ಇತ್ತೀಚಿನ ದಿನಗಳಲ್ಲಿ ಯುವ ಜನತೆಗೆ ತಮ್ಮ ದೇಹವನ್ನು ಆರೋಗ್ಯದಿಂದಿಡುವ ಕ್ರೇಜ್‌ ಇದೆ. ಅದಕ್ಕಾಗಿ ಅವರು ಬಗೆ ಬಗೆಯ ವ್ಯಾಯಾಮ ಮಾಡುತ್ತಾರೆ? ಜಿಮ್ ಗೆ ಹೋಗುತ್ತಾರೆ ಹಾಗೂ ಡಯೆಟಿಂಗ್‌ ಮಾಡುತ್ತಾರೆ. ಫಿಟ್ನೆಸ್ ಗೆ ಕುರಿತಂತೆ ಅವರ ಮನಸ್ಸಿನಲ್ಲಿ ಕೆಲವು ತಪ್ಪು ಕಲ್ಪನೆಗಳಿರುತ್ತವೆ. ಅವನ್ನು ಮನಸ್ಸಿನಿಂದ ಹೊರಹಾಕುವುದೇ ಉತ್ತಮ.
ವ್ಯಾಯಾಮಕ್ಕೂ ಮುಂಚೆ ಸ್ಟ್ರೆಚ್ ಮಾಡುವುದು ಅತ್ಯವಶ್ಯ : ಕೆಲವು ಜನರು ವ್ಯಾಯಾಮ ಮಾಡುವ ಮೊದಲು ಸ್ಟ್ರೆಚ್ ಮಾಡಬೇಕೆಂದು ಹೇಳುತ್ತಾರೆ. ಆದರೆ ಇದಕ್ಕೂ ಉತ್ತಮವೆಂದರೆ, ವ್ಯಾಯಾಮದ ಬಳಿಕ ಡೈನಾಮಿಕ್‌ ಸ್ಟ್ರೆಚ್ ಮಾಡುವುದು ಉತ್ತಮವಾಗಿರುತ್ತದೆ. ಆಗ ಕೀಲುಗಳು ಹಾಗೂ ಸ್ನಾಯುಗಳು ಬಿಸಿಯಾಗಿರುತ್ತವೆ. ಅದರಿಂದ ಸ್ಟ್ರೆಸ್‌ ಕಡಿಮೆಯಾಗುತ್ತದೆ. ಪೋಸ್ಚರ್‌ ಮತ್ತು ರಕ್ತಪರಿಚಲನೆ ಅತ್ಯುತ್ತಮಗೊಳ್ಳುತ್ತದೆ.
ಜಿಮ್ ನಲ್ಲಿ ಹೆಚ್ಚು ಹೊತ್ತು ಎಕ್ಸರ್‌ ಸೈಜ್‌ ಮಾಡುವುದು ಹೆಚ್ಚು ಒಳ್ಳೆಯದು :
ಇದು ಕೂಡ ನಿಜವಲ್ಲ. ಹೆಚ್ಚು ಹೊತ್ತು ವ್ಯಾಯಾಮ ಹಾಗೂ ವರ್ಕ್ ಔಟ್‌ ಮಾಡುವುದಕ್ಕಿಂತ, ನೀವು ಯಾವ ವ್ಯಾಯಾಮ ಮಾಡುತ್ತೀರೊ ಅದನ್ನು ಧೈರ್ಯದಿಂದ ಮಾಡಿ ಹಾಗೂ ಸರಿಯಾದ ರೀತಿಯಲ್ಲಿ ವರ್ಕ್ ಔಟ್‌ ಮಾಡುವುದರಿಂದ ಹೆಚ್ಚಿನ ಲಾಭವಿದೆ. ಅದಕ್ಕಾಗಿ ಏರೋಬಿಕ್‌ ಎಕ್ಸರ್‌ ಸೈಜ್‌ ಗಿಂತ ಮುಂಚೆಯೇ ಸ್ಟ್ರೆಂಥ್‌ ಟ್ರೇನಿಂಗ್‌ ತೆಗೆದುಕೊಳ್ಳಬೇಕು. ಇದರಿಂದ ದೇಹದಲ್ಲಿರುವ ಕಾರ್ಬೊಹೈಡ್ರೇಟ್‌ ಬಹುಬೇಗ ಜೀರ್ಣವಾಗುತ್ತದೆ.
