ಗಂಡಸರಿಗೆ ಹೋಲಿಸಿದಾಗ ಹೆಣ್ಣುಮಕ್ಕಳು ಹೂಡಿಕೆಗಳಲ್ಲಿ ಕಡಿಮೆ ಹಣ ತೊಡಗಿಸುತ್ತಾರೆ. ಇದರ ಹಿಂದಿನ ಕಾರಣ ತಿಳಿಯುವುದು ಹಾಗೂ ಯಶಸ್ವೀ ಇನ್ವೆಸ್ಟರ್‌ ಆಗುವುದು ಎಷ್ಟು ಮುಖ್ಯ ಎಂದು ವಿವರಾಗಿ ತಿಳಿಯೋಣವೇ.....?
ಮಹಿಳೆಯರು ಮನೆಯ ಜ್ಯೋತಿಗಳಂತೆ, ಅದರಲ್ಲೂ ಗೃಹಿಣಿ ಮನೆಯ ಕೇಂದ್ರಬಿಂದು, ನಂದಾದೀಪ! ಇತ್ತೀಚೆಗೆ ಹೊರಗಿನ ಪ್ರಪಂಚದಲ್ಲೂ ಹೆಂಗಸರ ಪಾರುಪತ್ಯ ಪ್ರಬಲವಾಗಿದೆ. ತಮ್ಮ ಯೋಗ್ಯತೆಯ ಆಧಾರದಿಂದ ಉನ್ನತ ಹುದ್ದೆಗಳನ್ನೇರುತ್ತಾ, ಉನ್ನತ ಉದ್ದಿಮೆಗಳನ್ನು ನಿರ್ವಹಿಸುತ್ತಾ ಸೈ ಎನಿಸುತ್ತಿದ್ದಾರೆ. ಎಷ್ಟೋ ಸಲ ಇವರ ಸಂಬಳ ಪುರುಷ ಸಹೋದ್ಯೋಗಗಳಿಗಿಂತ ಹೆಚ್ಚೇ ಇರುತ್ತದೆ. ಆದರೂ ಅವರಿಗೆ ಆರ್ಥಿಕ ಸ್ವಾತಂತ್ರ್ಯದ ಅರಿವಿಲ್ಲ. ಅವರು ಹೋಮ್ ಮೇಕರ್‌ ಯಾ ಉದ್ಯೋಗದಲ್ಲಿರಲಿ, ಉಳಿತಾಯ ಮಾಡುವುದರಲ್ಲಿ ಎತ್ತಿದ ಕೈ! ಆದರೆ ಕೇವಲ ಗಳಿಸುವುದು ಹಾಗೂ ಉಳಿತಾಯ ಮಾಡುವುದು ಮಾತ್ರ ಸಾಲದು. ಅವರಿಗೆ ಉಳಿತಾಯದ ಹೂಡಿಕೆಯನ್ನು ಎಲ್ಲಿ, ಹೇಗೆ ಮಾಡಬೇಕು ಇತ್ಯಾದಿಗಳ ಟೆಕ್ನಿಕ್ಸ್ ತಿಳಿದಿರಬೇಕು. ಈ ಕುರಿತಾಗಿ ಆಳವಾದ ಆರ್ಥಿಕ ಜ್ಞಾನ ಹೊಂದಿರಬೇಕಾದದೂ ಅಷ್ಟೇ ಮುಖ್ಯ. ಹಾಗಾದಾಗ ಮಾತ್ರ ಭವಿಷ್ಯದಲ್ಲಿ ಅವರು ಆರ್ಥಿಕ ಸ್ವಾತಂತ್ರ್ಯದ ರುಚಿ ಸವಿಯಲು ಸಾಧ್ಯ.
