ ಮೂಲಕ ಪ್ರೇಕ್ಷಕರನ್ನು ಆಕರ್ಷಿಸುವಲ್ಲಿ ಯಶಸ್ವಿಯಾಗಿದೆ ಅದ್ಧೂರಿ ಮೇಕಿಂಗ್, ಆ್ಯಕ್ಷನ್, ಒಳ್ಳೆ ಕಂಟೆಂಟ್ ಹೊಂದಿರುವ ಸಿನಿಮಾಗಳು ಕನ್ನಡ ಚಿತ್ರರಂಗದಲ್ಲಿ ನಿರ್ಮಾಣಗೊಳ್ಳುತ್ತಿವೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲೇ ಹಲವು ಚಿತ್ರಗಳು ಬಿಡುಗಡೆ ಆಗೋ ಮೂಲಕ ಭಾರತದ ಕೋಟ್ಯಂತರ ಪ್ರೇಕ್ಷಕರನ್ನು ಮನರಂಜಿಸುತ್ತಿವೆ. ಅದರಂತೆ ‘ಕೆಡಿ’ ಕೂಡಾ ದೇಶದ ಮೂಲೆ ಮೂಲೆಗಳ ಸಿನಿಪ್ರಿಯರನ್ನು ತಲುಪಲು ಮುಂದಾಗಿದ್ದು, ಮೊದಲ ಹೆಜ್ಜೆಯಾಗಿ ಇಂದು ಮುಂಬೈನಲ್ಲಿ ಅದ್ಧೂರಿ ಟೀಸರ್ ಲಾಂಚ್ ಈವೆಂಟ್ ನಡೆದಿದೆ. ನಿರ್ದೇಶಕ ಪ್ರೇಮ್, ನಾಯಕ ನಟ ಧ್ರುವ ಸರ್ಜಾ, ನಟಿ ರೀಷ್ಮಾ ನಾಣಯ್ಯ ಸೇರಿ ತಂಡ ಕಾರ್ಯಕ್ರಮದಲ್ಲಿ ಉಪಸ್ಥಿತವಿತ್ತು.
ಸಿನಿಮಾ ತನ್ನ ಸ್ಟಾರ್ ಕಾಸ್ಟ್ ಮತ್ತು ಸ್ಟಾರ್ ಡೈರೆಕ್ಟರ್ ಸಲುವಾಗಿ ಸಖತ್ ಸದ್ದು ಮಾಡುತ್ತಿದೆ. ಪ್ರೇಮ್ ಆ್ಯಕ್ಷನ್ ಕಟ್ ಹೇಳುತ್ತಿರೋ ಚಿತ್ರದಲ್ಲಿ ಧ್ರುವ ಸರ್ಜಾ ಮುಖ್ಯಭೂಮಿಕೆಯಲ್ಲಿದ್ದರೆ, ಬಾಲಿವುಡ್ ಖಳ ನಾಯಕ ಸಂಜಯ್ ದತ್ ಮತ್ತು ಬಾಲಿವುಡ್ ಬೆಡಗಿ ಶಿಲ್ಪಾ ಶೆಟ್ಟಿ ಪ್ರಮುಖ ಪಾತ್ರದಲ್ಲಿದ್ದಾರೆ. ಧ್ರುವ ಸರ್ಜಾ ಜೋಡಿಯಾಗಿ ರೀಷ್ಮಾ ನಾಣಯ್ಯ ನಟಿಸಿದ್ದಾರೆ. ಚಿತ್ರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆ ಆಗುತ್ತಿದ್ದು, ಇಂದು ಮುಂಬೈನಲ್ಲಿ ಪಂಚ ಭಾಷೆಗಳಲ್ಲಿ ಟೀಸರ್ ರಿಲೀಸ್ ಆಗಿದೆ.
ನಿಮಿಷ 11 ಸೆಕೆಂಡುಗಳುಳ್ಳ ಟೀಸರ್ ಭರ್ಜರಿ ಆ್ಯಕ್ಷನ್, ರಕ್ತಸಿಕ್ತ ದೃಶ್ಯಗಳಿಂದ ಕೂಡಿದೆ. ‘ಅವರಿಬ್ಬರದ್ದು ರಕ್ತ ಸಂಬಂಧ, ಆದ್ರೆ ಆ ರಕ್ತ ಹರಿತಿದ್ದದ್ದು ಮೈಯಲ್ಲಲ್ಲ….’ ಅನ್ನೋ ಡೈಲಾಗ್ ಕಂಪ್ಲೀಟ್ ಮಾಸ್ ಸಿನಿಮಾದ ಒಂದು ಝಲಕ್ ಕೊಟ್ಟಿದೆ. ಕೊನೆಗೆ, ಕಂಪ್ಲೈಟ್ ಕೊಡೋಕೆ ಬಂದಿದ್ದೀನಿ ಸರ್, ಬರ್ಕೋ.. ತಲೆ ಸಿಕ್ಕಿದೆ, ಬಾಡಿ ಸಿಕ್ಕಿಲ್ಲ ಅನ್ನೋ ಡೈಲಾಗ್ನೊಂದಿಗೆ ಟೀಸರ್ ಮುಕ್ತಾಯಗೊಂಡಿದೆ. ಶೀಘ್ರದಲ್ಲೇ ಸಿನಿಮಾ ಬಿಡುಗಡೆ ಎಂದು ಟೀಸರ್ ಕೊನೆಯಲ್ಲಿ ತಿಳಿಸಲಾಗಿದೆ.
ಟೀಸರ್ ರಿಲೀಸ್ಗೂ ಮುನ್ನ ಮಾತನಾಡಿದ್ದ ನಟಿ ರೀಷ್ಮಾ ನಾಣಯ್ಯ, ಫೈನಲಿ ಇಂದು ನಮ್ಮ ಕೆಡಿ ಟೀಸರ್ ರಿಲೀಸ್ ಆಗುತ್ತಿದ್ದು, ಉತ್ಸುಕಳಾಗಿದ್ದೇನೆ. ನಾನೂ ಕೂಡಾ ಇನ್ನೂ ಟೀಸರ್ ನೋಡಿಲ್ಲ. ಮಧ್ಯಾಹ್ನ 12:30ಕ್ಕೆ ಎಲ್ಲರೂ ಒಟ್ಟಿಗೆ ನೋಡೋಣ. ನಿಮಗೆಲ್ಲರಿಗೂ ಟೀಸರ್ ಇಷ್ಟವಾಗುತ್ತದೆ ಎಂದು ನಂಬಿದ್ದೇನೆ. ನಿಮ್ಮ ಪ್ರೀತಿ-ಆಶೀರ್ವಾದ ನನ್ನ ಇಡೀ ಟೀಮ್ ಮೇಲಿರಲಿ ಎಂದು ಕೇಳಿಕೊಂಡಿದ್ದರು. ಕೆವಿಎನ್ ಪ್ರೊಡಕ್ಷನ್ಸ್ನ ವೆಂಕಟ್ ಕೆ ನಾರಾಯಣ್ ನಿರ್ಮಾಣ ಮಾಡುತ್ತಿರುವ ಈ ಚಿತ್ರಕ್ಕೆ, ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ಸಿನಿಮಾ ಶೀಘ್ರದಲ್ಲೇ ಬಿಡುಗಡೆ ಆಗಲಿದೆ.