ಆ ಬಳಿಕ ಏರೋಬಿಕ್‌ ಎಕ್ಸರ್‌ ಸೈಜ್‌ ಮಾಡುವುದರಿಂದ ದೇಹದಲ್ಲಿರುವ ಫ್ಯಾಟ್‌ ಹಾಗೂ ಕೊಲೆಸ್ಟ್ರಾಲ್ ದಹಿಸಲ್ಪಡುತ್ತದೆ. ಕೇವಲ ಜಿಮ್ ನಲ್ಲಿ ವರ್ಕ್ ಔಟ್‌ ಮಾಡುವುದರಿಂದಷ್ಟೇ ಎಲ್ಲವೂ ಸರಿಹೋಗುವುದಿಲ್ಲ. ಅದರ ಜೊತೆಗೆ ನಡಿಗೆ, ಈಜು, ಸೈಕ್ಲಿಂಗ್‌ ಕೂಡ ಮಾಡುತ್ತಿರಬೇಕು.
ಸ್ಟ್ರೆಂಥ್‌ ಟ್ರೇನಿಂಗ್‌ ಬಂದ್‌ ಆಗುವುದರಿಂದ ಮಸಲ್ಸ್ ಫ್ಯಾಟ್‌ ಆಗಿ ಪರಿವರ್ತನೆಗೊಳ್ಳುತ್ತವೆ : ಮಸಲ್ಸ್ ಎಂದೂ ಫ್ಯಾಟ್‌ ಆಗಿ ಪರಿವರ್ತನೆಗೊಳ್ಳುವುದಿಲ್ಲ. ಸ್ಟ್ರೆಂಥ್‌ಟ್ರೇನಿಂಗ್‌ ನಿಲ್ಲಿಸುನಿದರಿಂದ ಮಸಲ್ಸ್ ನ ಮೂವ್ಸ್ ಕುಗ್ಗಬಹುದು. ಅದರಿಂದಾಗಿ ಮೆಟಬಾಲಿಸಂ ಕಡಿಮೆಯಾಗುತ್ತದೆ. ಮೆಟಬಾಲಿಸಂ ಮಂದಗೊಳ್ಳುವುದರಿಂದ ಕಡಿಮೆ ಕ್ಯಾಲೋರಿ ದಹಿಸಲ್ಪಡುತ್ತದೆ ಹಾಗೂ ತೂಕ ಹೆಚ್ಚುವ ಸಾಧ್ಯತೆಯೂ ಇರುತ್ತದೆ. ದೇಹ ಸ್ಥೂಲಗೊಳ್ಳುವುದರಿಂದ ಕೋಲನ್‌ ಪ್ಯಾಂಕ್ರಿಯಾಸ್‌, ಕಿಡ್ನಿ, ಗಾಲ್ ಬ್ಲ್ಯಾಡರ್‌, ಬ್ರೆಸ್ಟ್ ಮುಂತಾದ ಅಂಗಗಳಲ್ಲಿ ಕ್ಯಾನ್ಸರ್‌ ನ ಸಾಧ್ಯತೆ ಹೆಚ್ಚುತ್ತದೆ.
ಬಾಡಿ ಫ್ಯಾಟ್‌ ದಹಿಸುವ ಗುರಿ ಸಾಧಿಸಬಹುದು : ವರ್ಕ್ ಔಟ್‌ ನಿಂದ ನೀವು ನಿಮ್ಮ ದೇಹದ ಫ್ಯಾಟ್‌ ನ್ನಂತೂ ದಹಿಸಬಹುದು. ಆದರೆ ನಿಮ್ಮ ದೇಹದ ನಿರ್ದಿಷ್ಟ ಅಂಗವೊಂದರ ಫ್ಯಾಟ್‌ ನ್ನು ದಹಿಸುವುದನ್ನು ಖಾತ್ರಿಪಡಿಸಿಕೊಳ್ಳಲಾಗುದಿಲ್ಲ. ವರ್ಕ್ ಔಟ್‌ ನ ಸಂದರ್ಭದಲ್ಲಿ ನಿಮ್ಮ ದೇಹದ ಫ್ಯಾಟ್‌ ದಹಿಸಲ್ಪಡುತ್ತದೆ. ಆದರೆ ದೇಹದ ನಿರ್ದಿಷ್ಟ ಭಾಗದ ಫ್ಯಾಟ್‌ ದಹಿಸುವ ಗುರಿಯನ್ನು ಈಡೇರಿಸಿಕೊಳ್ಳಲು ಆಗುವುದಿಲ್ಲ.