ನೀವು ಸಣ್ಣ ಸಣ್ಣ ಕಡೆ ಉಳಿತಾಯ ಮಾಡಿ, ಸಾಕಷ್ಟು ಹಣ ಒಂದೆಡೆ ಸಂಗ್ರಹಿಸಿದ್ದೀರಿ ಎಂದಿಟ್ಟುಕೊಳ್ಳಿ. ಆದರೆ ನಂತರ ಇದನ್ನು ಎಲ್ಲಿ ಹೂಡಿಕೆ (ಇನ್‌ ವೆಸ್ಟ್) ಮಾಡುವುದು ಎಂದು ತಿಳಿಯದೆ ಗೊಂದಲಕ್ಕೆ ಈಡಾಗಬಾರದು. ಇದೇ ತರಹ ಆಕಸ್ಮಿಕ ದುರಂತದಿಂದಾಗಿ ನಿಮ್ಮ ಪತಿ ಆಸ್ಪತ್ರೆಯಲ್ಲಿ ಅಡ್ಮಿಟ್‌ ಆಗಿದ್ದರೆ, ನೀವು ಬ್ಯಾಂಕಿಗೆ ಹೋಗಿ ಹಣ ಕಟ್ಟುವುದು/ಪಡೆಯುವುದು ಮಾಡುವುದೇ ಗೊತ್ತಿಲ್ಲ ಅಂದ್ರೆ ಬಹಳ ಕಷ್ಟಕ್ಕೆ ಬರುತ್ತದೆ. ಅವರ ಮೆಡಿಕ್ಲೇಮ್ ಪಾಲಿಸಿ ಹೇಗೆ ಕ್ಲೇಮ್ ಮಾಡುವುದು ಎಂಬುದೂ ತಿಳಿದಿರಬೇಕು. ಅಕಸ್ಮಾತ್‌ ಅವರು ಆ್ಯಕ್ಸಿಡೆಂಟ್‌ ನಿಂದಾಗಿ 1-2 ತಿಂಗಳು ಕಡ್ಡಾಯ ಬೆಡ್‌ ರೆಸ್ಟ್ ತೆಗೆದುಕೊಳ್ಳುವಂತಾದರೆ, ನೀವೇ 1-2 ತಿಂಗಳು ಅವರ ಎಲ್ಲಾ ವ್ಯವಹಾರ, ಮನೆವಾರ್ತೆ ಗಮನಿಸಬೇಕಾದೀತು. ಆಗ ಕಣ್‌ ಕಣ್‌ ಬಿಟ್ಟು ಕೂರುವುದರಿಂದ ಕೆಲಸ ಕೆಡುತ್ತದೆ.
ನೀವು ಇಬ್ಬರು ಮಕ್ಕಳ ತಾಯಿ ಆಗಿದ್ದರೂ, ಇನ್ನೂ ನಿಮಗೆ ಪತಿಯ ಬಿಸ್‌ ನೆಸ್‌, ಮನೆಗೆ ಸಂಬಂಧಿಸಿದ ಫೈನಾನ್ಸ್ ನಿಭಾಯಿಸಲು ಗೊತ್ತಿಲ್ಲ ಅಂದ್ರೆ ಕಡುಕಷ್ಟ. ಇಂಥ ಸಂದರ್ಭದಲ್ಲಿ ನೀವು ಹತ್ತಿರದವರ ನೆರವು ಬೇಡುತ್ತಾ ಎಷ್ಟು ದಿನ ಕಾಯಲು ಸಾಧ್ಯ? ಇಂಥ ಅನೇಕ ಉದಾಹರಣೆಗಳಿಂದ ನಮಗೆ ತಿಳಿದುಬರುವುದು ಅಂದ್ರೆ ಮಹಿಳೆಯರಿಗೆ ಫೈನಾನ್ಸಿಯಲ್ ನಾಲೆಜ್‌ ಬಲು ಮುಖ್ಯ ಎಂಬುದು. ಯಾರ ಕುಟುಂಬದಲ್ಲಿ ಯಾವಾಗ ಬೇಕಾದರೂ ಎಮರ್ಜೆನ್ಸಿ ಕಾಣಿಸಿಕೊಳ್ಳಬಹುದು. ಆಗ ನೀವು ಆ ಜವಾಬ್ದಾರಿಯನ್ನು ಸಮರ್ಥವಾಗಿ ನಿರ್ವಹಿಸುವಂತೆ ಇರಬೇಕು. ಹೀಗಾಗಿ ಮಹಿಳೆಯರು ಆರ್ಥಿಕ ರೂಪದಲ್ಲಿ ಸ್ವತಂತ್ರರಾಗಿರುವುದು ಅತಿ ಅವಶ್ಯಕ.
ಮಹಿಳೆಯರು ಬೆಟರ್‌ ಹೂಡಿಕೆದಾರರಾಗುವುದು ಹೇಗೆ?
ಮಹಿಳೆಯರ ಮ್ಯಾನೇಜ್‌ ಮೆಂಟ್‌ ಕುರಿತಾಗಿ ಯಾವುದೇ ಸಾಲು, ಪ್ರಶ್ನಾರ್ಥಕ ಚಿಹ್ನೆ ಮೂಡುವುದಿಲ್ಲ. ಅವರು ತಮ್ಮ ಕುಟುಂಬ ಮಾತ್ರವಲ್ಲದೆ, ಸಮಾಜ, ದೇಶ, ಮಹಾನ್‌ ದಿಗ್ಗಜ ಕಂಪನಿಗಳ ಸಿಇಓ ಆಗಿ ಖ್ಯಾತರಾಗಿದ್ದಾರೆ. ಹೀಗೆ ಪ್ರತಿಯೊಂದು ಕ್ಷೇತ್ರದಲ್ಲೂ ತಾವೆಂಥ ಪ್ರಾಬಲ್ಯ ವಹಿಸಬಲ್ಲೆವು ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಆದರೆ ಒಂದು ವಿಷಯದಲ್ಲಿ ಮಾತ್ರ ದಟ್ಟ ನಿರಾಸೆ ಇದೆ. ನಮ್ಮ ದೇಶದ ಬಹುತೇಕ ಕುಟುಂಬಗಳಲ್ಲಿ ಹೆಣ್ಣನ್ನು ಹಣದ ಹೂಡಿಕೆಯ ವಿಷಯದಲ್ಲಿ, ಅದರ ಮ್ಯಾನೇಜ್‌ ಮೆಂಟ್‌ ಕುರಿತಾಗಿ ದೂರ ಇರಿಸಲಾಗುತ್ತದೆ. ಹಣದ ಕುರಿತಾದ ಎಲ್ಲಾ ನಿರ್ಧಾರಗಳನ್ನೂ ಗಂಡಸರೇ ಫೈನಲ್ ಮಾಡುತ್ತಾರೆ. ಹೆಂಗಸರಿಗಿಂತ ತಾವೇ ಬೆಟರ್‌ ಇನ್‌ ವೆಸ್ಟರ್‌ ಎಂದು ಗಂಡಸರು ಬೀಗುತ್ತಾರೆ. ಅದನ್ನು ರೂಢಿಸಲು ಶಿಸ್ತು, ಧೈರ್ಯ, ಏಕಾಗ್ರತೆ ಹಾಗೂ ಅಪಾರ ಪರಿಶ್ರಮದ ಗುಣಗಳ ಅಗತ್ಯವಿದೆ. ಬಹುತೇಕ ಮಹಿಳೆಯರು ಈ ಗುಣಗಳಿಂದ ಖಂಡಿತಾ ಸಂಪನ್ನರಾಗಿರುತ್ತಾರೆ, ಹೀಗಾಗಿ ಗಂಡಸರಿಗಿಂತ ಅವರೇ ಬೆಟರ್‌ ಇನ್‌ ವೆಸ್ಟರ್ಸ್‌ ಆಗಬಲ್ಲರು!