ಹೆಚ್ಚು ತೂಕ ಎತ್ತುವುದರಿಂದ ಬಾಡಿ ಟೋನ್‌ ಮತ್ತು ಶೇಪ್‌ ಉತ್ತಮಗೊಳ್ಳುತ್ತದೆ : ವೇಟ್‌ ಲಿಫ್ಟಿಂಗ್ ನಿಂದ ಬಾಡಿ ಟೋನ್‌ ಹಾಗೂ ಶೇಪ್‌ ಒಳ್ಳೆಯದಾಗುತ್ತದೆ. ಆದರೆ ಇದರಿಂದ ನೀವು ಬಾಡಿ ಬಿಲ್ಡರ್‌ ರೀತಿ ಕಂಡುಬರುವುದಿಲ್ಲ. ಮಹಿಳೆಯರಲ್ಲಿ ಟೆಸ್ಟೊಸ್ಟೆರಾನ್ ಮಟ್ಟ ಕಡಿಮೆಯಿರುತ್ತದೆ. ಈ ಕಾರಣದಿಂದ ಅವರಲ್ಲಿ ಮಸಲ್ಸ್ ಬಿಲ್ಡಿಂಗ್‌ ಪುರುಷರ ಹಾಗೆ ಕಂಡುಬರುವುದಿಲ್ಲ. ವೇಟ್‌ ಲಿಫ್ಟಿಂಗ್ ನಿಂದ ನಿಮ್ಮ ಕ್ಯಾಲೋರಿ ಅವಶ್ಯವಾಗಿ ದಹಿಸಲ್ಪಡುತ್ತದೆ ಮತ್ತು ಹೆಲ್ದಿ ವೇಟ್‌ ಮೆಂಟೇನ್‌ ಆಗಿರುತ್ತದೆ. ಹೆಲ್ದೀ ವೇಟ್‌ ಅನೇಕ ರೋಗಗಳನ್ನು ಕೂಡ ದೂರ ಇಡುತ್ತದೆ.
ಕ್ರಂಚೆಸ್‌ ಒಂದು ಉತ್ತಮ ವರ್ಕ್ ಔಟ್‌ : ಕ್ರಂಚೆಸ್‌ ಬೆಲ್ಲಿ ಫ್ಯಾಟ್‌ ದಹಿಸಲು ಸೂಕ್ತ ಆಗಿರುವುದಿಲ್ಲ. ಇದಕ್ಕಾಗಿ ಕಾರ್ಡಿಯೋ ವರ್ಕ್ ಔಟ್‌ ಹಾಗೂ ರೆಝಿಸ್ಟೆನ್ಸ್ ಟ್ರೇನಿಂಗ್‌ ಅತ್ಯುತ್ತಮ ವ್ಯಾಯಾಮವಾಗಿದೆ.
ಎಕ್ಸರ್‌ ಸೈಜ್‌ ಮಾಡಿ ನೀವು ಏನನ್ನಾದರೂ ಸೇವಿಸಬಹುದು : ಎಕ್ಸರ್‌ ಸೈಜ್‌ ನ ಅರ್ಥ ನೀವು ಹೇಗೆ ಬೇಕೋ ಹಾಗೆ ತಿನ್ನುವುದು ಅಲ್ಲ. ಸಮತೋಲಿತ ಹಾಗೂ ಪೌಷ್ಟಿಕ ಆಹಾರ ಯಾವುದೇ ಎಕ್ಸರ್‌ ಸೈಜ್‌ ಅಥವಾ ವರ್ಕ್ ಔಟ್‌ ಗಿಂತ ಹೆಚ್ಚು ಅವಶ್ಯಕ. ಸೂಕ್ತ ಆಹಾರ ವೇಟ್‌ ಮ್ಯಾನೇಜ್‌ ಮೆಂಟ್‌ ಹಾಗೂ ಆರೋಗ್ಯದಿಂದಿರಲು ಅವಶ್ಯಕ. ಎಕ್ಸರ್‌ ಸೈಜ್‌ ಅಥವಾ ವರ್ಕ್ ಔಟ್‌ ನಿಮಗೆ ಸೂಕ್ತ ಆಹಾರದ ಜೊತೆ ಹೊಂದಾಣಿಕೆ ಮಾಡಿಕೊಳ್ಳಲು ಅವಕಾಶ ಕೊಡುವುದಿಲ್ಲ.
ಟ್ರೆಡ್‌ ಮಿಲ್ ಮೇಲೆ ಹೆಚ್ಚು ನಡೆಯುವುದರಿಂದ ತೂಕ ನಿಯಂತ್ರಣದಲ್ಲಿರುತ್ತದೆ : ಟ್ರೆಡ್‌ ಮಿಲ್ ಮೇಲೆ ಹೆಚ್ಚು ಹೊತ್ತು ನಡೆಯುವುದರಿಂದ ತೂಕ ನಿಯಂತ್ರಣದಲ್ಲಿರುತ್ತದೆ ಎಂದು ಹೇಳಲಾಗದು. ತದ್ವಿರುದ್ಧ ಎಂಬಂತೆ ಇದು ನಿಮ್ಮ ಕ್ಯಾಲೋರಿ ದಹಿಸುತ್ತದೆ. ಟ್ರೆಡ್‌ ಮಿಲ್ ಕಾರ್ಡಿಯೋ ಎಕ್ಸರ್‌ ಸೈಜ್‌ ಆಗಿದ್ದು ವೇಟ್‌ ಮ್ಯಾನೇಜ್‌ ಮೆಂಟ್‌ ಗಾಗಿ ಪ್ರತ್ಯೇಕವಾಗಿ ವೇಟ್‌ ಟ್ರೇನಿಂಗ್‌ ವರ್ಕ್ ಔಟ್‌ ಮಾಡಬೇಕಾಗುತ್ತದೆ.
ಎಲ್ಲಿಯವರೆಗೆ ಬೆವರು ಬರುವುದಿಲ್ಲವೋ ಅಲ್ಲಿಯವರೆಗೆ ವರ್ಕ್ ಔಟ್‌ ಪೂರ್ತಿಗೊಳ್ಳುವುದಿಲ್ಲ : ಇದು ಎಲ್ಲರಿಗೂ ಅವಶ್ಯಕವಲ್ಲ. ಅದರಲ್ಲೂ ವಿಶೇಷವಾಗಿ ವೇಟ್‌ ಲಿಫ್ಟರ್‌ ಗಳಿಗೆ ತೂಕ ಹೆಚ್ಚು ಕ್ರಮದಲ್ಲಿ ನಡುನಡುವೆ ಅವರು ಕೆಲವು ನಿಮಿಷಗಳ ಕಾಲ ರಿಲ್ಯಾಕ್ಸ್ ಆಗಬೇಕಾಗುತ್ತದೆ. ಏಕೆಂದರೆ ಅವರ ನರ್ವಸ್ ಸಿಸ್ಟಮ್ ರಿಕವರ್‌ ಆಗಬೇಕಿರುತ್ತದೆ ಮತ್ತು ಹೆಚ್ಚೆಚ್ಚು ತೂಕ ಎತ್ತಲು ಸಿದ್ಧಗೊಳಿಸಬೇಕಿರುತ್ತದೆ. ಈ ಅವಧಿಯಲ್ಲಿ ಅವರಿಗೆ ಬೆವರು ಬರದೇ ಇರಬಹುದು.
ಪ್ರತ್ಯೇಕ ವರ್ಕ್ ಔಟ್‌ ಬಳಿಕ ಎಲೆಕ್ಟ್ರೋಲೈಟ್‌ ಅವಶ್ಯ : ನಾರ್ಮಲ್ ವರ್ಕ್ ಔಟ್‌ ಬಳಿಕ ಸ್ಪೋರ್ಟ್‌ ಡ್ರಿಂಕ್ಸ್ ಅಥವಾ ಎಲೆಕ್ಟ್ರೋಲೈಟ್‌ ಅವಶ್ಯಕವೇನಿಲ್ಲ. 1 ಗಂಟೆಗಿಂತ ಹೆಚ್ಚು ಹೊತ್ತು ಕಾರ್ಡಿಯೊ ವರ್ಕ್ ಔಟ್‌ ಅಥವಾ ದೀರ್ಘ ಮ್ಯಾರಾಥಾನ್ ರನ್ನಿಂಗ್‌ ನಡುವೆ ಅದನ್ನು ಸೇವಿಸಬಹುದಾಗಿದೆ. ಇಲ್ಲದಿದ್ದರೆ ಸ್ಪೋರ್ಟ್‌ ಡ್ರಿಂಕ್‌ ಕುಡಿಯುವುದರಿಂದ ಅನವಶ್ಯಕವಾಗಿ ಶುಗರ್ ಲಭಿಸುತ್ತದೆ ಮತ್ತು ಫ್ಯಾಟ್‌ ದಹಿಸುವ ಪ್ರಕ್ರಿಯೆಯಲ್ಲಿ ಅಡ್ಡಿಯನ್ನುಂಟು ಮಾಡುತ್ತದೆ.
– ಶಕುಂತಲಾ
